What do you think?
Rate this book
شاي بلبن
ولما الحُزن يندَهْلك
قوليله ماشية مش راجعة
قوليله لأ
لا أنا شايفاك و لا سَامعة
وخلّيني أنا أحْزنلك
وأشيل ويّا الهموم همِّك
قوليله ماشية مش راجعة
قوليله لأ
لا أنا شايفاك و لا سَامعة
وخلّيني أنا أحْزنلك
وأشيل ويّا الهموم همِّك
80 pages, ebook
First published September 28, 2011
38 people are currently reading
1553 people want to read
About the author
هديل عبد السلام
5 books888 followersأنا اللي الدنيا بتجيني .. تقوللي أؤمري اتمنّي
Supposed to be a pharmacist, Minor poet and blogger, A Typical Capricorn,My world revolves around Me sometimes !
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 206 reviews
September 30, 2011
ده أنا اللى الدنيا بتجيني
تقوللى أؤمري اتمني
لا عايزة قصور ولا بساتين
ولانورك يزغللني
ولاباطلب بخور وحرير
ولاورودك تعطرني
ولاعايزاكى تحميني
لاتيجى العين وتحسدنى
أنا عايزاه يكون جمبي
على حبه يسهرنى
لايوم يقسى ولاينسى
ولايبعد بعيد عنى
على اوتار قلبى يعزفلي
اعيد ألحانه وأغني
تقوللى أؤمري اتمني
لا عايزة قصور ولا بساتين
ولانورك يزغللني
ولاباطلب بخور وحرير
ولاورودك تعطرني
ولاعايزاكى تحميني
لاتيجى العين وتحسدنى
أنا عايزاه يكون جمبي
على حبه يسهرنى
لايوم يقسى ولاينسى
ولايبعد بعيد عنى
على اوتار قلبى يعزفلي
اعيد ألحانه وأغني
August 5, 2017
الليل هو الشاي
والنهار هو اللبن
حط ده على ده
وإنت تدوق طعم الزمن
لـ/ وليد طاهر
::::::::
هو ده اللي خطر ع بالي وأنا باقرأ هالكتاب
أعجبني وبس
والنهار هو اللبن
حط ده على ده
وإنت تدوق طعم الزمن
لـ/ وليد طاهر
::::::::
هو ده اللي خطر ع بالي وأنا باقرأ هالكتاب
أعجبني وبس
December 4, 2019
“و ليه راضى !!
ضعيف دايما كدة مسلم
وييجوا عليك تقول عادى
وجواك تبكى تتألم
وليه حسك كدة هادى
وليك الحق تتكلم
وليه حزنك عليك قاضى
وفيك الفرح متكتم
وليه تنهار كدة قصادى
كأنك طفل متيتم
وليه نهارك كدة رمادى
ونورك مطفى ومعتم
وليه تسكت و ليه راضى
وجرحك فيك كدة معلم
هخليك صفحة م الماضى
ما حلمى بايدك اتهدم
عليك بعلن انا حدادى
عليك ببكى و بتندم”
ضعيف دايما كدة مسلم
وييجوا عليك تقول عادى
وجواك تبكى تتألم
وليه حسك كدة هادى
وليك الحق تتكلم
وليه حزنك عليك قاضى
وفيك الفرح متكتم
وليه تنهار كدة قصادى
كأنك طفل متيتم
وليه نهارك كدة رمادى
ونورك مطفى ومعتم
وليه تسكت و ليه راضى
وجرحك فيك كدة معلم
هخليك صفحة م الماضى
ما حلمى بايدك اتهدم
عليك بعلن انا حدادى
عليك ببكى و بتندم”
December 7, 2011
أدمنت قولة لو
وعشقت كلمة آه
وكتير بخاف م الضي
مع إني بستناه
ولا حلم عاد.. بالـ لو
ولا جرح طاب.. بالـ آه
ده الحلم لو مكتوب
هتقوم ف يوم.. تلقاه
ولا يوم تبات مغلوب
لو حلم منك تاه
ده الحلم عمره ما ضاع
لو تفضل انت وراه !
