طريق التوابل

by عمر طاهر

طريق التوابل هو أحدث اصدارات عمر، الذي يقدمه بشكل مختلف، حيث يشتمل الكتاب على 30 قصة قصيرة

163 pages, Paperback

First published January 1, 2014

About the author

https://www.goodreads.com/quotes/7991... أقوال الكاتب
..
من أقوال الكاتب_2
https://www.goodreads.com/quotes/8042...
...
مواليد صعيد مصر فى منتصف السبعينيات. صدر له عدة كتب من بينها( أثر النبى – قصص قصيرة من وحى السيرة)، (إذاعة الأغانى – سيرة شخصية للغناء)، (شركة النشا و الجلوكوز- نص مفتوح)، (بالقرب من نهر بيدرا – ترجمة لرواية باولو كويلو)، (رصف مصر – ألبوم ساخر مُصور). كتب للسينما عدة افلام من بينها ( طير أنت، يوم مالوش لازمة، كابتن مصر). أصدر عدة دواوين شعرية من بينها ( قهوة و شيكولاتة) و ( مشوار لحد الحيطة). كتب أغنيات لكثيرين من بينهم أصالة و رامى صبرى و أحمد عدوية و كايروكى و سعاد ماسى وأحمد سعد و محمد عساف. قدم عدة برامج إذاعية من بينها ( واحد صاحبى)، ( الطريق إلى عابدين)، (شفت ربنا مع عزيز الشافعى). قدم عدة برامج تليفزيونية منها (مصرى أصلى) و (اتجنن مع كوكا كولا). كتب عدة مسرحيات من بينها ( يا طالع القلعة) و (شغل عفاريت)، كتب للتليفزيون مسلسل الكارتون (سوبر هنيدى). حصل على عدة جوائز من بينها جائزة أفضل كاتب فى 2015 فى إستفتاء مجلة الشباب، و حصل كتابه إذاعة الأغانى على جائزة أفضل كتاب 2015فى إستفتاء المكتبات و القراء. كتب لمعظم الصحف و المجلات المصرية،و يكتب حاليا مقالا أسبوعيا فى جريدة الأهرام، و جريدة الأخبار.
....

Reviews

[AhmEd ElsayEd · Rating 3 out of 5]

طريق التوابل
الجزء الأول الخاص بالتوابل يحتوي على قصص سطحية، غير ناضجة، ولا تمت للرمزية بصلة
أما عن الجزء الثاني الخاص بالطريق فكان أفضل نسبيًا وبكثير من الجزء الأول
ويصلح نواة لسيناريوهات أفلام تسجيلية قصيرة
أفضل القصص
صلاة في الممر، العمارة، سكر، شوارع، المرح، الخيمة

[Muhammed Hebala · Rating 3 out of 5]

الكتاب الجديد لعمر طاهر كتاب مختلف
المرة دي الكتاب مقسم لجزئين
الجزء الأول و هو التوابل عبارة عن مجموعة قصص فصيرة جدا و رمزية, لحظات زمنية معينة التقطها عمر طاهر و وصفها في تركيز شديد, بعض هذه القصص وص مغزاها و كانت قوية جدا , و البعض الآخر كان خارج السياق و لم تصل الرسالة من وراءه

أما الجزء الثاني فكان الأسهل في القراءة, فهو مجموعة من المقالات الجميلة و الرمزية أيضا لعمر طاهر

من أكثر ما أعجبني كان : الحصان, السجن, الرائحة, ندم, صلاة الجماعة, القوامون, المرح, العمارة, و شوارع

