Rate this book

بنات أفكارى

Name: بنات أفكارى
Rating: 3.3 (4 reviews)

محمد بهاء البرى

Rate this book

بَناتْ أفكَاري جُوايا بيِتخانقُوا
فيه واحْدَة تِنادِي " كُراستي "
مَا تِيجي بسُرعة يا مَـامَـا
وواحْدة تِنادِي عَلى " قلمي "
مَا تِلحْقنِي كِدا يـَـابـَـا
وواحدة حَابسَة نفسِيهَا
مَع أخوَاتْها كِدا فـ أوضَةْ
وواحدة جَـايَّة تعبَانةْ
مِن الــرُّوضَةْ ..
وواحدة حَالفة مَا تِنطَقْ
ـ ولَوْ غنِّيتْ ـ عَلى رَبابَةْ
وواحدة تنادِي ع التَّانيةْ
ـ بصُوت عَالِي ـ يا كَــدَّابة
ويتخَانقُوا ..
ويتعَاتبُوا ..
ويتصَافُوا كِدا كَام يُومْ
وكَام فِكرَة قَوام تِوصَلْ
لشَط الصُّورة والوِجدَانْ
وكَام فِكرة قوَام تِغْرقْ
ما تعرف عـُـومْ
ويتسَابقوا ولَو قتلَى
عَلى مَعنَى مَاكنشِي جدِيدْ
ـ مِن التجدِيدْ ـ صَبحْ عِـريَانْ
دَا يُوم عَادِي وبيعدِّي
وفِـكرَة تِجبني وتودِّي
وأنا وحْدِي فـ تابُوتْ أشْعَارْ
برَتلْ شِعرِي ع الأفكارْ
دِي مِين عَاشِتْ ؟!
ومِين ماتِتْ ؟!
ومِينْ فيهُم ترُوح جَنَّةْ !!
ومِين فِيهم تخُش الـنَّارْ ..

96 pages, Paperback

First published January 1, 2011