Much-loved classics, legends from faraway places and famous characters make this a collection to cherish. Every page is lavishly illustrated and will appeal to children between the ages of 4 to 9. Includes traditional favorites such as The Emperor's New Clothes, Cinderella and the Little Mermaid.
Հեքիաթներ կարդալը միշտ էլ լավ որոշում է՝ հատկապես տարեսկզբում: «Հարյուր դասական հեքիաթները» նվեր ստացա, հեքիաթների գիրք վաղուց էի ուզում: Որոշ դիտարկումներ անեմ. Ինձ դուր չի գալիս գրքի վերնագիրը, «100 դասական հեքիաթՆԵՐ»-ը ծակում է ականջս, ես կարճ-կոկիկ վերնագրեր եմ սիրում: Սա՝ տեխնիկական մասով: Գիրքը հարմար է, հեքիաթները բաժանված են ըստ տարիքային խմբերի, այսպիսով հեշտացնում են ծնողների աշխատանքը: Սա այդքան էլ իմ ուզած գիրքը չէր, որովհետև ես ուզում էի հեքիաթների գիրք, որը մեծերի լեզվով գրված կլինի: Էստեղի տեքստերը կարճացրել են, ավելի պարզ են դարձրել: Դե հասկանալի է, երեխաների համար է: Բայց էլի վատ չի, արագ-արագ կարդացի, ընտիր տրամադրություն են ապահովել :ՃՃՃ ի դեպ, եթե «մեծական լեզվով» հեքիաթների ժողովածուի տեղ ու անուն իմանաք, երկու անգամ կրակեք օդ: Նկարազարդումները շատ լավն են, ուզում ես գնալ, փողոցից երեխա ճարել, բերել տուն ու ստիպողաբար հեքիաթ կարդալ իր համար՝ նկարները մեկնաբանելով, ամեն հեքիաթի վերջում կախարդական ձայնով հարցնելով. «Ու ի՞նչ սովորեցինք այս հեքիաթից, իմ փոքրիկ исчадие ада?»՝ իհարկե նախապես բուդ-բլինչիկով կշտացնելուց հետո: Այսպիսով, ամփոփում. գիրքը լավն է, բայց ցանկալի է նրանց կարդալ երեխաների հետ: Հինգ աստղ դնում եմ հենց դրա համար: Գունազարդ են, որակյալ են, գրագետ են շարադրված: Դեկտեմբերի 31-ին «Գուդրիդս» գրանցվելը էլի լավ որոշում էր: Առաջին րեվյուս բարով լինի, ձեր Նոր տարին էլ շնորհավոր: Մնացած գրքերի մասին՝ հաջորդիվ: Հ.գ. այսօր առաջին անգամ սկսում եմ կոմիքս կարդալ, Նիլ Գեյման, տեսնենք՝ ինչ կստացվի: