الرواية: موت قبل الميلاد الكاتبة: نادية الشهري الدار: بنت الزيات عدد الصفحات:150
احداث الرواية تدور في المملكة العربية السعودية بحكم جنسية الكاتبة ولكن بشكل ما احداث الرواية ليها علاقة بمصر بتتكلم عن أحداث مرعبة بتحصل للبطلة في منزل الطفولة بيت جدها و الي ورثه من بعده عمها الرواية تنتمي لأدب الرعب و أحداثها سريعة تخلص في جلسة او اتنين بالكتير نظرا كمان لحجم العمل فكرة الرواية في حد ذاتها كويسة و لكن أحداث الرعب نفسها مش مرعبة للكبار بمعنى انها ممكن تخوف فئة عمرية معينة مش كبار الرواية باللغة العربية البسيطة سردا وحوارا مفيهاش فلسفة كتير و ده شيء ساعد في سلاسة القراءة المقدمة كانت محتاجة شوية شرح عشان توضح البطلة سافرت او اتحركت من فين لفين او الموضوع بدأ ازاي لان الكاتبة بتتكلم بافتراض طبيعي ان القارئ في السعودية فلما القارئ اصبح في مصر بقا في نوع من اللخبطة بس بعد شوية المواضيع بتوضح
اجمالا العمل لا بأس به كنوع من التسلية و فك بلوك القراءة التقييم النهائي 3 من 5