الدحيحة: الأميرة ديانا

by Taher El Moataz Bellah

يقول المثل فاقد الشيء لا يعطيه، ولكنه أحيانًا يعطيه بغزاره. ديانا افتقدت الحب في حياتها فمنحته لكل من حولها. كانت كالشمس مصدرًا للضوء والدفء، فدار الرجال في فلكِها منجذبين إلى نورها، ولكن من اقترب منها احترق بنارها؛ فمن قتل ديانا؟ وكيف قُتلت؟ وكيف عاشت؟ وكيف أحبت؟ وكيف انتصرت؟ وكيف هُزمت؟ والأهم من كل ذلك، كيف استطاعت الفوز بحب الملايين في حياتها إلى درجة جعلتها من أشهر شخصيات العالم وأكثرهم شعبية رغم مرور أكثر من 25 عام على وفاتها

Genres: Audiobook, Biography

173 pages, Kindle Edition

First published January 25, 2023

Reviews

[Mai M Ibrahim · Rating 5 out of 5]

تحفة 😍
كنت مفتقدة صوت الدحيح ع ستوريتل ف الأول بس طاهر بجد صوته لا يقل أهمية خالص عن الغندور
عااااش بجد ، المحتوى تحفة ومكتوب حلو اوي اوي
عجبني تناول حياة ديانا من كل الجهات وأنها فعلا مش ملاك واكيد بتغلط .. هي إنسانة
وإن قد ايه الناس كانت مش مصدقة إن ممكن تكون وفاتها عادية كده ف حادث سيارة ولازم يكون ف مؤامرة
الكتاب الصوتي بجد جميل وباين فيه السيرش والإلمام بكل جوانب القصة .. برافو حقيقي
استمتعت جدا بالكتاب و هقرأه الباقى تباعًا إن شاء الله 😍

[Islam Ahmed · Rating 5 out of 5]

عمل مهم جدا
سلط الضوء على الأمور الغامضة في حياة الأميرة ديانا. أهمها:
- علاقتها المتوترة بالتاج البريطاني
- حياتها العاطفية
- لغز وفاتها
- دور عائلة الفايد في لعب نظرية المؤامرة
والأهم هو وضع ديانا في اطارها الإنساني بدلا من الملائكي
كتاب صوتي مهم لفهم حياة الأميرة الحزينة...

[Mina Habib · Rating 3 out of 5]

* بالرغم من إني في الوقت ده طفل لا يتعدي عمره ال 7 سنين إلا إني فاكر تفاصيل كتير من اليوم ده. و انا هنا بتكلم عن يوم جنازة الأميرة ديانا اللي نقلتها كل شاشات التلفزيون. صحيح إن وقت الإعلان عن الحادثة و انتشار خبر وفاتها و كل الكبار في عائلتنا، اللي هما أهلي، بينتظروا يسمعوا الأخبار علشان يعرفوا آخر تطورات الموضوع ده، إلا إن يوم الجنازة كان يوم مختلف، خاصة بالنسبة لطفل، التلفزيون مفتوح من بدري و مُثبت علي القناة اللي هتنقل مراسم الجنازة، أعداد مش طبيعية مالية الشوارع و لابسين ملابس الحداد السوداء، و قدام القصر عربية ملكية بتجرها خيول واقفة و مستنية و علي اهبة الاستعداد. و الأهم إن الناس قاعدة قدام التلفزيون مركزة و مستنية اللي هي هيحصل حتي جدتي هي كمان كانت قعدة علشان تتابع و تشوف الللي هيحصل. أعتقد إن ده مشهد مش معتاد و مش سهل علي طفل صغير إنه ينساه و يسقطه من ذاكرته.

* لما الواحد كبر شوية عرف إن الأميرة ديانا كانت شخصية محبوبة و مثيرة للجدل. و لو الناس كانت سكتت عن الجدل اللي كانت بتثيره في حياتها، فوافتها هي كمان أثارت الجدل و كمان أثارت إتهامات بتورط العائلة الملكية الانجليزية و خاصة الملكة، في تدبير الحادث اللي أدي لوافتها. الموضوع ده كان واخد حيز كبير في كلام الناس في المجتمع المصري، و السبب في ده بيرجع لفكرة إن مات معاها في هذا الحادث و في نفس العربية دودي الفايد الشاب المصري اللي نقدر نقول عليه بمفاهيمنا دلوقتي البوي فريند بتاعها، و إن كان هذا اللقب ماكنش معترف بيه ولا ليه مقابل في الوقت ده في محتمعنا المصري، و اللي المفروض كان هيعلن خطوبته عليها و يصبح زوجها المستقبلي.