___
في ظل هوجة الكتب الألكترونية التي تكتبها الفتيات يصبح الحصول على كتاب جيد أمرًا صعبًا، الكاتبة هديل عبد السلام نجحت بشكل ملحوظ في أن تثير مشاعري بكلمات أرى - في تقديري -أنها تعِبت لكي تُخرجها للنور، الشعر العامّي الآن للأسف أصبح يُكتب بنظام (أحلام، ألوان، أيام، يا سلام)، ولكن هذا ما لم أجده إلا بشكل قليل جدًا في هذا الديوان الممتع.
ملحوظة: شعرت في بعض القصائد (التي تبعث على التفاؤل) أنها ستكون مناسبة لو قام بغنائها حمزة نمرة
وده شيء جميل، يدل على جمال الكلمات ليس إلّا :D
وعشقت كلمة آه
وكتير بخاف م الضي
مع إني بستناه
ولا حلم عاد.. بالـ لو
ولا جرح طاب.. بالـ آه
ده الحلم لو مكتوب
هتقوم ف يوم.. تلقاه
ولا يوم تبات مغلوب
لو حلم منك تاه
ده الحلم عمره ما ضاع
لو تفضل انت وراه !
___
في ظل هوجة الكتب الألكترونية التي تكتبها الفتيات يصبح الحصول على كتاب جيد أمرًا صعبًا، الكاتبة هديل عبد السلام نجحت بشكل ملحوظ في أن تثير مشاعري بكلمات أرى - في تقديري -أنها تعِبت لكي تُخرجها للنور، الشعر العامّي الآن للأسف أصبح يُكتب بنظام (أحلام، ألوان، أيام، يا سلام)، ولكن هذا ما لم أجده إلا بشكل قليل جدًا في هذا الديوان الممتع.
ملحوظة: شعرت في بعض القصائد (التي تبعث على التفاؤل) أنها ستكون مناسبة لو قام بغنائها حمزة نمرة
وده شيء جميل، يدل على جمال الكلمات ليس إلّا :D
September 29, 2011
بعيد عنك .. وعن قلبك
!وعن كل اللي بتحبيه .. وبيحبك
... <3
تحت عنوان المقال
في كوم صور وكلام عيال
وحاجات كتيـر وقيل وقال
تقراها قلبك يتوجع
وساعات تجيبلك اعتلال
... !
مساء سكر
مساء صافي
مساء شتوي، لكن دافي
مســاء سكر .. لا هو حزنان ولا معكر
.... =)
ثم نسيوا-
سيبه ع الرصيف-
أنا اللي الدنيا بتجيني-
الحكاية فيها إنة-
خيوط فستان-
سؤال مطروح-
:)) والحاجات الصغنتتة كلها ... دول أكتر حاجات حلوين
!وعن كل اللي بتحبيه .. وبيحبك
... <3
تحت عنوان المقال
في كوم صور وكلام عيال
وحاجات كتيـر وقيل وقال
تقراها قلبك يتوجع
وساعات تجيبلك اعتلال
... !
