حب من طرف تالت

by بسمة العوفي

خواطر من وجع القلب والذى منه ...

Genres: Poetry

71 pages, ebook

First published July 1, 2011

About the author

كاتبة وصحفية مصرية، تعمل منتجة ومطورة للمحتوى الرقمي.

حصلت علي جائزة أحسن شِعر على جامعة عين شمس لعامين على التوالى 2008، 2009.

حصلت على تكريم دولي من برشلونة- أسبانيا، كواحدة من أفضل الكتّاب الشباب في دول البحر المتوسط عاميّ 2015 و2017.

كتبت قصة فيلم كيف تصنع مجرما المشارك في مهرجان القاهرة لأفلام حقوق الإنسان 2010، ومهرجان موسكرز الحرية 2011.

*إصدارات:
- كلاب الشوارع - أول مجموعة قصصية عن التحرش الجنسي في مصر - فبراير 2010
-حب من طرف تالت - كتاب إليكتروني - يوليو 2011
- كعب عالي - مجموعة قصصية عن عالم البنات يناير 2012
- قهوة وأيس كريم - يناير 2019.

https://www.facebook.com/basmael3ofyo...

Reviews

[داليا رشوان · Rating 3 out of 5]

كتاب جميل ..
عجبني الاهداء
..
هعتبره خواطر و ليس شعر ..
لانه فيه كتير مش موزون .. و ده اللي كان بيخرجني من المود و انا بقراه
..
حبيت الرباعيات ..


مع الوقت .. هيتظبط اكتر لانك عندك موهبة الشعر :)

محاولة شعرية ناجحه


تسلم الايادي :)

[Rasha Tabbakh · Rating 1 out of 5]

اللغة العامية تضعف أي عمل مهما كان عظيم !
ومشكلة الياء التي تكتب بدون تنقيط .. والألف المقصورة التي بقدرة قادر تنقّط (في كتابة المصريين فقط) ، تم تﻻفيها بشكل كبير هنا ، ولكن تسقط سهواً بين الحين واﻵخر ، ولست أدري ما سبب هذه المشكلة الأزلية ؟!
بشكل عام احببت:

ليه بعدتي _ اتغيرنا _ لما يرجع

[إسراء فكري · Rating 4 out of 5]

إنتِ ازاي كده ؟!
بجــد كلآمك حلو أاوى و وصلني احساسك جداً ف كذا خاطرة لدرجة إني دمعت :') ،، بقالي فترة مُش قليلة مقرأتش خواطر بالروعة دي (y) ،، متنوعة كمان ،، (رومنسي - واقعي - وجع - ضحك كمان ..) بس الأحساس فضل للنهاية ع نفس المستوي اللّي بدأتي بيه و دي حاجة عجبتني أاوي ..
مفيش حاجة معينة عجبتني فيه ، لأني إستمتعت و عيشت فيه كله .
مستنية خواطرك الجاية و تكون مُش إلكتروني بقي :D بس بسرعة ;)
عنْ الوجع !

[Radwa · Rating 3 out of 5]

كتاب رائع .. كلماته بسيطة و سهلة الفهم
عادة الأشعار االمماثلة لا تستهوينى لأنها لا اما فيها فكرة بس كلام كبير..
أو كلام حلو و مفيش فكرة ..
و الكتاب ده جمع الكلام الحلو و الأفكار الأحلى منه ..
أبدعتى يا بسمة و فى انتظار الكتاب اللى بعده =)

[Muhammad Galal · Rating 2 out of 5]

ده من نوعية الأعمال اللي صعب تفتكر منه حاجة بعد ما تخلصه

لدرجة إنّي توهمّت إنّي لم أقرأ قصيدة بعنوان"حب من طرف تالت" اللي هي عنوان الديوان، لكن حمدًا لله خاب توهمي.

ما بحبش النوعية دي من الشعر ، لكنّه مقبول إلى حد كبير.

[باسنت خطاب · Rating 3 out of 5]

اكتر حاجات عجبتنى اووى :

اللى بيخاف يطلع برة

بحبها بطريقة عجيبــــة
<3<3

لمابشوفك
هبوط
خوف
واكيداكيد رباعيات


جميـــل كالعادة يا بسمة

والاهم انه حلم وخلصتى منه ;)

[Taghreed Ahmed · Rating 4 out of 5]

قاعد ماسك لمبة مخي
ألعب فیھا ، أطفي وأنوّر
وسؤال واكل نص دماغي
ومش عايز يتغیر
ھو الوقت بیجري بسرعة
ولا أنا بكبر؟!




