What do you think?
Rate this book
Ver in die wêreld
Ver in die wêreld is 23 stories oor die lewe in die buiteland. Sommige van die vertellings is suiwer fiksie en ander is intiem persoonlike ervarings. Dis verhale oor die verlies aan die bekende, die verlange huis toe, maar ook oor die aanpassing in die verre vreemde wat dikwels met ’n goeie skoot humor gepaard gaan.
Skop jou skoene uit, sit agteroor en laat jou wegvoer na Engeland, Nieu-Seeland, Australië, Kanada, of na een van die ander plekke waar Suid-Afrikaners nesgeskrop het.
Skop jou skoene uit, sit agteroor en laat jou wegvoer na Engeland, Nieu-Seeland, Australië, Kanada, of na een van die ander plekke waar Suid-Afrikaners nesgeskrop het.
224 pages, Kindle Edition
Published February 1, 2023
1 person is currently reading
10 people want to read
About the author
Frederik de Jager
4 booksFrederik de Jager was taalonderwyser, uitgewer en redakteur. Hy was betrokke by JL van Schaik, Tafelberg, Queillerie, African Sun Media, Umuzi en Penguin South Africa. Oor die jare was hy uitgewer van ‘n groot aantal bekroonde skrywers. Tussendeur was hy artikelskrywer, resensent, vervaardiger van dokumentêre TV-programme, keurder en beoordelaar van onder meer die M-Net Literêre Toekenning en die kykNET-Rapport Boekpryse. Hy is betrokke by skryfskole, onder andere op die eiland Lesbos waar hy woon. Sy vinjette het ’n groot en lojale gevolg op Facebook.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 4 of 4 reviews
February 27, 2023
#VerindieWêreld – Frederik de Jager (samesteller)
#Tafelberg
Twintig Afrikaanse skrywers wat buite Suid-Afrika se grense woon of gewoon het, is die bydraers tot hierdie besondere kortverhaalbundel. Die opdrag deur die uitgewer is, aldus die inleiding deur die samesteller, reeds in 2019 uitgereik en dis belangrik om dit in gedagte te hou omdat die bydraes ‘n pre-Covid leefwêreld beskryf.
Die verhale oor die lewe in die buiteland is wyd uiteenlopend: sommige het ‘n sterk outobiografiese inslag, terwyl andere fiksie is. Die styl wissel van humoristies tot intiem, persoonlik en melankolies. Kortverhale se groot uitdaging, naamlik om die ruimte deur middel van die minimum woorde aan die leser bekend te stel, was dus hier selfs meer gekompliseerd: Lesers moet in staat wees om te kan identifiseer met ‘n onbekende ruimte wat kultuur, klimaat, taal, argitektuur en klimaat betref. Die ruimtes is uiteraard baie uiteenlopend, van Griekeland tot Duitsland; van Nieu-Seeland tot Ysland; van Frankryk tot Kanada, België, Ierland, China, Amerika, Engeland, Nederland en Australië. Deurlopende temas is egter ongetwyfeld die versugting om te behoort; die trauma van afskeid en die spanning van aanpassing; die oorwinning van die walvis-in-’n-wasbak-gevoel.
Troos word uit ‘n verskeidenheid van bronne verkry: die natuur, kos, musiek en liefde. Daar is ‘n stukkie van Afrika in die mees alledaagse: Auckland se dieretuin; die reuk van melkkos en kaneel, en Ouma se tjalie. Dat aanpassing nie maanskyn en rose is nie, word wel duidelik gestel: ‘Ek was net nie jonk genoeg nie, sou ek sê. Om verlief te wees op New York is om jonk en onskuldig en naïef te wees.’ (88); ‘Die lewe hier is hard. Daai Saffas met Instagrams wat soos daai Mainstay ads in die tagtigs alles glamorous en almal mooi laat lyk? Stront.’ (57); ‘Die mense is fokken nors en ongeskik.’ (69); ‘Hoe verstommend fisiek kan verlange nie wees nie.’ (158); die verwysing na die self as ‘n ‘angsvarkie’ (76) en die teleurstelling van ‘n gunsteling geur aartappelskyfies wat in ‘n ander kleur verpakking is in die vreemde.