مساء سكر
مساء صافي
مساء شتوي، لكن دافي
مســاء سكر .. لا هو حزنان ولا معكر
.... =)
ثم نسيوا-
سيبه ع الرصيف-
أنا اللي الدنيا بتجيني-
الحكاية فيها إنة-
خيوط فستان-
سؤال مطروح-
:)) والحاجات الصغنتتة كلها ... دول أكتر حاجات حلوين
October 2, 2011
قصدقت حين قالت عن نفسها"بين القلوب عايشة
زى الحمام طايرة
زى الرصاص طايشة
زى الحنين حايرة
بأحلام كتير هايشة
براكين حنان فايرة
عنى الوجع حايشة"
الكتاب تجربة متنوعة و مختلفة كالحياة تماما..لذلك أعجبنى كثيرا،خاصة و كونه تجربة الشاعرة الأولى :)
زى الحمام طايرة
زى الرصاص طايشة
زى الحنين حايرة
بأحلام كتير هايشة
براكين حنان فايرة
عنى الوجع حايشة"
الكتاب تجربة متنوعة و مختلفة كالحياة تماما..لذلك أعجبنى كثيرا،خاصة و كونه تجربة الشاعرة الأولى :)
December 4, 2013
“رسمت احلام لكل الناس
بنيت فى خيالى احلى قصور وعليتها
وفى الاخر مسكت الفاس
وانا اللى بايدى هدتها”
December 4, 2013
الله بجد :)
ف حاجات كتير حلوة وع رأسهم " ثم نسيوا " بتوجع القلب اوى .. وكمان انا اللى الدنيا بتجيلى ..قالك ماشفش
ف حاجات كتير حلوة وع رأسهم " ثم نسيوا " بتوجع القلب اوى .. وكمان انا اللى الدنيا بتجيلى ..قالك ماشفش
January 26, 2012
من الكتب الخفيفة الجميلة الى استمتعت بيها جدااا
الكتاب في احساس جميل اوى :)
الكتاب في احساس جميل اوى :)
May 24, 2016
ديوان بالعامية جميل بسيط معانيه حلوة
أكثر مااعجبني واللي هيا اقوى قصيدة في الديوان كله (سيبه على الرصيف
وعجبني كمان # عاملها خاطر & ثم نسيو & بصيتلها &وليه راضي & عايش في الشوك &جنة
أنا اسمي على راسك
على صدرك على جبينك
على لسانك أنا حروفك
أنا صادك أنا سينك
أنا أمنك أنا خوفك
أنا أسمك أنا أنت
******
حا قولك أيه
بحبك عندي معناها حاجات أغلى
بحبك يعني وسط الخوف تكون مأوى
ماهيش ضحكة ولاهمسة ولاغنوة بتتغنى
ماهيش قصة بنكتبها ونتمنى
ويجي اليوم وننساها ولا كانت ولا كنا
لأ أستنى
بحبك عندي معناها حاجات أحلى
حاجات أسمى
حاجات أجمل من الجنة
*********
ياريتك بس بتدور
وتلقى في جيبك الالوان
وترسم بيهم البستان
وتديني خيطين فرحة
اكمل بيهم الفستان
واديلك خيوط حبي
تغطي بيها عالاحزان
أكثر مااعجبني واللي هيا اقوى قصيدة في الديوان كله (سيبه على الرصيف
وعجبني كمان # عاملها خاطر & ثم نسيو & بصيتلها &وليه راضي & عايش في الشوك &جنة
أنا اسمي على راسك
على صدرك على جبينك
على لسانك أنا حروفك
أنا صادك أنا سينك
أنا أمنك أنا خوفك
أنا أسمك أنا أنت
******
حا قولك أيه
بحبك عندي معناها حاجات أغلى
بحبك يعني وسط الخوف تكون مأوى
ماهيش ضحكة ولاهمسة ولاغنوة بتتغنى
ماهيش قصة بنكتبها ونتمنى
ويجي اليوم وننساها ولا كانت ولا كنا
لأ أستنى
بحبك عندي معناها حاجات أحلى
حاجات أسمى
حاجات أجمل من الجنة
*********
ياريتك بس بتدور
وتلقى في جيبك الالوان
وترسم بيهم البستان
وتديني خيطين فرحة
اكمل بيهم الفستان
واديلك خيوط حبي
تغطي بيها عالاحزان
October 16, 2012
أكتب الشعر العامي – أحيانا- وأحبه بعض الشيء لكن نادرا ما يجذبني منه شعر... وقد جذبني الــ "شاي بلبن" بما فيه من نزعة وطنية صادقة مؤلمة وأحيانا حالمة.
واحترت كما احترت فيما شدت به كوكب الشرق "بعيد عنك" أهو ذلك الدعاء الدارج بيننا أم هي جملة خبرية..لكنها على كل حال لائقة وموجعة، ثم "ثم" التي تتردد بين الفرح والأمل والحزن والريبة ممثلة حالنا قبل وخلال وبعد الثورة.. تلك الحالات التي تكتنفنا حيث الرؤية ضبابية، وحيث كل يرى ما يريد ويريد ما يرى، وحيث لا وربما لن نتفق إلا في ادعائنا حب هذا الوطن.. كل على طريقته.
