العاطل

by ناصر عراق

ياه... ثلاثون عاماً لم أحصد فيها سوى مرارات خيبة جنسية مزعجة ومخجلة... ثلاثون عاماً لم أكتب فيها جملة عشق واحدة تقرباً لأي فتاة، كما يفعل المحبون على مر العصور... ثلاثون عاماً لم أنتظر بشغف مقدم فتاة على أول الطريق... ثلاثون عاماً لم أضبط نفسي فيها شارداً، أفكر في ملامح حبيبة أو معشوقة...".

جرى العرف على أن يقصد ب "العاطل" الشخص الذي لا يمارس مهنة أو عملاً ما... ولكن الجدلية الرائعة كانت فيما جدله "ناصر عراق" من حبال وأسباب أكثر من مهنة لهذا "العاطل"... فكان محللاً سياسياً وناقداً فنياً ومنظراً إجتماعياً، وبانوراما متعددة المهام والأبعاد والألوان والرؤى... بشكل حكائي مكثف رائع يجعلك تتمنى بصدق أن تكون "عاطلاً" مثله... كيف كان ذلك؟
لن تجد الإجابة إلا بين سطور "العاطل"...

http://www.4shared.com/get/E27GuCp3/_...

Genres: Novels, Fiction

335 pages, Paperback

First published January 1, 2011

About the author

كاتب صحفى وروائى وفنان تشكيلى

تخرج في كلية الفنون الجميلة بالقاهرة سنة 1984، وعمل بالصحافة الثقافية في مصر قبل أن يغادر إلى دبي ليشارك في تأسيس دار الصدى للصحافة عام 1999، ويرأس القسم الثقافي بمجلة الصدى الأسبوعية لمدة ست سنوات ونصف، ثم يسهم في تأسيس مجلة دبي الثقافية، التي صدر العدد الأول منها في أكتوبر 2004، ويصبح أول مدير تحرير لها حتى فبراير 2010.

و يعمل ناصر حاليًا، مدير تحرير مجلة الثقافة الجديدة، والمنسق الثقافي والإعلامي

Reviews

[مصطفي سليمان · Rating 1 out of 5]

هذه الرواية برعاية كل من

*الطرف التالت
*اللهو الخفي
*تجار المخدرات
*كارفور
*دولة الامارات الشقيقة

*******************************
حكمة الرواية

" يا توفروا ليهم الكوله , يا تعملوا ليهم سندوتشات حلاوة بالقشطة"


:حقائق علمية وادبية ونفسيه واجتماعيه المستفاده

1-وحياة امك وحياة ابوك وحياة اغلي حد عندك , لما تتجوز وتخلف ولد
بلاش وحياة امك تضربه بالقلم قدامه صحابه البنات او الصبيان
لانه هيجبله عجز لامؤاخذه جنسي
وهيقرر يكتب فرحمة بنا بلاش ووفر عليك وعلينا الماساءة دي

2-لما اي حد من صحابك يبقي زعلان ومتضايق ويكشر , قوم فورا وعلي طول وافردله وشه
ازاي؟

"وانا أطرق محتشدا بحزن كبير ,((كلام كلام كلام ف النص)) , اما منصور
فهب واقفا ومد يده ليزيل بمحبة اثر تقطيبق الحاجبين الذي انطبع ع وجهي "

3-السندوتشات رمز الحب

4-تاني مرة وانت رايح بيت دعارة للساحرة روسية تاكد من الاتي
*انها متكنش مدبوحة
*ان البواب الهندي قاعد
*متكنش البت الروسية تاجرة مخدرات ورقيق ابيض

5-انك ممكن تكون معفن قوي ,واقصد هنا ريحيتك , وشكلك وكل شئ انك تكون نتن
وعادي كل البنات بيموتوا فيك صحابك الولاد بس هما اللي بيكروهوا ريحيتك

6-لما تتحبس ف الامارات وتستمع بالتكييف والاكل ,خلي بالك لا يكون الفلبيني اللي معاك شاذ

7-ان مفيش ولا دولة اسلامية متقدمة ولا نضيفة
اممم.. بما فيها الامارات اللي هو عامل يقول فيها شعر
اه بيما فيها الامارات انت هتفهم اكتر منه ولا ايه؟

8-تحذير هام هام هام هام
اوعي اوعي تخلي حبيبتك تعوم ف النيل تحت اي ظرف
لانها ف الغالب هتفهم

9-لما تيجي تكتب رواية علشان تتخلص من ضعفك الجنسي
وانت ولا عمرك قريت ولا بتطيق الثقافة
عظيم لما تستخدم شخصيات سلبية وتقنية التغريب ف النص
علشان تشتم في اي شئ ف النص
العن بقي ام الحجاب علي المحجبات
علي الدين ع اللي بيدينوا بيه

10-اول شروط التوبة انشاء الله انك تقراء قصار السور مش التوبة لا

11-طبيعي جدا انك ف اول الرواية تبقي شئ مثلا مثقف محترم
وف الجزء التاني تبقي حريقة سجاير وخمرة وبنات مفيش مشاكل وتتريق علي خلق الله

12-اياك اياك اياك اياك اياك تتنضم لجماعة سرية في مصر سبت ايه للماسونية ؟؟؟؟

13-لما يبقي افيه ""يا واد يا مؤمن "" للقذر خالد عبدالله , يترردد في ودنك طول ما انت بتقرأ اد ايه هو بيحب الصلاة , وبيكسل ساعات انه يقوم يصلي الفجر
بينما هو بيشرب بيره وخمرة وبيروح بيوت دعارة من وقت للتاني

