Memorias dun neno labrego

by Xosé Neira Vilas, Lucía Gómez Álvarez (Adapter)

Balbino é unr apaz da aldea de mediados do século XX que observa o mundo que o arrodea e adoece por entendelo, pero nuinguén lle dá as respostas que precisa. Velaquí unha das obras fundamentais da literatura galega contemporánea, o máis lido e o máis traducido, agora adptado á lectura fácil.

128 pages, Paperback

Published October 1, 2022

About the author

Naceu en Gres, Pontevedra, en 1928. É membro numerario da Real Academia Galega, Doutor Honoris Causa polas universidades da Coruña e da Habana, e Fillo Predilecto do Concello de Vila de Cruces. Entre outros galardóns recibiu a Medalla Castelao, o Pedrón de Honra, o Premio Trasalba. Premio da Crítica Española (novela en galego) e Premio da Crítica Galega (ensaio). É un dos escritores clásicos da literatura galega.
Emigrou a Arxentina en 1949, onde fixo a carreira de Xornalismo. Foi Secretario Xeral das Mocedades Galeguistas, e Secretario da Comisión Organizadora do histórico Congreso da Emigración Galega. Casou coa escritora cubana, de ascendencia galega, Anisia Miranda, en 1957. Xuntos fundaron ese mesmo ano “Follas Novas”, editorial e distribuidora do libro galego no continente americano.
Colaborou na prensa galega de Buenos Aires e publicou nesa cidade o poemario Dende lonxe, en 1960, e a novela Memorias dun neno labrego,en 1961, ano en que Neira e Anisia van vivir a Cuba. Alí funda é dirixe a Sección Galega do Instituto de Literatura e Lingüística. Desempeña diversos traballos na administración, colabora na prensa, e exerce durante seis anos a xefatura de redacción da revista infantil Zunzún. Dende 1992 reside na súa parroquia natal, onde preside a Fundación que leva o seu nome. (A súa compañeira Anisia faleceu en 2009).

Reviews

[Ana Arias Castro · Rating 4 out of 5]

Esta versión de banda deseñada do libro de Xosé Neira Vilas, Memorias dun neno labrego era unha débeda que tiña eu desde hai un tempo.

Non hai moito lin o libro orixinal e de novo puiden comprobar o porqué do seu éxito. É unha novela que explica moi ben o século XX no mundo rural en Galicia, esa pobreza, a estratificación social e a falta de mobilidade entre clases, a emigración como saída e o contacto permanente coa natureza que hoxe en día fomos perdendo mesmo os que vivimos no campo. E nese contexto un Balbino que medra e loita por entender o mundo e atopar o seu lugar.

Esta versión paréceme un acerto porque, especialmente para un público novo, as imaxes poden supoñen unha ponte moi útil para achegarse a unha historia que moitos lectores actuais non chegan a través das palabras pois descoñecen xa ese vocabulario do mundo rural. Por outra banda está moi ben recollida a esencia da obra orixinal e gústanme moito as ilustracións e mais o formato grande que facilita en voa medida a lectura.

Que boto de menos? a pucha na cabeza de Balbino, un elemento que eu sempre vin ao ler a obra orixinal e, por suposto, a enorme riqueza do galego de Neira, pero está claro que é algo que hai que sacrificar neste formato. Paréceme unha gran versión e creo que pode ser unha boa alternativa para os lectores aos que lles guste a banda deseñada ou queiran un apoio visual á hora de coñecer esta obra imprescindible. Moi bo traballo esta adaptación de Iria Aldegunde!

[Ana Gómez · Rating 4 out of 5]

Perfecto para darlle a ler ao alumnado con dificultades na linguaxe

[Paula]

Una adaptación preciosa de un clásico. Se nota que está hecho con mucho cariño, que bien que Pablo me lo dejó. :)