لابد من خيانة

by عمر طاهر

Genres: Poetry

51 pages

About the author

https://www.goodreads.com/quotes/7991... أقوال الكاتب
..
من أقوال الكاتب_2
https://www.goodreads.com/quotes/8042...
...
مواليد صعيد مصر فى منتصف السبعينيات. صدر له عدة كتب من بينها( أثر النبى – قصص قصيرة من وحى السيرة)، (إذاعة الأغانى – سيرة شخصية للغناء)، (شركة النشا و الجلوكوز- نص مفتوح)، (بالقرب من نهر بيدرا – ترجمة لرواية باولو كويلو)، (رصف مصر – ألبوم ساخر مُصور). كتب للسينما عدة افلام من بينها ( طير أنت، يوم مالوش لازمة، كابتن مصر). أصدر عدة دواوين شعرية من بينها ( قهوة و شيكولاتة) و ( مشوار لحد الحيطة). كتب أغنيات لكثيرين من بينهم أصالة و رامى صبرى و أحمد عدوية و كايروكى و سعاد ماسى وأحمد سعد و محمد عساف. قدم عدة برامج إذاعية من بينها ( واحد صاحبى)، ( الطريق إلى عابدين)، (شفت ربنا مع عزيز الشافعى). قدم عدة برامج تليفزيونية منها (مصرى أصلى) و (اتجنن مع كوكا كولا). كتب عدة مسرحيات من بينها ( يا طالع القلعة) و (شغل عفاريت)، كتب للتليفزيون مسلسل الكارتون (سوبر هنيدى). حصل على عدة جوائز من بينها جائزة أفضل كاتب فى 2015 فى إستفتاء مجلة الشباب، و حصل كتابه إذاعة الأغانى على جائزة أفضل كتاب 2015فى إستفتاء المكتبات و القراء. كتب لمعظم الصحف و المجلات المصرية،و يكتب حاليا مقالا أسبوعيا فى جريدة الأهرام، و جريدة الأخبار.
....

Reviews

[AhmEd ElsayEd · Rating 1 out of 5]

محاولة عمر طاهر كتابة الشعر أو الخواطر
كمحاولة أبو تريكة لعب البيسبول مع اليانكيز

[Mohamed · Rating 1 out of 5]

أنا بقول عمر طاهر يخليه أحسن في كتابة الأدب الساخر فهو فيه جيد
افضل من كتاباته الشعرية اللي زي المية دي ... ملهاش لا طعم ولا لون ولا ريحة

[أميــــرة · Rating 3 out of 5]

مش متعوّد ع التصريح
بس عرفت الحب كتير
قلبي بيفرح .. بالتلميح
بس بيهرب م المشاوير

*******

أنا قلبي فتيل .. إياك تشعله
حاسب
لا تصالحه .. ولا تزعله
قلبي و متربي على الاحساس
و دموعه بتجرح زي الماس
أنا قلبي مخالف قلب الناس
و اوعى تفكر يوم .. تعدله



خواطر لـ عمر طاهر بقالها أكتر من عشر سنين !
حسيت فيها بـ عمر مختلف .. حسيته بطعم المراهقة و قلة الخبرة .. في الموضوعات نفسها مش في حرفية الكتابة ..

يعيب بعض الخواطر -من وجهة نظري- الافراط في استخدام كلمات "الويسكي" و "السجاير" و "الولاعة" .. هو حرّ طبعا بس معجبتنيش يعني !

[Carol nabil · Rating 1 out of 5]

إيه ياجدعان ! .. هو الفوت على الكاتب ولا الكتاب ؟؟

طب ركيك جدا على فكرة.

[Sarah · Rating 2 out of 5]

قلبي الليلادي حزين
قلبي ف غايه الاسف
وردي رويته ف سنين
فجأه لقيته اتقطف
مال القمر مجروح
سهران حلاوه روح
مع نجم شال الهم
انا ليه يا ليلي نسيت
ومن الورود نقيت
وردايه لون الدم؟

********
تعرفي..
لما باشوفك
قلبي ينسى مطرحه
واما ييجي يقول بحبك...
الغنا بيريحه..
الغنا...دا اوفى صاحب...
لما يبقى القلب حابب...
يوصف اللي بيجرحه..
والليله دي حبي بان
والشتا دفى المكان
نفسي اقولك من زمان
تسمحي بالرقصه ديا؟

[Asmaa · Rating 3 out of 5]

انا قلبى فتيل إياك تشعله !!
لا تصالحه .. ولا تزعله ..
قلب ومتربى على الإحساس ..
ودموعه بتجرى زى الماس ..
أنا قلبى مخالف قلب الناس ..
واوعى تفكر يوم تعِدِلهُ .

[Draziza Ali · Rating 3 out of 5]

النص لطيف و بسيط اللفظ كبير المعنى... فأعجبنى .

[Noura Rizk · Rating 3 out of 5]

في حاجات مش فهمتها :)) ... يمكن لما اقرأ الكتاب تاني افهمها ولو اني مش مع اني لازم افهم خواطر اي بني ادم كلها يعني لان الخواطر دي معظمها تجارب شخصيه حصلت لكاتبها وبالتالي اكتر حد هايفهما وهايحس بيها هو الكاتب نفسي

في حاجات عجبتني اوي
زي
بقيت بصاحب كل حاجه عمرها قصير

الشتا ابن عم الحنين ... صاحبي الوحيد

"الشتا"

واحشنى واستني
لا ورد يرد ولا حنه
يا طير سارح على كيفه
لا طايل نار ولا جنه

"شوف يا حبيبي "


ستكبر بشكل كاف لأن تعرف كل الاجابات
ولكنك وقتها ستكون قد نسيت الاسئله

"على الريق"


البكا بيزيد لما بيتقسم على خمسه


كلما سألتنى كيفك ... تذكرت اني لست بخير


مال القمر مجروح
سهران حلاوة روح
مع نجم شايل هم
انا ليه يا ليلى نسيت
ومن الورود نقيت
وردايه لون الدم

"حبات السكر"

"كلام مليان"

"موت"

"القلب فتيل

[نجلاء سعيد · Rating 3 out of 5]

البنت دى

لو مستك

لو فاتحتك ف حاجة ...ممكن تجرحك

اسمع لها

دى أقسى م الجرح ال محتاج تقطفه

وأجمل من الصوت ال مالى وحدتك

وأدفى م التعب ال كاسى نظرتك

إنما..

البنت دى لو حبتك

اوعى ف يوم تحبها

15/1/1993

[Lamia selim · Rating 1 out of 5]

العذر الوحيد للكتاب دا انه القصايد قديمة
لكن لو قدر لعمر طاهر اعادة هيكلتها من الجديد فأنا متاكدة انه هينتج
ويخرج احلى ماعنده

[Aya Hassan · Rating 2 out of 5]

اقل كتاب استمتعت به لعمر طاهر

[محمد رشوان · Rating 4 out of 5]

الشتا
واحشنى باقولها واستنى
لا ورد يرد او حنه
ياطير سارح على كيفه
لا نار طايل .. ولا جنه

[ghada MarȜe · Rating 1 out of 5]

اعتقد انه من الحاجات المبكرة اللى كتبها عمر طاهر الاسلوب ضعيف جدا كأى مبتدئ بالكتابة بيجرب حظه يعنى

[Hoda Elsayed · Rating 2 out of 5]

مش لاقيه حآجـة أقتبسهـآ ..

يليق بعمر طآهر ردآء الأدب السآخر أكثر !! ;) :D

[Usra · Rating 5 out of 5]

كان من زمان بتمر علىَّ كُتب عمر طاهر وقريت منهم تلاتة تقريباً، لكن الكتاب دا خلاني فعلاً أقع في حُب كلماته وتعبيراته وجمالها.
أدمنت.

[Abeer · Rating 1 out of 5]

أن يكون الديوان عامياً ليس مبرر للغلطات الإملائية مثلا ليه * بابكي* ليييه؟؟
ستكون هذه أخر مرة أقع في فخ الديوان العامي:)

[Raghad · Rating 1 out of 5]

*مش مِتعود ع الأحزان
بس القلب اتعبى دموع*

[محمد مصطفى · Rating 2 out of 5]

تعرفى لما بشوفك
قلبي ينسى مطرحه
واما ييجي يقول بحبك...
الغنا بيريحه..
الغنا...دا اوفى صاحب...
لما يبقى القلب حابب...
يوصف اللي بيجرحه..
والليله دي حبي بان
والشتا دفى المكان
نفسي اقولك من زمان
تسمحي بالرقصه ديا
..........
تعرفى
شكلى هاطير
حاسس الجنه هنا
شعرك المفرود حرير
وفى ايديكى حلمنا
وفى عنيكى مزيكات..
والشموع والبالونات
..لقينا روحنا لوحدنا
والهوى والحب بان
والشتا دفى المكان
نفسى اقولك من زمان
تسمحى تحسى اللى بيا..
...............................................................
أكتر قصيدة عجبتنى فى الكتاب غير كدا مفهمتش اى حاجة :)

[خلود · Rating 2 out of 5]

لا أريد ان اغير الكون .. ولكنني لاأريده ان يغيرني

********
اوعى تصدق..
اني انتحرت حزنا على نبضي اللي وقف من زمان
انا بس عايزك ترمي عليا ورده مش دبلانه
وتقول لي بيت شعر واحد هزك بصحيح.
ماتشغلش بالك بيا ..
انا بس عازمك..
بس علشان اخر الليل تنسحب زيي .. في هدوء..
وتقفل وراك..
اخر باب مالحقتش افتحه

********

أنا قلبي فتيل .. اياك تشعله
حاسب
لاتصالحه ولاتزعله
قلب ومتربي على الإحساس..
ودموعه بتجرح زي الماس..
انا قلبي مخالف قلب الناس..
واوعى تفكر يوم.. تعدله

[Hend · Rating 3 out of 5]

مش لازم نفهم دايما اللى بيتكتب عشان يعجبنا احيانا بنحتاج نحسه صحيح ان ده يمكنمش المستوى اللى متعودة عليه من عمر طاهر لكن الاحساس موجود فى كل كلمة و الحدوتة اللى ورا كل كلمة بتخليك تنفعل سواء بابتسامة او بدموع او حتى بعصبية و ساعات بحيرة عشان مش فاهم .
ده غير ان قصيدة تسمحى بالرقصة ديا ؟ كانت كافيه عشان تخلينى اسامح عمر طاهر على ان الكتاب مش فى روعة كتبه النثرية