14- ان تكون مثقف في كل شئ واي شئ وانك تكون عبارة عن موسوعة متحركة
دا ميمنعش ابدا انك تأكل زي أحمد ماهر وهو بيلعب دور هولاكو
اللي لخصوا دوره في مذابح الاكل

15-لما ابوك يموت بعد الشر
متنساش تعمل حفلة ,

16-لما كل الامارات تحبك وتبقي خايفه عليك وبتسعي تشغلك بينما اسم الرواية العاطل

17-الفلسطنين وحشين قوي ليه؟ انت عبيط ولا ايه؟؟؟
دول بيستغلوا الباكستنين علشان يمشوا المصري الوحيد
سيبك انه تايه ومش بيعرف يبيع ومش بيركز
بس هما اوغاد

18-لما تعيش في شقة مع 15 واحد يعني ولا ستار اكاديمي
بس قشطة تجرب تعمل علاقة ما بائعة صينية متجولة لان الشقة اللي فيها 15 واحد فاضيه

19-المغاربة مشهورين بالسحر وبالشاي اللي فيه صنوبر

20- الحشيش عقوبته الاعدام في الامارات
لكن الهروين والدعارة 10 سنين

21-لو الفرجة علي افلام نادية الجندي معلمتكش انك متاخدش شنطة مقفولة من حد
يبقي الرواية دي هتعلمك
لان ف الغالب الشنطة فيها حشيش

22-الحجاب هو سبب استمرار مبارك في الحكم

23-الامارتين يعرفوا ان ف الافراح المصرية في شئ اسمه نقطة

24-فزورة
اخوك ابن امك وابوك اتجوز بنت مرات خالك , يبقي اخوك يقربلك ايه؟

25-لما يبقي اخوك دافع رشوة علشان يشغلك وهياخد فلوس منك علشان الحوار دا فيترقي وانت تتطرد من الشغل
بس ولا اخوك ولا اي حد يعبرك ف موضوع الفلوس دا
بوس ايد وش ودهر

26-لو واحد صاحبك وانت بتسئله علي شئ وقولتله احلف فقالك

" تالله"

يبقي شئ عادي

27-ايه المشلكة تبقي جاهل ولا عمرك قريت كتاب
بس تعرف شاعر فرنسي مغمور وتعرف اقواله؟؟؟

28-ايه المشكلة لما الرواية دي تترشح للبوكر؟؟؟

29-العجز الجنسي مش المشكلة ارجع بالذاكرة , هتلاقي نفسك وانت ف كلية اداب قسم علم
صفحة اربعة , باب العقد والكلاكيع
موضوع بيتكلم ع ان ابوك بيضربك ليه؟

30-اوعي تنسي تشتري كمية بورنس , و روب
الحاجات دي مهمة قوي قوي قوي في التحليل النفسي
اه والمزة

31-اوعي تجيب شغاله فلبينيه لانها مغرية بشدة لكن الروس والمغاربة
يع يع
والمصري اللي علي حق
ميقولش الفلبين لا

32-لو قدامك تتجوز شرعي , فاكس , اتجوز عرفي اسهل
********************************************
ملخص القصة
واحد ابوه ضربه ووهو صغير علي وشه بالقلم(اهي اهي اهي) فبقي عنده عقدة جنسية وفكرية
ابوه اللي هو كان ظابط في الجيش مع انه معهوش اعدادية ( يسقط يسقط حكم العسكر) كان بيضرب كل اللي ف البيت دا حتي ضرب اخوه الكبير باليد وكسرله مناخيره بس اخوه نجي من موضوع العجز دا
حجب اخواته البنات علشان ميتجوزش
ليه واحد قريبه مثقف بدرجة ترعب وانا اكاد اجزم انه خلص اربعة ملجدات لميكي ع الاقل
الواد بيحبه لله ف لله طبعا مش محتاج اقول ان الواد شيوعي كافر ملحد بيشرب دم الصبح
وبيرسم نجمة الشيطان بالليل
وبالتالي بيحب صلاح عبد الصبور
المهم الواد قريبه دا بيحبه واحده
وبيتجوز عرفي بمساعدة واحد مثقف برده مثله الاعلي وبيسيب لقريبه دا الشقة علشان ليلة الدخلة العرفي
البنت دي بتموت وهي بتعوم ف النيل
ليه؟
اعترض بقي , حكم الله ياسيدي
اخوه بيبعتله شغل في دبي
بياع تلفيونات محمول في كارفور
بيروح طبعا قريبه هناك لانه مثقف وشغال صحفي
كبير قوي
ف ايه الله واعلم كل اللي قاله انه ماسك الصفحة الثقافية
ماسكها بيعمل فيها ايه؟؟؟
ولا شئ
بيتعرف علي بنت مغربية
بيحاول يعمل علاقة معاها بيفشل
واحد معاه ف الشقة نتن ومعفن من حيث الريحيه
بيقوله علي غراماته بيوديه عند واحدة روسية
بيفشل
اهي اهي اهي اهي
البنت المغربية بتسيب عنده شنطة
طبعا مش محتاج اقولك انها فيها مخدرات
وبيتعرف قريبه علي بنت جديدة متحرر تحرر الكواكب
طبعا لانه مثقف
المثل الاعلي لقريبه بيموت ماساءة بني سويف
بس قريبه بيصرف نفسه لقي لنفسه مثل اعلي ف دبي برده مفيش مشاكل
زملاته الفلسطنين بيخبصوا عليه علشان يتطرد
وفعلا بيحصل دا

اهي اهي اهي
رواية مؤثرة جدا

بس لالالالالا المعدن الاصيل بيبان
وبيجبوله شغل
وبيتعرف علي مراته المستقبلية
وقبل ما يقولها وخوفه من افتضاح سره
يتقبض عليه هو وصحبه النتن من حيث الريحيه
بتهمة قتل الفتاة الروسية
لكن يظهر الحق
انه مقتالهاش
وصحبه بيتطلتش حكم 15 سنة
والبت المغربية 10
بيفشل ف علاقته الزوجية
قريبه بيقوله بس علاجك عندي
طبعا هيروح للرمز الثقافي الدولي العالمي
وهو لابس روب احمر
كان ناقصه بايب وهيبقي اسطوري
وبيحكيله كل شئ
ف الراجل العبقري الفذ بيعرف ان مشكلته الجنسية
ليه علاقة بالقلم اللي ابوه سفحه ليه وهو صغير
وعلشان يضيع الذكريات الاليمة دي
لازم يكتب
ف كتب الرواية دي
****************************************************
تعليقي

عبوكو كلكوا

[Ebthal Yusuf · Rating 1 out of 5]

رواية عادية ان لم تكن سيئة
الكاتب مركز علي موضوع معين وهو علاقات البطل الفاشلة مع النساء بس كده أدي الرواية باقي الأحداث حشو وهبل عشان يتكلم في نفس الموضوع تاني
أنا معقدة أو مبفهمش في الأدب أو اي حاجة
لكن المهم اني لا ولن أتقبل هذا النوع من الأدب أو خلينا نقول.....قلة الأدب!!!بجد استغربت ان الرواية دي مرشحة للبوكر
المفروض بعد كده الكتب يبقا عليها تصنيف زي الأوربت
والكتاب ده هيبقا أكتر من 20 سنة لأصحاب العقد النفسية وأي حد عنده نقص

[Ahmed · Rating 2 out of 5]

المبتكر الوحيد فى العمل هو اسقاطه اللطيف على العجز الجنسى لدى البطل
غير كدا وجدت ان العمل هاوى جدا
لم اجده عمل قوى متمكن يستحق ان يسجل فى تاريخ الذاكرة الروائيه العربيه
طبعا واضح تضخيم الكاتب للحياة فى الامارات لانه مقيم هناك فصور الحياة كجنة
تشعر انه ينافق احد ما
فى المجمل لم اجده جيد

[Zeinab · Rating 1 out of 5]

تجربه سيئه جدا
ماستفدتش منها اى حاجه والحمد لله
لانه مافيش روايه اصلا
البطل تقريبا مابيعملش اى حاجه طول الروايه
غير انه بيتفرج على الناس اللى المفروض انهم ناجحين
وبيعيط على نفسه
اهم حاجه ان كل الناس الناجحه دى بتحبه لله ف لله كده
مع انه شخصيه مالهاش اى تلاتين لازمه اصلا
ابوه راجل سادي بيضرب اولاده وخلاص
وابن عمه ملحد وشيوعى والمفروض ان دى بقى حاجه حلوه
واصحابه كلهم حدث ولا حرج
اللى مايعرفش النضافه
واللى بتاع ستات
ويوم مابدا يكون فى اى اكشن .. واتهموه بقتل الروسيه
فى تانى صفحه كان طالع براءه ومتجوز كمان
مين اللى قتلها , طب طلع ازاى
حكمه ربنا بقى .. احنا كمان هنعترض
ومراته تلك الشخصيه الملائكيه اللى راضيه بيه على عيوبه عادى
وقصه حبهم اللى بدات من اول سندويتش
وطبعا لاننسى الحكمه الازليه من الروايه
ان لو عندك ابن صغير اياك تضربه قدام صاحبته
!!!!
حاسه ان المؤلف كسل انه يفكر حتى فى اى حبكه
فراح كاتب اى عبط
اموت واعرف بس ازاي دى مترشحه للبوكر
؟؟؟

[Odai Al-Saeed · Rating 3 out of 5]

ارتدت الرواية وشاحا فضفاضا تألقت بها كلماتها بانسيابية تصل الى مستوي الادهاش...فالكتاب لا يبدي عناءا لايصال تسلسل القصة وتواتر الاحداث ...رواية لا تشكو من الحشو الزائد بل على العكس جاءت رشيقة وممتعة ...رواية عراق تستحق القراءة

[mai ahmd · Rating 3 out of 5]

الرواية المرشحة من ضمن الروايات المرشحة للبوكر العربي يتناول فيها عراق قضايا المغتربين من خلال شخصية ضعيفة عاجزة عن مواجهة الآخرين تتعرض للعديد من هموم المغتربين في الرواية يغازل ناصر عراق دبي مغازلة لطيفة ربما سيرى فيها البعض شيئا من المبالغة لكني أعزو ذلك للإنتماء الذي بلاشك يشعر به الكاتب لأنه قضى عمرا فيها
الرواية جيدة وربما تستحق الترشيح لكنها بلاشك لا تستحق البوكر العربي

[Pallopallo]

محمد عبد القوي الزبال، شاب مصري، مضايقاه حاجات كثير جدًا في حياته منها اسمه نفسه، ما كانش حابب أن اسمه الأخير يبقى "الزبال"، ولا أن أبوه يتحكم فيه ويعامله بمهانة وقلة قيمة ولا أنه ما يلاقيش شغل، ولا أنه يكون مقهور ومهمش، كل أمله في الحياة كان أنه يحضن بنت ويمسك إيدها، ويتجوزوا ويعيشوا في سعادة، بس... هو ده كل اللي كان نفسه فيه، لكن حتى حلمه الصغير كان شاكك أنه يقدر يحققه.