الكتاب في مجمله جميل و ممتع كعادة كتابات عمر, لا يخلو من المغزى " "حدثت فوضى ما انزعج منها كثيرون، فتدخلت الشرطة تحت ترحيب كبار السن وتم إخراج الشباب، وإغلاق العمارة ولكن بصورة أكبر صرامة.
هنا شعر الشباب بالإحباط بعد أن فقدوا قصة تدعو للفخر عن الخوف الذى أزاحوه من قلوب الناس، من المؤكد أنك قادر على تخيل مدى حزنهم، وعلى تخيل مدى رضا كبار الناس عن أنفسهم وشعورهم براحة الضمير.
لكن الأمر الذى لن تستطيع أن تتخيله هو تلك الفرحة العارمة التى يعيشها الآن أشباح العمارة." "

ولا يخلو من الطرفة "الشطاف الذى اعتاده الواحد فى حياته كمساعد إخراج، تصبح الحياة من دونه فجأة مأساة، ستقول لى بلاد بره لا تخلو من «البيديه» وهذا صحيح لكننى كصعيدى أصلى لا أعرف كيف يجب أن أستقل البيديه، يعنى هل أجلس ووجهى إلى الحائط أم أجلس وظهرى له، أم أجلس بزاوية منفرجة على ركبة ونصف؟ مأساة بالذات عندما تكون قوة اندفاع الماء الخارج منه ضعيفة لا تشبه قوة اندفاع الماء فى شطافات بلادى (قوة تجعلك تمسك بالمحبس جيدا، خوفا من اندفاع مفاجئ بالذات إذا أدرت المحبس قليلا ولم يخرج الماء فتنتبه بشدة خوفا من الغدر)"

[Basma · Rating 2 out of 5]

أسوأ كتاب أقرأه لعمر طاهر بعد قهوة و شيكولاتة .... الجزء الأول سيىء بصراحة أما الجزء الثانى فهو أحسن شوية بس دون التوقعات

[Mohamed Shady · Rating 4 out of 5]

كتـاب مختلـف عن كل كتب عمـر طاهـر

كتـاب عبارة عن جزئين
الجـزء الأول باسم ( التوابل )وده عبارة عن قصص قصيـرة جـدا ليهـا مغزى عميق ..
الجزء ده عجبنى جـدا على عكس معظم النـاس :)

والجزء التانى باسم ( طريق ) وده برضو مجموعـة قصص أطول من الجزء الأول

اكتـر قصص عجبتنى :

سيجارة
الرائحة
طريق التوابل
صلاة الجماعة
من البلكونة

المرح
العمارة
صلاة فى الممر
سعد
الخيمة

[Ayat · Rating 2 out of 5]

التوابل كانت سيئة جدا .. بينما الجزء بتاع الطريق كان معقول


حزينة عليك يا عمر :(

[Mohamed Ramadan · Rating 2 out of 5]

ليه كده يا عمر .. يا عمر دا انا بحبك
شئ غريب الصراحه اقرب للافلاس الادبى ... الجزء الاول لم يرق لى اطلاقا اطلاقا
ومحدش يقولى عمق وعنق ما عجبنييييش
والجزء الثانى جيد ولكن يا استاذ عمر ننتظر منك كل جميل

[ESRAA MOHAMED · Rating 3 out of 5]

كتاب خفيف ينجح في رسم ابتسامة علي الوجه مجموعة من القصص القصيرة والمواقف الحياتية بعضها يوجد فيها اسقاطات لأحداث المجتمع المصري ..
أحداث سعيدة وأخري حزينة وشاهد يدون المواقف في طريق التوابل ....

استمتعوا ...
دمتم قراء ❤️❤️❤️

[Esraa Adel · Rating 3 out of 5]

لازلتُ لم أتعلم من أخطائي في الحكم على ما أقرأه من بدايته
ولكن أليست البدايات عليها عامل ؟ فإذا فشل الكاتب في جذببي لكتابه
فربما أغلقه وبالتالي لن يكتمل حكمي عليه أبدا
إذاً فأنا عليّ أن اصبر قليلاً وهو عليه المحاولة في النجاح

بدايةً ليس هذا الكتاب هو أول قرائاتي لعمر طاهر
فقد قرأت له من قبل زمن الغم الجميل
ومنذ بدأت طريق التوابل وقرأت اول قصصه الثلاثين قلت لنفسي
شكله حيطلع كتاب فكسان