و "كل عام" التي كانت أشبه بأمنيه تحققت شيئا ما خلال هذا العام.. بينما دمعت عيني "ع الرصيف" ربما لأنني استشعرتها معبرة عني شخصيا، وفي "عاملها خاطر" نحتار في هذا العتاب المزدوج بين الوطن "الأم" والمواطن "الابن" وحيقي بهما أن يتعاتبا بكلهم مخطيء وكلهم عليه حق وله كذلك.
ربما أطيل إذا تناولت كل نص بتعقيب خفيف.. لكنني أقول مجملا أنها نصوص تراوحت ما بين حديث نفس ومحاورة ذات وجهة وطنية أو ذاتية وأنها نصوص حالمة لأبعد ما يكون.. ولها إيقاع عذب يستحق اللحن بل ويجتذبه ولعلني أسمعها مغناة يوما ما.
تمنيت فقط كون الشاعرة "امرأة" أن تكتب بلسان المرأة أكثر فأغلب النصوص تتحدث بلسان المذكر، ولعله عذر إذا تحدثت بام المواطن.. لكنها حين الذاتية غير محبذة.
واحترت كما احترت فيما شدت به كوكب الشرق "بعيد عنك" أهو ذلك الدعاء الدارج بيننا أم هي جملة خبرية..لكنها على كل حال لائقة وموجعة، ثم "ثم" التي تتردد بين الفرح والأمل والحزن والريبة ممثلة حالنا قبل وخلال وبعد الثورة.. تلك الحالات التي تكتنفنا حيث الرؤية ضبابية، وحيث كل يرى ما يريد ويريد ما يرى، وحيث لا وربما لن نتفق إلا في ادعائنا حب هذا الوطن.. كل على طريقته.
و "كل عام" التي كانت أشبه بأمنيه تحققت شيئا ما خلال هذا العام.. بينما دمعت عيني "ع الرصيف" ربما لأنني استشعرتها معبرة عني شخصيا، وفي "عاملها خاطر" نحتار في هذا العتاب المزدوج بين الوطن "الأم" والمواطن "الابن" وحيقي بهما أن يتعاتبا بكلهم مخطيء وكلهم عليه حق وله كذلك.
ربما أطيل إذا تناولت كل نص بتعقيب خفيف.. لكنني أقول مجملا أنها نصوص تراوحت ما بين حديث نفس ومحاورة ذات وجهة وطنية أو ذاتية وأنها نصوص حالمة لأبعد ما يكون.. ولها إيقاع عذب يستحق اللحن بل ويجتذبه ولعلني أسمعها مغناة يوما ما.
تمنيت فقط كون الشاعرة "امرأة" أن تكتب بلسان المرأة أكثر فأغلب النصوص تتحدث بلسان المذكر، ولعله عذر إذا تحدثت بام المواطن.. لكنها حين الذاتية غير محبذة.
October 29, 2012
ديوان بالشعر العامى جميل لكاتبة شابة مبتدئة فيه الحس الوطنى عالى والتفاؤل والأمل واضح تستشعره بقوه مايميزه انها تكتب ماتشعر به فيدخل قلبك ديوان لا تمل من قراءته
خطوة أولى ناجحة ستعقبها خطوات اكثر نجاحا ان شاء الله
خطوة أولى ناجحة ستعقبها خطوات اكثر نجاحا ان شاء الله
February 12, 2014
موهبة جميلة جدا ، حاجة حلوة ان الواحد يكتب كلام جميل كدة،
انا مبحبش الاشعار،بس قولت ادي نفسي فرصة، لاقيت حاجة جميلة
الكتابة جميلة،:-)
من اللي عجبني،انا العايش ،وبصيتلها ، قالك ماشافش،
اقف عندك
طريقك كلو مفروش ورد لكن انت تموت في الشوك
~عايش في الشوك
انا مبحبش الاشعار،بس قولت ادي نفسي فرصة، لاقيت حاجة جميلة
الكتابة جميلة،:-)
من اللي عجبني،انا العايش ،وبصيتلها ، قالك ماشافش،
اقف عندك
طريقك كلو مفروش ورد لكن انت تموت في الشوك
~عايش في الشوك
December 7, 2011
قالك ما شافش
أنا العايش
انا مصرك
ثم نسيوا
أربع قصائد رائعة أعجبتني أكثر من غيرها
بداية جيدة للكاتبة
أنا العايش
انا مصرك
ثم نسيوا
أربع قصائد رائعة أعجبتني أكثر من غيرها
بداية جيدة للكاتبة
December 7, 2011
شاي بلبن ..
