الكشكول لا يزال في جيبي

by منى رضوان

أكتبُ مجدَّدًا والكشكولُ لا يزال في جيبي يحوي ما يحوي... أكتبُ فيه لي- ولكم- المزيدَ من القصص الحياتية التي تأخذنا أحيانًا للماضي أو للمستقبل, أو تصفُ الحاضرَ الذي نعيشه في التَّو واللحظة.
كانت مَجموعتي الأولى "كشكولُ المجهود الشخصي" مُهداة لجيل السبعينيّات الذهبي الذين حضروا زلزالَ ٩٢, وجلَّدوا كتبهم وكشاكيلَهم, واشْتروا الأستيكة النُّص أحمر والنُّص أزرق, وكَلوا الشَّمعدان وسامبا وكاراتيه، ولِبسوا أميجو بينوَّر، وقرأوا موزة ورشود, وحَبّوا رفعت إسماعيل... إنَّه الجيلُ الذي لا يمكن أن تُخطئه أو لا تراه واضحًا جليًّا بتميُّزه.. إنَّه الجيل الذي عرف كشكولَ المجهود الشخصي كجزء من حياته المدرسية.
في مجموعتي الثانية "الكشكولُ لا يزال في جيبي" يتَّسع إهدائي ليشملَ الناسَ جميعًا.
إلى كلِّ مَن عاش وتعايش, ومرَّ في الحياة بتجارب قاسية كانت أمْ حانية.
إلى كلِّ مَن تطرَّق لتجارب جديدة خرجَ فيها من جلده وتطوَّر, أو راهن, أو أقدمَ على تجربة نجحَ فيها أم لم ينجح.
إلى كلِّ مَن لمست قلبَه أغنيةٌ أو فيلم, وأخذته في رحلة مع ذكرياته, أو رسمتِ الابتسامة على وجهه.
إلى كلِّ مَن أحبَّ أو اتْحَب, أو وجدَ ضالته وكان محظوظًا ليحظَى بهذا وذاك.
إلى كلِّ مَن يحمل في قلبه الصغير حبًّا أو أملًا أو ألمًا كبيرًا, وبالقطع لايزال يتمنَّى من الحياة أشياء أخرى ستُسعده, ويسعى إلى تحقيقيها.
إلى كلِّ مَن جمعتهم الحياة, ووحَّدتهم الآمال والأحلام.. أكتبُ لكم في "الكشكول لا يزال في جيبي" قصصًا أنتُم أبطالها, فهي عنكم ومنكم.
وأخيرًا, إلى كلِّ مُحبّي القهوة وكلِّ معشوقيها.
الكتاب ده ليكم, وهتلاقوا حاجة جواه...
وواحد قهوة زيّ ما تحبها وصلَّحه.

224 pages, Paperback

Published January 1, 2023

Reviews

[طارق سيد · Rating 4 out of 5]

مجموعة قصصية جيدة متعدد الأبعاد والتناول.
تميزت فيها قوة المشاعر وصدق التعبير،أعجبت بدمج القهوة مع الدراما المكتوبة والأغاني المصاحبة.
بشكل خاص لفت انتباهي قصة مصطفي يا مصطفي ومدي صدق مشاعر العلاقة الأبوية.
الي جانب تنوع الأنماط
أزمة منتصف العمر
التربية الخاطئة
قسوة الأم
الحنين للماضي
رثاء
رومانسية وغيرها
للمزيد من التفاصيل مراجعة للعمل بدون حرّق للأحداث

من هو فخر العرب الحقيقي؟ - سكران قلم عريان
https://youtu.be/KhmBn80uL8c

[هديل محمد · Rating 5 out of 5]

لسه مخلصة الكتاب وكنت حاسة إني زعلانة أوي علشان الفصل اللي كتبته عن نفسها حسيت بحزن لوحدتها، خفت في لحظات أوصل للنقطة دي يمكن ده أكثر فصل أثر فيا عاطفيا ❤️🥺
المجموعة جميلة بشكل مش طبيعي مكنتش متخيلة إنها عاطفية ومؤثرة كده، قولت خفيفة وقرأت قصة منها مقدرتش كل شوية أروح أقرأ قصة وأقول امتا بالليل يجي علشان أقعد أقرأها كلها❤️
الغلاف جميل وصورت الكتاب وزعلت إني صورته بسرعة مش مبينه جماله
لازم هتلاقي قصة هتلمس جانب من حياتك سواء أب أو أم، جد أو حفيد، ست متزوجة أو لسه...
النصف الأول من الكتاب ممتع وجميل ودمه خفيف جدا.
النص الثاني فيه فصل دمه خفيف جدا خاص برمضان والباقي عاطفي بشكل كبير أوي❤️
زعلانة إني مقرأتش لقلم ا/منى رضوان قبل كده
بس مبسوطة ومتحمسة جدا لتوقيع على نسختي بإذن الله

أتمنى للكاتبة حياة فيها ونس وحب وتفضل خفيفة الروح دائما
مجموعة قصصية تستحق كل الحب والبهجة اللي معمولة ليها حقيقي ❤️

[جميلة · Rating 5 out of 5]

