Hindi pa siya nahalikan kahit minsan pero ang mga labi nito, parang pamilyar na sa kanya. Tinugon niya ang halik nito na parang matagal na niyang ginagawa iyon...
Tindera sa palengke si Gellie pero suki siya ng mga beauty pageants. Sa katunayan, siya ang piniling kinatawan ng mga kababayan niya para sa Mutya ng Lagrimas. Biniyayaan daw kasi siya ng kakaibang ganda at karisma. Sigurado raw na siya na ang puputungan ng korona.
Pagkatapos ng patimpalak ay may natuklasan siya. Liligawan at gagamitin daw siya ni Matty, ang bise-alkalde nila na nasa balag ng alanganin ang political career. Naniniwala raw ang kampo nito na kapag napaibig siya nito ay muling babango ang pangalan nito.
Kaya nakipagsabwatan siya sa isang nagmamalasakit sa bayan na pabagsakin si Matty nang hindi na ito makapaghasik ng lagim. Tigib ng determinasyon at armado ng lakas ng loob ay pinasok niya ang balwarte nito.
Pero hindi pala siya handa. Titig pa lang ni Matty ay nanlambot na ang mga tuhod niya. At nang ngumiti ito ay tuluyan nang nalusaw ang kanyang puso.
Rose Tan is a bestselling Filipino romance novelist for Precious Pages Corporation. She is the writer of the Bud Brothers Series which has been adapted for television by one of the biggest networks in the Philippines. Her other series include Fruitcakes and Bud Brothers UnLtd.