ديوان جمييل بلغته العاميه الخفيفه :)
- بتضحكلك
-يا واش يا واش
-جنة
-ثم نسيوا
-أنا مصرك
أكتر القصايد اللي عجبتني في الديوان :)
ديوان جمييل بلغته العاميه الخفيفه :)
- بتضحكلك
-يا واش يا واش
-جنة
-ثم نسيوا
-أنا مصرك
أكتر القصايد اللي عجبتني في الديوان :)
August 26, 2016
ديوان جميل
عجبني جداً
أسلوبه سهل .. ولغته العامية البسيطة جداً
والإهداء ووصف الشاي بلبن
كله جميل
قرأته في مدة قصيرة جداً يعني كام ساعة بس
حسيت بحاجات كتير منه
حبيته
عجبني جداً
أسلوبه سهل .. ولغته العامية البسيطة جداً
والإهداء ووصف الشاي بلبن
كله جميل
قرأته في مدة قصيرة جداً يعني كام ساعة بس
حسيت بحاجات كتير منه
حبيته
May 14, 2013
طبعاً هو من 2011
ففي فرق توقيت وفرق اسلوب كمان :)
حلو
بس انا قريت لهديل احلي من كده في الحاضر :)
استمتعت بقرايته :)
ومستنيه الجديد أكيد :)
ففي فرق توقيت وفرق اسلوب كمان :)
حلو
بس انا قريت لهديل احلي من كده في الحاضر :)
استمتعت بقرايته :)
ومستنيه الجديد أكيد :)
January 28, 2013
أدْمَنْت قولة لو "
وعشقت كلمة آه
وكتير بخاف م الضيّ
مع إني بستنّاه
(ولا حلم عاد بال (لو
(ولا جرح طاب بال (آه
ده الحلم لو مكتوب
هتقوم في يوم تلقاه
ولا يوم تبات مغلوب
لو حلم منّك تاه
دا الحلم عمره ما ضاع
لو تفضل انت وراه ! "
___
لحد لما تلقى في جيوبك "
قلام ألوان
ولاجل ما تترسم فرحة
وتلقى لبسمتك عنوان
***
خيوط فرحك
حرير حبي
واكمل بيهم الفستان
***
ساعتها تبص لعيوني
تلاقي في ضحكتي الإجابات
والاقي بين عينك حكايات
عن الجنة
عن أحلامنا
عن البيت الي يجمعنا
عن الدنيا بتسمعنا
***
ياريتك بس تدوّر
وتلقى في جيبك الألوان
وترسم بيهم البستان
وتديني خطين فرحة
أكمل بيهم الفستان
واديلك خيوط حبي
تغطّي بيها عالأحزان
"
___
" اقف عندك
ما تحلمشي على قدّك
ده حلمى حتة من حلمك
دي أرض الحلم دي تساعك
وتكبر لو يزيد أملك
اقف عندك
ما تحزنشي
ولو جه يوم وضاع حلمك
ما تزعلشي
وليه وازاي يضيع منك ؟
ما تسألشي
ولا تسمع لمين قالّك
ما تحلمشي
اقف عندك
واوعي تيجي يوم ترضى
تبيع بالرخيص حلمك
ولو ضاقت بيك الدنيا
وباحلامك
ولا يهزّك
هييجي اليوم
وتبسملك
بحبة صبر تضحكلك
اقف عندك
وهوّنها وبسّطها
هتتزاح الهموم عنك
تلاقي الدنيا فاتحة الباب
وبحلم بحلم ترسملك
ورود الوان بتفرشلك
اقف عندك
ما تقفلشي عليك الباب
ولا توارب في يوم شباك
ولا تمسك قلم اسود
تلوّن بيه سحاب في سماك
اقف عندك
ما تقفلّيش على نفسك
وتحبسلي الأمل جواك
وحالفة عليك بأغلى ما ليك
ما تيأسشي
ولو خطّيت في يوم خطوة
ما تندمشي
ولو شايف طريق ضلمة
ما تقلقشي