ما هذه التحفة الفنية التي وقعت في يدي ، انا وقعت في غرام هذا الكتاب حرفيا .
كنت في مود وحش جدا والكتاب ده قدر بخرجني من المود الوحش بجدارة ، انا عندي مشكلة مع القصص القصيرة والمجموعات القصصية بحس بخنقة وانا بقرأ ، لكن مني رضوان الرائعة قدرت تشيل الخنقة وتخليني عايزة اقرأ اعمال اكتر من القصص القصيرة
القصص بجد كانت جميلة اوي ومريحة بتذكر في القصة مشروب قهوة وكمان فيلم وكمان اغنية ، اسم كل قصة من القصص هو اسم اغنية علي سبيل المثال :- أسمر ملك روحي والقصة دي قدرت تخلق جوه دماغي بجد كافيه ابو الريش وجماله وقد ايه كان معظم الفنانين بييجوا يقعدوا فيه لاني كمان بحب الحقبة الزمنية دي جدا ، اسأل روحك وبجد القصة دي كانت مؤلمة بس تخليك تضحك في الاخر اللي هو هم يضحك ، وقصة صورة اللي كانت بتجسد قضية حلوة اوي وكمان فكرة حلوة ، وأحن الي خبز امي ودي كانت قصة ريحة العيش باينة وانت بتقرأها بجد ، الساعة بتاعت قبل النوم كانت من القصص الجميلة ، وميستهلوشي وبجد بطلة القصة دي قالت اللي كنت محتاجة أقوله بالظبط ورمضان جانا وكفاية قصة المغامرون الخمسة دي كانت مفاجأة بالنسبة ليا والكاتبة خلقت قصة جميلة اوي من هذه السلسلة الممتعه والشيقه وغيرها وغيرها من القصص ، لمس قلبي الجزء اللي الكاتبة اتكلمت فيه عن وحدتها وافتقادها لوالدها في قصة يا مصطفي يا مصطفي ، وكمان حنينها واشتياقها للمعادي بتاعت زمان وتحس كده بالنوستالجيا وانت بتقرأ .
كانت في قصص بتطرق لمواضيع حساسة اوي وصادمة بس اسلوب الكاتبة العذب السلسل الرقيق بيخليك تتعمق أكثر وأكثر وتحب تكمل وانت كده كانك بتاكل كلام وطعمه حلو اوي .
بجد شكرا شكرا للكاتبة لاني مستمتعتش بكتاب بقالي كتييير واقدر أقول إن ده بقي كتابي المفضل خلاص .
اه انا كتبت الريفيو باللغة العامية لسبب واحد وهي سلاسة قلم الكاتب بأنها كتبت نص الكتاب باللغة العامية بس اللغة العامية المليئة بالجمال والرقي .

[Nancy Wanees · Rating 5 out of 5]

قرات المجموعة بلا ادني ترتيب - كنت اقرأ منها كلما وددت ان اغير مزاجي او انهي يومي بمكافأة لنفسي وبعد ذلك قررت ان اتابع الكاتبة لأجد لها مقالات كثيرة ومميزة في مجلة مصرية.
الكتاب جميل وهادف وبين غلافيه نرى الكثير من ما لا نستطيع ان نبوح به.
ارشحه بشدة

[Ahmed Abdelraouf Elgeidie · Rating 3 out of 5]

مجموعة قصص قصيرة لذيذة
خفيفة
راقية
نص عربى و نص عامى
افكار حديثة
تدور حول الوحدة و تجمعها القهوة و المعادى
كتاب بسيط و سهل فعلا يناسب اجازة العيد
الكتاب الجاى لمنى رضوان هيكون افضل

[Shimaa Allam · Rating 3 out of 5]

مجموعة قصصية خفيفة تنوعت قصصها ما بين الدراما و النوستالجيا و الحكايات الشخصية.
نوعت الكاتبة في كتابتها بإستخدام اللغة الفصحى في بعضها و العامية في البعض الآخر.

رغم إعجابي ببعض القصص لكن شايفة إن المجموعة القصصية الاولى للكاتبة كشكول المجهود الشخصي كانت أجمل و تنوعها أكبر.

كل التوفيق في ما هو قادم.

[Ola · Rating 5 out of 5]

كتاب رائع و كاتبه متميزه تهتم بالتفاصيل ، الحقيقة أنا استمتعت جدا بكل قصة في الكتاب سواءً الفصحى او العامية

[Safinaz Sadek · Rating 5 out of 5]

انتهيت من مجموعة قصصية غاية في العذوبة قد يجد الكثيرون نفسهم بين صفحاتها. فيها روائح القهوة بأنواعها ومرتبطة بأغاني وافلام حين نتذكرها نجد القصة علي البال.
فيها ما تلمس القلب كقصة ( اسمر ملك روحي ) بها رائحة القهوة الفرنساوي وعبق التاريخ في كافيه ريش.
فيها ما تدمع العيون كقصة ( مصطفى يا مصطفى ) وذكرى الأب الذي لا يغيب.
فيها نتذكر الجد وهو دائما الاقرب عند الجميع في كقصة ( جدو علي والشاطر عمرو )
الربع الاخير من القصص اصبح باللغة العامية مما جعله اقرب وامتع.
شكراً علي متعة بين الصفحات وحين يسألني احد عن الكتاب بعد سنة او اثنين اكيد سأجيب " الكشكول لا يزال في قلبي "🥰

[Aiat Khalifa · Rating 5 out of 5]