* نركز بقي علي الكتاب شوية، و نبدأ من عند طريقة اللغة وطريقة الكتابة، واللي بتخليك تحس لإنك بتقرأ إحدي حلقات برنامج الدحيح، بنفس اللغة العامية و بنفس الأسلوب لدرجة إنك هتبقي سامع صوت الدحيح و طريقته في دماغك وأنت بتقرأ الكتاب. من الآخر ممكن نختصر ده و نقول إن الكتاب ده استخدم نفس الطريقة اللي الكاتب استعملها في كتاب الدحيح: ما وراء الكواليس. و الحقيقة إن الطريقة دي مسلية بشكل ما و ماكنتش متضايق منها علي الإطلاق. و إحساسي الشخصي إن الطريقة دي كانت مناسبة في الكتاب ده أكتر ما كانت مناسبة في كتاب الدحيح ما وراء الكواليس لأن الكتاب ده بيتكلم في موضوع واضح و محدد و مش شخصي فكان مناسب ليه الطريقة دي و زي ما قلت هتحس إنك بتسمع الدحيح بس في حلقة طويلة شوية.

* ليه قررت أقرأ الكتاب ده؟!! بالرغم من هبل وعبط الدافع بس أنا قررت أقرأ الكتاب علشان الموسم السادس من مسلسل the crown نزل و كمان السنة بتخلص فقلت ليه ما قفلش السنة بكتاب عن الأميرة ديانا و بعدها اتفرج علي المسلسل اللي أعتقد إنه هيبقي موجود بداخله أحداث الحادث اللي حصلها وادي لوفاتها. و بالرغم من إن أغلب المعلومات أنا عارفها سواء عن طريق أجزاء المسلسل السابقة واللي سهل إنك تتحقق من صحتها ببحث بسيط علي الانترنت أو عن طريق تذكري لبعض الكلام اللي كان بيدور بين أفراد عائلتي كل فترة والتانية لأن موضوع الحادث ده كان بيتفتح كل فترة، والحقيقة أنا ماكنتش أعرف السبب ايه، و يتبادلوا فيه بعض الآراء السريعة و اللي أغلبها كان بيمتاز بـ uncertainty رهيبة و عادة بينتهي بجملة الله أعلم.

* أهم حاجة الكتاب ده قدمها هي الجانب الآخر للأميرة ديانا. ألأميرة ديانا كانت طول الوقت الناس شايفاها كملاك، خاصة بعد وفاتها، وده كان بيصاحبه شيطنة للعائلة المالكة والملكة إليزابيث و الأمير تشارلز، و خليك فاكر إن حادث موت الأميرة ديانا خلي الناس ترفع اصابع الاتهام في وجه العائلة المالكة. و لو ماكنش فيه أي دليل مادي يدينهم فالناس حكمت عليهم و أدانتهم و قرروا يصدقوا إن ديانا ملاك بجناحات. الكتاب بقي بجانب هذا الجانب الملائكي لديانا، واللي بالمناسبة ما بينكروش، قدم الجانب الآخر ليها و إنها ماكنتش مكسورة الجناح قوي كده و إنها كانت بتمتلك سلاح بتلاعبهم بيه و هو الإعلام والجماهير واللي كانت بتمثل للعائلة المالكة نقطة ضعفهم الأعظم، بسبب الجمود والبعد عن الجمهور اللي كانوا بيفضلوه. قد يكون أكتر شخص كان محبوب من الجماهير في وقت ما، وإن كانت جماهير أرسطقراطية شوية، هي الأميرة مارجريت أخت الملكة، ولكن الأميرة مارجريت بكل شعبيتها و هيلمانها لم تكن تزن مثقال ذرة قدام الأميرة ديانا. ديانا اللي لقبت بأميرة القلوب و كانت حقيقي معبودة الجماهير.