منصور عبد العليم ابن خالة البطل نموذج للتحرر وتحقيق الأحلام، عاش في بيئة بـ تحترم الحرية وبـ تشجع القراءة وعكس محمد الزبال في كل حاجة ومع ذلك حاول يساعده فسافروا الاثنين مع بعض على دبي علشان يشتغلوا، لكن الفارق بـ يفضل موجود، منصور بـ ينجح في رسم حياته واختيار طريقه للشهرة والنبوغ، أما محمد فبـ يخضع لقدره اللي رسمه له أبوه، وبـ يفضل طول الوقت مكتئب ومش مبسوط.

رواية العاطل بـ تعالج حالة جيل كامل من الشباب اللي أصابه الإحباط بفعل القهر، وكمان الرواية مكتوبة بطريقة كأن واحد قاعد قدامك بـ يحكيلك حكاية، وده بـ يخلي البطل يصعب عليك، بل وتحس كمان أنه صاحبك أو قريبك، وتبقى عاوز تساعده.

محمد مسكين مش بـ يحب نفسه لأن محدش بيحبه، ومن خلال الرواية بـ تقدر تتعرف على حاجات كثير منها الفارق الكبير بين الحياة في مصر ومدينة زي دبي، فالبطل في مصر كان عايش في حارة متواضعة اسمها حارة «السوق القديم» وبـ يوصفها بأنها "حارة منسية لا يوجد لها ذكر على الخريطة، تخترق حيّ فقير يائس اسمه دمنهور شبرا". وبعدين ينتقل من الحارة إلى دبي، المدينة اللي بـ يعيش فيها جنسيات كثير جدًا، زحمة، ونظيفة عكس دمنهور شبرا.

الرواية بـ ترفض القهر، وتدعو إلى النظر إلى الجانب المشرق من الحياة، بـ تقولك حب الحياة وما تقاومهاش، مقاومتها مش هـ تنفعك، وأنك لازم تعلن عن أفكارك التقدمية بوضوح، وبـ تعطيك مثال على كده بمنصور اللي حب صفاء الشرنوبي، واتجوزها في السر رغم كل العوائق، لحد ما قدر يواجه الناس كلهم بحبه.

«العاطل» عايزة تقول رسالة هي أن العاطل مش هو بس الشخص اللي مش بـ يشتغل، إنما هو الشخص الخالي من المواهب، واللي مش عنده رغبة في تغيير مستقبله.

[Walaa · Rating 3 out of 5]

خلصتها بسرعة , و دي اول دلالة على انها ما كانتش ممله
الكلام الموجود على ظهر غلاف الرواية حقيقي (موجود في تعريف الرواية هنا ) , و هو بالظبط ملخص مع تعبر عنه
انا شايفاه موضوع مهم ,حتى لو في ناس انكرت ده
حسيت البطل زي ناس كتير , بيعمل الحاجات اللي الناس بتعملها من بره (قدام الناس ), بيعاني من هموم و هواجس كتير ( اعتقد ) ان ولاد كتير بيفكروا فيها

بدايتها صادمة و فيها مقدار من الاباحية , على الرغم من ان وصفه مش صريح زي بعص الكتاب التانيين , بس بيعرف يوصل الفكرة

عامة , الرواية مش قليلة الادب , اي حاجة مكتوبة فيها ليها مبرر جدا و مش بيطول فيها
السرد راااااائع , حسيت الكاتب زي زي الخياط الماهر اللي بيعرف ازاي يفصل الاحداث و يربطها ببعض و واضح جدا انها كانت
flash back
ده اداها مقدار اكبر من التشويق

عجبتني كمان اللمحة الدينية اللي كانت عند البطل , حفاظه على الصلاه و خوفه من ربنا , و ايمانه بالقضاء , و حتى في لحظات انكساره فكر ان ربنا كان عايز يحميه من نفسه و من الوقوع في الخطيئة على الرغم من انه كان بيكره ابوه و لكن ده كان شعور داخلي ( الاب يستاهله ) و لكنه لم يعقه او يسئ ليه

افكار طلعت بيها :
دايما افتكر ربنا , حتى لو بتغلط , طول ما انت فاكره مسيرك ترجع-
الحب الحقيقي بيطهر النفوس-
لو حاولت تلاقي حل لمشاكلك بصدق , هتحلها ان شاء الله-

[Mohamed Shady · Rating 1 out of 5]

رواية تدور وتتبلور حول فشل البطل فى علاقاته الجنسية مع النساء ..
لم يعجبنى اسلوب الكاتب .. اسلوب ضعيف يميل إلى تفسير كل شئ .. مجددا وكأنه يعامل شخصا فى الرابعة من عمره !
يميل الكاتب إلى استعجال النتائج .. فيتحدث عن نهاية روايته من أول صفحة ولا يضع الاحداث فى ترتيبها!
بعض افكار الرواية لم تعجبنى .. لست أدرى هل هى افكار الكاتب ام ابطال الرواية .. ف منصور مثلا _ احد ابطال الرواية _ يرى ان كل ما تتعرض له الامة الاسلامية والعربية هو ناتج فرض الحجاب على المرأة.. فيرى أنه من العادات البالية الواجب التخلص منها.!!