#الكشكول_لايزال_في_جيبي
Mona Radwan
فعلا حاسة ان شهادتي فيكي مجروحة حاسة انك اختي و صاحبتي اكتر من مجرد كاتبة بكتب review بسيط عن عمل اكتر من رائع
الكتاب مصنف على انه قصص قصيرة
مين قال ان القصص القصيرة لا تدوم او ان القصص الطويلة هي الادب الذي يبقى
انا حسيت اني عشت مع الكشكول حياة كاملة بين 20 قصة قصيرة مقسمين لفصحى و عامية مصرية رغم اني لم اشعر بذلك الا للتنويه خفيف الظل الذي صنعتيه بكل حب 🫶
كل كلمة في الكتاب شعرت انك تكتبي بقلبك وليس بعقلك فقط لأن ما يخرج من القلب يتهادى للقلب و الروح مباشرة❤️❤️❤️
ان تجعلي القارئ يضحك و يبكي و يستشعر روعة الأماكن التي تحمل في طياتها الذكريات
يلفح وجهه الهواء من جميع الجهات لانه شعر احساس الانطلاق في ركوب الموتوسيكل
أستنشق رائحة القهوة☕️ بين الصفحات بأنواعها المختلفة كما اشُم رائحة خبز 🥯 امي و اكلاتها المختلفة التي لا يضاهيها احد ليومنا هذا مهما بلغت مهاراته و حيله في الطبخ
أسمر ملك 👑 روحي التي احسستها مع كل اولاد اخوتي و التي اسهبتي فيها بكل حب 🫶 عن مشاعر الامومة التي نعيشها قبل ان نلد او حتى نتزوج مع اولاد اخواتنا
لعبت مع الأسد التي لعبت في دماغي لابعد الحدود 🫣🫣 وانا شخص يهوى الاسلحة و خصوصا ضرب النار
Rich Cafe الذي وصفتيه بأدق التفاصيل التي جعلتني استرجع جلسة لن تتكرر للاسف مع اغلى الناس بابا عليه رحمة الله
مصطفى يا مصطفى والتي ابكتني معك حتى اثناء المناقشة عليهم جميعا رحمة الله
جدو علي التي تكرر امام عيني مع كل احفاد ابي عليه رحمة الله
طلينا بالابيض طيب يارب نحضر الڤانش خلصت خلاص
صديق و اد ايه هناك اصدقاء بتهون الطريق
ماشية السنيورة التي لا يخلو منها معظم البيوت و التي تحتاج لإعادة نظر قبل ان نتلقى استقالات نص اولادنا
المغامرون الخمسة و تلك اللفتة الرائعة لماضينا الجميل الذي لن يتكرر
الساعة بتاعة قبل النوم و الواقع الافتراضي و كيف يكون له لمسة انسانية مفيدة و حانية
مايستهلوشي فعلا اي حد معتمد على نفسه يبقى strong independent اي ان كان جنسه
حاجات كتير عايزة اقولها اكتر من كده بس الكتاب اجمل من اني الخصه في review متواضع
اقتباس:
الى كل من يحمل في قلبه الصغير حباً او أملاً او الماً كبيرا و مازال يتمنى من الحياة أشياءاخرى ستسعده و يسعى لتحقيقها.
التواصل بين البشر هو السبب الاساسي اللي ممكن يمنع هدم العلاقات و يضمن استمراريتها.
احنا لنحصد نتيجة اختياراتنا.
جمالك الداخلي هو الحصان الرابح في منظومة الجمال الكوني.
الشخصيات المجهدة تبتز المشاعر و العواطف.
وراء كل انسان عظيم ثقة بالنفس.
والكثير من الجمال الذي يجب ان يقرأ كل كلمة و كل حرف اهنئك عليه من كل قلبي
تمنيت ان يكون الكشكول ألف صفحة او لا ينتهي و اتمنى حقيقة الا ينتهي
أشكرك على كل لحظة امضيتها بين الصفحات❤️❤️❤️❤️

[Mostafa Sanad · Rating 5 out of 5]

قت ممتع مع مجموعة جديرة بالقراءة والكاتبة لها حضور شخصي كبير ومتكلمة بارعة استمعت لها مصادفة في احدى حفلاتها في القاهرة
اما الكتاب فهو مكتوب بشكل جيد ومتسق مع الحياة المعاصرة بنظرة ادبية ناعمة وساخرة احياناً

[Fatima Othman · Rating 5 out of 5]

مجموعة قصصية قصيرة و ممتعة جدا اسلوبها فالسرد جميل و يأسرك ف تفاصيلها.كل قصة فيهم بتلمس كده حتة ف روح الواحد. بتفكر الواحد بكل ذكرياته الحلوة بتاعت زمان قبل ما مشاغل الدنيا و زحمتها تاخده منها. كل قصة فيهم حقيقي اثرت فيا و سابت حاجة كده جوه نفسي . زعلت لما خلص الكتاب لكن مبسوطة جدا بيه بس اكيد زي ما منى عودتنا ان للحديث بقية . و مستنية بشوف الكتاب اللي جاي.

[Ma Ha · Rating 5 out of 5]

#الكشكول_لايزال_في_جيبي
⭐️⭐️⭐️⭐️⭐️
#الجزء_التاني
بجد الكتاب ده من حلاوته عاوزة اديله ١٠٠ من خمسة بجد حلو حلاوة مش طبيعية معاه ضحكت🤣 ودمعت🥺 وغنيت🎤 ولولا اني ماليش في القهوة كنت شربت قهوة كتيير اووي ☕️
هو بس السؤال الشاي قصر معاكي في حاجة 🙈🙈
من أكتر القصص اللي بجد اثرت فيا اوي هي #مصطفي_يامصطفي
الله يرحم والدك ووالدي وكل اموات المسلمين يارب 🤲
وبجد كل القصص احلي من بعض وبجد اللي فات حماده والكتاب ده حمادة تاني خالص 😍😍😍
💥إن أسواء ما قد يمر به الشخص هو أن يترك بلا أسباب، تفتك به الأفكار.. يشعر أنه حتي لا يستحق أن يتلقي تفسيرا او توبيخا أو حتي أسباب واهية.. فقط يترك هكذا ككم مهمل لا يعلم ماذا فعل، أو ماذا عساه أن يفعل.
#أحكيلك_خوفي
Mona Radwan

[Nader Reda · Rating 4 out of 5]

#ريفيو المجموعة القصصية : الكشكول لايزال فى جيبى
* الكاتبة : منى رضوان
* الصفحات :  ٢١٧  ورقى
* اللغة : الفصحى  /  عامية
* دار النشر  : السراج  ٢٠٢٣

⭐ قراءت للكاتبة المجموعة القصصية الأولى لها وكانت بعنوان كشكول المجهود الشخصى وكانت مجموعة ممتعة استمتعت بها وهذا كان حافز لى ان اقرا المجموعة الثانية لها .
⭐ المجموعة عبارة عن ٢٠ قصة قصيرة  تحدث فى حياتنا اليومية ، قصص مختلفة متنوعة وظريفة كوميدية فى بعض الأحيان ، تختلف من حيث تقيمها من الجيد جدا والجيد .
⭐ رسائل جميلة أرسلتها الكاتبة من خلال القصص القصيرة إلى والدها وبنت اختها ، ذكرياته مع والدها ونصائح الى بنت اختها .
⭐فى نهاية كل قصة ذكرت الكاتبة ٣ اشياء حدثت فى القصة  ( اسم الأغنية الموجوده فى القصة / اسم الفيلم الذى يشبة القصة / نوع القهوة التى تم تناولها فى القصة)  عجبتنى
❇️  نبذة صغيرة لبعض القصص  :
١) احكيلك خوفى... مشكلة البيت لما الزوج يخرج على المعاش ووجوده الدائم فى المنزل ، بسبب تدخل الزوج فى كل شئ فى البيت كبيره وصغيره وتذمره وتسلطه  .
٢) اسمر ملك روحى... قصة قصيره عن مقهى ريش و ذكرياته وأهم الناس اللى مروا به ، ثم الامومة ومعناها الأكبر فالام مش فقط اللى ولدت ولكن كمان اللى قامت بالتربية وعلمت وحبت ، رساله جميلة ونصائح عديده مفيده من خاله إلى بنت اختها .
٣) صورة.... فكرتها جميلة من يريد أن يخدم الوطن فاليتفضل ، ذكر أو أنثى مش ها تفرق المهم الانتماء والولاء .
٤) المغامرون الخمسة.... هل سنجد الكاتبة تكتب روايات عن المغامرات و الجريمة  ( قصة خفيفة ظريفة فكرتها جميلة ان تضع تلك القصة وسط المجموعة القصصية)
٥) خدنا اجازة...... العودة إلى الماضى الجميل العجمى وسحره ، الفرق بين الساحل القديم والجديد .
٦) صديق.... اخدتنا الكاتبة رحلة إلى المعادى عرفتنا بكل شارع وكل محل وكل شجرة ( رجعتنى الكاتبة إلى ايام ما كنت أعمل فى المعادى ١٥ سنه عملت هناك فى شارع ٩.. ،ذكريات،)

