Зэкамерон

by Максім Знак

Дакументальны раман палітвязня Максіма Знака апавядае пра ўласны досьвед аўтара ў беларускай турме.

Як і героі Джавані Бакача, да якога адсылае як назва, так і форма рамана Максіма Знака, героі сучаснага твора з гумарам ставяцца да тых няпростых умоў, у якіх апынуліся не па сваёй волі, і намагаюцца шукаць пазітыў нават тады, калі за мурамі іх камер лютуе «чума». У сціслых дыялогах, сцэнках, показках з высокай ступенню дакладнасці рэканструюецца штодзённасць следчага ізалятара, дзе з верасня 2020-га па снежань 2021-га ўтрымліваўся палітвязень, перадаецца камерны каларыт насельнікаў мінскага Пішчалаўскага замка.

Genres: Nonfiction

156 pages, Hardcover

Published January 1, 2022

Reviews

[Aleś Karoza · Rating 4 out of 5]

Вельмі спадабалася, што нягледзячы на складаныя ўмовы за кратамі, кніга напоўнена аптымізмам, ніякага ўпадніцтва ў ёй няма.

[Hanna Skalabava · Rating 5 out of 5]

Кніга з серыі «Беларуская турэмная літаратура». Які час, такое і чытво.
Сотня маленечкіх гісторыяк пра «звычайны» быт беларускага сіза. Пра тое, як спаць днём, калі нельга, як рабіць суп з мазікам і паштэт з рыбы магілы, як грэцца на кабанах (перадачах), як галасаваць за пагуляць (а часцей супраць) у дворыку меньшым за хату (камеру).
Кніга перакладзена з расейскай і не без хібаў канешне. Але, ўлічваючы, што Знак дагэтуль у турме, стаўлю 5 замест 4 як мінімум чалавечай мужнасці. Выдаць у такіх абставінах кнігу яшчэ і з гумарам - вялікая справа!

[Katsiaryna Dzibrova · Rating 5 out of 5]

Кніга складаецца з вялікай колькасці расказаў, вершаў і песень. Я чакала вельмі цяжкае і гнятлівае чытво, але творы апынуліся настолькі разнастайнымі, што цяжка зрабіць адзіны вынік. Пад час чытання я паспела парадавацца і падсумаваць, пасьмяяцца і паплакаць, паглядзець вачыма Максіма на сістэму і на турму, паспрачацца з яе насельнікамі, і ім жа паспачуваць
Вельмі файная кніга

[Аляксей Івашкевіч · Rating 5 out of 5]

спадзяюся атрымаецца падзякаваць аўтару

[Iryna Yazerskaya · Rating 3 out of 5]

3.5