كفاية القلب ده شايف
ولو عنيك ما بتشوفشي
اقف عندك
ده حلمي حته من حلمك
ومن أملى يزيد أملك
ولاجل ما حلمي ده يكمل, أنا جنبك
وايدى ماسكة اهي في ايديك
واشيل عنّك كمان حلمك
ولو زاد الوجع جواك
انا وياك .. يهون ألمك
اقف عندك
ماتحلمشي على قدّك
"
July 6, 2013
كتاب مريح للنفس وقريب للقب بطريقة تخليك تحس بالقرب من كاتبته بطريقة تخليك تبقي عاوزها تبقي صاحبتك :)
عجبني فيه حاجات كتيييييييييير اوووووووووووووي وقررت اقراه كتير بعد كدة ومش هبطل قرايته
من اللي عجبني فيه :
(1)
ثم قامت مرة ثورة
ثم قالوا دي مؤامرة
ثم قالوا بلدنا حرة
ثم خانوا الف مرة
ثم قالوا ثم نسيوا
ثم عادوا ورجعوا نسيوا
ثم كدبوا ثم كدبوا ثم كدبوا
(2)
ثم عزمي من حديد
ثم شمسي راح تقيد
م القناطر للصعيد
ثم حلمك هو حلمي
ثم دمك هو دمي
حتي امك هي امي
هو ده عهد الشهيد
مصر مش دلوة عبيد
(3)
كل عام
م القوة اللي مالياكي يزيدني صبر
واشيل عنك حمول كتفك وادوق المر
وامنع كل مايضرك وانا اللي اتضر
ويفضل همي حريتك ولو مش حر
(4)
سيبه عالرصيف عجبتني جدااااااااااااااااااااا
(5)
عاملها خاطر رووووووووووعة
(6)
قلبي الازاز كنت حاطاه بين ايديك
وقولتلك ده بيتكسر
خاف عليه وحطه في عينيك
كنت فاكر اني خايفة عالازاز
بس الحقيقة هي اني
كنت خايفة انه الازاز يجرح ايديك
(7)
بتضحكلك جمييييلة ورقيقة اوووووي
(8)
جنة :) فيها احساس حلو
بصراحة اتمني اقرالها تاني وتالت ومش هزهق :)
هديل عبد السلام
شاي بلبن
عجبني فيه حاجات كتيييييييييير اوووووووووووووي وقررت اقراه كتير بعد كدة ومش هبطل قرايته
من اللي عجبني فيه :
(1)
ثم قامت مرة ثورة
ثم قالوا دي مؤامرة
ثم قالوا بلدنا حرة
ثم خانوا الف مرة
ثم قالوا ثم نسيوا
ثم عادوا ورجعوا نسيوا
ثم كدبوا ثم كدبوا ثم كدبوا
(2)
ثم عزمي من حديد
ثم شمسي راح تقيد
م القناطر للصعيد
ثم حلمك هو حلمي
ثم دمك هو دمي
حتي امك هي امي
هو ده عهد الشهيد
مصر مش دلوة عبيد
(3)
كل عام
م القوة اللي مالياكي يزيدني صبر
واشيل عنك حمول كتفك وادوق المر
وامنع كل مايضرك وانا اللي اتضر
ويفضل همي حريتك ولو مش حر
(4)
سيبه عالرصيف عجبتني جدااااااااااااااااااااا
(5)
عاملها خاطر رووووووووووعة
(6)
قلبي الازاز كنت حاطاه بين ايديك
وقولتلك ده بيتكسر
خاف عليه وحطه في عينيك
كنت فاكر اني خايفة عالازاز
بس الحقيقة هي اني
كنت خايفة انه الازاز يجرح ايديك
(7)
بتضحكلك جمييييلة ورقيقة اوووووي
(8)
جنة :) فيها احساس حلو
بصراحة اتمني اقرالها تاني وتالت ومش هزهق :)
هديل عبد السلام
شاي بلبن
February 5, 2013
جميل وحزين وخفيف ف نفس الوقت عجبنى جدا ..