⭐ وقصص أخرى اعجبتنى مثل......ساعه بتاعة قبل النوم / اسأل روحك / ميستهلوشى / لعبت مع الأسد / ماشية السنيورة  ووووووو

✳️ جمل اعجبتنى.....
* التواصل بين البشر يمنع هدم العلاقات ويضمن استمرارها ، وتبنى رابطة قوية ويمنع سوء الفهم بين الطرفين.
* الحرية لاتعنى ان نفعل مايحلوا لنا ، وأن لا نابة بالآخرين ، الحرية مسؤولية كبيرة ، يجب أن نتحملها بكل ذكاء وفطنة .

⭐ اول مره اعرف عشرين نوع من انواع القهوة بعدد المجموعة القصصية 😂🤣🌹

⭐ لا اعرف لماذا عندما اقرا للكاتبة منى رضوان بحس انها اختى ، جارتى ، زميلتي ، بنت البلد  التى تنصح الناس اللى حواليها .

* المجموعة القصصية ارشحها للجروب....
#ريفيوهات_نادر_رضا
#حصاد_عام_2023_مايو

[Amal Mohamed · Rating 5 out of 5]

مراجعة لكتاب: الكشكول لا يزال في جيبي
الكاتبة: منى رضوان
الناشر: السراج للنشر والتوزيع
التقييم:٥/٥
مني مش عارفة أبدأ كلامي منين، الكشكول لايزال في جيبي تحفة جمعتي فيها الإبتسامة وأجمل كلمات الأغاني التي تثير الذكريات وتمس القلب والتي جعلتني دون أن أدري أشًُم فيها رائحة القهوة بل أرى دخانها.
بداية من أخذت القرار ومرورآ بأحكي لك خوفي وأن اسوأ ما قد يمر به الشخص هو أن يُترك بلا أسباب فتفتك به الأفكار ومعك قمنا معك بزيارة ملك روحي والتي تعايشت أنا معك فيها وكافيه ريش الذي زرته ولم أزُرْه .
بتنجحي دائمآ كعادتك في إثارة الذكريات وكلماتك لملك بنت أختك الصادرة من قلب الأم لتصل إلي قلب الإبنة وكفاية كده عشان ماحرقش أحداث الكتاب
مني :
أعجبتني النهايات المفتوحة في بعض قصصك وتركها لحدس القارئ كما أعجبني جمعك بين اللغة العربية في نصف الكتاب والعامية في النصف الآخر لتكوني أقرب للقارئ في الموضوعات المعاصرة رغم أن اللغة العربية التي كتبت بها ليست من الصعوبة بمكان وقريبة جدا للفهم والمتابعة .
أعجبني ذكر أسماء للأشخاص والأماكن مع نبذة أو معلومات عنهم قد لا يعرفها جميع القراء كما فعلتِ في شاه إيران
مني :
وأنت صاحبة القلم الرشيق وصاحبة الأسلوب السلس الذي يشق طريقه إلي القلب
أعجبتني تلك الخلفية الثقافية والقاعدة العريضة من المعلومات الحلوة ، من يقرأ كتاباتك يامني لا يصيبه الملل وتلك ملَكة تمتازين بها، أبكيتيني في مصطفي يامصطفي رغم جمالها - فالأب لا يعوض.
مني :
خلصت كشكول المجهود الشخصي الرائع ودلوقت خلصت الكشكول لا يزال في جيبي وكان أروع
ورجائي مش عايزة أنتظر كتير لأقرأ كتابك الثالث فأنت كاتبة متميزة لا جدال في ذلك وبالتوفيق دائمآ .
وأنصح الجميع بقراءة كتابك الثاني والأول - حيث لكل منهم متعة مختلفة.
لا يمكن أن أتغافل عن ذكر خفة الظل في الجزء الثاني من الكتاب ، لك قدرة في تحويل المشاعر من الشجن والتأثر إلي الضحك والابتسامة وهي مَلكة تُحسدي عليها.
صدقتي حين كتبتي في صفحة عديت النص والتي يصل لها القاريء كفاصل بين الجزء العربي والعامي : إن الجزء الليً فات حمادة والليً بعده حمادة زيه لأن الجزئين لهم نفس المتعة والأثر في نفس القاريء.
وأخيراً سعدت بقراءة كشاكيلك وفي إنتظار المجلدات.
ملاحظة : تأثرت شخصياً بترحمك على الكاتب المميز رفيق طفولتك محمود سالم واحياء شخوصه في المغامرين الخمسة.