محكمتي ..
بقفل علي نفسي باب أوضتي
برمي موبايلي .. وكمان ساعتي
مش عايز حاجة تشغلني
عندي مُحاكمة .. وأنا القاضي
وطبیعي أبقي مش فاضي
أصلي بمثّل وأنا مش راضي
أنا متھم .. وأنا برضو بريء
وأنا المحامي .. مش لاقي طريق
ولا سكة أدافع بیھا عني
وأثبت إزاي إني ظالمني ؟
ده الحزن في قلبي اشتكي مني
وأتاريني قدمت بلاغ فیا
والحالة مشیت وبقت قضیة
ملقتش محامي لیا .. غیري
منا عارف كل تفاصیلي
والقاضي كمان مرضیش يحضر
قلت : أنا في عرضك يا ضمیري
حتى نیابة أمن الدولة
مرضتش تحضر ولا جولة
يعني المحكمة كلھا لیا
والجلسة .. جلسة داخلیة
أنا متھم .. ومحامي عني
و نیابة .. ھتقطّع مني
وأنا قاضي ھیحكمني
وأنا ناس شاھدين ع اللیلة ديا
ودفاع وصحافة ومستشارين
وعساكر .. وغیري متھمین
يستعجلوا إني أخلص وأحكم
علشان يعرفوا الدور علي مین
في نیابة .. قالت كلمتھا
واشتغلت بس بمكانتھا
شھدت ضدي .. يخرب بیتھا
إن أنا اعترفت .. وحبیتھا
وأھو كله مكتوب في الأوراق
إن المذكور .. ياما اشتاق
شاف حلاوة الحب وداق
واتعذب بعد كل فراق
ولا حرّمشي .. مھما نصحناه
تاعب نفسه ، وتاعبنا معاه
عمال يتألم من جواه
وعشان كده إحنا طالبناه
يا سیادة القاضي يبطل ظلم
ده بني آدم مخلوق للیتم
بیعیش ويصدق أجمل حلم !
و حیاته ولا أغربھا فیلم
طب لیه يعیش وسط البني آدمین
يجرحوا فیه .. وھو راضي حزين
بیسامح بدل المره .. ملايین
ولا عامل اعتبار للقوانین
وبنطلب من سعادتكم حكم
نشیل م ع البني آدم الظلم
وبما إنه غاوي أحلام
ومبیسمعش أي كلام
ھنطبق علیه القوانین
ونرمیه وسط العاشقین
السھرانین ..
الحیرانین ..
أو ياخد حكم بإعدام !
وأنا واقف بسمع في كلامي
ومش فاھم
من إمتي بس المظلوم
ھو اللي بیتحاكم ؟
ما تقول يا محامي .. ولا خلاص؟
دافع عني قدام الناس
قولھم إن جريمتي الإحساس
قولھم إني بحب بإخلاص
ولقیته راح دافع عني
جھز ورقة وقرب مني
كلمني وسور بیني وبینه
قاللي ادعیلي .. ربنا يساعدني
قلت له وادعیلي إنت كمان
دانا اللي واقف خلف القضبان
قدم ورقه للقاضي .. بیان
إن أنا كنت عاشق سھران
وصحیح قالوا علیا حیران
ومش مفھوم ..
والناس دي علیا بتلوم
وإني عملت لنفسي حكايات
خرّجت منّي كل الھوايات
اتريقوا .. قالوا لوغاريتمات
لو فھموا إن دي كلھا آھات
مكانوش حاكموني ..
سكت اللي بیدافع عني
في حقي المشروع
قرب م القاضي .. مني
وكان شكله موجوع
بص لي جامد .. وف عینه دموع
أصل صوته .. مكانش مسموع
والجلسة كان لیھا معاد
والقاضي ناوي يدرس أبعاد
قاللي خلاص .. وقتك فات
لسه ورايا بیتي والأولاد !
بصیتله .. كان راجع مكسور
وشه مضلم .. مع إن في نور
دلوقتي جه علیا الدور
علشان أحكم ..
وأنا قاضي كبیر
ھرضي القانون ، ومش ھظلم
بس ھحاول أرضي الجماھیر !
شكلي نسیت إن أنا قاضي
والحكم ھییجي وأنا ھادي
لو قالوا كل الأحكام
أنا مستبیع وقاعد راضي
الدنیا ساكتة ..
ومفیش ولا صوت مسموع
طب مش من حق المظلوم ..
يصرخ .. يعلن إنه موجوع
جه القاضي ..
ھس .. سكوت
دلوقتي أھم ما في الموضوع

