تونس كلها تتكلم

بصوتها العالي تتقدم

بلاد أعلى م الريح مجنحة

بذراعات أولادها مجنحة اعلى من الأوان العلم

تمشي بشجرها

بحجرها

بترابها

ببحرها تمشي واتهدم

كبيرة بجرحها وكبيرة بحلمها

مأحلاها بشعبها في الحرية يترسم

ما أحلاها بلاد تقول لا

تمد ليد في اليد لا تتقسم

تونس بكلها تتكلم

بصوتها العالي تتقدم

هاي ولات عند الكبار وعند الزغار

عند اللي يقرى واللي ما يقراش

ولات في كل فم

غناية قالها جدي قديم

الفجر ما يطلع كان من ريحة الدم

أشكون يقرى التاريخ

التونسي قلةقي لا يركح ولا يحب الصنم

هكاكة ها الشعب مرة

حزين

ومرة ساكت ومرة يتمرد ع الألم

ما كشي خضرا يا تونس وما كشي سبحة امتاع ياسمين

أنت ثورة ع الألم

يا تونس يا ام الجبارين

بنخلك وزيتونك وأولادك

كل مرة تقولي يزي م الألم

أولادك خرجوا م الصباح

خرجوا م الليل

وبعد الجوع

وخرجوا بعد الموت يرفعوك

يا تونس بكلها تتكلم

وبصوتها العالي تهدم