[Hoda Oraby · Rating 4 out of 5]

الكتاب/ الكشكول لا يزال في جيبي.
الكاتبة/ منى رضوان.
(عنوان ملفت للإنتباه، وغلاف رقيق مبهج الألوان والرسومات)

مجموعة قصصية متنوعة من الحياة بماضيها وحاضرها ومستقبلها، لكل منها رسالة.. مثل:
مساوئ التكنولوجيا الحديثة
تفرقة الوالدين في التعامل مع الأبناء
ذكريات وجمال الأماكن الأثرية
التنمر وقسوة الأهل
زواج الأقارب للمصلحة دون الالتفات لرغبة الطرفين
فقدان الأب
خيانة الزوجة
طفرة الواقع الافتراضي

قصص منها ما يبكيك ويؤلمك، ومنها ما يسعد قلبك، ومنها ما يرسم الابتسامة على وجهك حد الضحك.
كتبت بعضها بالفصحى، والبعض الآخر بالعامية بسرد مبسط يليق بحكاياتها.
(أعجبني أن لكل قصة غنوة وفيلم ونوع قهوة.)
نوستالجيا جميلة لذكريات قراءة المغامرون الخمسة في الطفولة❤️

[Rana ElMarsafawy · Rating 4 out of 5]

ريفيو الكشكول لا يزال في جيبي

قريت "كشكول المجهود الشخصي" للكاتبة العزيزة منى رضوان وحبيته جدا .. وقريت "الكشكول لا يزال في جيبي" من وهو لسة ملف بي دي إف صغنن وحبيته أكتر ..
كل كاتب ليه نكهة وروح .. واللي باحبه في نكهة منى رضوان انها بطعم الفرحة .

هو عبارة عن مجموعة قصصية كل قصة منهم قصة حد فينا .. شبهنا جدا .. بس بنكهة منى .. كل قصة من دول بتحكيهالنا منى رضوان بكوب قهوة وأغنية وفيلم لايقين ع القصة اللي بتتحكي .. مجموعة قصصية مختلفة وجديدة ومطرقعة زي منى .. فيها قصص ضحكت فيها وقصص مست قلبي جدا "لكن بلا نكد".
نصف الكتاب قصص بالفصحى والنصف التاني قصص بالعامية المصرية وبجد مش عارفة مين أحلى من التاني انا شخصيا استمتعت بيهم كلهم .. لغتها دايما - سواء فصحى او عامية- ممتعة ومبهجة.

انا حبيت أنزل الريفيو ده في العيد عشان موود المجموعة مناسب جدا لبهجة وفرحة العيد.
مبروك يا منى الف مبروك يا رب دايما ناجحة وممتعانا بكتاباتك ومستنية دايما كشاكيلك وكتبك بالتوفيق وان شاء الله بست سِلر كالعادة.

[Mohamed · Rating 5 out of 5]

كشكول جديد وقصص جديدة من الكاتبة منى رضوان ..لكن هذه المرة بتكثيف وعمق أكبر ورؤية أكثر نضجا للموقف والشخصيات التي تتناولها في هذا الكتاب

 

من وجهة نظري فإن كلمة السر في هذا الكتاب هي (العلاقات الإنسانية)، العلاقات بمفهومها الواسع الذي يتجاوز علاقة الرجل والمرأة والتي عادة ما تثير خيال الكتاب وصناع الدراما. نرى هنا شغف حقيقي بالتغلغل في أنماط مختلفة -وأحيانا جديدة – من أنواع العلاقات بين الناس واستعراضها من زاوية ما. علاقات مثل أختين متباينتين الجمال مع أم تميز بينهما.. خالة لم تنجب مع بنت أختها الشابة..صبي وجده..فتاة بأبيها الراحل عن الدنيا.. أب وابنه البعيد عنه .. زوجين في خريف العمر..أصدقاء لا يجيدون الاستماع لنا وقت الضيق..سيدة ودراجتها النارية! وهناك أيضا علاقاتنا بالأماكن التي نحمل لها ذكريات لاتنسى.

 

الجزء المكتوب بالفصحى يحمل لغة سهلة ومتزنة.. بناء القصص جيد جدا و يتلافى معظمها فخ إحساس القارئ أن القصة قصيرة جدا أو طويلة جدا. أما الجزء المكتوب بالعامية فهو موظف في المواضيع التي تستلزم العامية إما بغرض الكوميديا أو لإيصال رسالة مباشرة من القلب للقلب

 

في المجمل كتاب جميل وخفيف على الروح لكن في نفس الوقت يدفعك للتأمل في نفسك وفي من حولك

[Marwa]

منى أنا لسة واخدة الكتاب النهاردة
بصي أنا مش شطورة قوي في كتابة الريفيوهات
بس بيكون عندي إحساس وأنا بقرأ الكتاب
انا قرأت اول قصتين
حاسة في المجموعة دي بنوع من ال النضوج في وصف مشاعر الشخصيات، حاسة بعمق أكبر
على سبيل المثال أنا مكنتش متقبلة فكرة الدمية في المجموعة القصصية الاولى، بس هنا متقبلاها جدا لان نجلا ابدعت في عرض مشاعرها واحتياجاتها اللي خليتها تأخذ هذا القرار

وفي احكي لك خوفي، راقت لي بشدة جملة اعتقد انها سبب عدد لا بأس به من المشاكل ألا وهي: التواصل بين البشر هو السبب الأساسي الذي يمنع هدم العلاقات ويضمن استمراريتها .. عدم التواصل بيخلي كل واحد يستنجد حاجات، وينسج قصص من خياله
بجد آنتي موهوبة جدا، الكتاب دى نقله كبيرة للأمام

اتمنى لك كل التوفيق 🙏

[Nihaz Ghaleb · Rating 5 out of 5]

امتدت يدي لقراءة الكشكول لا يزال في جيبي مثلي مثل اي قاريء - حصلت على اول نسخة من منى ولكنني لم اكن اعلم ما بين الغلافين.
اقف حائرة بين منى ابنتى وبين منى الكاتبة ...ولكنني في النهاية استمتعت بما قرأت وكنت فخورة به.
مجموعة قصصية تجمع في ثناياها روح من الحياة ، تحدثت فيها الكاتبة عن العلاقات والشخوص من اوجه متعددة .
قصص تختلط فيها الواقعية بالفانتازيا بخفة الظل الرهيبة التي تتميز بها منى مع تلقائيتها المعهودة.
وانا ممسكة بالكشكول لا يزال في جيبي كنت استعيد الأغاني التي فيه وهي اسماء لكل القصص، مع ارتباط القصة بفيلم ونوع من انواع القهوة.
انتظر منك المزيد يا منى - وباشكرك على لحظات من السعادة التي غمرتني وكذلك اشكرك على الأهداء الغالي.