[Heba Ghandy · Rating 2 out of 5]

فيه أفكار و مشاعر حلوة ..
لكن أسلوب الكتابة ضعيف جدا ..
لو كان اتكتب نثر كان هيبقى اقوى من كدة بكتير
التزام الكاتبة بالقافية أو بمعنى اصح اجبار نفسها عليها
لم يكن فى صالحها فى كثير من الأحيان لأنها اضعفت المعنى أكثر مما قوته
و حسيت شوية بالتطويل فى بعض القصائد بدون داعى
أحببت الرباعيات كثيراً ..

اتمنى لك التوفيق فى أعمالك القادمة ان شاء الله

[امتياز · Rating 4 out of 5]

كتاب شعر بالعامية المصرية .. دمه خفيف وقريب من القلب
اعجبتني كثير من نصوصه ومنها على سبيل المثال
محكمتي
تحت العشرين
هبوط
حب من طرف تالت
مين مبيحمبش راحة البال
افهميني

وغيره وغيره

"""""

[Abdul-rahman Salem · Rating 3 out of 5]

ممتع أحياناً، الاهداء لعمر طاهر وفي بعض القصائد تشعر أن روح عمر طاهر موجودة...
المشكلة الحقيقية هي القافية... أحيانا كانت (بتبوظ الأمر)كله.

3/5

[Lobna · Rating 3 out of 5]

فى حاجات عبرتى عنها براعة ..وحاجات تانية اخترقتنى لدرجة انى كنت سامعة صداها جوايا

احساس بأن في حد میت جوه مني
والناس تشوفني ، ومفیش حد فاھمني
عايزة أدفنه .. خايفة لیاخد حته مني
ولا أسیب جوايا قبر يحكمني وحابسني

لغتك سهلة وكلامك بيوصل للقلب بسرعة

بس انا حسيت ان الاسترسال فى بعض القصايد مااضافش جديد

عموما ربنا يوفقك انتى حد موهوب

[Bassant Elsawy · Rating 2 out of 5]

استمتعت بيهف الأول
" إستغربت دي معجبتنيش خالص " مش عارفة ليه
حاسه إنها كانت غاصبة على نفسها إنها تكتب
و الإلتزام بالقافية أحيانا ماكنش ف صالحها
و ساعات كنت بلاقي كلام ملوش لازمة

ممممم مش عارفة بجد بس حاسه كده إنها
كانت مستعجلة على نشر الكتاب ده أو حاجة عشان
كده كانت بتكتب بالطريقة دي
ربنا يوفقها :)

[خلود علوان · Rating 3 out of 5]

بسمة العوفي تتحدث بقلب جيلها
..................

حد سامعني ؟
حد فاھمني ؟
جوايا حاجه بتألمني
زي ما أكون مع نفسي ظالمني
حاجة جوايا .. سايبة علامة
ولا ألف دوا يشفي ملامة
أيوة بلوم علي نفسي وياما
نفسي أشوف سكتھا سلامة

هنا بالذات انا شايفاني اوي

.......................


بس حاول تعيدي نظر في
مشھد وداع
ياللي كان في يوم اسمك .. حبیبي

تقليدية شوية وكلامها متوقع

[Che Muhammed · Rating 3 out of 5]

عامة .. هى كأفكار و مشاعر .. مفيش احسن من كده ..
لكن كَـ لغويات و صياغة شعرية فهى للأسف ضعيفة شوية .. لو كنتى صبرتى على الكتاب شويتين كان هيطلع بصورة احترافية احسن من كده بكتير ..!
انا مش ناقد ولا اى بتنجان بس علشان انا وعدتك اقولك رأيي بصراحة بس :) !

