What do you think?
Rate this book
A inmoral doutora Cons
O Golpe, xa ancián, recorda a súa adolescencia, na década do 1940 en Pazos de Arenteiro. O tempo que compartiu coa doutora África Cons cando ela chegou para cubrir unha vacante de médica e tivo que enfrontarse á hostilidade das forzas vivas do lugar. Retrato vívido dunha época da Galicia rural que xa se extinguiu. A tensión entre tradición e progreso a través da Medicina. Drama e humor ben conxugados cunha prosa rica que se asenta nas mellores letras da nosa tradición. Premio Blanco Amor de Novela 2022.
368 pages, Paperback
Published February 28, 2023
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 4 of 4 reviews
December 29, 2024
Memorias dunha doutora labrega.
Rural do corazón de Galiza, anos 40. Imposible escenario máis hostil para unha muller independente, apoderada, moderna e ben chea como a nosa benquerida doutora.
Sempre é un pracer mergullarse en contornas coñecidas como a de Pazos de Arenteiro para ter unha visión, se callar, aínda máis completa da historia. Se a iso lle sumamos as máis que claras influencias da obra de Neira Vilas, temos os alicerces axeitados para esta fantástica historia.
Non é sinxelo chamar a atención con novelas de carácter costumista pola súa propia natureza; porén, o autor consegue que non deixemos de pasar as páxinas deste libro querendo coñecer máis historias e situacións nas que “O Golpe” - narrador - e a doutora África Cons - protagonista - combaten os problemas de caciquismo e ignorancia do Ourense franquista.
A obra sobrancea, no tocante á miña opinión por dous elementos:
- Os personaxes: dende a arquetípica doutora Cons, pasando polo sempre adorable Nonato, sen esquecermos o antagonista - de palla, ao meu ver - o caciquiño doutor Bugallo ata chegarmos ao verdadeiro antagonista, o empresario déspota e manipulador, don Rubén.
Todos eles moi ben caracterizados, dende a súa contorna de circunstancias vitais até as súas motivacións, filias e fobias.
- O léxico: riquísima escolma de vocabulario la lingua galega, non so atanguendo a substantivos senón tamen a verbos e expresións fraseolóxicas. Sería unha gozada poder realizar unha segunda lectura de cara a peneirar as expresións e os termos máis xenuínos.
Xaora que a obra ten, para min, unha pequena eiva que é o centrarse unicamente no presente, cun remate acelerado e ultraresumido cun deixe a présa por lle dar unha conclusión. Tería sido fantástico saber máis do pasado de dona África ou de Nonato - quen amais - promete mencionar historias que nunca chegamos a coñecer.
Abrigo as arelas de que Roberto Fernández o quixese aforrar para unha posíbel secuela; secasí, o peche do universo parece curtarlle as ás a este degoxo que, como lector, posuía.
Para rematar, non quero deixar pasar o ben tratado que está o tema da transición, dende un escuro pasado de tratamentos e metodoloxías de curación máis propias de galenos medievais, de cara a un futuro alicerzado nos adiantos científicos.
Rural do corazón de Galiza, anos 40. Imposible escenario máis hostil para unha muller independente, apoderada, moderna e ben chea como a nosa benquerida doutora.
Sempre é un pracer mergullarse en contornas coñecidas como a de Pazos de Arenteiro para ter unha visión, se callar, aínda máis completa da historia. Se a iso lle sumamos as máis que claras influencias da obra de Neira Vilas, temos os alicerces axeitados para esta fantástica historia.
Non é sinxelo chamar a atención con novelas de carácter costumista pola súa propia natureza; porén, o autor consegue que non deixemos de pasar as páxinas deste libro querendo coñecer máis historias e situacións nas que “O Golpe” - narrador - e a doutora África Cons - protagonista - combaten os problemas de caciquismo e ignorancia do Ourense franquista.
A obra sobrancea, no tocante á miña opinión por dous elementos:
- Os personaxes: dende a arquetípica doutora Cons, pasando polo sempre adorable Nonato, sen esquecermos o antagonista - de palla, ao meu ver - o caciquiño doutor Bugallo ata chegarmos ao verdadeiro antagonista, o empresario déspota e manipulador, don Rubén.
Todos eles moi ben caracterizados, dende a súa contorna de circunstancias vitais até as súas motivacións, filias e fobias.
- O léxico: riquísima escolma de vocabulario la lingua galega, non so atanguendo a substantivos senón tamen a verbos e expresións fraseolóxicas. Sería unha gozada poder realizar unha segunda lectura de cara a peneirar as expresións e os termos máis xenuínos.
Xaora que a obra ten, para min, unha pequena eiva que é o centrarse unicamente no presente, cun remate acelerado e ultraresumido cun deixe a présa por lle dar unha conclusión. Tería sido fantástico saber máis do pasado de dona África ou de Nonato - quen amais - promete mencionar historias que nunca chegamos a coñecer.
Abrigo as arelas de que Roberto Fernández o quixese aforrar para unha posíbel secuela; secasí, o peche do universo parece curtarlle as ás a este degoxo que, como lector, posuía.
Para rematar, non quero deixar pasar o ben tratado que está o tema da transición, dende un escuro pasado de tratamentos e metodoloxías de curación máis propias de galenos medievais, de cara a un futuro alicerzado nos adiantos científicos.
July 26, 2026
Lectura imprescindibel, Unha historia fermosisima, cun vocabulario precioso
November 12, 2024
Imposible non namorarse desta novela e da Doutora Cons. Unha historia marabillosa contada dun xeito maxistral!
Moitas grazas, Roberto!
Moitas grazas, Roberto!
Displaying 1 - 4 of 4 reviews