الموعظة الوحيدة الجيدة فى الرواية هو أن قهر الآباء للابناء سينتج عنه فى النهاية خلل فى نشأة الابناء !!
وكأنى لم أكن أعرف هذا من قبل.

[Rogius · Rating 4 out of 5]

مندهشة من التقييم الضعيف للرواية ، أعجبتني و أحسست أن لدى الكاتب ما يستحق القراءة ، جذبني الحديث عن مسقط رأس البطل شبرا الخيمة حيث أنني من سكانها في الوقت الحالي ، و عن علاقة البطل بوالده ، وعن الحريات بشكل عام ، و تأثير الاباء النفسي على الابناء مهما بلغوا من العمر .
في البدء استغربت اسلوب الكاتب حيث ينتقل من موضوع لموضوع فجأة دون مقدمات ، ثم اعتدت على الأسلوب و شعرت انه يشبه صوت تفكير الانسان الداخلي التلقائي جدا ،تتطرق الرواية ايضا لأحداث سياسية و ظواهر اجتماعية مهمة .

[Sara Gawish · Rating 1 out of 5]

شاب بيفضفض لعل وعسى انه يتخلص من عجزه الجنسي
طب انا مال اهلي؟؟؟!!؟
ازاي تترشح للبوكر؟!؟

[Mona El-gharbawy · Rating 5 out of 5]

الرواية صادقة لأبعد الحدود بهاالكثير من الضعف الإنساني، تدور معظم أحداثها فى دبى وبها جوا من الحيوية والألفة والود والطمأنينة وأحلى ما فيهاالتكاتف والتعاون لعبور الأزمات التي يمر بها الإنسان العادي البسيط الذي لا حول له ولا
قوة.

جميع شخصيات الرواية بأسثناء البطل شخصيات مثقفة ومؤثرة وثائرة تطمح إلى الحرية والتغيير

رواية أستمتعت بقراءتها

[Rama salem · Rating 2 out of 5]

أسوء رواية قرأتها هذا العام .. يا خسارة الوقت يالي ضاع عليها
ومع ذلك اقول داه رأي شخصي
يمكن أنتو تجدوها جميلة

[رولا البلبيسي Rula Bilbeisi · Rating 2 out of 5]

ربما هي البداية، أو التدفق السردي البسيط، أو مجرد كون هذه الرواية مرشحة لجائزة البوكر، هو ما جعلني أكملها حتى النهاية، لأجد أنها رواية ضعيفة لا لتركيزها المكثف على العجز الجنسي فقط لدى بطل القصة، بل لأنها لم تميز الجوانب الأخرى المسببة لهذا العجز المتمثلة بالقهر والاستبداد والتهميش بشكل أكثر إقناعا، فنتابع بطل القصة في مغامرته، لنكتشف أنه شخصية ضعيفة فاشلة، ولكنه لسبب ما لا نفهمه أو نجد له مبرر، هو شخصية محبوبة من قبل الجميع، النساء والأقارب والأصدقاء، اللذين يتهافتون على مد يد العون له في كل المناسبات.

هو ضعيف الشخصية، قليل الحيلة، خالي من أي نوع من الثقافة، ليس لديه طموح ولا أهداف ولا بوصلة، ولا يمكنه تفسير عجزه الجنسي الذي هو من الواضح ناتج طبيعي لكل حالات القهر والظلم الذي مر بها في مراحل حياته المختلفة.

هل يستحق مثل هذا النموذج رواية، وهل تستحق مثل هذه الرواية ترشيح!!

[أحمد صــــلاح · Rating 1 out of 5]

حاولت أكتر من مرة إني أجبر نفسي أكملها ماقدرتش
أنا مالي أنا واحد عنده عقد نفسية و عاجز
ذنبي أنا إيه أسمع كلامه
لا فيها فايدة و لا منها فايدة
تمجيد لأي شيء فيه ريحة الاختلاف
واحد بيدعي على أبوه يموت
عشان كان قاسي عليه
على كده مفيش أب يستحق الحياة
و بعدين في حد يجي يعرف نفسه
يعرفك على حياته الجنسية
و إنه مولع مش عارفبإيه ونفسه بكذا
و عمره ماعمل و ماعملشي و ابن خالته الل�� عرف
و هوا تنبول
و أنا ماااااااااااااااااااااااااااااااااالي
إيه ده يا راجل تعبتني الرواية دي نفسيا بجد
أنا مش فاهم سبب تأليفها إيه و عشان إيه
بالظبط أنا لا أعدها رواية حتى
و أعتقد إني لا يمكن أقرا أي حاجة للكاتب بعد كده

[علي · Rating 1 out of 5]

بجد رواية سيئة جدا.. بجد بعد ما خلصتها ماكنتش متصور أن فكرة العجز الجنسي دي هي كانت المحور الأساسي للرواية.. ده غير طبعا حادثة الافلام العربي بتاعة قتل العاهرة الروسية والدم على القميص وشغل أفلام المقاولات ده وبعد كده البوليس يمسك القاتل وكل سنة واحنا طيبين
في رأيي الرواية في منتهى السوء.. وحسبي الله ونعم الوكيل هي أحسن ختام بالنسبالي ورد على عمل زي ده

[Maryam Same]