[Rana · Rating 4 out of 5]

عاجبني اوي الكتاب ... في فقرات كتير بتعبر عني :)

[سحر · Rating 3 out of 5]

عجبني نص نص
في حاجات حسيتها اوي فيه و في حاجات مش حسيتهاحسيت انها مش مترتبه كلامها حلو
حسيت انه بيحكي عن جرح من تجربه حب فاشله

[Alaa Ezzeldin · Rating 3 out of 5]

عجبتني معظم الأفكار اللي اتكتبت
حلو وخفيف بإستثناء بعض الأفكار اللي اتهرست قبل كدا
واللغة كذلك في حتت منها عامية زايدة شوية
لكن في المجمل كتاب جميل واحلى من كتب كتير من نفس النوع

[Fatma Mahmoud · Rating 3 out of 5]

خواطر خفيفة وممتعة
قرأتها في حوالي 6 مرات لاستمتع بها
أكثر ما راق لي "رباعيات" و"حب من طرف تالت" التي لفتت نظري
للكتاب ككل :)
بالتوفيق يا بسمة في أعمالك القادمة

[إلهام مزيود · Rating 3 out of 5]

شعر خفيف ولطيف بالعامية المصرية، استمتعت كثيرا به

[Sara · Rating 4 out of 5]

ﺣﺐ .. ﻣﻦ ﻃﺮف ﺗﺎﻟﺖ

ﺷﻔﺖ ﺣﺒﯿﺒﮫﺎ ﻣﺴﺘﻨﯿﮫﺎ
ﺷﻔﺘﻨﻲ ﻓﯿﮫﺎ ..
ﺑﺲ ﻟﻘﯿﺘﻨﻲ واﻗﻔ ﺔ ﻟﻮﺣﺪي
أﺻﻞ ﺣﺒﯿﺒﻲ ﺻﺪّق وﻋﺪي
إﻧﻲ ﻋﻤﺮي ﻓﻲ ﻳﻮم ﻣﺎ ھﺴﯿﺒﻪ
راح ﺳﺎﺑﻨﻲ .. !

ﻃﺐ ھﻮ أﻧﺎ ﻏﻠﻄﺖ ﻓﻲ إ ﻳﻪ ؟
إﻧﻲ ﻓﻀﻠﺖ ﺑﺎﻗﯿ ﺔ ﻋﻠﯿﻪ !

ﺑﺼﯿﺖ ﻟﻠﺒﻨﺖ ﻣﻦ ﺗﺎﻧﻲ
ﺑﺼﻠﮫﺎ .. وﻗﺎﻟﮫﺎ واﺣﺸﺎﻧﻲ
آه ﻟﻮ ﺗﻌﺮف د .. ي ﻗﺘﻠﺘﻨﻲ
ﻛﻨﺖ ﺑﻤﻮت وأﻧﺎ واﻗﻔ ﺔ ﻣﻜﺎﻧﻲ

ﺧﻠﺘﻨﻲ أﺑﺺ ﻟﻜﻞ اﺗﻨﯿﻦ .. ﻏِأو ﯿﺮ
أول ﻣﺮه أﺗﺼﺮف ﻛﺪه ﻣﻦ ﻏﯿﺮ ﺗﻔﻜﯿﺮ
"واﺣﺸﺎﻧﻲ "
ﻳﺎ ﺗﺮي د ي ﻟﺴﻪ ﻓﺎﻛﺮھﺎ ؟
ﻓﺎﻛﺮ ﻟﻤﺎ ﻛﻨﺖ ﺑﺘﻌﯿﺪ وﺗﻘﻮﻟﮫﺎ
أو ﻧﺎ أﻗﻮﻟﻚ اﺳﺘﻨﻲ ، ﺑﻼش
إﻧﺖ ﺗﻘﻮﻟﻲ إدﻳﮫﺎ ﻃﻨﺎش
أﻗﻮﻟﻚ ﺗﺎﻧﻲ ﻣﺘﻌﯿﺪھﺎش
ﺗﻘﻮﻟﻲ أﻧﺎ ﺑﺤﺒﻚ ..
ﻳﺒﻘﻲ ﻟﯿﻪ ﻣﻘﻮﻟﮫﺎش ؟

ﻃﺐ وأدﻳﻨﻲ ﺳﻤﻌﺖ ﻛﻼﻣﻚ
ﺣﺒﯿﺘﻚ .. وﻋﺸﺖ ﻓ أ ـ ﺣﻼﻣﻚ
ﻃﺐ دﻟﻮﻗﺘﻲ أﻧﺎ أﻋﻤﻞ إﻳﻪ
ﻣﺎﻧﺎ ﻣﺶ ھﻌﺮف أرﺟﻊ ﺗﺎﻧﻲ
ﻗﻮﻟﻠﻲ ﻋﻤﻠﺖ ﻛﺪه ﻟﯿﻪ ؟
إزاي ﺑﺎﻟﺴﺮﻋ د ﺔ ي ﺗﻨﺴﺎﻧﻲ