قُسم هذا الكتاب الى قسمين
التوابل و طريق
وفي رأيي ان قسمه الثاني كان أفضل بكثير
وظللت أنتقل بين قصصه القصيرة ولم أفهم بعضها
ولكني توقفت عند بعض القصص منها

سيجارة
وخصيصا تلك الجملة التي استشعرت صدقها
الشخص الذي يعرف أنه سيموت بعد ثوان .. مات بالفعل
ربما قطع عدة كيلو مترات على الطريق لكن جسده لا يزال موجوداً بحاجة لمن يرسله خلفه

الرائحة
فهي من أجبرتني على الوقوف عندها فمن الجميل فكرة التعلق بروائح معينة لتبقي على أطلال ذكريات طفولة ومن المحزن حقا انه ظل يدلف الى هذا المطبخ ويرى كل شئ كما كان ولكن دون رائحة للأسف

ندم
أظن انها لا يمكن ان يطلق عليها عنوان أدق من هذا
وربما كان هدفه منها كما استوعبته انا او ربما أخطأت
ان هناك بعض الأشياء في حياتنا إذا أردنا التخلص منها
فمن اللازم أن تجذبنا الى الأسفل معها دون أن نختار

المرح
لماذا أسماها بهذا الأسم
حقا لا أدري
جرو صغير اختار ان يكون نباتيا في طعامه و زهد عن باقي الأطعمة
جرو صغير غمر الحي بالسعادة وجعل الجميع ينتظره ويفتقده
حتى أجبروه الكلاب الاخرين على العودة الى منزله
ربما ليس المقصود منها الحديث عن جرو بالذات
ربما هي تمثل حياة شخص اختار الحرية
والظروف اجبرته على العودة الى منزله ثم عاد مكسوراً

العمارة
علمت منذ بدايتها انها تتحدث عن عمارة العفاريت القابعة في رشدي في محافظتي ولكني لم افهم في نهايتها لماذا الأشباح سعداء
هل لأن الشباب رحلوا ولم يحققوا انتصارهم كما أرادوا؟

صلاة في الممر
هي أكثر ما اعجبتني بين جميع القصص
أظن اننا افتقدنا تلك الروح بيننا وتلك المشاعر الصادقة الجياشة
صورها أ.عمر طاهر بموقف بسيط وجميل دون أى تكلف

الخيمة
جميلة جملة بائع الشاي عن ستر الله لنا عن المعاصي وليس في المعاصي

ملاعب العازب
من أظرف ما وجدته بداخل الكتاب وأظن انها واقعية بشدة عن الرجل المتزوج الذي يستغل فرصة وجوده في منزله بمفرده فيحن للأيام الخوالي

أم كلثوم في الحلم خير
جميلة جدا فكرة شراء الهدايا لأقربائك فتكتشف حينها من هو حقا قريب حتى انك تعرف مقاس اقدامه او لا

مان آماده أم
التفاوض والنقاش بين العائلتين من أجل عزومة غداء للمصري
حتى اجتمعت الأسرتان سويا وتعاونا وتعارفا بسببه

ناصر
القصة الثلاثين ولم أجد أفضل منها يختم به
في رأيي ان البداية كانت تستحق أيضا شيئا بتلك الجودة

[نرمين الشامي · Rating 2 out of 5]

اعتقد ان الكتاب ده لو لأى كاتب شاب كانت دار النشر هترفض نتشره

خلينا نتكلم بصراحه مستوى الكتاب مش مستوى عمر طاهر وهو من كتابى المفضلين

الجزء الاول فى غاية السوء بيفكرنى بالخواطر اللى كان بيكتبها زمان واللى عمرى ماحبتها

الجزء التانى افضل الى حد كبير لانه اقرب للكتابة الساخرة اللى عمر طاهر بارع فيها

نصيحة لافضل كاتب ساخر معاصر (من خرج من داره اتقل مقداره)