انهيت 70 صفحه وما قدرت اكملها ممله جدا
و الآراء ع الموقع غير مشجعه =(
قرات له سابقا نساء القاهره دبي و الازبكيه اعتقد انهم اجدد من هالروايه
يمكن هالروايه من أولى اعماله لذلك مستواها اقل

[Bebo · Rating 3 out of 5]

اختلفت مع الأستاذ ناصر في عدة اشياء اشدها سياسيا و لكن هذا لا يمنع استمتاعي بالرواية فمحمد هو شاب عادي جدا و لكنه كالمرشد عندما تتعلم من أخطائه و تحاول ان تأخذ من كل شخصية بالرواية

[Abdulrhman Eaita · Rating 3 out of 5]

بي دي إف واتعميت, عموماً مش ندمان هيا لذيذة

اسلوبه بسيط واحلى مافي الموضوع إنه بيتكلم عن حد بسيط زيه زي أي شاب مصري بدون فزلكه ولا حتى محاولة لممارسة العبقرية, الشخصيات وادوارها جت جميلة, معجبنيش حشر اسماء الكتب والأفلام وكأنه بيقول للناس والنبي بصة ع الحجات دي عشان انا بحبهم :D

العجز الجنسي والعادة السرية والجنس بيحتلوا مساحة واسعة من القصة, وفي رأيي إنهم بيحتلوا نفس المساحة من تفكير أي شاب أعزب, فالكاتب استحضر نفسه لما كان عزابي يمكن :D

شايف كذا حد مش عاجبه الرواية, طبيعي جداً, لإنها في الآخر مجرد رواية مش كتاب علمي

كنت بقول الأول إن الرواية لازم تضيف حاجة مفيدة ليك, ومازلت متمسك بكده, لكن فيه ناس مع الوقت مستواهم بيرتقي وبيطلبوا من الكاتب المزيد من المعلومات والحجات المفيدة, لكن في الآخر الكاتب بيكتب رواية للإمتاع والبيع والسوق وكذا عامل في بعض, لو عاوز تستفيد متقرأش رواية, تقدر تقرأ كتاب علمي

ناس كمان معترضة على الكلام الإباحي, ومن جهتي بقولهم فاكِس بقى مدينة الفضيلة اللي عايشين فيها واتلهوا على سنينكو وشوفولكوا حاجة عدلة تقرأوها مادام مش عاجبكم الإباحية

هذا وبالله التوفيق :D

[احمد محمود · Rating 4 out of 5]

كدت ان اعطيها 3 نجوم لحد اخر مابدأت في قراءة اخر فصل
السرد كويس جدااا واللغة أدبية جدااا والورق والطباعة لن يعطوني الفرصة للحديث عنهم انها الدار المصرية اللبنانية ياسادة
اولا بالطبيعة اني بدأت بعد النص بقليل اكتشف انها ليست رواية بل انها سيرة ذاتية يكتبها او سرد يحكيه
البطل
الرواية انتهت بنفس الجملة اللي ابتدت بيها
كنت هديها بقي 3 نجوم اولا عشان مالهاش هدف الا ان شخص عاجز جنسيا فقط
ثانيا بقي السرد الكثير الذي جعلني امل ولن اطيق الكاتب
مثلا يقول
شخص يقول لي : تشرب شاي
فاسرح بخيالي بجمال الشاي ورقته واجمل منه لا يوجد بشئ عندما نضيف عليه السكر ماذا لو قلت له انني استغني عنه بعض الوقت لارتشف بعض من القهوة ولكن ياصديقي لماذا تسألني هذا السؤال في هذا الوقت هل لانك لاحظت علي عشقي للشاي ام انه لمجرد الصدفة
ثم اقول له : ياريت
اللي وصلتله بقي من اخر الرواية اللي عجبني وتمنت انها لو تطول لكام صفحة كمان في الاخر
لحد اخر فصل قولت مالهاش هدف ولن تستحق اكثر من 3 نجوم اتمني اعطيها اكثر ولكني لن استطيع لكن اعطيتها الاربعة نجوم لجمال الفكرة
لان الهدف اللي فهمته من الرواية ان مهما تكون بداخلك الهموم التي تؤثر قم بكتابتها ان الكتابة شئ مهم وسيفرغ مابداخلك

[Ali Alghanim · Rating 2 out of 5]

سطحية و بها الكثير من المغالطات و البعد عن الواقعية ،فعلى سبيل المثال ،كيف تأتمن أسرارك ﻷكثر من شخص ،هل طغت حسن النية على الجميع أم بتنا نعيش في رحاب المدينة الفاضلة ؟! .و كيف تقع فتاة ناجحة طموحة ذكية و حسنة الخلق و الخليقة - و من النظرة اﻷولى -في حب شاب ليس فيه أي من الصفات التي تؤهله ليكون كفؤ لها ؟!!

لا تستحق دخول القائمة القصيرة لجائزة البوكر 2012 و لا حتى القائمة الطويلة. .
أعتقد أن هناك مجاملة للكاتب كونه مدير تحرير سابق لمجلة دبي الثقافية 2004 -2010.


* الحب شيء آخر ،شيء لا يمكن وصفه بعبارات و كلمات ،تجد نفسك مشدودا إلى فتاتك ،كل ما يتعلق بها :ملامحها ،طريقة كلامها ،ملابسها ،همساتها ،شرودها ،حتى سخافاتها أحيانا و تقلباتها لا تمثل لك إزعاجا ،بل تمنحك نعمة الصبر عليها و استيعابها ،ﻷنك متيم بها! أما المودة الناتجة عن ممارسة الجنس فلن تدوم سوى عام أو عامين ؛ﻷن الملل سينخر في عظام هذه العلاقة التي تفتقد للحب.