ﻳﻌﻨﻲ أﻧﺎ ھﺘﺤﺎﻳﻞ ﻋﻠﯿﻚ ؟
ﺑﻌﺪ ﻣﺎ ﻛﻨﺖ ﻏﺎﻟﯿ ﺔ ﻋﻠﯿﻚ
ﻋﺎﻳﺰ ﺗﻤﺸﻲ .. ﺳﯿﺒﻠﻲ ﻗﻠﺒﻲ
رﺟﻌﮫﻮﻟﻲ اﷲ ﻳﺨﻠﯿﻚ
ﻟﻤﺲ إﻳﺪھﺎ أ .. ﻧﺎ ﻗﺸﻌﺮت
إﺣﺴﺎس ﺧﻼﻧﻲ اﺗﻜﮫﺮﺑﺖ
زي ﻣﺎ ﺗﻜﻮن ﺟﻨﺒﻲ .. ﻓﻜﺮت
ﻛﻞ ﺣﺎﺟﻪ إزاي ﺗﺮﻣﯿﮫﺎ .. واﺳﺘﮫﺘﺮت
ﺿﺤﻜﻮا ﺷﻮﻳ ﺔ
أو ﻧﺎ إﺣﺴﺎﺳﻲ ﺑﯿﻘﺘﻞ ﻓﯿﺎ
ﻛﺎن ﻧﻔﺴﻲ ﻳﺸﻮﻓﻮﻧﻲ ﻣﻌﺎك وﻟﻮ ﺛﺎﻧﯿ ﺔ
ﻛﺎﻧﺖ اﻟﺴﺎﻋ ﺔ ﺗﻌﺪي ﻓ ـ ﺛﺎﻧﯿ ﺔ
ﻛﻨﺎ أﺣﻠﻲ ﺣﺒﯿﺒﯿﻦ ﻓﻲ اﻟﺪﻧﯿﺎ ..

ﻗﻠﺖ ھﺒﻄﻞ أﺑﺺ ﻋﻠﯿﮫﻢ
ﺧﻠﯿﮫﻢ .. رﺑﻨﺎ ﻳﺤﻤﯿﮫﻢ
ﺧﺒﯿﺖ وﺷﻲ ﺑﯿﻦ إﻳﺪﻳﺎ
ﺑﻤﺴﺢ دﻣﻮع ﻧﺎزﻟ ﺔ ﻣﻦ اﻟﻌﯿﻦ
ﻣﻌﻘﻮﻟﻪ ؟ إﺣﺴﺎﺳﻲ ﻓﺎض ﺑﯿﺎ
وﺑﺴﺘﻠﻔﻪ ﻣﻦ ﻛﻞ اﺗﻨﯿﻦ !؟

ﺑﺲ أﻧﺎ ﻻزم أﻧﺴﻲ ﺑﺈﻳﺪﻳﺎ
وھﻮاﺟﻪ أو .. ﺑﻘﻲ ﻃﺒﯿﻌﯿﺔ
ﺑﻼھﺎ ﺣﺎﺟﺎت روﻣﺎﻧﺴﯿ ﺔ
وھﺨﻠﻲ ﺣﯿﺎﺗﻲ ﻋﻤﻠﯿ ﺔ
وھﻌﯿﺶ ﺑﻘﻲ ﻋﯿﺸ ﺔ واﻗﻌﯿ ﺔ
ﻗﺮرت وﻓﺘﺤﺖ ﻋﯿﻨﯿﺎ

ﻓﺘّﺤﺖ .. ﻟﻘﯿﺘﮫﻢ ﻣﺎﺷﯿﯿﻦ ﻃﺐ وإﻧﺘﻮا ﻛﻤﺎن راﻳﺤﯿﻦ ﻓﯿﻦ ؟
داﻧﺘﻮا ﻓﻜﺮﺗﻮﻧﻲ ﺑ ـ ﺣﺒﯿﺒﻲ ..
وﺑﻘﯿﺘﻮا ذﻛﺮى ﻣﻦ ﻣﻼﻳﯿﻦ