مما اعجبنى
مما اعجبنى
February 5, 2017
تقوله المصايب
يقولك ماشافش
وموت الغلابه
في عباره غرقت
لا ليهم جنازه
ولا حتي نعش
تقوله المصايب
يقولم ماشافش
ودفن ابن ادم في حضن الجبل
ولا حد سائل في موته وحياته
كأنه ما كانش
كأنه ماعشش
تقوله المصايب
يقولك ما شافشش
يبيع في البلد دي
ويكنز فلوس
وشعبه بيشحت
ولا لاقي ياكل ولا لاقي قرش
ما أصل الحرامي نهبها وماسابش
وبعد كده يقولك ضرايب
عشان يملي جيبه
وجيب الحبايب
وترجع تقوله
يقولك ماشافش
واخر الحكايه
هيديها لابنه
ما هو الشعب ساكت
مفرط في حقه
مغمضلي عينه
وساددلي ودنه
وعامل مطنش كأنه ماشافش
تقوله المصايب
يقولك ماشافش
ومالك بتزعل
وليه بس تحزن
وثاير و ساخط
وواخدها قفش ما قلنا المصايب
وقالك ماشافش
ديوان رائع .. لم اتوقع ان يكون كذلك ..احببت فيه الكثير
يقولك ماشافش
وموت الغلابه
في عباره غرقت
لا ليهم جنازه
ولا حتي نعش
تقوله المصايب
يقولم ماشافش
ودفن ابن ادم في حضن الجبل
ولا حد سائل في موته وحياته
كأنه ما كانش
كأنه ماعشش
تقوله المصايب
يقولك ما شافشش
يبيع في البلد دي
ويكنز فلوس
وشعبه بيشحت
ولا لاقي ياكل ولا لاقي قرش
ما أصل الحرامي نهبها وماسابش
وبعد كده يقولك ضرايب
عشان يملي جيبه
وجيب الحبايب
وترجع تقوله
يقولك ماشافش
واخر الحكايه
هيديها لابنه
ما هو الشعب ساكت
مفرط في حقه
مغمضلي عينه
وساددلي ودنه
وعامل مطنش كأنه ماشافش
تقوله المصايب
يقولك ماشافش
ومالك بتزعل
وليه بس تحزن
وثاير و ساخط
وواخدها قفش ما قلنا المصايب
وقالك ماشافش
ديوان رائع .. لم اتوقع ان يكون كذلك ..احببت فيه الكثير
November 30, 2013
حبيت الديوان زى ما حبيت الشاى بلبن بالظبط :D
زاد اللبن شوية فى بعض القصائد و زاد الشاى شوية فى بعضهم .. شوية سعادة و بعدها تعاسة و الم .. و هكذا
عجبنى جدًا قصيدة "ثم نسيوا" عبقرية فعلًا
و قصيدة انا العايش برضه عجبتنى و لو انها كئيبة :D
فى قصائد حسيتها ممكن يغنيها مطرب شعبى قديم زى يا واش يا واش مثلًا و يغنيها محمد العِزبى :D
الكتاب فى المُجمل لطيف جدًا .. ربنا يوفقك فى القادم ان شاء الله
اة .. نسيت اقول حلو حوار كوكب بلوتو دة! :D
زاد اللبن شوية فى بعض القصائد و زاد الشاى شوية فى بعضهم .. شوية سعادة و بعدها تعاسة و الم .. و هكذا
عجبنى جدًا قصيدة "ثم نسيوا" عبقرية فعلًا
و قصيدة انا العايش برضه عجبتنى و لو انها كئيبة :D
فى قصائد حسيتها ممكن يغنيها مطرب شعبى قديم زى يا واش يا واش مثلًا و يغنيها محمد العِزبى :D
الكتاب فى المُجمل لطيف جدًا .. ربنا يوفقك فى القادم ان شاء الله
اة .. نسيت اقول حلو حوار كوكب بلوتو دة! :D
November 6, 2012
إذا أردت أن تحصل على رأيٍ حاسم وقاطع في هذا الديوان، فما عليك إلا أن توفِّر من وقتك نصف ساعة فقط .. نصف سـاعة .. للمتعة :)
.