* الكتاب بيقدم الأميرة ديانا علي غنها شخص ممكن يكون بيأذي اللي حواليه بشكل ما حتي لو ده كان من غير قصد، سواء نتيجة لعقد و معاناة مرت بيهم في طفولتها، أو بسبب rebound في علاقاتها عموماً و علاقتها بالأمير تشارلز خصوصاً. أو حتي بسبب حبها للاهتمام الاعلامي وعدسة الكاميرا، واللي بعض الأحيان اتحولوا علشان يشكلوا ضغط عليها يكاد يوصلها هي واللي حواليها لحافة الانهيار.

* كتاب ممتع ومسلي و مش ممل و مش هتحس إنك بتعمل أي مجهود و أنت بتقرأه و تقدر تقول بردو إنه بيخلص بسرعة. و لو أنت ما تعرفش كتير عن الموضوع بتاعه فبيحمل قدر لا بأس به من المعلومات والمعرفة.

[Sabreen NourAldin · Rating 5 out of 5]

بدايةً، أنا مش من عشاق السير، أيوة يعني مين حضرتك عشان أعرف قصة حياتك؟

لحد ما "اكتشفت" طاهر المعتز بالله

السير اللي بيكتبها هي بلا شك الأكثر امتاعاً، وما بحسش فيها بتبجيل وتمجيد لشخص معين. هو بس بينقل أحداث كتير متشابكة بطلها شخص واحد، بيمر بتقلبات وتغيرات وتناقضات احياناً

وهاد اللي لقيته فكتاب الاميرة ديانا

تشاء الأقدار اني انولد بعد وفاتها بسنة، فلما كبرت شوي ووعيت عالدنيا كنت لسا بسمع عنها من وقت للتاني في بداية الألفينات

والكلام عنها دايماً كان باعتبارها قديسة منزهة عن الخطأ!

الملاك الرحيم المظلوم

وهالصورة كانت موجودة بالكتاب، بس لعند نقطة معينة بس، بعدين بيبدأ طاهر يحكيلنا ان هالشي أساساً مش منطقي، ويمارس هوايته المفضلة في وضع الأشخاص في منزلتهم الحقيقية كبشر، لا هم ملايكة ولا هم شياطين

الكتاب اكتر من مجرد سيرة لشخص، هو كوكتيل من المواضيع الاجتماعية والسياسية والاقتصادية والتاريخية، والحلو ان كل هالمواضيع بتاخد وقتها وحقها الكافي فالشرح مش مجرد تفاصيل جانبية ونرجع نركز على الأميرة ديانا

بالنسبالي هالأسلوب ممتع جداً، لأنه بيفسحك فالنص بين مواضيع كتير وبيرجعك للطريق الأساسي بعد ما تكون رؤيتك للموضوع اختلفت

بس أعتقد ان جزئي المفضل فالكتاب هو الجانب الانساني من القصة. احنا مش بنحكي أحداث ونتايج وبس، احنا بنحكي دوافع واختيارات وتأثيرات

الأمير هاري لليوم متأثر بوفاة الأميرة ديانا

الجمهور العربي لليوم بيتفاعل على القصة ومرتبط فيها

كل هالمشاعر لما تنحكى من خلال المعلومة بتخلي الكتاب قريب أكتر من القارئ وبتخليه يعكس الكتاب على حياته، وهو أمر صعب للغاية

بشكل شخصي استمتعت بالقصة لأني كنت متحمسالها من الأول ولقيت أكتر من اللي توقعته

لقيت قصة عن نظام الحكم، سيكولوجية الجماهير، كيف الشهرة بتتحكم في حياة الفرد، كيف الواحد ممكن يكون عنده كل شي وولا شي في نفس الوقت

كتابات طاهر المعتز بالله لا تخلوا من الدروس المستفادة، ساعات بيصرح فيها وبيرتبها للقارئ في النهاية

بس حبيت انه فهالكتاب ما صرح فيها وخلى القارئ يستخرجها بنفسه

ولو في درس واحد بس استفدته من هالكتاب فهو ان ازدواجية الشخصيات مش آفة؛ ولكنها واقع بشري حتمي

ختاماً، أحب أشكر طاهر على تنبؤه الصحيح بإن الكتاب رح يعجبني -قال يعني شي جديد-

سعيدة جداً اني كنت جزء من هالرحلة الجميلة

[Taher Bellah · Rating 5 out of 5]

فاقد الشيء لا يعطيه، وأحيانا يعطيه بغزارة.

