Хатгалын тэмдэглэл

by Ч. Бат-Уянга

Цэнгэг далайг шорвог болтол
Хөвөөнд нь уйлъя гэж хүслээ
Цэлмэг тэнгэрийг бүрхэг болтол
Дор нь гуниглая гэж зорилоо
Улирал солигдоход бидэн
Өөр өөрсдөөрөө л хоцорлоо
Өдөр өдрүүдэд ч элэхгүй
Үнэнээ тээсээр үлдлээ

142 pages, Paperback

Published March 1, 2023

Reviews

[Soko · Rating 3 out of 5]

Жил гаруй хугацаанд Хатгал руу нүүсэн гэр бүлийн талаарх фб постуудыг унших болсноор хуульч, нийтлэлч Ч. Бат-Уянга гэх эмэгтэйн бичвэр маш их таалагдах болсон юм. Энэ жил тэмдэглэлээ эмхэтгэн номоо гаргажээ.

Улбар паблишингийг үүсгэн байгуулан 2 ч номоо өлгийдөн авсны нэг нь “Хатгалын тэмдэглэл” юм.

Тус номноос таалагдсан хэсгээ тэмдэглэснээ энд үлдээе.

…Ер нь угаасаа хөөрхөн биш охидод эрчүүдэд эрхэлж сурах ч завдал олддоггүй юм. /бүүр зөндөө толгой дохив :-)

…Хүний тавилан заяа гэж өөрийн сонголт уу, эс бөгөөс үйлийн үр, тавилангийн оноолт уу гэж хаа нэг эргэлзэх. /хэн хүний эргэлзээг ганц өгүүлбэрээр товчхон тодорхойлжээ.

…Бусдад ахуйн ая тух, сэтгэлийн амар амгаланг ерөөх болов. Амьдралд өөр юу хэрэгтэй гвэ? Гэхдээ л мөрөөдөл асна, ялгаа нь өмнөхөөс өөр.

…Эмэгтэй хүн үсээ гэнэт тайрахаараа заавал нэг юм шийдсэн байдаг.

…Хэн хэнийхээ залуу насыг хамт үржээ- тийм сайхнаар хайрлалцав.

… Хэнд ч сэтгэлийнхээ сул дорой, ахуйнхаа зовлонт төрхийг харуулж болох хүн хэрэгтэй. Гэхдээ цаг нь ирэхэд түүнээсээ ч салах ёстой…

… Carpe diem /Seize the day/ Өдрийг эзэгнэ! — Би ойрд шивээс хийлгэхсэн гэсэн бодлоор дүүрээд байгаа хүнд гоё шивэх үгс байна гэж бодоод тэмдэглэн үлдээв. Нөгөө бодсон үг нь Viva la vida — Амьдрал мандтугай!

[Ag · Rating 5 out of 5]

Гэрээс гараад Мэлхий хад хүрээд ирэх хугацаанд замд уншлаа...

Хотын бид чинь ямар ч гэнэн, романтик, дэврүүн улс байдым дээ... Энэ муухай утаа, саарал тоосноос салаад хөдөө очоод жаргачих л юм боддог, галаа түлж, усаа зөөж чадах билүү? Уг нь олноороо хөдөө очиж наад захын асуудлаа шийдэхийн төлөө хичээж эхлэхэд тэнд ч дагаад хөгжих байх л, хэхэ, энэ бас л олон романтик бодлын нэг ч юм билүү...

Ямартаа ч хөдөө гараад амьдарчихна, буйдхан газар унших ном, уух кофегоо хангалттай базаачихаад тааваараа дуртай зүйлээ хийж сууна гэсэн бодол минь биежээд, бодит болохын цагт юутай тулж болохыг маш тодоор мэдэрч авлаа...

[Baaska Baaska · Rating 4 out of 5]

Намар өвөл дамжсан сэрүү татуулсан ч сэтгэлд дулаахан хөөрхөн ном.

[Tamir Bayarsaikhan · Rating 4 out of 5]

.. Одоо цаг хэмээгч одоодоо л өнгөрсөн цаг мэт, ирэгсэд ч үлдээх буцах усны шувууд мэт мэдрэгдэнэ. Түүнээс хойш зөвтгөл, буруутгал ч тус тусынхаа байрандаа таг чиг болно оо...