حوار مع ماضي النجار

by علي سلامة

اللي هناك ده
محل ورد
واللي ف وشه
ورشة حدادة
وده بيت مفهش حد
ودي تقريباً عيادة
ودي حتة أرض فاضية
ودي غنوة
من قلب شادية
ودي دور للعبادة
وده شيء يطول شرحه
وده قلبي اللي تعبني
بس أنا مسامحه
ودول إخوات من بعيد
وده صاحبي من زمان
بيزورني كل عيد
ربنا ما يقطع له عادة
وده شباك حديد
وده عمك سعيد
ودول بقي البنتين
ودي حاجات بتروح وتيجي
كل فين وفين
ودي صورة أبويا
مات وأنا صغير أوي
من غير ما يقوللي إيه
إيه معني السعادة

Genres: Poetry

90 pages, Paperback

First published January 1, 2010

About the author

شاعر مصري تميز شعره بالبساطه والعفويه
ولمس المشاعر ومناقشة القضايا فى واقعنا
وقدمت بعض اعماله غنائياً مع الفنان محمد منير ووجيه عزيز
وأصدر ديوانه الأول بعنوان" ناقص حتّه"

ولد وتربى
فى حى السيدة زينب بمصر 1960
درس الهندسة لكنة كان يتردد على قصر
ثقافة الغورى
مما ساعد على تكوين موهبتة الشعرية
هو لا يدعى أنة من شعراء المعلقات
أو أنه من اعظم شعراء هذا العصر
, لكنة يدعى انة مواطن شاعر
شاعر بالابيات
شاعر بأحاسيس المواطن.


احيانا يظهر الاكتئاب والحزن
واحيانا يظهر التفاؤل والامل
ابتسامة دهشة
إعجاب تساؤل
كلها ردود أفعال قد تراودك
عندما تقرأ قصيدة واحدة لعلى سلامة.


تأثر على سلامة فى شعرة بصلاح جاهين
وبديع خيرى
وبيرم التونسى

Reviews

[Amany Yahia]

المطر يا ابنى

حاجه تانيه خالص

غير عربيه الرش

ساعات اقضى الليل بحاله

وأنا بدور ف كوم القش

عن كلمة

أو غنوة فيها من ريحة سمارة

لكن ف الأخر بنام واصحى

على نفس الوش

عــــارف

أنا غيرت مكان السرير

بقى قفايا للدولاب ووشى للحيط

بس برضه مش مرتاح

يـــــاسيدى

أهى نومه والسلام

يعنى الى جاى م الأيام

هايكون أد اللى راح

على رأيك عموماً

كلها سواد الليل

ويطلع النهار

وتتفرج على ميدان الجيزة

وتعرف إن المشى جنب الحيط

عمره ف يوم ما كان ميزه

وإن أنا النجار

اللى ساب كل شئ حواليه يزيق

أنا اللى رميت البراح

وسكنت ف ركن ضيق

فوتك ف الكلام

ابتدينا نسمع عن التغيير

لكن بعد هات وخد

وروح وتعالى

وكلام كتير

مفيش شئ اتغير يا ابنى

غير وضع السرير

وقفايا اللى بقى باصص ع الدولاب

يـــــاه

هو انت لسه يا ابنى

! ... ونفس الكتاب

أمال بتاخدوا إيه ف المدرسه



على سلامة

[Enas Yahia]

ناقص حتة كان ناقص حتة
حوار ماضي النجار ناقصص حتت أكثر

مين اللي قال إن السلام
تحط دماغك تنام
والعدو يادوب
كام خطوة قدام
وجوانا ومننا فينا
معقول يا ابني
اللي حرر تراب سينا
مش قادر يرجع طريق مصر اسكندرية
عرفت يعني ايه حرية ؟؟؟
اوعى تقوللي ماخدنهاش ف المدرسة

[Mohammed Youssef]

علي سلامة في حواره مع ماضي النجّار عن الصابون أبو ريحة ويوم الخميس والمواويل وسمارة وبائعة المناديل ينصحك في النهاية بألا تأخذ على كلامه

علي سلامة مازال مهمومًا عليكِ يا مصر كما هو معروف عنه ولا شيء جديدا في الأمر

على لسان النجار يحكي لنا شيئا عن الحياة والحكام وأنظمة الحكم من الإنغلاق للإنفتاح للخصخصة والمصمصة وبقر البطون وملئ الكروش وهكذا

لكنني مازلت أعتقد أن علي سلامة مسموعًا أفضل منه مقروءا بمراحل عديدة

ديوان خفيف بالعاميّة المصرية، حتى وإن غلبت قافية أبياته على الشعر

[Huda]

خايف يا ابني يكتر الفساد أكتر وأكتر
وترحل الملايكة الطيبة عن الأرض
أصعب شيء ف الدنيا يا ابني
إن الأيام تبقى كلها شبه بعض

يااه .. ازاي قدرت تلخص كل الحدوتة بمنتهى البساطة في ديوانك ده؟
أكيد .. أكيد .. أكيد .. انتا بتحترم أحلامك وخيالك يا شاعرنا الجميل(less)

[Muhammad Hassan]

ممكن يكون تاثر تقييمى من قرائته للديوان وليس كما تعودت ان اسمع الشعر من على سلامة
ولكن بحثت عن قراءة بصوته ولم اجد
وان كان ديوانه السابق افضل كثيرا

[منى عامر]

:) الجميل علي سلامة
البسيط اللي الكلام بقراه بيدخل القلب على طوول
مبدورش على قافيه و لا وزن و لا فكره

في كلام علي سلامه بستنى بس الإحساس
_________

أنا اللى رميت البراح
وسكنت ف ركن ضيق
___________

خايف يا ابني يكتر الفساد أكتر وأكتر
وترحل الملايكة الطيبة عن الأرض
أصعب شيء ف الدنيا يا ابني
إن الأيام تبقى كلها شبه بعض

[Islam]

ماشي ماشي، ماتخدش على كلامي..هوا الباب فين؟!
بس أما أشوفِك
الله يرحمك يا فؤاد يا حداد الله يرحمك يا صلاح يا جاهين الله يرحمك يا رامي الله يرحمك يا شوقي بك الله يرحمك يا عصام يا عبد الله. الله يرحم الجميع وإن الله وإنا إليه راجعون :(

[Abdul-rahman Salem]

علي سلامة ..

شاعر البساطة والبسطاء، أبدعت ثانية يا زعيم :)

[Islam ibrahim]

شغال ، آخر قصيدة أكتر حاجة عجبتني ..

[Manar Ramadan]

أصعب شئ في الدنيا ياابني
إن الأيام تبقى كلها شبه بعض

[Mariam nour]

بسيط وعظيم