خليك فى الكتابة الساخرة وبلاش موضوع الشعر والقصص القصيرة ده

[Salma Saeed · Rating 1 out of 5]

أنا عموما بحب عمر طاهر بس ايه ده بجد ؟؟

[Ramy · Rating 1 out of 5]

ايه اليع دا؟
هي ثقافة الاستسهال
مؤلف يتعب اوي ف كتابه الاول و يلقي نجاح و استحسان
ف كتابه الثاني يكتبه بنصف مجهود مدفوعا بثقته عن كتابه الاول
فينجح نصف نجاح او اكثر قليلا مدفوعا بزخم الكتاب الاول
لتكون النتيجة كتاب ثالث مسلوق بلا اي مجهود
يكفي ان يبحث المؤلف ف ادراجه عن كتاباته فى فترة ما قبل النضج فترة المراهقة
ليظن انها علي نفس مستوي انتاجه الناضج المتعوب عليه

ليرميها سريعا للناشر لينشرها الاخير واثقا فى المؤلف بدون ان يكلف نفسه و يراجع و يقرا

العمل الادبى من وجهة نظرى
ليس كل روح او تجارب او ذكريات المؤلف فهى شىء يخصه وحده و لاا يعنينا ان نعرف ذكريات او مذكرات المؤلف
كل ما يهمنا انا نعرفه رايه فى موضوع ما يشغل بال الناس معبرا عنه باسلوبه لا ان يكون الموضوع كله هو المؤلف و ذكرياته
العمل الفنى او الادبى ان يضع الفنان او المؤلف قطعة منه فى موضوع ما لا ان يكون هو كل الموضوع

مالى انا ب
ماما و خالتى
ماما و خالتى
لا لسه ناقص لك واحدة
ماما و خالتى
مالى انا ؟

قصصه القصيرة فى المجموعة دى كانت اشبه ب - استنو هألف لكم واحدة لحظيا تشبه ما كتبه هو-
======================================
بعد المولد النبوى الشريف قابلت جارى و زميلى بالمدرسة كريم
دخل علينا زميلنا التالت محسن
ليفتح كراسة رسمه و يبكى
خرج من الحجرة مطاطىء الرأس
و نقاط دموعه على صفحةا لكراسة
التى كانت مفتوحة على رسمة للكنافانى و يهو يدور فى دوائر صانعا الكنافة و هناك فانوس معلق
=========================================
:P ِشايف رد فعلك دلوقتى
اهو دا بالزبط اللى حصل لى امبارح و انا بقراها

النجمة فقط عشان مقالين فى الاخر قريتهم له برضه قبل كدا على موقع بص و طل
احدهم عن الزوج العازب و ما يفعل فى الشقة بمجرد خروج زوجته و الاطفال
و الاخر عن المسيحى اللى اتزنق مضطر فى صف صلاة الجمعة ايام الثورة

الكتاب التالى : ؟

[Muhammad Galal · Rating 2 out of 5]

هذا الكتاب هو المفهوم الحقيقي لمصطلح الكتاب السيّئ ، لا يستحق النشر ، كتابات صبيانية لا ترقى إلى خفّة الظلّ المعهودة للكاتب ، و لا إلى مستوى قصصي ، و لا إلى رمزيّة انبهر بها بعض القرّاء ، الجزء الأول سيّئ للغاية ، الثاني أخفّ وطئًا .

[Mai M Ibrahim · Rating 4 out of 5]

مضحك، لطيف وخفيف
بجد عمر طاهر بيجيب الأفكار دي منين 😍😄

[Ahmad Tarek · Rating 2 out of 5]

بداية، الكتاب يعتبر أول كتاب أقرأه لعمر طاهر، في الأول كنت حقيقي بعد كل قصة في جزء "التوابل" كنت أقول لنفسي "عروستي" و كنت أفتكر نكتة قديمة كده بتقول:"مرة واحد ماشي في الصحراء، قابل جمل قاله تلعب عيش و حلاوة قام قافل الطيارة و نزل" :D
بس بعد ما قرأتها مرة تانية وصلت لمخزي بعض القصص.
البداية الحقيقية للكتاب كانت من النصف التاني و حقيقي كانت القصص جميلة معبرة عن أفكار واضحة إلي حد ما و بجد عجبني أسلوب و تشبيهات الكاتب.
عجبني جدا "الحصان-المباراة-الطفل" في جزء التوابل، و "القوامون- المرح-صلاة في الممر-الخيمة-ملاعب العازب-مان آماده آم".

أكتر جزء عجبني في "الخيمة" نقاش بين الضيف و رجل الخدمة:
قال الضيف:"فلتكن الصحة و ليكن ستر الله إذا استخدمتها في المعصية".
قال رجل الخدمة:"من يعرفون الله يا بني لا يطلبون منه أن يسترهم في المعاصي، و لكنهم يطلبون منه أن يسترهم عن المعاصي".
قال الضيف:"لعلك رجل زاهد".فقال رجل الخدمة:"و هل تعرف ما الزهد؟".قال الضيف:"إذا منحني الله شكرت و إذا منع عني صبرت".
قال له رجل الخدمة:"سأقول لك قول الأكابر:ما تقوله هو حال البهائم..الزهد يا بني أن يمنع عنك الله فتشكر، و يمنحك الله فتؤثر الآخرين علي نفسك في هذه النعمة"

[مصطفي سليمان · Rating 3 out of 5]

لولا الجزء التاني لما أكملته

الجزء الاول امر من اتنين يا عمر يقصد شئ او عاوز يوصل شئ ما ودا محصليش ولا قرب منه حتي
او اتا دغف

قولت يمكن ياض الجزء الاول اللي هو ف الاطار العام قصص قصيرة جدا

زي ما هو سماها توابل
ف يمكن ف الطريق دي كدا زي التصبيرة؟
او ليها علاقة؟
يمكن
بس معرفتش الصراحة برده اتواصل مع الجزء الاول

وان كنت شاكك ان ليه علاقة بشكلا ما بالجزء التاني
او العناونين

الجزء التاني
هي خليط ما بين قصص علي مقالات
او قصص مقالية لو جاز التعبير

ودي نقطة تميز عمنا عمر
البساطة مفيش فذلكة
الاعتماد علي تفصيلة صغيرة قوي

الاحساس الدافي ان عمر دا صحبك من زمان
وبيحكيلك موقف حصله ف البيت
كذا قصة كدا
الالفة ايوه دا اللي بتحسه لما بتقرأ لعمر
وهو متمزج

كتاب صغنن ولطيف

[منار هانى · Rating 2 out of 5]

مش قادرة أصدق ان عمر طاهر هو اللى كاتب الكتاب ده
):

مش المشكلة فى الكتاب

المشكلة ان عمر طاهر كتب احسن من كده مليون مرة

[Adham Samir · Rating 5 out of 5]

كتاب رائع من افضل ما قرأت لعمر طاهر و يستحق النجمات الخمس
يحتاج للتأنى حتى تصل الى مغزى كل قصة و حين تصل الى معناها ستجدها تمس روحك
عمر طاهر ابدع

[خولة حمدي · Rating 2 out of 5]

وجدته بين يدي صدفة. كتاب صغير و خفيف، قلت لا بأس ببعض التغيير
قصص في غاية القصر، لم أفهم معظمها

القليل منها جعلني أبتسم، و لذلك نجمتان

[Mostafa Fakhry · Rating 5 out of 5]