* ﻷول مرة طوال حياتي أضبط قلبي يرفرف هكذا ،مسكونا بحبور كبير نحو الفتاة التي أسرتني ،و ممتلئا بمشاعر لم أتذوق مثلها من قبل. إنها مشاعر حريرية بيضاء تدفعني ﻷن أطير مسرورا.

[Muhammad Galal · Rating 4 out of 5]

-- " الفاشلون فقط من يبحثون عن الرزق خارج بلدانهم " عبارة تكررت فى ذهن البطل طول أحداث الرواية وأرقته نفسيًا كثيرًا جدًا.
--طريقة عرض الأحداث بالتعريف البسيط عن كل الشخصيات أضفى لها رشاقة من نوع خاص .
--عرض الأحداث جميل جدًا : أحب جدًا أسلوب " المفاجأة بالنهاية " ومن ثمّ الخوض فى التفاصيل ، أشعر أنه أكثر رقيًا من الأسلوب التقليدى المتصاعد فى سرد الأحداث ... المتعة دائمًا فى التفاصيل .
-- البعض يمكن أن يفهم الرواية على أنها تصوير لمعاناة جنسية عاشها البطل طول أحداث الرواية ، وعقدة انحلّت فى النهاية .
-- رواية لا تخلو من بساطة فى اللغة وسلاسة فى التعبير ، وتجبرك على الانتهاء من قرائتها كأسرع ما يكون .
-- أرى أن الرواية تستحق الوصول للقائمة النهائية للبوكر للعام الماضى " 2012".

[Walid Elalfy · Rating 3 out of 5]

كان هو العاطل والعاجز والفاشل !!
لا اعرف هل لعلاقه الكاتب باهل الراى والثقافه فى دبى سبب لدخول الروايه فى الترشيحات النهائيه لجائزه البوكر للروايه العربيه ؟؟ فهو من المسئؤلين عن مجله دبى الثقافيه والمجالس ..تحكى الروايه عن شاب فى الثلاثين فقط يعيش فى خيالاته وخصوصا الجنسيه .عاجز عن التعليم عاجز عن القراءه عاجز عن مواجهه ابيه الذى يكرهه عاجز فى النجاح فى العمل عاجز حتى عن تغيير نمط حياته رغم انه لم يقابل الا الناجحين !! فقط نشيط فى خيالاته الجنسيه واكتفى بها حتى بلغ الثلاثين من عمره ..هى لا تحكى عن غربته فى الجغرايا لانه حتى فى بلده كان يعيش نفس الغربه ..
على اى اساس يتم الترشيح فى البوكر العربيه !!!
نجمه اعطيتها للدار المصريه اللبنانيه افضل دار فى اختيار الورق وفونت القراءه

[eman · Rating 1 out of 5]

أنا مش عارفة أقول ايه الحقيقة !

أكتر من 130 صفحة موصلتش لأي حاجة غير إن بطل الرواية كل مشكلات حياته تجمعت في النصف الأسفل من جسده والمفروض أن الكون كله يقدر الورطة اللي هو فيها والمفروض كمان إني أستحمل الهراء ده (استبدل الهاء بخاء إن شئت) أكتر من كده @
والله أنا معنديش أي مشكلة مع الأدب اللي بيقدم مشكلات من النوع ده ،لكن الفكرة في هنا في الابتذال ،طريقة الكتابة غاية في القرف والانحطاط.

مقدرتش أكملها

[Dalia Aboul Atta · Rating 1 out of 5]

اتعجب لدخول هذه الرواية ضمن الرويات الست المرشحة لجائزة البوكر العربية لعام 2012 فمن وجهة نظري لا اجد بها اى مقومات الروايه الادبية بالرغم ان الكاتب تترق الى موضوع جيد

[Radwa Ahmed · Rating 3 out of 5]

الواقعية هو الشئ الذي يميز هذه الرواية... كأنك تقرأ شئ انت كتبته بنفسك او احد من اصدقائك ... اسلوب سهل و بسيط ... و تجربة حياتية جميلة فيها شئ من العفوية في الكتابة ... اختلفت مع الكاتب في عرض بعض المواضيع و الدفاع الغير معلن عنها مثل الحجاب مثلا و ربط التخلف بالقيم الاسلامية ...
اعجبت باستخداك كلمة " العاطل " عدة مرات في الرواية بمفاهيم مختلفة ...

[Randa Emad · Rating 3 out of 5]

من المرات القليلة التي أجد فيه بطل الرواية بطل يرئي له ، فهو البطل الغير مثقف وغير ناجح اجتماعيا وفاشل عاطفيا ، أظن أن الكاتب واتته الشجاعة كثيراً أن يجعل من بطله أضحوكة
لكن الحبكة الدرامية تتضح كثيرا ً مع توالى الصفحات ، ويسرد البطل كثيرا ومن قبله الكاتب عن الأب ، رأس العائلة، وطريقة تربيته وشخصيته وتداعيات كل ذلك على أبنائه وبناته

جوهر تلك الرواية هو تأثير التربية والأسرة علي صن�� مستقبل الأبناء ، حتي المستقبل العاطفي مرتبط بالنشأة
لذلك لا يمكن أن نختزل الرواية في قضية البطل من ناحية عجزه وفقط لكن فشله وسلبيته كلها مرتبطة بتربيته ، وأي قضية يمكن الإشارة إليها أكثر من دور وتأثير الأب