رﺑﺎﻋﯿﺎت

ﺣﺒﯿﺖ .. وﺑﻌﯿﻨﻲ ﻗﻠﺖ ﻛﻼم
ﻗﻠﺖ ﻟﺤﺒﺒﯿﺐ ﺳﻼم .. ﻗﺎﻟﻲ ﺳﻼم
ﻛﺎن ﻗﺼﺪي ﺳﻼم.. ﻛﻠﻤﺔ ﻣـ اﻹﻧﺴﺎﻧﯿﺔ
وﻛﺎن ﻗﺼﺪه ﺳﻼم .. أﻣﺸﻲ وأﺑﻌﺪ ﻗﻮام !
***
ﺣﺒﯿﺖ .. ﻟﻜﻦ ﺣﺐ ﻣﻦ ﻏﯿﺮ أﻣﻞ
ﺣﺒﯿﺖ وأﻋﻤﻞ إﻳﻪ ، وإﻳﻪ اﻟﻌﻤﻞ ؟
أﺑﻌﺪ وأﻧﺴﻲ ، وﻻ أﺣﺐ وأدوب
وأﻣﺴﻚ ﻓﻲ آﺧﺮ ﺷﻌﺎع ﻣﻦ اﻟﻤﺤﺘﻤﻞ ؟
***
ﺣﺒﯿﺖ ، وﻣﺒﺼﯿﺘﺶ ﻟﻠﻘﻤﺮ
وأﺑﺺ ﻟﯿﻪ؟ ده ﺣﺒﯿﺒﻲ زي اﻟﻘﺪر
أروح ﻳﻤﯿﻦ أروح ﺷﻤﺎل أﻻﻗﯿﻪ
ذﻧﺒﻲ.. ﻣﻌﻠﺶ ﺑﻘﻲ ﻳﺎ ﻗﻤﺮ
***
ﺣﺒﯿﺖ ﻳﺎ ﻗﻠﺒﻲ.. واﷲ ﻷورﻳﻚ !
ھﻘﻄﻊ ﺑﺈﻳﺪي اﻟﻮرﻳﺪ اﻟﻠﻲ ﺑﯿﺪق ﻓﯿﻚ
ﻣﺎ ﻗﻮﻟﺘﻠﻚ ﺑﻼش .. اﻟﺤﺐ ﻣﻠﻨﺎش ﻓﯿﻪ
ﻓﺎﻟﺢ أوي .. ﺟﺒﺖ ﻟﻨﻔﺴﻚ ﺷﺮﻳﻚ !
رﺟﻌﺖ ﻟﻠﺪﻧﯿﺎ .. ﻗﻠﺖ أﺣﺐ وأﻋﯿﺶ
راﻓﻊ ﺷﻌﺎر " ھﻌﯿﺶ.. ھﻌﯿﺶ..ھﻌﯿﺶ "
وآدي اﻟﺸﻌﺎر اﻧﻜﺴﺮ ورﺟﻌﺖ زي زﻣﺎن
أﻗﻮل ﻳﺎﺣﺐ .. ﻳﻘﻮﻟﻲ آﺳﻒ ، ﻣﻔﯿﺶ
***
ﻇﺎﻟﻢ ﻧﻔﺴﻚ ﻳﺎ ﻗﻠﺒﻲ واﻟﻈﻠﻢ ﺣﺮام
أول ﻣﺮة ﺗﺤﺐ وﺗﻌﺮف إﻳﻪ ﻣﻌﻨﻲ اﻟﻐﺮام
رﺧﺼﺖ دﻣﻌﻚ .. ﻟﺤﺒﯿﺒﻚ اﻟﻐﺎﻟﻲ
ﻣﻊ إﻧﻪ زي اﻟﺪھﺐ ﻳﺘﺒﺎع ﺑﺎﻟﺠﺮام !
***
اﻟﺤﻤﺪﷲ .. ﻋﻠﻲ ﻛﻞ ﺣﺎل ﺣﻤﺪي
ﺑﺤﻤﺪك ﻳﺎرب ﻋﻠﻲ ﺟﺮح ھﯿﻌﺪي
ﻛﺎن ﺣﻠﻢ ﻋﻤﺮي اﻟﻠﻲ ﻣﻌﺸﺘﺶ ﻗﺒﻠﻪ
وھﺤﺎول أﺣﻠﻢ ﺑﻌﺪه ﻋﻠﻲ ﻗﺪي
***
اﺳﺘﻨﻲ ﻳﺎ ﻋﯿﻨﯿﺎ ﺑﺲ ﻣﺘﺪﻣﻌﯿﺶ
ﻋﺸﺎن ﻟﻮ ﺣﺪ ﺳﺄل أﻗﺪر أﻗﻮل ﻣﻔﯿﺶ
أﺗﺎرﻳﻪ وﻻ ﺣﺲ ﻳﻮم ﺑﯿﺎ
وأﺗﺎرﻳﻨﻲ ﻛﻨﺖ ﻓﻲ اﻟﻮھﻢ ﺑﻌﯿﺶ
***