[Haidy]

التواصل بين البشر هو السبب الأساسى اللى ممكن يمنع هدم العلاقات ويضمن استمراريتها .. عدم التواصل بيخلى كل واحد يستنتج حاجات، وينسج قصص من خياله، ممكن متكنش حقيقية أو تكون قاصرة ومنقوصة.
التواصل مع الآخر هو الطريقة الوحيدة اللى بتبنى رابطة قوية، وبتمنع سوء فهم أو سوء ظنّ، أو تقدير للموقف أحيانا.
إن أسوأ ما قد يمر به الشخص هو أن يُترك بلا أسباب، تفتك به الأفكار. يشعر أنه حتى لا يستحق أن يتلقى تفسيراً أو توبيخاً أو حتى أسباباً واهية. فقط يُترك هكذا ككم مُهمل لا يعلم ماذا فعل، أو ماذا عساه أن يفعل.

[Nihal Zaki · Rating 2 out of 5]

انا متفهمة اختلاف الاذواق, بس الحقيقة مش قادرة افهم سبب الريفيوهات العظيمة دي اللي خلتني أشتري الكتاب ... مجموعة قصصية افضل صفة ممكن نوصفها بيها انها قد تكون مسلية للبعض... لكن هي قصص مليانة بالكليشيهات المستهلكة لأي قارئ..مش بس كليشيهات على مستوى القصص والشخصيات,لأ كمان مستهلكة على مستوى العبارات, ف اظن لضعف او قلة خبرة الكاتبة فهي بتستخدم عدد ضخم من الجمل اللي الكتاب بيسموها بالعبارات المعلبة, اللي بتكون عبارات مكونة من عدد من الكلمات تم الاعتياد على استخامهم بالشكل ده كوحدة واحدة ... زي "ما لذ وطاب", "قارس البرودة", جمال تدور له الرقاب", "منذ نعومة أظافري", "نزل عليه الخبر كالصتعقة"... دي كلها عبارات كانت "بليغة" يوما ما, بليغة لما اول شخص استخدمها ثم اصبحت تدريجيا زيها زي كيس "خلطة كنتاكي" او عبوة "توابل الشوي" اللي مش بيتسخدها الطهاة المحترفين الا نادرا.. النوع ده من العبارات من المعروف كثرة استخدامه من قبل بعض الصحفيين لأنه في الاخر بيكتب خبر او مقالة عمرها الزمني جايز لا يتعدى يوم او اسبوع على حسب اصدار الصحيفة, ومافيش مانع لما كاتب يستخدم واحدة ولا اتنين منها ,لكن اني أملأ كتابي بعبارات معلبة كل كام سطر!! ف ده بالتأكيد مش كتابة أدبية... غير سذاجة الاسلوب وكليشيهات االقصص, فالكتاب مليان ب ادعاء عمق ساذج .. ادعاء العمق الساذج بيكون برضه من خلال العمق المعلب, اللي هو استخدم مشاكل حياتية تم استخدامها مليون مرة وادعاء الغوص ف اسبابها بس الغوص ده مش هنطلع منه غير بشوية تفسيرات محفوظة من ايام الافلام الابيض واسود..من اول الزوج اللي بيهمل زوجته عشان يجيبلها فلوس للزوج اللي اتجوز بنت عمته ولا بنت خالته اللي مش بيحبها بس فضل يحب حبيبته الاولى للأبن اللي امه بتضغط عليه يتفوق عشان تنافس بيه ابناء ضرتها..للزوج اللي بيعاني من مشاكل نفسية بعد خروجه على المعاش.قصص مكررة مكررة لأقصى درجات الملل.. حتى الطبيبة النفسية اللي بتظهر في بعض القصص بتقول كلام انا شخصيا عندي كلام علمي اكتر منه أقوله في نفس الموقف وانا مش دارسة علم نفس..ومع ذلك ممكن اتخيل ان بسبب اختلاف الاذواق ف ممكن حد يشوفها مسلية..لكن يشوفها عظيمة وعميقة و"تغوص جوا النفس" وكل الكلام الكبير اللي مكتوب في الريفيوهات ده ف ده بصراحة شئ غامض... بس عموما بعد قراية الكتاب ده اتعلمت شوية حاجات الواحد ياخد باله منها وهو بيقرا ريفيوهات عن كتاب قبل شراه..الغي اي ريفيو صاحبه بيوضح بشكل صريح انه صديق الكاتب او الكاتبة...الغي اي ريفيو بيوضح ان اللي كاتبه مالوش اصلا في القراية..زي احد ريفيوهات الكتاب اللي صاحبته كاتبة "مين قال ان القصة القصيرة مش أدب؟!" ..الاجابة "ماحدش عمره قال كده..ما يوسف أدريس أديب وملك اقصة القصيرة".. وريفيو تاني صاحبه بيقول "لا يعيب القصص ان بعضها نهايته مفتوحة"!! حضرتك اغلب القصص القصيرة مالهاش نهايات تقليدية زي الرويات ده حتى الرويات (خصوصا الاحدث) نهاياته بتبقى كتير مفتوحة.. ف انا برضه ما كانش لازم اشتري كتاب هي دي نوعية ريفيوهاته ..الكتب ما بقتش رخيصة,

Merged review:

انا متفهمة اختلاف الاذواق, بس الحقيقة مش قادرة افهم سبب الريفيوهات العظيمة دي اللي خلتني أشتري الكتاب ... مجموعة قصصية افضل صفة ممكن نوصفها بيها انها قد تكون مسلية للبعض... لكن هي قصص مليانة بالكليشيهات المستهلكة لأي قارئ..مش بس كليشيهات على مستوى القصص والشخصيات,لأ كمان مستهلكة على مستوى العبارات, ف اظن لضعف او قلة خبرة الكاتبة فهي بتستخدم عدد ضخم من الجمل اللي الكتاب بيسموها بالعبارات المعلبة, اللي بتكون عبارات مكونة من عدد من الكلمات تم الاعتياد على استخامهم بالشكل ده كوحدة واحدة ... زي "ما لذ وطاب", "قارس البرودة", جمال تدور له الرقاب", "منذ نعومة أظافري", "نزل عليه الخبر كالصتعقة"... دي كلها عبارات كانت "بليغة" يوما ما, بليغة لما اول شخص استخدمها ثم اصبحت تدريجيا زيها زي كيس "خلطة كنتاكي" او عبوة "توابل الشوي" اللي مش بيتسخدها الطهاة المحترفين الا نادرا.. النوع ده من العبارات من المعروف كثرة استخدامه من قبل بعض الصحفيين لأنه في الاخر بيكتب خبر او مقالة عمرها الزمني جايز لا يتعدى يوم او اسبوع على حسب اصدار الصحيفة, ومافيش مانع لما كاتب يستخدم واحدة ولا اتنين منها ,لكن اني أملأ كتابي بعبارات معلبة كل كام سطر!! ف ده بالتأكيد مش كتابة أدبية... غير سذاجة الاسلوب وكليشيهات االقصص, فالكتاب مليان ب ادعاء عمق ساذج .. ادعاء العمق الساذج بيكون برضه من خلال العمق المعلب, اللي هو استخدم مشاكل حياتية تم استخدامها مليون مرة وادعاء الغوص ف اسبابها بس الغوص ده مش هنطلع منه غير بشوية تفسيرات محفوظة من ايام الافلام الابيض واسود..من اول الزوج اللي بيهمل زوجته عشان يجيبلها فلوس للزوج اللي اتجوز بنت عمته ولا بنت خالته اللي مش بيحبها بس فضل يحب حبيبته الاولى للأبن اللي امه بتضغط عليه يتفوق عشان تنافس بيه ابناء ضرتها..للزوج اللي بيعاني من مشاكل نفسية بعد خروجه على المعاش.قصص مكررة مكررة لأقصى درجات الملل.. حتى الطبيبة النفسية اللي بتظهر في بعض القصص بتقول كلام انا شخصيا عندي كلام علمي اكتر منه أقوله في نفس الموقف وانا مش دارسة علم نفس..ومع ذلك ممكن اتخيل ان بسبب اختلاف الاذواق ف ممكن حد يشوفها مسلية..لكن يشوفها عظيمة وعميقة و"تغوص جوا النفس" وكل الكلام الكبير اللي مكتوب في الريفيوهات ده ف ده بصراحة شئ غامض... بس عموما بعد قراية الكتاب ده اتعلمت شوية حاجات الواحد ياخد باله منها وهو بيقرا ريفيوهات عن كتاب قبل شراه..الغي اي ريفيو صاحبه بيوضح بشكل صريح انه صديق الكاتب او الكاتبة...الغي اي ريفيو بيوضح ان اللي كاتبه مالوش اصلا في القراية..زي احد ريفيوهات الكتاب اللي صاحبته كاتبة "مين قال ان القصة القصيرة مش أدب؟!" ..الاجابة "ماحدش عمره قال كده..ما يوسف أدريس أديب وملك اقصة القصيرة".. وريفيو تاني صاحبه بيقول "لا يعيب القصص ان بعضها نهايته مفتوحة"!! حضرتك اغلب القصص القصيرة مالهاش نهايات تقليدية زي الرويات ده حتى الرويات (خصوصا الاحدث) نهاياته بتبقى كتير مفتوحة.. ف انا برضه ما كانش لازم اشتري كتاب هي دي نوعية ريفيوهاته ..الكتب ما بقتش رخيصة,

[Ghada Labib]

المجموعة القصصية ( الكشكول لا يزال في جيبى ) للكاتبة منى رضوان الصادرة عن دار نشر السراج ٢٠٢٣
١٩ قصة قصيرة فى مواضيع مختلفة عن ناس شبهنا منهم الوحيد ، المحبط ، الى عايز يهرب من سلطة ما مفروضة عليه ، الى عايز يبقى حر ، الى لسه عنده أمل و بيعافر علشان يحققه ، الى جواه خوف أو ألم ، الى ذكرى أغنية معينة أو فيلم ممكن يحرك جواه مشاعر لمواقف قديمة لكن ما زالت حاضرة بطريقة أو بأخرى .
منها على سبيل المثال :
(أخدت القرار )
مع التقدم في العمر و الإحساس بالوحدة رغم وجود أشخاص معانا فى البيت ، ايه القرار الى ممكن ناخده فى محاولة لإستمرار الحياة بشكل مختلف .
( أحكى لك خوفى )
لو عرفنا إن الخوف شعور إنسانى طبيعى و صارحنا بيه المقربين منا ، حاجات كتير ممكن تتغير للأحسن .
( ماشية السنيورة)
تقبل الاخر أيا ما كان و الآثار النفسية المدمرة المترتبة على التنمر
( صورة )
هل ممكن الهروب من القيود الى قيود أخرى ؟ هل ممكن اننا نلاقى الحرية فيما يعتبره الكل حبس ؟
( مصطفى يا مصطفى)
التفكير فى الأحباء الى رحلوا بطريقة مختلفة تهون علينا الحياة من غيرهم .
( الساعة بتاعة قبل النوم )
أحيانا يكون الواقع الإفتراضى أجمل من الحقيقة حينما يجمعنا بمن نحب
( المغامرون الخمسة )
نوسة لوزة تختخ عاطف و محب الى استدعيتهم الكاتبة لعصرنا الحالى و خاضوا مغامرة جديدة فى مسجد السلطان حسن و الرفاعى .
( مايستاهلوشى)
المصطلح الى كان مادة للتريقة و التنمر فى السنين الأخيرة strong independent woman و تحليله بمنطق و موضوعية .
(لعبت مع الأسد )
أوعى راجل يقول لمراته انتى قاعدة طول اليوم لا شغلة و لا مشغلة ، العواقب هاتكون وخيمة 😀
( خدنا أجازة )
الساحل الطيب و الساحل الشرير من مفهوم جيلين مختلفين و ذكريات مصيف زمان و حب مصيف زمان
( صديق )
عن الحزن الى بيهاجمنا فجأة و إحتياجنا للتفهم و الطبطبة أكتر من المقارنات او حتى الحلول ، و عن ذكريات منطقة المعادى الجميلة بتاعة زمان .
و غيرها من القصص الى أخدتنى فى إستراحة نفسية جميلة ، هادئة و باسمة ، بعضها مسنى بشكل شخصى و خلانى أعيط ، و بعضها رجعنى لذكريات حلوة مرت بيا و فضلت جوايا لحد دلوقتي.
الجديد و الجميل ان الكاتبة رابطة كل قصة بغنوة و فيلم و نوع قهوة ، أغنية كلامها متوافق مع الأحداث أو الشخصيات ، الفيلم فيه ملمح صريح أو مستتر من الحدوتة ، و نوع القهوة الى بيحبه بطل القصة .
أسلوب الكاتبة بسيط ، رشيق و متدفق فى السرد ، بعض القصص بالغة العربية الفصحى و بعضها بالعامية المصرية السهلة بتاعتنا ، و ده حسب موضوع و أجواء كل قصة .
غالبا ممكن تخلص الكتاب فى يوم واحد لكن انا قرأته على يومين علشان أفضل عايشة مع شخوصه وقت أطول و دخلتى فى مود حلو حتى لو بعض القصص فيها شجن ، و لكنه شجن من النوع الغير مؤذى.