فعلاً بالرغم من انتقاداتي على الكاتب ويعيب عليه فعلا السرد والاعادة في فكرة عجز البطل الجنسي ، إلا إني أجده صريح صراحة عفوية وطبيعية قصد منها رسم الواقع الذي دائما نخشاه
ونخشي الحديث عنه

يعاب على الكاتب أنه جعل من الغير مثقف متدين ، والمثقف ناقم ويكاد يكون غير معترف بالدين
لكنه نجح في رسم صورة الأبن الذي تربي في جو أسري رائع ومثقف وهادي ومتفاهم وهو منصور والأنسان الناجح والمثقف والايجابي


في البداية ، كانت مجازفة بعد قراءة غلاف الرواية ان أقرر وابدا فيها ، وشعرت بتقزز في البداية من فكرة
الرواية ، لأننا ببساطة في مجتمعات أعدتنا أن الرجال لا يعترفون بفشلهم وعجزهم فما بالكم بعجز من هذا النوع ، كانت صدمة اجتماعية وثقافية أن أجده يتكلم عن هذا العجز بانسيابية وسلاسة وكأنه يفتخر

[Fatma Ahmed · Rating 1 out of 5]

علي الاعتراف انه من اسوأ عاداتي عدم قدرتي علي ترك كتاب في منتصفه .. ربما هي الرغبة في عدم الاستسلام !! او مجرد فضول لمعرفه هل من نهاية لكل هذا السوء !!

" دي لا روايه ولا يحزنون " ( بنفس اسلوب البطل في الكلام ) ..
اشبه لفيلم من الافلام الهابطه ( زي افلام السبكي كده) بلا حبكة ولا افكار و كمية الفاظ فجة تم تجميعها لتكوين هذا الكتاب ..

المكونات .. عبارة عن (اي كلام جنس + حشيش ومخدرات + حبة اكشن في مشهد قتل الروسية + شويه كلام عن الدين برضو في النص ميضرش + شويه مناظر بديعه ومشاهد من الامارات والمولات لزوم الكادر وتصوير الفيلم + والنهاية السعيدة )

مشكلتي مش في فكرة الروايه نفسها اطلاقا .. و جايز انا معرفتش افهم.. لكن للاسف ملقتش اي اسقاطات من اي نوع لفتت نظري بالمرة..

الغريب والمستفز هو حشر المؤلف لبعض التعبيرات القرآنيه والبلاغية في السرد وسط قاموس الشتايم و الالفاظ العجيب ده..

بس المهم يعني في الاخر اللي هتستفيده .. (لو عندك نفس مشكلتي مع الكفاح ومواصلة القراءة الي النهاية مهما كان الكتاب سيئا ) ...
هو انك لازم تفكرجديا تغير الطبع ده و تبطل تضيغ وقتك ومجهودك..

واكيد تشوف الجودريدز قبل ما تدبس وتشتري الكتاب :) :)

[أحمد نفادي · Rating 2 out of 5]

عطل -خلا : يقال عطلت المرأة إذا خلت من الحلي فهي عاطل
وعطل الرجل إذا بقي بلا عمل وهو قادر عليه

المعجم الوجيز

أول ما قابلتني به الرواية كانت الصدمة الفاظ جد فجة وكلمات مخجلة
الرواية قصة عادية جدا عن شاب "عاطل" خالي من كل شيء من كل صفة حسنة فقد تعرض لاضطهاد أبيه ودخل كلية لم يردها تخرج ولم يعمل وعمل عمل مخجل "في رأيه" سافر الي الخليج كمعظم المصريين

اسلوب الرواية بسيط يكاد يكون طفولي وهو مكتوب من وجهة نظر الراوي وهو البطل فقد يكون الكاتب تعمد تلك البساطة لتدل علي انها لفتي متوسط الثقافة والموهبة

بكل تأكيد ومهما كانت تلك الرواية فلا تستحق أن تدخل إلي البوكر أبدا فلا الحكبة ولا الاسلوب ولا اي شيء يشفع لها بذلك علاوة علي الالفاظ

حمدا لله لم أشترها والا كنت سأجرح فيها ولكن جرح فيها قريب لي فليشربها :D

[Mahmoud Afify · Rating 4 out of 5]

بالرغم من ان موضوع الرواية لم يكن جديد ولكن المعالجة كانت رائعة والاسلوب كان متميز جدا.

انتهج الراوى نفس اسلوب محمد شكرى فى رواية الخبز الحافى عندما كان يتحدث عن ابية وعيوبة وكيف كان يتمنى الموت لة.

الرواية ركزت على الجوانب النفسية للبطل ابتداء من اخفقاتة الجنسية المتكررة والتى لم يتخلص منها الا بالكتابة.

شعرت ان العاطل هى النسخة المعدلة من رواية السراب لمحفوظ رغم ان موضوع الرواية مختلف تماما ولكن الاتفاق قد يكون فى التركيز على نفسية البطل اكثر من اى شئ اخر.

الرواية شيقة وممتعة وشعرت اننى استطيع قرأتها مرة واحدة ولكن الملاحظ فى اسلوب الرواية هو الاستطراد الذى استخدمة كثيرا فكان يتكلم عن الموضوع من نهايتة ثم يرجع الى نفس الموضوع يسرد تفاصيلة بشكل لايجعلك كقارئ تشرد منة اويحرق الاحداث.