مشوار لحد الحيطة

by عمر طاهر

Genres: Poetry

48 pages, Paperback

About the author

https://www.goodreads.com/quotes/7991... أقوال الكاتب
..
من أقوال الكاتب_2
https://www.goodreads.com/quotes/8042...
...
مواليد صعيد مصر فى منتصف السبعينيات. صدر له عدة كتب من بينها( أثر النبى – قصص قصيرة من وحى السيرة)، (إذاعة الأغانى – سيرة شخصية للغناء)، (شركة النشا و الجلوكوز- نص مفتوح)، (بالقرب من نهر بيدرا – ترجمة لرواية باولو كويلو)، (رصف مصر – ألبوم ساخر مُصور). كتب للسينما عدة افلام من بينها ( طير أنت، يوم مالوش لازمة، كابتن مصر). أصدر عدة دواوين شعرية من بينها ( قهوة و شيكولاتة) و ( مشوار لحد الحيطة). كتب أغنيات لكثيرين من بينهم أصالة و رامى صبرى و أحمد عدوية و كايروكى و سعاد ماسى وأحمد سعد و محمد عساف. قدم عدة برامج إذاعية من بينها ( واحد صاحبى)، ( الطريق إلى عابدين)، (شفت ربنا مع عزيز الشافعى). قدم عدة برامج تليفزيونية منها (مصرى أصلى) و (اتجنن مع كوكا كولا). كتب عدة مسرحيات من بينها ( يا طالع القلعة) و (شغل عفاريت)، كتب للتليفزيون مسلسل الكارتون (سوبر هنيدى). حصل على عدة جوائز من بينها جائزة أفضل كاتب فى 2015 فى إستفتاء مجلة الشباب، و حصل كتابه إذاعة الأغانى على جائزة أفضل كتاب 2015فى إستفتاء المكتبات و القراء. كتب لمعظم الصحف و المجلات المصرية،و يكتب حاليا مقالا أسبوعيا فى جريدة الأهرام، و جريدة الأخبار.
....

Reviews

[Noura Rizk]

لو عاوز تقرأ شعر لعمر طاهر حاول مش تحكم عليه من أول مره دايما اقرا الكتاب تاني هاتحس احساس مختلف

الكتاب كان فيه حاجات حلوه اوووي

زي دا


قطر عساكر مهزومين

اكيد حاسسها

محطات

قبل الخماره بشارع


6.10 صباحا

غلطان

وفي جمل عجبتني اوووووي زي :

الحزن زي الناس في كل حته
---
طيب ايه يلضم ما بين حنيني وحاجاتها اللي راحت
---
دوامه قولت ليه
سكينه قولة أي
ماقدرش أبيع عينيكي
واشرب من الخمره ضي
---

كل عفاريت الموت بتهرب لما تحس انك كرهت عمرك موت
---
نفسي في حد أهديه الشجن الليلادي
---
في حاجات بتفوت ع العين وتصحيها وفي حاجات بتفوت عالقلب وبتعميه
---

تنسحب بثقه وترتجل أي حجه مقنعه للفراق
مثلا انك عايز تلحق حاجه فاتتك زمان
أو ان ميعاد موتك جه
أو انك تواجهها بصراحه وانت مديها ضهرك
---
كان مبهج أكتر من الشتا
---

[AhmEd ElsayEd]

ليس كل ما يكتبه الإنسان في البدايات يصلح للنشر
ستجاهد لتفهم هل هذا شعر؟
أم خواطر؟
أم نثر؟
أم رسائل؟

[بسمة العوفي]

عمر طاهر هنا كان بيفكر أكتر
بس ده مينمنعش إنه زي ما هو
بيحس..بيحلم..وحيد
أو زي ما قال علي نفسه
بلياتشو ورومانسي وكئيب وحبيب

[امتياز]

مشوار لحد الحيطة أشعار بالعامية المصرية

معلش حد يشاور لي بالضبط على الأشعار ؟؟ هي فين الاشعار دي بالضبط

انا مش فاهمة ولا حاجة من الكلام المرصوص جنب بعضه

هذا لا هو نثر ولا شعر ولا .. ولا حاجة

[سيد السيد]