[Maha Moustafa · Rating 4 out of 5]

قراءة صوتية مفصلة عن الملكة ديانا وحياتها من الطفولة وحتى الحادثة وتوابعها. فيها جوانب كنت أول مرة اسمع عنها، واللي كانت أهم جملة في الكتاب الصوتي هي أن ديانا مش ملاك ولكنها إنسان.

[Mohammad Shishtawy · Rating 5 out of 5]

- كتاب متميز جداً وتفوق على كل سابقيه من نفس السلسلة. بداية ورغم تحيزي ضد الكتاب الصوتي إلا إنه المخرج الوحيد للعامية الصرفة المكتوب بها السلسلة.
- في بداية الكتاب كدت ألا أكمله عندما وجدت أن من سيقدمه هو طاهر المؤلف نفسه وليس أحمد الغندور كما اعتدنا فالعين غالباً ما تحب قبل الأذن ولكن الحمد لله واصلت الاستماع له ولم أندم
- الكتاب إضافة قوية لكارهي قراءة السير الذاتية التقليدية -مثلي- فهو يقدم لك السيرة على طريقة الحكاية ومن منا لا يحب الحكايات !! كما أن الكاتب كما اعتدنا منه يتعامل مع النجم على طبيعته البشرية العادية بشططه وزلله بعيداً عن تنزيه الأفلام الهوليودية.
- سيرة ذاتية واقعية لم تتجاوب مع الفهلوة المصرية المتمثلة في محمد الفايد ورغبته في لي عنق الحقيقة وعرض حقائق لم تصل إلينا في وقتها لضعف وجود الانترنت وقتها.
- أرشحه بقوة لمن يرغب في أخذ الحكاية بالملعقة كما نحب على الجاهز بدون تفلسف ولا سفسطة.

[Katy Michael · Rating 4 out of 5]

4.5/5
تفوق الأستاذ طاهر المعتز بالله علي نفسه في هذا العمل .. كل تفصيلة او مثل او إفيه في مكانه بدون تكرار .. محستش بالملل ولا لحظة طول الكتاب . تسلسل الاحداث و ربط الشخصيات ببعض عظيم. و الأهم إني كنت سامعة الكتاب بصوت احمد الغندور طول الوقت و ساعات بصوت طاهر نفسه كمان. اعتراضي الوحيد في قصة محمد الفايد حسيت ان كان فيها بعض من التطويل. لكن غير كدة فالكتاب ممتاز و فكرة تحويل السلسلة المسموعة لورقي عظيمة جدا زائد ال qr codes كمان حلوة اوي و ساعدتني اني اتخيل الأحداث .. سأنتظر المزيد❤️

[Mahmoud Al Moufti · Rating 5 out of 5]

مبدع يا أستاذ طاهر. كتاب آخر رائع وهذه المرة بصوتك، أداء مميز ومادة غنية ومتعوب عليها.
نأمل في المواسم القادمة التوسع لتغطية مواضيع كحضارات الشرق القديم أو الميثيولوجيا اليونانية، إضافة للحضارة الفرعونية. أيضا في مجال السير الذاتية من الممكن تقديم بعض الحلقات عن أشهر الفنانين أو الرسامين العالميين الايطاليين أو الفرنسيين، ونأمل أن نستمع لحلقة عن السيدة أم كلثوم أو الموسيقار محمد عبد الوهاب أو العندليب حليم أو الأستاذ المبدع بليغ حمدي.
كل الحب والتوفيق ❤

[Ahmed Amer · Rating 5 out of 5]

لطيف جدا و طاهر اسلوبه ظريف و ميختلفش عن احمد الغندور كتير

[Rasha Zayed · Rating 5 out of 5]

من الحلقات القوية جدا و مهمة

[Mohamed Abozied · Rating 5 out of 5]

افضل كتب السلسلة حتى الآن ❤

[Sam · Rating 5 out of 5]

الأميرة ديانا طلعت مش ملاك!