بالطبع كان لابد أن يكون الكتاب في تقدير قراءه و محبي عمر طاهر 3 نجوم .. و رغم ذلك كان لي 5 نجوم ..
عمر طاهر تخلي أخيرا في كتيب علي الأقل عما يميزه بشده! و هي السخرية للاذعة الجميلة! إلا أنه استفاد بإظهار عبقريته الجميلة في قصصه ..
القصص الرمزية و الفلسفة فيها كثيرة جدا و هو ما يعطي القصص القصيرة الجمال الآن و المتعة بعد انتهاء عصر قصص الحكم و النصائح!
أبهرتني بعض القصص برمزيتها كقصة العمارة :)
و أعجبتني تلك الحالة التي وضعتني فيها قصص أخري كثيرة كقصة جمال عبد الناصر :)
سيكرهه محبي الأدب الساخر .. و سيحبه محبي الأدب
سيكرهه محبي التصنيف و سيحبه من يكره التصنيف :)
عمر طاهر أديب ساخر ولكن خلف ذلك إنسان عبقري له رؤي و أحلام و أفكار رائعة

[Kholod Mansour · Rating 1 out of 5]

وحششششش وحششششش وحشششششش
افلاااااس ادبي .. مش لاقي حاجه يقولها فاى حاجه تتكتب وخلاص واهو اى حد بيقرا وخلاص والاسم " عمر طاهر "
وحدش يقول الطريق احسن من التوابل ولا التوابل اطعم من الطريق
ممكن يكون جاب الطريق " المقالات اللى يعنى ممكن تتقرا " بعد التوابل " القصص اللى ملهاش لزمه " عشان يخلى الناس ترضى عن الكتاب بعد ما تقفله وتقول " لاء اتعدل فى الاخر بردو " حب يحلي فى الاخر عشان نتغاضى عن الهرى اللى فى الاول
م الاخر عاوز تضيع فلوس اشترى الكتاب دا

[شذى الغماري · Rating 3 out of 5]

كتاب مكون من قصص قصيرة لعمر طاهر تكتنفها بعض الرمزية، أحببت ذكاء الكاتب في العديد من القصص منها المعنونة ب"الطفل"
لكنها ليست الأجمل لعمر طاهر،
وبها بعض القصص الغريبة التي لم أعلم لم اختارها الكاتب للنشر
لكن الكتاب بالمجمل خفيف ومسلّ، سمعته على هيئة كتاب صوتي من ستوريتل.

[Omar Harb · Rating 1 out of 5]

Dear Omar
Stop pretending that you're such a writer

[Mahmoud ElSherif · Rating 1 out of 5]

قصاقيص متنوعة رمزية تضيف غموضا بدون عمق الى القاريء , و أقل من مستوى عمر طاهر بمراحل ...عمر طاهر أحسن من كده بكتير

[Eng. Mohamed ali · Rating 3 out of 5]

مجموعه قصصيه جميلة وخفيفه ..تبرز فيها قدرة الكاتب على التفكر والخيال..نرى تللك القصص فى حياة كل واحد فينا

[omar zabady · Rating 2 out of 5]

كالعاده مع عمر طاهر اقرأ له كتاب يعجبني جدا وكتاب ما يعجبنيش سبحان الله هي ماشيه كده النهادره قريت "برما يقابل ريا وسكينه" واديته ال 5 نجوم وبعدين قريت "طريق التوابل" هو انا حاسس الجزء الاول من الكتاب غامض بالنسبالي ما فهمتش بالظبط المغزي من القصص القصيره اوي يعني كل قصه لا تتعدي ال صفحه ونص والجزء ده ف اول 52 صفحه اما الجزء التاني اللي هو " طريق" "ف القصص اكبر قليلا وعجبني منها حاجات كتير زي سكر والقوامون والمرح والخيمه وضحكت جدا ف اخر قصه اللي هي "ناصر" عجبتني نزعه التصوف اللي ف الكتاب اما اني اربط بين قصص الجزء الاول وافهم الكاتب عايز يقول ايه ف ده محصلش او حتي فهم كل قصه لوحدها برضه محصلش يمكن العيب مني لاني قريته بسرعه مكملتش ساعه يمكن ارجع اقري جزءالتوابل مره تانيه عموما عمر طاهر ليه كتب احسن من كده بكتير