ﻛﻔﺎﻳﺎك ﺑﻘﻲ ﻳﺎ ﻗﻠﺒﻲ ﺷﻜﻮي ﻣﻦ ﺣﺎﻟﻲ
ﻗﺎﻋﺪ ﺗﻌﯿﺪ وﺗﺸﻜﻲ م اﻟﻠﻲ ﺟﺮاﻟﻲ
ﻟﯿﻪ ﻣﺶ ﻣﺼﺪق إﻧﻪ ﺧﻼص ﺑﺎﻋﻚ
ﻓﻲ ﻧﺎس ﻛﺪه .. ﻣﻠﮫﻮﻣﺶ ﻏﺎﻟﻲ !
***
ﻣﺎﻟﻚ ﻳﺎ ﻗﻠﺒﻲ ؟ ﻣﻜﺘﻮب ﻋﻠﯿﻚ اﻟﺴﻜﺎت
ﻣﺎ ﺗﻘﻮل وﺗﺤﻜﻲ ع اﻟﻠﻲ ﺟﻮاك ﻣﻦ آھﺎت
ھﯿﺠﺮي إﻳﻪ ﻟﻮ ﻗﻮﻟﺖ ، ﻣﺘﺨﺎﻓﺶ ﻣﻨﻲ
ﻣﯿﻦ ﻓﯿﻨﺎ ﻳﻌﻨﻲ ﻣﻌﻨﺪوش ذﻛﺮﻳﺎت !
***
ﻏﻠﺒﺖ أﺳﺄل ﻛﺘﯿﺮ ﻋﻦ ﻗﺎﻧﻮن اﻟﺤﯿﺎة
ﻗﺎﻟﻮﻟﻲ اﺻﺒﺮ .. ﻗﻮﻟﺖ ﻟﺴﻪ ھﺼﺒﺮ ! ﻳﺎااه .
ﻗﺎﻟﻮا اﻟﺼﺒﺮ ﻧﻌﻤﺔ ﻟﻠﻲ ﻳﻌﺮف ﻗﯿﻤﺘﻪ
ﻣﻦ ﻏﯿﺮه ﻣﺎ وﺻﻞ اﻟﻐﺮﻳﻖ ﻟﻤﺮﺳﺎه .
***
ﺳﺄﻟﺖ ﻗﻠﺒﻲ ﻣﺎﻟﻚ .. ﻗﺎﻟﻲ ﺗﻌﺒﺎن
ﻗﻮﻟﺘﻠﻪ اﺣﻜﻲ وأﻧﺎ ﻣﻌﺎك ﺳﮫﺮان
ﻗﺎﻟﻲ أﺣﻜﯿﻠﻚ إﻳﻪ ﺑﺲ وﻻ إﻳﻪ
ھﻮ اﻟﻠﻲ ﻣﺠﺮوح ﻣﻦ ﺟﻮه ﺑﯿﺒﺎن ؟

***
أﻧﺎ اﻟﻠﻲ ﻳﺎﻣﺎ ﺣﻠﻤﺖ ﻓﻮق اﻟﻘﻤﺔ
ﺑﺮﺳﻢ ﻃﺮﻳﻘﻲ ﺑﺤﺐ ، وﻧﺠﺎﺣﻲ ﺑﮫﻤّﺔ
وﻓﯿﮫﺎ إﻳﻪ ﻳﻌﻨﻲ ﻟﻤﺎ أﺣﻠﻢ ﺑﺎﻟﻤﺤﺎل ؟
ھﻮ ﻳﻌﻨﻲ ﻏﻠﻂ ﻟﻤﺎ أﺣﺐ ﺑﺬﻣّﺔ ؟!
***
ﺗﻌﺒﺎن ﻳﺎرﺑﻲ .. وﻣﯿﻦ ﺳﺎﻣﻌﻨﻲ ﻏﯿﺮك
ﺣﯿﺮان .. وﻗﻮﻟﺖ آﺟﻲ وأﺷﻜﯿﻠﻚ
ﻳﺎرب ﻗﻮﻳﻨﻲ ﻋﺸﺎن أﻗﻮم ﻣﻦ ﺗﺎﻧﻲ
ﻳﺎرب ﺳﺎﻋﺪﻧﻲ .. أﻧﺎ ﻟﯿﺎ ﻣﯿﻦ ﻏﯿﺮك
***
ﺳﺄﻟﻮﻧﻲ ﻟﯿﻪ ﻣﺼﺮ أﺣﻠﻲ ﺑﻠﺪ ﻓﻲ اﻟﻜﻮن
ﻗﻮﻟﺖ زي اﻟﻤﯿﺔ .. ﻻ ﻟﯿﮫﺎ ﻃﻌﻢ وﻻ ﻟﻮن
ھﻮ ﺣﺪ ﺑﯿﺴﺄل ﺑﺘﺤﺐ اﻟﻤﯿﺔ ﻟﯿﻪ ؟
دي ﺑﺘﺠﺮي ﻓﻲ ﻋﺮوﻗﻲ ، وﺑﯿﮫﺎ أﻧﺎ ﻣﺠﻨﻮن

[آلاء بلحة · Rating 2 out of 5]

الكتاب محبتوش قووي ...
هي محاولة لكتابة الشعر ..
يعني المفروض يكون مفعم بالعواطف و المشاعر
.. يعني لما أخلص قراية أحس إني دفيانة
..بس الحقيقة موصلش لقلبي ...
الحاجة الوحيدة اللي قشعرتني هي دي
......
سألوني ليه مصر احلي بلد في الكون
قولت زي الماية لا ليها طعم و لا لون
هو حد بيسأل بتحب المية ليه!!
دي بتجري في عروقي و انا بيها مجنون

[Amira Gooda · Rating 3 out of 5]

الكتاب مقبول افكاره حلوه

حسيت في حاجات معينه اني انا الي بتكلم

بس الاسلوب والقافيه كان ممكن يكون احسن

اكثر حاجه عجبتني

حب من طرف تالت

تحت العشرين
.....................

حد سامعني ؟
حد فاھمني ؟
جوايا حاجه بتألمني
زي ما أكون مع نفسي ظالمني
حاجة جوايا .. سايبة علامة
ولا ألف دوا يشفي ملامة
أيوة بلوم علي نفسي وياما
نفسي أشوف سكتھا سلامة

[آيات مختار · Rating 1 out of 5]

أقوى جزء فى الكتاب كله الرباعيات
لكن فى المجمل محبتهوش وخصوصا انه عامى جدا
فيه كسر كتيييييييييير فى الأوزان وبعض الالفاظ فيه معجبتنيش
وا يمكن علشان انا مبحبش طبيعى الشعر بالعامى

عجبنى الاهداء جميل اوى

[Manoon Menna · Rating 4 out of 5]

ولا أقولك "إنتي ماضي "
راح وفات .. میھمنیش
وأكتب علي قلبي
"خلاص مبحبكیش"
وأما أشوفك واقفة جنبي
أعمل إنك متخصینیش
يعني أرسم حالة كاملة
وفیھا أعیش؟!
زي دور صامت
في فیلم ملوش أفیش

هبوط <3
لما يرجع <3 <3 <3
من عمق المحيط <3 <3

[Ateyat Essam · Rating 4 out of 5]

إحساس انه فى حد ميت جوا منى
والناس تشوفنى ومفيش حد فاهمنى
عايزة ادفنه خايفه لياخد حته منى
ولا اسيبه جوايا قبر يحاسبنى !

كتاب خفيف والفاظه بسيطه وسهله
اكتر حاجه حبيتها فى الكتاب
-لما بشوفك
-اللى يخاف يطلع بره
-حب من طرف تالت
-ياكش تولع

محبتش
-من عمق المحيط
-فى الانتماء

[Hasna · Rating 2 out of 5]

I didnt expect it to be written in Egyptian dialect when I first downloaded it. I also didnt expect it would be poetry. Well I wouldnt say that was poetry, rather an endeavour to write something like poetry. It's more like songs lyrics which arent appealing anyway!

[basma gabr]

عجبتني الرباعيات

بالتوفيق
:D

[ريهام · Rating 4 out of 5]

حبيته جدا اسلوبه سهل ومن اللى هو بيدخل القلب على ول حسيت ان كل كلمة فيه بتحكى عنى

[Youssef Abo-Hendia]

الإهداء جميل
العامية مش هقدر أحكم عليها لأني بكتب زيك ومش خبير
لكن إلتزامك بالقافلية ف بعض الأوقات مكنش ف صالحك

هرجعله تاني
بالتوفيق ومبروك
:)

[Zeinab · Rating 3 out of 5]

اول اجزاء فيه عجبتنى جداااااا
وفعلا فيه احساس
المجمل كويس