الكتاب بتدور أحداثه حوالين الأسرة الحاكمة البريطانية لحد ما وصل للأميرة ديانا بعد ربع الكتاب تقريبًا، وعلى الرغم من إني كنت هنتقد الكاتب علشان كدا إلا إني لقيت الموضوع كان لصالح القُراء علشان يعرفوا الحكاية من أولها وأهي تبقى معلومة ليهم وللزمن


في الكتاب دا شوفت الأميرة ديانا بصورة مُختلفة على عكس اللي الصُحف صوروها بيها، اه كنت بشوفها حزينة بسبب معاملة الملك تشارلز ليها، لكنها بعد كدا خانته لما هو خانها، ودي معلومة مكنتش أعرفها عنها

وفي الكتاب دا أستاذ طاهر وضح تفاصيل كتير عن شخصيتها وإنها اتحولت من ضحية قراراتها وزواجها إلى جانية بتخونه مع كذا حد

وضحلي أد إيه إنها كانت عايشة في أحلام سندريلا وإن في أمير هيخطفها على حصان أبيض وتعيش في تبات ونبات وتخلف صبيان وبنات.. هي اه اتجوزت أمير وخلفت، ولكنها كانت فاكرة إنها هتعيش قصة حب من اللي قرت عنهم في الروايات ولكن دا محصلش

الكتاب اتكلم عن الفترة اللي جالها فيها بارانويا وشراهة تجاه الأكل وكانت مفيش حاجة بتقعد في بطنها لحد ما خست كتير

واتكلم عن محمد الفايد وإزاي وصلتله، وعن علاقتها بعماد ابنه

الكتاب وضح أد إيه ديانا بعدما كانت لامعة في السماء زي النجوم غابت لإنها مبقتش واحدة منهم أو بمعني أصح من سابع سماء نزلت لسابع أرض

أسلوب الكاتب كان بسيط وسلس قادر ينقلني من الأحداث بتشويق ومحستش بأي ملل وأنا بقرأ عنها

أستاذ طاهر حكواتي شاطر بأسلوب سرد جميل قدر يجذبني لقصة الأسرة المالكة والأميرة ديانا من الإبرة للصاروخ، فأسلوبه كان مُنمق ومُتماسك قدر يوضح الأحداث اللي كنت حابه أعرفها بأسلوب سلس لا يخلو من السُخرية واستخدام أفيهات من الأفلام واللي سهل دا كان لغة ولهجة الكتاب اللي باللهجة العامية المصرية


التيمة اللي في الكتاب كانت فاقد الشيء يُعطيه وبغزارة تعبيرًا عن فقدان الأميرة لحنان الأسرة والحب، فكانت بتعوض الناس بالأعمال الخيرية

دا كان أول كتاب تاريخي وسيرة ذاتية أقرأه وأكمله من طقطق لسلام عليكم


الكتاب حرفيًا مفهوش ولا غلطة عظيم بجد👏👏👏

[عبدالملك · Rating 5 out of 5]

سأتحدث عن هذه السيرة بعين قارئ وليس متحيز..

في كل مرة اقراء بها سيرة اكتشف أنها عباره عن حقل ثقافي ومعرفي اكثر مِن انها تُسلط الضوء عن صاحب السيرة وهذه السيرة اكبر دليل على ذلك

