دائما ما أدعو الموتى

by سعيد نوح

About the author

سعيد نوح هو روائي مصري ولد عام 1964 في حلوان .

أعمال منشورة:
رواية كلما رأيت بنتا حلوة أقول يا سعاد الهيئة العامة لقصور الثقافة عام 1995
رواية دائما ما أدعو الموتي ـ مكتبة الأسرة 2002
إعادة طبع رواية كلما رأيت بنتا حلوة أقول يا سعاد ـ مكتبة الأسرة 2003
متتالية قصصصية تمثال صغير لشكوكو ـ دار ميريت للنشر والمعلومات عام 2005
رواية 61 شارع زين الدين ـ روايات الهلال 2007
روايه ملاك الفرصه الأخيره دار الفكر للنشر والتوزيع 2008
رواية ثلاثية الشماس عن سلسلة إبداعات التفرغ بالمجلس الأعلى للثقافة 2010

تحت الطبع
رواية أم مليحة
رواية الكاتب والمهرج
والملاك الذي هناك مجموعة قصصية ما كان يجب علي الملائكة مجموعة كان يجب علي الملائكة مجموعة أوراق العربة الجنوبية

Reviews

[Maryam Sherif · Rating 2 out of 5]

2/5
Age restriction :+16

- بصراحة مش متأكدة أحس بايه ناحية الكتاب دا لاني عندي مشاكل كتير معاه و حاسة اني مش فاهمة احنا عايزين نوصل لايه

حاجة مشهورة في الآدب: الكتب اللي بتبقى مليانة شخصيات خصوصاً لو مترابطين كلهم دا بيبقى عشان توصيل رسالة
circle of life or Small world
عشان نثبت قد ايه الدنيا صغيرة و أن الناس كلها تعرف بعض و "اوضة وصالة" زي ما بيقولوا بس دا موصلنيش هنا

يمكن كان في حاجات بتثبت بردو حاجات اجتماعية؛ زي ان مهما صغر دور حد وسط الأضواء هيفضل مهم للناس اللي حوليه، و زي المعاملات الإجتماعية بين الراجل و الست و بين الأخوات و ازاي الناس بتتطلع بشخصيات و طباع مختلفة حتى لو من بيت واحد بس في الآخر كلها حاجات جانبية جدًا حاجات مش ملموسة لدرجة تخليني أقول ان دا فكر الكتاب

- الشخصيات معمولين كويس و صعب أوي إن حد يقدر يخلق كل الشخصيات دي و يعملهم أبعاد خصوصا و هما كتير اوي كدا و معقدين (من كتر ما هما كتير انا فعلاً قعدت أرسم شجرة عائلة هاحطها تحت يمكن تفيد يعني 🥹) بس الأزمة ان متأثرتش غير مع اتنين او ثلاثة منهم بس للأسف









- مش هاعرف اتكلم عن الحبكة لأني زي ما قلت مش قادرة أوصل للرسالة الأساسية اللي بنحاول نوصلها للأسف و الكتاب لو تحليلي صح فهو جواه رسائل كتير اوي عشان كدا هو في الآخر مش عارف يملك واحدة بس يوصلها بشكل واضح

- فكرت كتير لو الكتاب دا هيتحط تحت نوعية هيتحط تحت ايه، أكتر حاجة ظاهرة كانت علاقة فتحية و أنور اللي كانوا بيحبوا بعض اوي بس بردو الكتاب اجتماعي اوي اكتر من اني أقول انه رومانسي

- الكتابة كويسة لكن في كوارث في الترقيم و دي حاجة لا يُلام عليها الكاتب بس انا مش بضايق منها لو مش باينة الحقيقة لكنها مكررة جدًا

- الكتاب فتح مواضيع كتير زي ما قلت و يمكن الحاجة الكويسة اللي فيه إنه وضح قد ايه علاقة الراجل و الست معقدة و صعب فهمها و قد ايه مشاعر الناس كمان مختلفة و بتأثر على حياتهم، لكن لفة و عدد الشخصيات خلتني مش عارفة أحط ايدي بالضبط على فكرة رغم اني كنت مركزة معاه اوي و كعادتي يعني أخدت وقت طويل في قرأته.

- ملقتش مصادر كتير للكتاب غالبًا عشان مش مشهور بس الحقيقة المقال كان بيتكلم على رموز في الكتاب انا مش مقتنعة بيها و شايفة انه مش قادر يوصلها ولا يثبتها. و للأسف كلمة بيصعب عليا اني اقولها لكن محبتش الكتاب ولا استمتعت بقرأته لكنه موجود في مكتبة مامتي بقاله كتير فكان لازم يجيله يوم يُقرأ فيه🙄

- النجمتين عشان أولاً طريقة الكتابة كويسة الحقيقة و عشان زي ما قلت الشخصيات اتعملت كويس اوي رغم تعقيداتها

[Mohamed Osman · Rating 3 out of 5]

ذكرتني برواية مالك الحزين و إن كانت مالك الحزين أكثر عمقا لكني أحببت هذه أكثر بسبب المكان الذي اختاره مسرح لأحداث وهو بولاق أبو العلا

[Ro'a جمال · Rating 2 out of 5]

كنت أفضل إنّي اسمع الحوار و يتحكالي و كدا .. الفكرة إن كلها كلام بس ، لكن مش ها تطله منها بحاجة