Folklore en mitologie eie aan die nuwe tuistes word uitstekend aangewend in twee verhale, naamlik Chris Karsten se ‘Die weglopers’ en Christina van Deventer se ‘Die swart ridder’. Valda Jansen se vermoë om die leser met woorde te ontroer, soos treffend geïllustreer deur haar aangrypende roman ‘Hy kom met die skoenlappers’, vind eweneens gestalte in haar hartroerende ‘Tapas’, en in ‘n Hond se hart’ speel Elsabe de Jager vernuftig met Garth Stein se ‘The art of racing in the rain.’
Daar moet in gedagte gehou word dat die deurlopende temas vermeld in die tweede paragraaf hierbo, nie slegs teenwoordig is wanneer daar ‘n oseaan is wat die karakter van dit wat hy as sy tuiste beskou skei nie. Dieselfde gevoelens word ervaar wanneer mense, om welke rede ook al, hulself as ontuis ervaar. Dit word treffend na vore gebring in Julian de Wette se verhaal wanneer ‘n karakter dit onomwonde stel: ‘Ons land waar ons nou as die uitgewekenes bekend staan.’ (208). Vir die betrokke karakter, as gebore Vrystater, is die Cape Flats inderdaad ver in die wêreld.
Die bundel sal aanklank vind by ‘n wye verskeidenheid van lesers, natuurlik veral vir diegene wat worstel met verlange, hetsy omdat hulle gegaan of gebly het, of beplan om dit te doen, maar ook vir liefhebbers van reisverhale, of van kortverhale in die algemeen.
⭐️⭐️⭐️⭐️⭐️ #Uitdieperdsebek NB-Uitgewers/Publishers
#Tafelberg
Twintig Afrikaanse skrywers wat buite Suid-Afrika se grense woon of gewoon het, is die bydraers tot hierdie besondere kortverhaalbundel. Die opdrag deur die uitgewer is, aldus die inleiding deur die samesteller, reeds in 2019 uitgereik en dis belangrik om dit in gedagte te hou omdat die bydraes ‘n pre-Covid leefwêreld beskryf.
Die verhale oor die lewe in die buiteland is wyd uiteenlopend: sommige het ‘n sterk outobiografiese inslag, terwyl andere fiksie is. Die styl wissel van humoristies tot intiem, persoonlik en melankolies. Kortverhale se groot uitdaging, naamlik om die ruimte deur middel van die minimum woorde aan die leser bekend te stel, was dus hier selfs meer gekompliseerd: Lesers moet in staat wees om te kan identifiseer met ‘n onbekende ruimte wat kultuur, klimaat, taal, argitektuur en klimaat betref. Die ruimtes is uiteraard baie uiteenlopend, van Griekeland tot Duitsland; van Nieu-Seeland tot Ysland; van Frankryk tot Kanada, België, Ierland, China, Amerika, Engeland, Nederland en Australië. Deurlopende temas is egter ongetwyfeld die versugting om te behoort; die trauma van afskeid en die spanning van aanpassing; die oorwinning van die walvis-in-’n-wasbak-gevoel.
Troos word uit ‘n verskeidenheid van bronne verkry: die natuur, kos, musiek en liefde. Daar is ‘n stukkie van Afrika in die mees alledaagse: Auckland se dieretuin; die reuk van melkkos en kaneel, en Ouma se tjalie. Dat aanpassing nie maanskyn en rose is nie, word wel duidelik gestel: ‘Ek was net nie jonk genoeg nie, sou ek sê. Om verlief te wees op New York is om jonk en onskuldig en naïef te wees.’ (88); ‘Die lewe hier is hard. Daai Saffas met Instagrams wat soos daai Mainstay ads in die tagtigs alles glamorous en almal mooi laat lyk? Stront.’ (57); ‘Die mense is fokken nors en ongeskik.’ (69); ‘Hoe verstommend fisiek kan verlange nie wees nie.’ (158); die verwysing na die self as ‘n ‘angsvarkie’ (76) en die teleurstelling van ‘n gunsteling geur aartappelskyfies wat in ‘n ander kleur verpakking is in die vreemde.
Folklore en mitologie eie aan die nuwe tuistes word uitstekend aangewend in twee verhale, naamlik Chris Karsten se ‘Die weglopers’ en Christina van Deventer se ‘Die swart ridder’. Valda Jansen se vermoë om die leser met woorde te ontroer, soos treffend geïllustreer deur haar aangrypende roman ‘Hy kom met die skoenlappers’, vind eweneens gestalte in haar hartroerende ‘Tapas’, en in ‘n Hond se hart’ speel Elsabe de Jager vernuftig met Garth Stein se ‘The art of racing in the rain.’
Daar moet in gedagte gehou word dat die deurlopende temas vermeld in die tweede paragraaf hierbo, nie slegs teenwoordig is wanneer daar ‘n oseaan is wat die karakter van dit wat hy as sy tuiste beskou skei nie. Dieselfde gevoelens word ervaar wanneer mense, om welke rede ook al, hulself as ontuis ervaar. Dit word treffend na vore gebring in Julian de Wette se verhaal wanneer ‘n karakter dit onomwonde stel: ‘Ons land waar ons nou as die uitgewekenes bekend staan.’ (208). Vir die betrokke karakter, as gebore Vrystater, is die Cape Flats inderdaad ver in die wêreld.
Die bundel sal aanklank vind by ‘n wye verskeidenheid van lesers, natuurlik veral vir diegene wat worstel met verlange, hetsy omdat hulle gegaan of gebly het, of beplan om dit te doen, maar ook vir liefhebbers van reisverhale, of van kortverhale in die algemeen.
⭐️⭐️⭐️⭐️⭐️ #Uitdieperdsebek NB-Uitgewers/Publishers
March 14, 2023
Met hierdie saamgestelde bundel van Frederik de Jager, Ver in die wêreld, reis ons saam na verre lande en lees ons van die lief en leed van mense daar, maar dis geen liefdesverhaal oor Kittie nie.
Ver in die wêreld Kittie Kittie Kittie
Ver in die wêreld Kittie, Kittie oor die see
Ons het heerlik gedraai en geswaai op hierdie volksliedjie, in ʼn tyd toe volkspele nog ʼn skoolaktiwiteit was en vrygeleentheid vir jonges gebied het. Dit het ons as tieners laat verlang na die liefde wat meer romanties ver in die wêreld geklink het.
Nou het amper almal om ons kinders en kleinkinders wat oorsee na ʼn beter lewe gaan soek het; en is ons intens bewus van die verlange en verdriet daarvan.
Met hierdie saamgestelde bundel deur ʼn klomp bekende en ʼn paar minder bekende skrywers, wys de Jager net soos in sy bundel Man op ʼn fiets êrens heen, deur sy keuse van skrywers sy fyn waarneming en oordeelsvermoë.
Dis goeie verhale van hoë literêre kwaliteit deur uitstekende skrywers, wat baie toeganklik, rou en ‘real’ aangebied word.
Die realiteit van emigrasie word vir ons op ʼn baie realistiese manier, deur die beste medium daarvoor – deur stories – geskets. Hierdie is ʼn boek wat by die wydste lesersmark moontlik gaan aanklank vind, nie net by mense met kinders en naastes wat oorsee woon nie, maar ook by almal wat bloot hunker na ʼn “beter lewe”, met “beter lewe” hierdie keer in aanhalingstekens.
Ver in die wêreld Kittie Kittie Kittie
Ver in die wêreld Kittie, Kittie oor die see
Ons het heerlik gedraai en geswaai op hierdie volksliedjie, in ʼn tyd toe volkspele nog ʼn skoolaktiwiteit was en vrygeleentheid vir jonges gebied het. Dit het ons as tieners laat verlang na die liefde wat meer romanties ver in die wêreld geklink het.
Nou het amper almal om ons kinders en kleinkinders wat oorsee na ʼn beter lewe gaan soek het; en is ons intens bewus van die verlange en verdriet daarvan.
Met hierdie saamgestelde bundel deur ʼn klomp bekende en ʼn paar minder bekende skrywers, wys de Jager net soos in sy bundel Man op ʼn fiets êrens heen, deur sy keuse van skrywers sy fyn waarneming en oordeelsvermoë.
Dis goeie verhale van hoë literêre kwaliteit deur uitstekende skrywers, wat baie toeganklik, rou en ‘real’ aangebied word.
Die realiteit van emigrasie word vir ons op ʼn baie realistiese manier, deur die beste medium daarvoor – deur stories – geskets. Hierdie is ʼn boek wat by die wydste lesersmark moontlik gaan aanklank vind, nie net by mense met kinders en naastes wat oorsee woon nie, maar ook by almal wat bloot hunker na ʼn “beter lewe”, met “beter lewe” hierdie keer in aanhalingstekens.
October 19, 2024
'n Interessante versameling kortverhale oor die lewe buite Suid-Afrika soos ervaar deur mense wat die land verlaat het om in 'anderland' 'n beter lewe te gaan soek.
Displaying 1 - 4 of 4 reviews