عَرفتني أولاً على اميرة الحُب ديانا الراقصة مع الافاعي والتي اثبتت مقولة "فاقد الشيء يُعطيه وبغزاره" والتي كانت بالنسبة عباره عن اميرة ذات نهاية مأساوية فقط
وعَرفتني كثيراً عن العائلة الحاكمة في بريطانيا وعن ابرز المعالم التاريخية فيها والقصور التراثية والكثيررر مِن الاماكن
وعَرفتني على محمد الفايد الذي كان بالنسبة لي رجُل اعمال مصري فقط ولكن أكتشفت العَجب والعُجاب عندما الهمني الفضول للبحث عنه والاستماع لمقابلته والتعمق في قَصته وأيضاً عَرفتني على رجُل المال عدنان خاشقجي الذي كُنت أعرف بأنه رجل يمتلك أموالاً طائلة فقط ولا اعرف كيف جَمعها وكيف تعرف على محمد الفايد وكيف بدأت مسيرته
وَعرفت أيضاً كيف شارك محمد الفايد في بناء مينا دُبي مع الشيخ راشد بن سعيد المكتوب وأُعجبت كثيراً بالمواضيع المطروحة كقصة الحرب والحُب بين أنطوني وكيلوباترا والخ..
وكما للسيرة جانب ثقافي ومعرفي جميل لها أيضاً جانب مأساوي وحزين جداً أعتقد بأني تأثرتُ بها قليلاً في النهاية وتعاطفتُ مع الامر ولكن هذا الامر لا يجعلني امدحها لهذه الدرجة لستُ عاطفياً كما يبدو ولكن تستحق تقيماً مرتفع بكل احقية👏🏻

[zahraa esmaile · Rating 3 out of 5]

#قراءات2023
#الأميرة_ديانا_سلسلة_الدحيحة
انا من عشاق أميرة القلوب الراحلة"ديانا"
والحقيقة انا كمان متابعة جيدة ل"طاهر المعتز بالله"
وهنا الكاتب أخدنا في رحلة وثائفية بإمتياز لحياة أميرة القلوب
بنتعرف على ظروف نشأتها والخلفية العائلية
ودراستها وإهتماماتها
لحد ظروف تعارفها بالأمير تشارلز"والملك الحالي وقت كتابة الريفيو"
بنشوف بعيون الكاتب الرحلة كاملة بتفاصيل ف الخلفية مهمة جداً وبدون حشو
كمان الكاتب إدانا خلفية واضحة عن شحصية ولي العهد و قصة حبه ل "كاميلا"
الرحلة استمرت لحد الطلاق وملابساته كلها
وانتهت بتحليل وافي للحادثة الشهيرة إلى أدت لوفاتها مع عماد الفايد
الصورة وضحت، وللأسف الصورة الملائكية اللي أغلبنا راسمها لأميرة القلوب هتتهز شويتين ف الكتاب دة
كمية تفاصيل كبيرة ولكن مكتوبة ببراعة شديدة بدون ذرة ملل ولا توهان رغم تعدد الشخصيات والخلفيات العائلية والتاريخية
وصفه للمشاعر المختلفة على لسان كل شخصية كان رائع
باختصار
كتاب مرجعي مهم، مكتوب بحرفية عالية وأسلوب مشوق جداً
ممكن يخلص ف قعدة كمان
ناقص الكتاب دة صور، الغلاف مش عاجبني بصراحة
#الكتاب_رقم22
#قراءات_رمضان
#ريفيوهات_متأخرة
#كتاب_لجلسة_واحدة
22/70
10-مارس

[Mona · Rating 4 out of 5]

الجماهير الحاشدة اللي جايين يعزوا في وفاة ديانا كانوا في الحقيقة بيعزوا نفسهم
في حياة مادية رمادية تطغى عليها الأرقام، ديانا كانت مصدر ضوء لا ينضب من المشاعر والعالم زي ما محتاج علم وقيادة محتاج حب وتعاطف

************************************************

فأصبحت زي ما قال توني بلير في رثائها «أميرة القلوب وهتعيش بداخلهم إلى الأبد» ‫ مش لأنها ملاك لكن لأنها بشر ‫ إنسانة جمالها في عدم كمالها ‫ عاملت الناس بإنسانية فحسوا لأول مرة بإنسانيتهم ‫كل حضن وابتسامة كانت بتنشر السلام في أي وكل مكان تروحه نشرت الحب رغم افتقادها للحب وعاشت كمثال على خطأ مقولة «فاقد الشيء لا يعطيه»، وأثبتت إن أحيانًا فاقد الشيء بيعطيه بغزارة

[مي مجدي · Rating 4 out of 5]

