عرفوه بالحزن

by عمر طاهر

ديوان شعر

Genres: Poetry

100 pages, Paperback

About the author

https://www.goodreads.com/quotes/7991... أقوال الكاتب
..
من أقوال الكاتب_2
https://www.goodreads.com/quotes/8042...
...
مواليد صعيد مصر فى منتصف السبعينيات. صدر له عدة كتب من بينها( أثر النبى – قصص قصيرة من وحى السيرة)، (إذاعة الأغانى – سيرة شخصية للغناء)، (شركة النشا و الجلوكوز- نص مفتوح)، (بالقرب من نهر بيدرا – ترجمة لرواية باولو كويلو)، (رصف مصر – ألبوم ساخر مُصور). كتب للسينما عدة افلام من بينها ( طير أنت، يوم مالوش لازمة، كابتن مصر). أصدر عدة دواوين شعرية من بينها ( قهوة و شيكولاتة) و ( مشوار لحد الحيطة). كتب أغنيات لكثيرين من بينهم أصالة و رامى صبرى و أحمد عدوية و كايروكى و سعاد ماسى وأحمد سعد و محمد عساف. قدم عدة برامج إذاعية من بينها ( واحد صاحبى)، ( الطريق إلى عابدين)، (شفت ربنا مع عزيز الشافعى). قدم عدة برامج تليفزيونية منها (مصرى أصلى) و (اتجنن مع كوكا كولا). كتب عدة مسرحيات من بينها ( يا طالع القلعة) و (شغل عفاريت)، كتب للتليفزيون مسلسل الكارتون (سوبر هنيدى). حصل على عدة جوائز من بينها جائزة أفضل كاتب فى 2015 فى إستفتاء مجلة الشباب، و حصل كتابه إذاعة الأغانى على جائزة أفضل كتاب 2015فى إستفتاء المكتبات و القراء. كتب لمعظم الصحف و المجلات المصرية،و يكتب حاليا مقالا أسبوعيا فى جريدة الأهرام، و جريدة الأخبار.
....

Reviews

[محمد مكرم]

عمر طاهر من أصحاب القلم الرشيق، لكن الشعر تحديداً يتطلب موهبة خاصة ربما لا يمتلكها
لم يعجبني الكتاب و لم يترك أثراً في نفسي

[سارة درويش]

أكيد هرجعله تاني لما أكون في نفس الحالة دي !
حلو أوي .. مش هتكلم عن شعر ووزن وكلام من اللي مش بفهم فيه
لكن .. هتكلم عن صدق وبساطة كلام دخل جوا قلب القلب
قال حاجات نفسي أقولها ومش عارفة ، وحاجات ماكنتش عارفة اني نفسي أقولها !
وحاجات عمري ما فكرت فيها بس لما قالها لقيت نفسي بقولها

قتيل أوضة المونتاج خطفت قلبي أوي !

عجبتني أوي الأجزاء دي

في أي حتة في الدنيا
فيه اتنين بدأوا حياتهم
في بيت ناقصهُ حاجات كتير ..
لكن مليان .
وبمرور الوقت ..
بيتملي البيت ..
بس ساعتها بيكون ناقصه حاجات كتير !

مع نهاية التسقيف الجماعي
بتفضل سقفة شاردة
أطول من اللازم
صاحب السقفة دي غالباً هيتعب في حياته
لو ما اتعلمش يسقف زي الناس !


بنت اللذين اللي هتفتح الباب دلوقتي وتدخل فجأة
لو بس تعرف أنا مستنيها بقالي قد إيه ؟!

أرجوكوا عيدوا النظر
وبصوا مرة كمان .
يا جماعة .. ساعدوني !
أنا فعلاً شايف حاجات إنتوا مش شايفينها !

عيل بيلعب كورة في الشارع
قامت عربية خبطته
كَمّلِت الكورة عمرها بين الناس
وكانوا كلهم عارفين
إن الكورة حزينة على الي ياما لعب بيها
مش علشان أشطرهم
ولا أسرعهم
لكن لأنه كان الوحيد اللي ممكن يموت نفسه عشانها !


وتشوفه .. تحبهُ
أو .. تكرههُ
بس ما تقدرش تقول ما شفتهوش .


في المظاهرات ...
عساكر أمن مركزي
بتضرب ناس بتصرخ علشان فيه ناس تانية بتتضرب .
بالليل ...
بتنام العساكر وضميرها مستريح ..
وبيفضل الضرب صاحي !

[Mohammed Abbas]

مجموعة جمل بلا معنى أو عمق أبعد ما تكون عن الشعر بمعناه المفهوم
انصح الكاتب بقراءة الكثير من الشعر و مقارنة أنتاجه بأبداع من سبقوه كي يدرك قيمة ما يكتيه

[Mayar Hassan]

توقعت عملاً أفضل من ذلك، خاصة أن عمر طاهر أحد كتابي المفضلين، لكنه خيب ظني
من أسوأ ما قرأت هذا العام

[Aya]

فى اى حتة فى الدنيا
فى اتنين بدوا حياتهم
فى بيت ناقصة حاجات كتير
لكن مليان وبمرور الوقت
بيتملى البيت بس ساعتها بيكون ناقصة حاجات كتير
...............................................
لو الواحد بيختار المشاهد اللى بيشوفها
مكنتش هختار انى اشوف مشهد وداعك
كنت ودعتك وعنيا مغمضين
كنت ودعتك ونا بمسح دموعى باديا الاتنين
............................................
وهما بيعدوا الشارع جت اديها فى ايدة صدفها
ابتسملها.. بحبك
وهى ابتسمت وانا بحترمك جدا
ومن يومها وهو بيحترمها جدا وهى مبتحبوش
.......................................
مش مهم كلمة جديدة اكتشفتها النهاردة اول ما صحيت من النوم مش مهم
..................................................
بنت اللذين اللى هتفتح الباب دلوقتى وتدخل لو تعرف انا كنت مستنيها بقالى اد اية
:::::::::::::::::::::::::::::::::::::::::::::::::::::::::::::::
البنت اللى عينها دبلانة
بتفرح بهدوء
وتحزن بشياكة
وتبقى قاصدة كل بصة
وبتبقى صادقة
وتسيبك تغيب براحتك
وتستقبلك لو رجعت فى اى لحظة بعيونها الدبلانين
:::::::::::::::::::::::::::::::::::::::::::::::::::::
عمال العب بالبنات ولا واحدة عحبانى
انا مكسوف من نفسى جدا بقيت لعبةالبنات
::::::::::::::::::::::::::::::::::::::::ك
انا وانتى عارفين اننا نسينا النص وبندور برة الكلا م المكتوب على الحقائق
:::::::::::::::::::::::::::::::::::::::::::::::::
بينى وبين نفسى انا حاجتين
الاولى مش قادرة احددها
والتانية دمعة مخبياها العين
::::::::::::::::::::::::::::::::::::::

[AhmEd ElsayEd]

عمر طاهر كاتب متميز في مجال الكتابة الساخرة
أما عن كتابة الشعر، لا تعليق

[امتياز]

كل مرة باقول اني مش راح اقرأ شعر لعمر طاهر .. ارجع واقرأ له .. اكثر حاجة غيظاني موووووت انه بيسمي كلماته شعر .. طيب حد يفهمني كيف شعر يعني ََ؟

بجد شيء مش طبيعي . . كلام مرصوص جنب بعضه ما تعرفش اوله من اخره وبيقول عنه شعر ، طيب كيف بس .. حد يفهمني ؟؟؟

صحيح انا بأحب قراءة مقالاته بس بصراحة شعره مش قوي خالص وحرام والله العظيم حرام يتقال عنه شعر

[Mohamed]

حسناً يمكننا القول بأن عمر طاهر ليس لديه موهبة الشعر

[Mohamed Fawzy]

قصيدة النثر .. مش قادر أهضمها كويس كشعر فصحى .. ومش قادر أبلعها أصلا كـ شعر عامية .

بس بعيد عن المُسميّات و التقسيمات .. خلينا نقول "الكتاب" دا فيه أفكار و مشاعر مُختفة :)

أوحش بنت فى الدنيا
البنت إللى شايفة نفسها حلوة
و أحلى بنت فى الدنيا
البنت إللى إللى شايفة الدنيا حلوة !
***
كل واحد
بيحاول يعمل من الناس قصة عمره
إلا الشاعر
بيحاول يعمل من عمره قصة .. لكل الناس
***
البنت إللى صدرها صغير
حضنها ديمًا مقفول
بس لو فتحت لك حضنها مرة
مش هتقفله فى وشك تانى أبدًا
لأنها خلاص
مبقاش عندها حاجة تتكسف منها ..

***

علامات الإستفهام
بتبقى بمرور الوقت جروح فى الروح
و بتعلم البنى آدم .. الغُنا
**

وهما بيعدوا الشارع جت اديها فى ايدة صدفها
ابتسملها.." بحبك"
وهى ابتسمت "وانا بحترمك جدا"
ومن يومها وهو بيحترمها جدا
وهى مبتحبوش..

[Israa Youssef]

ول قسم في الكتاب هو اكتر حاجة عجبتني

الباقي فيه شوية سماجة كدة

اقتباسات
------------
وهما بيعدوا الشارع
ايديها جت في ايده صدفة
ابتسم وقال لها بحبك
هي كمان ضحكت وقالت
-وأنا بحترمك جدا
ومن يومها
هو بيحترمها
وهي ما بتحبهوش

“مع نهاية التسقيف الجماعي
بتفضل سقفة شاردة
أطول من اللازم
صاحب السقفة دي غالباً هيتعب في حياته
لو ما اتعلمش يسقف زي الناس !”


“عيل بيلعب كورة في الشارع
قامت عربية خبطته
كَمّلِت الكورة عمرها بين الناس
وكانوا كلهم عارفين
إن الكورة حزينة على الي ياما لعب بيها
مش علشان أشطرهم
ولا أسرعهم
لكن لأنه كان الوحيد اللي ممكن يموت نفسه عشانها !”

[Nehal Elekhtyar]

بيعجبنى خواطر عمر طاهر بلغته العامية
والديوان ده اعجبنى منه بعضها
...............................
في أي حته في الدنيا
في أتنين بدأو حياتهم
في بيت ناقصه حاجات كتير
لكن.. مليان
وبمرور الوقت
بيتملى البيت
بس ساعتها بيكون
ناقصه حاجات كتير
------------------------------------
مع نهاية التسقيف الجماعي
بتفضل سقفة شاردة
أطول من اللازم
صاحب السقفة دي غالباً هيتعب في حياته
لو ما اتعلمش يسقف زي الناس
---------------------------------------
أوحش بنت في الدنيا
البنت اللي شايفه نفسها حلوه
وأحلى بنت في الدنيا
البنت اللي شايفة الدنيا حلو

[Ess Magdi]

أول قسم فى الكتاب هو أكتر قسم عجبنى
و هو ده اللى خلانى ادى للكتاب 5 نجوم
و أكتر حتة عجبتنى فيه



وهما بيعدوا الشارع
ايديها جت في ايده صدفة
ابتسم وقال لها بحبك
هي كمان ضحكت وقالت
-وأنا بحترمك جدا
ومن يومها
هو بيحترمها
وهي ما بتحبهوش


و دى كمان


“عيل بيلعب كورة في الشارع
قامت عربية خبطته
كَمّلِت الكورة عمرها بين الناس
وكانوا كلهم عارفين
إن الكورة حزينة على الي ياما لعب بيها
مش علشان أشطرهم
ولا أسرعهم
لكن لأنه كان الوحيد اللي ممكن يموت نفسه عشانها !

[Sarah Yehia]

"لو الواحد بيختار المشاهد اللي بيشوفها
مكنتش هختار إني أشوف مشهد وداعك
كنت ودعتك وعينيا مغمضين
كنت ودعتك وأنا بمسح دموعي بإيديا الإتنين
لو الواحد بيختار يودّع مين"


It`s Hard To Say Goodbye .........

[Eslam Elsayed]

مش أي حد يقدر يفهمه ..
و حتى انا مش متأكد إني فهمته
بس اللي متأكد منه إني حسيت بحالة
حاله كده ما عرفش ليه جاتلي ولا أعرف أمتى هتمشى وتسيني ! :)

هو مش شعر بالمعنى التقليدي هو كلام .. كلام من القلب

[✴عائشہ✴]

لو اعتبرناة خواطر يبئا كفاية عليه 3 نجمات
اما لو اعتبرناه شعر يبئا نجمة واحة كفاية اوى

انا عن نفسي اعتبرته خواطر

ودي احلي واحدة عجبتني :)

أوحش بنت في الدنيا
البنت اللي شايفة نفسها حلوه.
وأحلي بنت في الدنيا
البنت اللي شايفة الدنيا حلوه

كتاب لذيذ وخفيف الواحد يقدر يفصل بيه :).

[مصطفى عرابى]

كتاب سطحي للغاية .. من أسوأ ما قرأت هذا العام

[محمد رشوان]

يبرز هنا فى نصوص عمر طاهر شكل متقدم من أشكال الحداثة ..

هنا : شعر حر عامّى .. من خلاله يقوم عمر طاهر بأُلفة فك رموز الكلمات ..

من مربع مساحته سنتميرات قليلة يحاول إخراج النصوص ..

هو لا يأخذك فى رحلة عبر الوديان والجبال والأنهار والمحيطات وبلاد تركب الأفيال ..

يأخذك معه إلى حجرته ، أو إلى مقهاه المفضل ..

يغيب عنك ليلقنك تلك الكلمات ...

القضية باختصار قضية وحدة ، عزلة ، تأمل ..فى خلق الله

قد يبدو أن عمر يكتب عن نفسه بشكل صرف .. لكنه فى الحقيقة يكتب عنه وعن الناس والشجر والبنات... والعلاقات البشرية المعقدة

" فى أى حتة فى الدنيا ..
فيه اتنين ..
بدأوا حياتهم ..
فى بيت ناقصه حاجاات كتير
لكن مليان ..
وبمرور الوقت ..
بيتملى البيت ..
بس ساعتها بيكون ناقصه حاجات كتير .."

سيسأل أحدهم .. هل هذا شعر ؟

لا بالطبع . بالمقاييس المتوراثة عن الشعر .. ليس هناك أى موسيقى خارجة من بين ثنايا الكلمات ..
حتى الشعر الحر وقصيدة النثر . تبرز فيهما روح الشعرية ..

ولكن هنا ليس هناك أى رائحة للشعر .. هنا فقط كلمات تأسرك ..
ماهذة الكلمات؟

الأُُلفة التى يكتب بها عمر طاهر و الموّدة ، تجعلك تقبل أن يُطلق على هذا _ مجازاً_ شعر ..

جماليات عمر طاهر تكمن فى بساطته ، وتأنق العبارة يكمن فى تلقائيتها

" باروح الأوبرا
علشان ادوّر على بنت احبها ..
وكل حفلة باخرج من غيرها ..
بس باكون سعيد جداً
لإن دا معناه
إنى هاجى الأوبرا تانى
وادوّر على بنت أحبها"


إنك لا تشعر بالافتعال ولا تشعر بالابتذال

اللغة سهلة جداً وبسيطة ، لا تشعر أنها الكلام المتداول فى الشارع ، ولا تشعر أنه يتحدث بلغة أفلام الأربعينات..