[Mohamed Shawara · Rating 4 out of 5]

مجموعة قصصية - الكشكول لا يزال في جيبي

كنت قد قرأت المجموعة القصصية الأولى للكاتبة "منى وضوان" وأعجبت بها جداً - فاختياراتها للمواضيع كانت موفقة جداً وأسلوبها الساخر المضحك المبكي كان بديعاً!

في هذه المجموعة والتي تعتبر الجزء الثاني - وسعت الكاتبة نطاق المواضيع لتشمل الناس جميعاً وليس فقط جيل السبعينات والذي ركز الكتاب الأول عليهم.

اللغة في النصف الأول مكتوبة بالفصحى سرداً والعامية المصرية حواراً - وفي النصف الثاني وبناءً على ما أخبرتنا به الكاتبة فقد فضلت أن تكتب قصصها بالعامية!

وجهات النظر والرؤى المختلفة التي عرضتها الكاتبة للمواضيع جديدة ومبتكرة!

مواضيع القصص كان مميزاً وطريقة عرضها كان لطيفاً وواقعياً جداً - أعجبت جداً بقصة "اسأل روحك" وكيف جعلت الأبطال يتحدثون ويرون أنفسهم من خلال المرايا!

القصص لطيفة وخفيفة وعميقة في آن، وقد أضافت الكاتبة - نوع قهوة و كلمات لأغنية مختلفة واسم لفيلم - في كل قصة والتي كانت قريبة وموضحة لما يمر علينا في القصص من أحداث!

اقتباسات

"ما يجعل الأمرَ أكثرَ صعوبة هو أنني لا أستطيع أن أنظرَ إلى نفسي بالطريقة التي يراني بها الآخرون. كيفَ لي أن أفعلَ ذلك وأنا لا أصدِّق أنني بلغتُ الخامسةَ والخمسين من العمر)"

"عملتِ إيه بعد ما طلّيتِ بالأبيض بقى يا ختي غير إنّك من ساعتها بتغسلي الأبيض لوحدُه و الألوان لوحدها؟" :)

قرأتها على "أبجد"

#فريديات

[Ola El Batanouny · Rating 5 out of 5]

كالعادة ابهرتنا الكاتبة مني رضوان و إزداد حبي لقراءة المجموعات القصصية، فضلا عن اختيارها لموضوعات تمس كل منا تجعلنا نضحك تارة و نبكي تارة اخري مع تجولنا خلال القصص الممزوجة مع بعضهما البعض بدقة و عناية فائقة. ايضا اختيارها لعنوان كل قصة باسم أغنية كان اختيار موفق جدا جعلني استمتع اكثر بالكتاب

حبيت رمضان جانا قوي و حسيت اني داخل المشهد جدا لقدرة الكاتبة علي وصف أدق التفاصيل و المشاعر ...

كتاب يستحق القراءة بجد..كل التوفيق و في انتظار المزيد

[نورهان البسيوني · Rating 3 out of 5]

بصراحة الجزء الأول أفضل بمراحل و فيه ابتكار عن ذلك الجزء ، ذلك بالإضافة إلى أن الجزء ده مكرر في ثلاث حكايات
من الجزء الأول كحكاية الخالة
و الروبت
و الدكتور النفسي للزوجين
و أخيرا
،فقرة القهوة و الأفلام اللي بتكتب بعد كل قصة مع الأغاني ، محستش أنهم لايقين مع القصة
تحسهم أتكتبوا متركبين
.بعد إنهاء كل القصة
أنا شايفة إن كفاية كتابة كشكول لغاية كده

[Hatem Ahmad · Rating 5 out of 5]

اسلوب رائع في الكتابة والتعبير .. استمتعت جدا اثناء قراءته ببساطة اسلوبه سواء بالعامية او بالعربية الفصحى
اتمنيت كل قصصه الصغيرة انها تتكتب في روايات منفصلة طويلة لان الاسلوب بيخللي القاريء يعيش في احداثه وفجأة يلاقي القصة خلصت
تحياتي للكاتبه الموهوبة ودعواتي لها بكل التوفيق والنجاح ان شاء الله

[Noha Tantawy · Rating 5 out of 5]

للمرة الثانية لم يخيب ظنى فى الاختيار بعد النجاح الباهر للكتاب الاول للكاتبة منى رضوان
المرة دى بقولها بقلب جامد وبفخر انا عارفة انك دائما بتحدى نفسك ولازم النجاح مستمر واكبر كل مرة
بقيت بتقرا مش بس كتاب جميل لا بقى ليك كاتبة معروفة بتدور على كتابها وتكمل المجموعة
من نجاح لنجاح

[Hanaa · Rating 5 out of 5]

كتاب قصص قصيره ممتعه وبترجع بينا لذكرياتنا الجميله وكمان قصص من حاضرنا وشخصيات عرفنها

[Reeman Soukkary · Rating 5 out of 5]

ممتع

[Riham Saadallah · Rating 5 out of 5]

كاتبة موهوبة و اسلوبها سلس و ممتع
و كتبها ذات طابع شيق تجعلك لا تستطيع ان تتوقف عن القراءة و تريد المزيد ....