لم أكن أتوقع أني يعجبني هذا الكتاب لهذا الحد، جهد بحثي محترم، معلومات وفيرة ومتنوعة ع�� شخصيات لا حصر لها، حكي جزء لا بأس به من تاريخ العائلة المالكة وشخصية تشارلز حتي مقابلته لديانا وزواجه منها، جمال هذا الكتاب في أنه يهدم الصورة النمطية عن أميرة القلوب الملاك علي الارض ديانا، الوجه الآخر لديانا الإنسانة بأخطائها وسقاطاتها ويصحح لي المعلومة اللي تربيت عليها منذ مشاهدة جنازتها في التليفزيون والتي تقول أنها اغتيلت بتدبير من العائلة المالكة ولكن الحقيقة التي رفض كثيرون تصديقها أن أميرة وليز أشهر شخصية في القرن الماضي ماتت في حادثة سيارة عادية كما يموت الآخرون ..أنصح بشدة بقراءته

[Rowan Elkasas · Rating 5 out of 5]

أظن أن هذا الكتاب افضل كتاب من سلسلة الدحيحة . ليس فقط عن قصة ديانا و لكن كل المحيطين بها حتى تاريخ بعض الشخصيات من العائلة المالكة. و لكن المهم فى هذا الكتاب هو معرفة الأشخاص من الناحية الإنسانية لم أتوقع أن كتاب اسمعه لتسلية يغير منظورى عن فهم اختلافات الناس و كيفية التعامل مع الأشخاص . فديانا كانت موهوبة فى هذه النقطة و رغم ذلك لم يفهمها أحد بالطريقة الكافية.
كتاب مفصل و رائع عن الأميرة ديانا و المحيطين بها .

[Mariaaa Guirguis · Rating 4 out of 5]

It took almost 6 weeks to finish this book. It’s so good, but it has so so much drama.

Taher is extraordinary at writing, he really is one of the most talented authors ever.

[Doha ~ · Rating 5 out of 5]

من افضل الحلقات في تاريخ البرنامج كله، كمية التفاصيل الي فيها وطريقة الكاتب في أنه يبسط الموضوع ويشرح كل تفصيلة لوحدها ويرجعنا للقصة الأساسية تاني من غير لخبطة كانت مبهرة جدا 💜

[Laila · Rating 5 out of 5]

حلوه اوى الكتاب ,

[Eslam Farouk · Rating 5 out of 5]

ممتاز كالعادة يا طاهر

[Dina Hisham · Rating 3 out of 5]

كتاب يحمل رؤية متوازنة لحياة الأسرة المالكة البريطانية ولحياة الأميرة ديانا تحديدًا وزي ما وعد الكتاب بيحاول يوريك ديانا كأنسان بيغلط ويصيب ..الكتاب دمة خفيف والقاريء كان بيقول افيهات لذيذة وهو بيقرأ وده خلق حو حلو للكتاب وكنت متخوفة في البداية انه الكاتب يكون حد غير متمكن من مهارات القراءة لكني علي العكس حسيت انه قادر يقرأه بمهارة

[Sherif Ismail · Rating 5 out of 5]

جميله جدا .. استغربت الاول من تغيير احمد الغندور لكن اداء طاهر المعتز بالله كان جيد جدا..
الكتاب جميل عن حياة الاميره ديانا و العائلة الملكيه و محمد الفايد..كتاب جميل و كم معلومات كبير بصورة ممتعه..تناول حياة ديانا كانسان بمميزاتها و عيوبها...
جزء رائع من الدحيحه كالعاده

[أحمد عبادة · Rating 3 out of 5]

اول حلقة بصوت طاهر المؤلف ، و اللي تقريبا حاول يقلد الغندور بكل حاجة حتى الايفيهات ، اعتقد انه يقدر يكون شخصية منفردة بعيدا عن الغندور
بشكل عام هو قدم نظرة شاملة و كاملة تقريبا عن الاميرة ديانا و نجح انه يغير وجهة نظري عن سبب مقتلها في باريس مع عماد الفايد
بالتوفيق لطاهر و في انتظار الجديد

[Yasmine Adel · Rating 3 out of 5]

سمعتها صوتي، حبيتها كحدوتة عشان بحب قصة ديانا، رغم إن مفيهاش معلومات جديدة بس استمتعت برضه والأداء الصوتي كان مناسب لإن حد بيحكيلك قصة بالعامية.

[Yomna Atia · Rating 5 out of 5]

I didn’t think I would love it that much actually but it is really good and you won’t get bored