عمر هنا يتحدث عن الهواجس ..التى تطارده فى الصور ..المتمزقة
عن ولد وبنت اخترعهما من خياله ..
عن حبات السكر والرابط بينها وبين السنين ..

عمر هنا يشركك معه _ دون أن يعرفك _ فى المرور الآمن من بين ثنايا عقله ..

عموماً : حتى لا أطيل : أعجبنى الديوان ..

يستحق 3 نجوم ، ونصف ..

شكراً

[Sermeen Abdallah]

طيب مبدأيا كدا
مش هقدر اعتبره
شعر !

ومش عارفه دا يعتبر
ايه بالظبط !!

بس عامة ممكن اعتبره
شوية خواطر
طلعت منه
ساعه عفوية
وطالعة من القلب
وعشان كدا دخلت القلب

القسم الاول
اكتر حاجة عجبتنى
ويمكن دا اللى خلانى
اخليهم نجمتين ونص

فى القسم الاول
تلاقى الكلام طالع
ببساطة وتلاقيه
ومن غير تلاكيع
فى اللغة والكلمات

القسم الثانى والثالث
تحس كدا
ان اللغة
غطت على التلاقية
اللى كانت فى القسم الاول

بس دا ميمنعش
ان
عرفوه بالحزن
هيخليك تعيش
حالة
معرفش هى ايه بالظبط !!
بس اللى اعرفه
ومتأكده منه
انك مش هتعيشها
غير هنا
فى
عرفوه بالحزن

[رامي وفا]

مبدأياً نتفق ان ده مش شعر .. مفيش شعر من غير وزن خالص كده , الكلام لو اتحط جنب بعضه فهو نثر عادي جداً , كان ممكن اديله 3 نجوم لو شال كلمة شعر من بره , وكتب عليها خواطر مثلاً بس عموماً فيه خواطر حلوة أوي وفيها أفكار , وفيه شطحات عمر طاهر المعتادة اللي محدش بيبقا فاهم هو عايز منها ايه ؟ القسم الاول ف الكتاب أعتقد انه كان الافضل

[Marwa]

غصب عني ضحكتلك وسط الهتاف
وافتكرتك والعساكر بتجري عليا .. ففرحت
علشان كدا غرامنا صوته عالي
من ساعة ما ايديكي اتمدت تطبطب مكان ما العساما عصيان العساكر نزلوا ضرب


البنت اللي عينيها دبلانه
بتفرح بهدوء
بتحزن بشياكه
وبتبقي قاصده كل بصه
وبتبقي صادقه...
وبتسيبك تغيب براحتك
وتستقبلك لو رجعت في اي لحظه ..
بعيونها الدبلانين

[نرمين الشامي]

كل مرة بسأل نفسى ليه بتعملى كده
ليه بتقرى كتب شعر لعمر طاهر وانتى عارفة انه مش هيعجبك
هل هى ماسوشية ممكن
هل هو حب تعذيب للذات احتمال
هل هو تكفير للذنوب ربما
لكن الاكيد ان عمر طاهر فى الادب الساخر حمادة وفى الشعر حمادة مات من الخضة
على قد ما بحب عمر طاهر فى الادب الساخر على قد ما بكره ما يطلق عليه شعره

[إبتهال ممدوح]

أسم الكتاب وهمي ــ الكتاب عباره عن مقتطفات من مذكرات الكاتب ـ انا كبنت في استطاعتي ان اكتب احسن منها فنحن بارعين في تدوين مذكراتنا ،، و لم يعجبني ان كأنه يكتب لنفسه فبعض الفقرات لم افهم قصده ــ لو اراد ان يخفي قصده لا مانع و لكن فليحتفظ بها لنفسه لا ان ينشرها لنا !!!!

[Sarah Sabry]

نجمه واحده على الفصل الأول ,, بس
غير كده مش حلو !

