Црнила

by Коле Чашуле, Kole Čašule

Темата на драмата „Црнила“ од Коле Чашуле е убиството, атентатот врз Ѓорче Петров од неговите сонародници, Македонци.
.
Чашуле е нашиот прв автор кој собра храброст на ваков начин да проговори за македонските црнила.
Самиот тој вели дека инспирација добил од убиството на Ѓорче Петров во кое „видов кревање рака на својот идеал. Усмртувањето на Ѓорчета од македонска рака, а во служба на антимакедонски однародени интереси, за мене станаа симбол на македонските црнила воопшто“.
.
„Црнила“ е драма на идеја, односно драма со теза, која се остварува преку апсурдот на еден лик дојден во непознат свет, но овде остварена и со политички задни намери.
Идејата во драмата е осуда на човековиот морален пад, на братоубиството, на забивањето нож в грб – честа појава во нашата мрачна историја.
.
Дејството се случува 1921 година во Софија, а како мото се дадени стихови на Анте Поповски:
.
„Долу по полено, по врбацине, до срцево
Сè е така и ноќ и нож в плеќи забиен
Не ме уплашија векови со нож од туѓа рака
Ме плаши час од рака своја в плеќи.“
.
Композицијата на драмата е во четири дејства, а драмскиот простор е домот на Христови каде се подготвува заговорничкиот предавнички чин.

Genres: Theatre, Plays

120 pages

First published January 1, 1961

Reviews

[Eveslibrary · Rating 5 out of 5]

“Денес, мила моја, може да се остане жив единствено ако не се праша, ако не се знае ништо, ако не се има очи и мисла за ништо од сево ова што станува околу нас. Обиди се да ми поверуваш…”

“... Можам ли јас да не ти поверувам? Та ти си единственото нешто што ме држи уште во животот.
Понекогаш ми се чини дека живеам само за твоите доаѓања.” ❤️

“Понекогаш ми се чини дека сиот живот сум го поминал во чекање на луѓе што задоцнувале со своите пристигања.”

[Marija S. ivanovska · Rating 5 out of 5]

Книга што ни порачува дека денес може да се остане жив единствено ако не се прашува, ако не се знае ништо, ако не се има очи и мисла за ништо од сево ова што станува околу нас. Познат призвук на едно современо секојдневие, сепак не толку далечно и за нашите претци. Се чини менталитет тешко се искоренува, а навиките на Македонецот ја надживеала дури и традицијата, обичаите, простото македонско што требаше да тлее во секој од нас - а сега е засенето од западните култури. Жално. Па останува да виси во просторот прашањето: Има ли поголем непријател на Македонецот, од самиот Македонец? ,,Црнила'' ни зборува за предателите на Ѓорче Петров обопштувајќи го светот на предателите на Историјата.

[Виктор · Rating 5 out of 5]

Повторно ја читам оваа драма, по веќе четврти пат. Досега, во сите 18 години што ги имам изживеано, немам прочитано подобро македонско дело од ова, и никое друго дело ме нема толку погодено и трогнато како оваа драма. Начинот на која е пишувана, ликовите, самите случувања... неможе да се опише со зборови чуството кое ми го носи, особено последната реченица на Фезлиев (како и повеќето работи што тој ги има кажано... го обожавам) "Господи, белки не умрел Македонецот во мене."

[Andrej Capov · Rating 5 out of 5]

Драма со неизмерна важност за просечниот Македонец па можеби и за просечниот човек воопшто. Драма којашто ни го покажува исконскиот нагон на себичност и трулост и ни ја открива сеприсутната иронија и парадоксалност на човековата егзистенција.

[Мила · Rating 5 out of 5]

"Како само за нас, Македонците, да се создадени сите црнила на овој век".

"Господи, белки не умрел Македонецот во мене".

Драмава мора да ми легне за да напишам добро смислен коментар. Цела ме растревожи. Буквално останав без зборови.

[Rezi · Rating 5 out of 5]

Немам вокабулар доволно раскошен да ја опишам извонредността на оваа книга. Спектакуларна е и штета е што ќе биде тргната од дела за обработка од образовниот систем.

[kasija gaber · Rating 5 out of 5]

“Почнуваат да се возбудуваат заради едно задоцнување од половина час. Овде — на Балканот — каде сѐ што живее задоцнува со четири века.”

[Stefan Serafimoski · Rating 3 out of 5]

Драмата има добра основа, иако понекогаш се добива впечаток дека на сцена се случуваат многу работи одеднаш.

[Martina · Rating 3 out of 5]

Не беше лоша вака. Интересна ме шокираше што се случи на крајот задржува вниамние