[Amr M. · Rating 3 out of 5]

مش عارف دا يعود لعيب في الكتاب ولا لعيب فيا أنا .. بس فعلاً الجزء الأول من الكتاب مافهمتش عمر عايز يوصّل بيه إيه بالضبط !
قصص قصيرة كل واحدة فيما لا يزيد عن صفحة, وأنا من تجاربي السابقة مع عمر طاهر شايف إنه مش دا أحسن لون يكتب فيه !

الجزء التاني من الكتاب كان رائع فعلاً .. خصوصاً قصة زى " سكّر " مثلاً .. عمر طاهر بيبدع في القصة القصيرة اللي بتسمح له ببعض الحكى, على خلاف الجزء الأول :)

نفسي أفضل عايش للحظة اللي أقراله فيها حاجة أحسن من " جرّ ناعم ", لأني شايفه أفضل أعماله على الإطلاق لحد دلوقتي :)

[Nour Khatab · Rating 2 out of 5]

حرااااااااااام عليك بجد لتاني مرة بعد زمن الغم الجميل يحصل نفس الموقف وعشان مايتكررش سألت في المعرض وانا بشتريه "هو مقالات مجمعة ؟!" قالي "ﻷ" ولفيت مكتوب عليه فعلا "30 قصة قصيرة" قلت كويس
اقراه الاقي قصص الجزء اﻷول جديدة فعلا بس مش فاهمة هو عايز يوصل منها لايه والجزء التاني كله مقالات مجمعة قريتها على مدار اخر 3 او 4 شهور

ياريت الكتاب يعيدوا النظر في فكرة تجميع المقالات دي .. ارجوكوا بلاش كده !!

[zahraa esmaile · Rating 2 out of 5]

#ماوراء_العالم
رحلة جديدة مع الكتب الصوتية
والمرة دي مجموعة قصص قصيرة للكاتب الشاب عمر طاهر
رحلة لطيفة...فيها قصص عجبتني
وقصتين بعينهم بشيرهم كل مبلاقيهم ف حتة
تصلح كفاصل قصير
او ف حالتي كانت سماعية اثناء الشغل
ولكن لالاسف دون المستوى
مش دة اللي اتعودت عليه من عمر طاهر
او يمكن انا الى قرأت له أقوى ف المجموعة معجبتنيش للدرجة
نجمتين وكفى
انتهى الريفيو
#الكتاب_رقم_6
#كتب_صوتية
كتاب_لجلسة_واحدة

[Ahmed Gohary · Rating 3 out of 5]

عندما تقرأ لعمر طاهر فأنت تتوقع خفة الدم والافكار المجنونة وهو ما ستجدة فى
(الجزء الثانى من الكتاب (طريق
اما الجزء الاول فيحاول الكاتب ان يكتب نوع من القصص القصيرة كلها اسقاطات ورمزية وهذا النوع من الكتابات منتشر جدا لكنة للاسف لا يصل للقارىء بسهولة وأظن ان هذا النوع من الادب أصبح غير مناسب للفترة الزمنية التى نعيشها الان

[Amr Raouf · Rating 2 out of 5]

كتاب عمر طاهر الجديد الغريب المرادى ... جزء اول لقصص قصيره جدا تبدو بدون مغزى او معني واضح .. و بعده مجموعة من مقالاته كالعاده

الجزء الاول القصصي كان غريب و غامض الى حد كبير , وصل الى درجة عدم فهم شئ من القصه اصلا .. البعض لطيف و البعض غير مفهوم

اما المقالات قهى مقالات قديمة بالنسبه لشخص متابع عمر طاهر و بيقرأ مقالاته اول بأول

اتمني الكتابين اللى قال انهم تحت الطبع يكونوا احسن من كده