[Eng. Mohamed ali]

لاول مره استاء من قراءة احد مؤلفات عمر طاهر ..ممكن تكون تللك الخواطر لها معانى خاصة بيه ...ولكن انها لاتهم احد غيره

[Salem Elmenhali]

هراء أدبي لا أكثر

[بسمة العوفي]

مؤلم..صادق ..موجع.. جدا

[Gamal Mohamed]

كتاب ملوش تلاتين لازمة ...

[Nesma Mostafa]

أثناء معرض الكتاب لهذا العام، والعام الماضي. خرجت كثير من الآراء بتوضح مدى انحطاط الشعر، وخصوصًا العامي منه. وتقول أين زمن فلان وعلان!
في الحقيقة، كان عند الكثير منهم الحق فيما يقولونه، خاصة بأن ما كانوا ينتقدونه لا يصح بأن يسمى شعر، ولا يليق بأن يُضم داخل غلاف ويُطلق عليه اسم كتاب/ ديوان شعر.

اليوم قرات ما يسمى بـ "عرفوه بالحزن" لـ عمر طاهر.. وأنا شخص غير مُحب للشعر بصفة دائمة، ولكن أستطيع تذوقه. فقولت: نقرأ، علنا نستفاد بفكرة ما.
ويا ليتني ما فعلت!
هراء داخل كتاب، اللهم إلا القليل من بعض "القصائد" وليس لأسلوبها، وإنما لاستشعاري انها توحي بفكرة ما.
فرق كبير بين الـشخبطات، وما يطلق عليه "الشعر العامي". فرق كبير. ولذلك اندهش لماذا لا يراه البعض، ويهيئ له شيطان نفسه أنه كاتب للشعر؟
الانحطاط موجود منذ زمن، والرابح من يطور نفسه، وينأى بشخصه عن هذا كله.
ربما لو كنت قرأت هذا الكتاب منذ سنوات، لكنت قيمته تقييم أفضل من ذلك، ولربما انبهرت!
ولكن أحمد الله أن هذا لم يحدث.

لن أحكم على "عمر طاهر" من خلال هذا الهراء. خاصة وأن ذلك أول كتاب يجمعني به. وسيشفع له عندي أن أغلبت المدونات داخل الكتاب مؤرخة ما بين 1999: 2003.

لا انصح بقراءته، وسأقيمه بنجمة واحدة.
لينك التحميل: http://www.elbookar.com/2016/07/blog-...

[Amira Saeed]

إكتشاف
مش مهم
كلمة جديدة إكتشفتها النهاردة الصبح أول ما صحيت من النوم
مش مهم

سقفة شاردة
فى نهاية التسقيف الجماعى
سقفة شاردة
أطول من اللازم
صاحب السقفة دى غالبا حيتعب فى حياته
لو ما اتعلمش يسقف زى الناس

لـــو
لو الواحد بيختار المشاهد إالى يشوفها
ماكنتش حأختار إنى أشوف مشهد وداعك
كنت ودعتك و عينيا مغمضين
كنت ودعتك وأنا بمسح دموعى بإيديا الاتنين
....
لو الواحد بيختار يودع مين ؟
ـــــــــــــــــــــــــــــــــــ
ببساطة بحب الشعر العامى جدا
تحديدا عحبنى جدا عرفوه بالحزن
نسبة صغيرة جدا من الاشعار المكتوبه هى الى توهتنى عن معناها
حبات السكر

[Sara]

قرأته في نص ساعه , ده لأنه خفيف
نطلع من جو اعتباره شعر خالص , لأنه هيبقي ثقيل في الحكم عليه
خليه نقد خفيف يشبهه :)
...*
باروح الأوبرا علشان أدور علي بنت
أحبها وكل حفلة بأخرج من غيرها بس بكون سعيد
جدا لأن ده معناه اني هاجي تاني علشان أدور علي بنت أحبها
** ده مش حب يا عم طاهر حرام عليك **:D
اسم الديوان عجبني اوي
بالنسبة لبعض الخواطر اللي في النص
حسيت أنها تويتات صغيرة
بس تمام , تلت نجوم لأنه جه في وقت موده