كتب د. سيد محمد السيد قطب

شعرية الإهداء عند عمر طاهر في مشوار لحد الحيطة

بقلم قطب النقد: س. م. السيد

أهدى عمر طاهر ديوانه "مشوار لحد الحيطه" إلى باقة خماسية الأبعاد:

- البعد الأول: شخصيات مصرية وعربية مسّت صفحة الوطن وكتبت فيها كلمة أثرت في أهله، من هذه الشخصيات: "مصطفى محمود / فيروز / جمال عبد الناصر / الشيخ محمد رفعت / صلاح جاهين / يحيي حقي/ عبد الغني السيد..".

- بماذا نفسّر وجود شخصيات مثل الأديب الطبيب مصطفى محمود والرئيس ناصر والشيخ رفعت وفنان الكاريكاتير الشاعر جاهين والقاص حقي (صاحب قنديل أم هاشم والبوسطجي وصح النوم وحقيبة في يد مسافر) والمطرب عبد الغني السيد والمطربة فيروز في إهداء طاهر؟

- إن الكاتب –في غالب الأحيان– يهدي عمله لشخصيات يعرفها بالفعل كان لها دور في حياته، من هذا المنظور يمكن القول إن عمر طاهر يرى الشخصيات الرمزية في نفسه كما لو كانت أصدقاء له بالفعل، كما لو كانت من أسرته، كما لو كانت من أساتذته في المدرسة أو المؤسسة الإعلامية، كما لو كانت من جيرانه، كما لو كان يجاذبها أطراف الحديث وهم يتذوقون معا طعم الشاي الساخن، إن الصحبة معنى وليست وجودا اجتماعيا، فأصحابنا هم الذين نأنس بهم حين يظن الناس أننا وحدنا، بالتالي نرى عمر طاهر ينظر إلى البشر الذين في داخله، إنهم أصدقاؤه، والرابط بينه وبينهم هو الوطن الذي تتشكل ملامحه من عطاء المخلصين له ولإنسانيتهم وللقيم المطلقة، إن أصدقاءنا يتجاوزون الزمان لأن زمانهم يمتد في تيار شعور من أحبهم، مثلما يلقون ظلالهم واحة في المكان الذي تحققت فيه أحلامهم واستمع إلى أصواتهم والتقط ملامح نفوسهم.

انظر
http://almodawwna.blogspot.com.eg/201...

[Mai]

جيد ولكنة دون مستوى باقى كتب عمر طاهر فلقد اعتدت منه مستوى اعلى من ذلك بكثير

[أحمد نفادي]

كتابات طفولية مليئة بالوحدة والحزن
أحلام وتخيلات طفولية
أحبببتها كثيرا
لكني لم أستسغها علي أنها شعر
أحببت جوها وعناها ولم أحب صياغتها علي أنها شعر

[Aliaa Mohamed]

مممممم مش فاهماه ومش عارفة اذا كان العيب منى ولا من عمر طاهر بس هحاول اقراه تانى جايز افهمه

[Amira Saeed]

ماعرفش ليه دايما مابلحقش آخر حاجة فى الليل

لكن الشئ الأكيد

إن فى حاجات بتفوت عالعين و تصحيها -زى ليلى مراد
وفى حاجات بتفوت عالقلب تعميه

وان الحزن زى الناس فى كل حته
والخوف لما يحاوطنى
باحس المسافة مابين وشوش الناس تلغرافات
كلامها عليا
فأدارى وشى من الرد
وأحط إيديا سكرانة فى دفتر المواعيد
أدور على حاجات بتدبحنى
أتوسطن فى المخدة
و

أ
ن
ا
م
.
ـــــــــــــــــــــــــــــــــ
الكتاب تحفة جدا وأغلب الى قاريته فيه متقدم بشكل مكتمل

[Mohammed Youssef]