.
لحد ما تلقى في جيوبك
قلام ألوان
ولاجل ما تترسم فرحة
وتلقى لبسمتك عنوان
خيوط فرحك
حرير حبي
واكمل بيهم الفستان
....
الديوان متاح الكتروني
.
.
لحد ما تلقى في جيوبك
قلام ألوان
ولاجل ما تترسم فرحة
وتلقى لبسمتك عنوان
خيوط فرحك
حرير حبي
واكمل بيهم الفستان
....
الديوان متاح الكتروني
February 10, 2013
اسلوب رائع
وتنوع فى الكلمات مميز
ولكن تبقى مشكلة قلّة التنوع فى المواضيع
فكانت دائمآ اقوى القصائد هى الوطنية
أكثر ما اعجبنى :
بعيد عنك
ثمَّ نسيوا
أنا العايش
قالّك ماشافش
اقف عندك
بتضحكلك
أعجَبنى :)
وتنوع فى الكلمات مميز
ولكن تبقى مشكلة قلّة التنوع فى المواضيع
فكانت دائمآ اقوى القصائد هى الوطنية
أكثر ما اعجبنى :
بعيد عنك
ثمَّ نسيوا
أنا العايش
قالّك ماشافش
اقف عندك
بتضحكلك
أعجَبنى :)
December 14, 2011
جمييييل بسيييط!
عجبني انا اللي الدنيا بتجيني
بصيتلها
انا العايش
عجبني انا اللي الدنيا بتجيني
بصيتلها
انا العايش
May 2, 2012
لذيذ وبسيط بالعاميه المنسقه
وعجبني الاهداء جدا بالاضافه لتعريفك لمعني الشاي باللبن البسيط في الاسم والمعني
لم يرهقني في القراءه
بالتوفيق
وعجبني الاهداء جدا بالاضافه لتعريفك لمعني الشاي باللبن البسيط في الاسم والمعني
لم يرهقني في القراءه
بالتوفيق
October 16, 2012
عجبتني أغلب الأشعار اللي مكتوبة , حلو وخفيف :)
July 22, 2013
فى أجزاء حلوة جدا وفى أجزاء حاسسها مش أوى!!
أنا العايش
على الهامش
وقلبى كأنه شيئ هايش
ولو سألونى عامل ايه ؟
هقول ...عايش
تعيس..عايش
حزين..عايش
فقير..عايش
ولسه عقلى أهه فى راسى
لا أنا مجنون ولا طايش
أنا العايش
على الهامش
وقلبى كأنه شيئ هايش
ولو سألونى عامل ايه ؟
هقول ...عايش
تعيس..عايش
حزين..عايش
فقير..عايش
ولسه عقلى أهه فى راسى
لا أنا مجنون ولا طايش
October 29, 2015
شعر رائع تتناول الكاتبة عدة مواضيع تطرحها من خلال شعرها
بحب جداً حد يحكى اى حكاية او عايز يعبر عن حاجات جواه بالطريقة دى
^_^
بحب جداً حد يحكى اى حكاية او عايز يعبر عن حاجات جواه بالطريقة دى
^_^
Displaying 1 - 30 of 206 reviews