Zomorrotu

by Aintzane Usandizaga Lopez

Nobelaren eta ipuin-bildumaren arteko lurralde paduratsuan kokatzen da Zomorrotu hau: bost istorio luze, barnean hainbat atal dituztenak, eta batetik bestera igarotzen diren pertsonaiak, pasadizoak, erreferentziak. Eremu lanbrotsu batean mugitzea hautatu du Aintzane Usandizagak: fokua pertsonaia batetik bestera pasatuz, perspektiba-aldaketak zalantzan jarriko digu ziurtzat geneukana, zer den erreala eta zer irudikatua. Autoeskolako irakasle sasifilosofoa, keinu bilduma egiten duen neska beti-jatorra, lesio bat eta landare asko zaindu behar dituen aita kezkatua, ikuspegi originalen bila dabilen musikaria lausoak dira pertsonaiak ere, labainkorrak haien arteko harremanak, anbiguoak sentimenduak. Bere behaketa erne, begirada ironiko eta idazkera doiaz, heldutasun handiko liburua ondu du egileak, enigmatiko bezain magnetikoa.

136 pages, Kindle Edition

Published February 16, 2023

Reviews

[Laura · Rating 3 out of 5]

Ez dago errealitate bakar bat, anitza da. Bakoitzaren esperientziak bestearen esperientzien periferia besterik ez dira. Eta honekin Usandizagak liburu eder hau egituratzea lortu du.

[Idoia · Rating 4 out of 5]

Ipuin desberdinez osatutako liburua hau erraz irakurtzen da. Pertsonaiak errepikatu egiten dira eta egoera berdinaren ikuspuntu desberdinak erakusten dizkigu autoreak.

[Aitzi · Rating 3 out of 5]

2,5 Ipuin ezberdinen kontaketak biltzen ditu.

[Jon Ander · Rating 2 out of 5]

Liburu sinple bat da, sakontasunik gabea, meditaziorik gabea. Narrazio sinplista bat, batxilergoko ikasle baten proiektu bateko ipuinen bilduma baten antzekoa izan litekeena