أجمل شيء في الديوان كسر القافية، لكن الشعر في العموم وصف حالة بشكل متعمق بحيث يلمس الروح، الشعر مش مجرَّد حكايات، من حقّك طبعًا تلم حكاياتك وتتفاخر بيها. ياااااه بقى لو كَتَبت على الغلاف حكايات بالعاميّة المصريّة

[Youssef Abo-Hendia]

عمر طاهر
البلياتشو والرومانسي والكئيب والحبيب
:)

مش بعرف أتكلم بعد ما بقراله لأني بندهش إزاي هوا بيطلع الكلام دة
وبيعبر أوي كدا
بجد مبدع من نوع مختلف

[أميــــرة]

إيه ده أصلا !!!؟؟؟

نجمة واحدة كانت كفاية
بس نجمة كمان عشان قصيدة واحدة عجبتني
!

[Sarah Omran]

انت يدوب ورقة واللى هيقراك هايعرف انك
عمر طاهر :)

خواطر مبعثره مغتربه لا يعرفن احد ولا حتى انفسهن !

[Mai Moustafa]

اغلبه مش فاهماااه

[Hagger El Khesheni]

نعم ؟ مفهمتش ايوها حاااجه ! دي االعبقريه يعني ان محدش يفهم حاجه ؟ :D
مش متعوده من عمر طاهر علي كدا بصراحه!

[Dina]

كتاب سخيف جدا
راي ااقل ما كتب عمر طاهر
خواطر طفوليه

[Zeinab]

حلو اووووى

[Ayatollah ahmed]

كلام من غير معنى و فاضى اوى
مجرد خواطر لا تستحق النشر

[Esraa Gad]

عجبنى فيه حاجات كتير ووقفت ف كذا نقطة اقراها أكتر من مرة, لكن فى حاجات مافهمتهاش ومستوى الغموض هنا أعلى من اى كتاب تانى لعمر طاهر

[Samar Samir]

كلام جنب بعضه محستش فيه شعر ,
تخيلته هيكون زى باقى كتب عمر طاهر اللى قرأتها
و لكن واضح جداً كمية الكاّبة فيه و الشعور بالوحدة ...

[رياض قرقناوي]

كتاب تفوح من أوراقه رائحة الحزن والدموع...

ديوان بالعامية لعمر طاهر الصحفي والأديب وكاتب الأفلام. هو أول ما نشره في حياته على حسب ما قرأت عنه في الويكيبيديا.

لعل أول ما نلاحظه عند القراءة هو كم الكآبة واليأس المحيطان بحياة عمر في تلك المرحلة من حياته... حينما كان في مطلع العقد الثاني من عمره، أفكار انتحارية، نظرة سلبية للمجتمع، وعقلية متشاءمة.

ومن أصعب ما واجهته هو الإبهام في جميع القصائد... حيث أني حين أحسب أني فهمت ما يرمي إليه في القصيدة، أجد أنني مخطئ وأن معنى البيت التالي لا يتماشى مع ما فهمته. المعنى ليس فقط في بطن الشاعر، شكله هضمو كمان 😂💔.

إنه لشيء مؤكد أن تصطدم بكتب لا تعجبك أو تجدها غير مثيرة للإهتمام، ولكنه بالتأكيد جزء من اكتشاف ألوان جديدة والخروج من منطقتك المريحة "comfort zone".

[Hussein Kamal]

إن كان هذا شعر فكلام العرب باطل

[د أحمد مدين]

خواطر بدائية غير قابلة للنشر

[Ibrahim Sultan]

الحقيقة مش عارف أقول إيه!

الكتاب كله ممكن نطلع منه ب3-4 جمل حلوين وبس.

حاولت اشوف أي قافية او أي حاجة تحسسني إنه شعر، لكن باءت كل المحاولات بالفشل.

[Mai Abdeen]

اه مشوار لحد الحيطة خبطه للراس وارجع طوالى ده احساسي ....لكن عنده تعبيرات تحفه صادمه وجديدة ممكن نقول صنعه لفظية تلاعب ثقافه معجونه بزهق افضى الى افتكاس انما لذيذ جدا الخليط ده ممممممم عجبنى ومن التعبيرات دى شرف المحاوله زى عود الكبريت... عبقرية وعجبني يادوب الحق اخبي الشمس في السطوح وافتح باكيته نجوم جديد انما ساعات تتصدم بفلسفة واقعيه يائسة لما يقول السعادة شعور خفي بالحزن وان الحب هو ان تفقد السيطرة دي سلسه بسيطه وتعلم وكالعاده صدمه تانيه لما يقول اقرب بقعه شجن مممممممم فعلا
ومن الحاجات اللى ممكن تعلم جواك وتخبطك

فجأة بيبقى الكون اسئلة
وبدون ورقة اجابة
بنحاول نغش م اللى راحو سر السعادة

وكمان

انا متأكد انه الشمس تخص الكل

والاحلى

وباب مفتوح
بيسمح لكل الناس
تخطي جوايا بالشمال
عندا فيا
عجبنى العند هنا جدا
M@I

[Toqa Medhat]

"لا عمرى انتحرت و لا عارف اعيش
مع انى بأفتح صدرى
و أدى مليون حياه
لجمله مزيكا
قصيده جديده
صوت جميل
وطن لسه مجاش
ماأعرفش مين هزنى .. و علمنى ما افرحش بهدوء"

تقييمات الكتاب قليلة جدًا لسبب غير مفهوم بالنسبة لي مع إن فعلًا حسيته لطيف ورغم إنه آخد موود عمر طاهر الريلاكسد العادي بس مكانش "خفيف" قد كدة, حسيته مُعبر أكتر وحبيت ده جدًا في الكتاب.
شايفاه من كتاباته اللي فيها تجربة لحاجة مختلفة عن بيور نوستالجيا\بهجة\روشنة معتادة من عمر طاهر وكان بيجرب أكتر في سبيكترم المشاعر ف ده كان شيء لطيف جدًا برأيي.
واصلًا اللي بحبه في أسلوبه هو إنه بيتحس كدة, ف كويس إن يتحس حاجة غير "يااااه, الناس مبقيتش حلوة زي الأول" اللي دايمًا موجودة في أسلوبه.

[Hazem Anwar]

بعض الكتب قد تثير إعجابكـ إلى حد إنكـ لا تستطيـع التعبيـر عن مدى جمالهـآا .. البعض الآخر قد يثير نفوركـ فلا تستطيع أيضاً التعبيـر عن مدى نفوركـ منهـآا .. أثناء قراءة الكتب نسأل أنفسنا هل نستفيـد ؟ ! .. و إن كانت الإجابـة لا .. فما الفائدة من المُضـى فى قرائـتـه .. اختصاراً للحديث " الكتـآاب لم يفيدنى بالمـرة "

[علي]

جميل وايقاعه هادي
أكتر حاجات حبتها
السنترال
12.10 مساء
أكيد حاسسها
نهايته
والحتة دي عجبتني جدا
البنت اللي مبتعرفش تقعد جانبي
البنت اللي واقفه زي ضيقي وخجلي وكدبي
والشر في عنيها بيلعب بيانو
قلتلها
أنا من جسمي المش حقيقي ماقدرش آجي في المنام

[محمد رشوان]

الملل والأمل واليأس والوحدة ..

عمر كتبها فى مرحلة متقدمة من حياته ..

حاول تقارن بين قهوة وشيكولاتة أو : لابد من خيانة اللى بعده مباشرة .. هتلاقى اسلوب عمر تغير تماماً ..

كويس للى زيى .. اللى بالنسبة لهم الشعر : يايلمس حاجة فى دواخلك ، يا ميلمسش

[Esraa Hosny]

مجرد خواطر (في رأيي)لم أشعر نهائيا بالشعر العامي الذي تحدث عنه في المقدمة ،وحتي ان اعتبرتها مجموعة خواطر فهي غير معبرة بالمرة ،لم يعجبني فيها سوي اثنين أو ثلاث (خاطرات)عذرا لا أستطيع أن اقول شعر ،في اعتقادي هو أسوأ ما كتب (عمر طاهر) :(