Зүрхний Хилэн

by Ж. Пүрэв

Genres: History

Reviews

[М.Пүрэвсүрэн · Rating 5 out of 5]

Төгс гэдэгтэй маш их ойртсон ном. Түүхэн бодот баримт дээр тулгуурласан энэ агуу бүтээлээс бид суралцах ёстой..Олон хүмүүс энэ номыг уншиж гэгээн оюундаа тунгаагаасай. Эрх мэдэл, эд хөрөнгөний төлөө харийн дарангуйлагчидийн тоглоом болж хоорондоо эвдрэлдэн тэмцэлдэж, бүх ард түмний хүсэл болсон "цог"-ийг унтрааж байна шүү дээ.Цогнууд дээр хэдэн мөчир хаяхад улалзан аснаа даа.. Тэдгээр мөчрүүдийг нь эх орноо гэсэн гуйвшгүй хүсэл тэмүүлэлтэй удирдагчид гэж бодий.. Мөчир байхгүй бол цог удахгүй унтарнаа даа. Энэ зохиол дээр бол тэр их цогон дээр ганцхан ширхэг мөчир хаягдаж нэг дүрэлзээд унтарсан ч тэр мөчрийн үлдээсэн цог хэзээ нэгэн цагт тэсрэхээр үлдэж байгааг харуулжээ. Тэр мөчир дүрэлзэн асах үед дээрээс нь ус цацаж олон ч цогийг унтрааваа. Хэрэв олон мочир эв санаагаа нэгтгэж чадсан бол тэр гал хэзээ ч унтрахгүй байхсан..Эвтэй байвал хүчтэй, ноёд хагаралдан тэмцэлдсэнээс харийн боол болж байгааг тод томруун харуулсан зохиол болжээ.

[MG GB · Rating 5 out of 5]

Яах аргагүй 20р зууны шилдэг роман мөн дөө. Аялгуут сайхан Монгол хэлээр 17р зууны үеийн Монголчуудын аж амьдрал, Манжийн дарангуйлал, тэдний атгаг санааг харуулжээ. Жишээлбэл Монгол ноёдыг хооронд нь эв эвдрэлцүүлэх, байнга талцуулж эвлэлдэн нэгдэх боломжийг үгүй хийх, нэг нэгнийх нь гараар багалзуурыг нь шахуулах, Хятадын худалдаачид пүүсүүд Монголд нутагшуулж өндөр хүүтэй барааг зээлээр өгүүлж ард иргэдийг хоослох, сүм хийд олноор бариулж дайчин монгол эрчүүдийг лам болгох, жил бүр эзний их сүрэг гэгчид олон тооны мал нийлүүлэх татвар гээд л ёстой муухай ёрын юм их болж дээ...
200 жил миний хөөрхий Монгол хэрхэн Манжийн дарлалд явсан түүхийг эндээс тольдож болно.

[Bolor Gs · Rating 5 out of 5]

Анх удаа л ном уншиж байхдаа тэгэж их уйлж билээ. Бүүр бодон бодон, зүрх сэтгэлдээ дүр зургыг нь харан харан мэгшиж уйлсансан. Уншиж дуусчихаад дахиад эргүүлж уншсаан сонин шүү.

[Dalai · Rating 5 out of 5]

Эхлүүлж чадахгүй 6 сар болсон.
Нэг эхлүүлээл 7 хоногийн дотор уншиж дуусгасан. Тийм сонирхолтой түүхийн ном.
Манан буданг нь олж уншихсан

[Miko · Rating 5 out of 5]

Зүрхний хилэнг бадраасан ном.

[Uyanga Ganchuluun · Rating 5 out of 5]

Хотгойдын чин ван Чингүнжавын амьдрал, эрэлхэг тэмцлээр тэртээх 250 жилийн өмнөх Монголын ард олон хэрхэн Манж дайчин улс болон тэнгэрийн тэтгэсэн хэмээх Энх-Амгалан болон түүний ач хүүгийн үед ядран доройтож, зовлонгийн туйлд хүрч, монгол халх ноёд болон зүүн гарын угсаа нэгт өөлд түмдийн ван, ханлигууд амиа хоохойлсон, мөчид ухаан, хоорондын эв нэгдэлгүй байдлаас болж хэрхэн эх нутгаа, ард олноо үрэн таран хийж, хорон муу санаат, хомхой сэтгэлтний гарт өртөж, эцэс сүүлд нь өөрсдөө ч нар үзэхийн сөхөөгүй болж байгааг энэхүү түүхэн романаас харж болно. Эцсийн мөч хүртлээ элгэн садан, эх нутгийнхаа сайн сайхны төлөө амь биеэ үл хайхран гал цогтой тэмцсэн, гагц өөрийн энэ биеийг бус үр хүүхэд, гэр бүлээ хүртэл манжийн хорон санаатнуудын гарт алдсан Дархан ван Рэнчиндорж, Хотгойдын ван Чингүнжав болон бусад нэр дурьдагдсан Монголоо гэсэн чин сэтгэлт ноёдынхоо гавьяат үйлсийг үеийн үед үл мартан, дурсаж явалтай. Монгол хүн бүр заавал унших ёстой гашуун үнэн, түүхийн ээдрээ, бахархал бүгд энд бий. Сэтгэл зүрх өвдөж, элэг эмтэрмээр, нулимс дусаасан мөч цөөнгүй байлаа.

[Оддбаяр · Rating 5 out of 5]

"You can tell the Greatness of man by what makes him angry." ~Abraham Lincoln.

Хөөрхий Хотгойдын их баатар.Үйл явдал яаж өндөрлөхийг мэдсээр байж л сүүлийн хэдэн хуудсыг уншихдаа нүдээ угааж орхив..."Эр хүний хилэнг юу буцалгана. Түүний хэмжээ тэр." гэж үзвэл Чингүнжав ч Хөвсгөл нутгийнхаа гүн хөх нуур хязгааргүй уудам, хүрэшгүй гүн, ус мэт тунгалаг дотортой хүн юмсанжээ. Зохиолын үеийн улс орны байдал, өнөөгийн Монгол улсын байдал 2 дотоод чанар нэгтэй мэт. Энэ зохиолыг жилд ер нь нэг удаа уншиж байхсан. Бодол санаа зүг төөрөхөд луужин болмоор шинжтэй. Энэ зохиолын дүрүүдээс хичээн дууриах, халаглаж зэвүүцэх зүйл аль аль арвин.

[Miga Dorj · Rating 5 out of 5]

Монгол хүн бүр, толгой дараалан заавал унших ёстой ном бол Зүрхний Хилэн, Манан Будан хоёр юм. Гайхалтай бүтээлүүд. Монгол хэмээх улс хэрхэн хүчний эрхшээлд орсон тухай, эрх мэдэл, шунал тачаалаас болж эх орноо худалдаж буй ноёд, дээдсийн тухай. эрх чөлөө ард түмэн, эх нутгийнхаа төлөө амь үл хайрлан, хараа үл цавчин тэмцэж буй тухай нүдэнд харагдтал сэтгэлд буутал бичжээ. Эрх чөлөө, тусгаар тогнолынхоо үнэ цэнийн эдгээр хоёр номноос бүрэн мэдрэх болно.

[Temuulen · Rating 5 out of 5]

Монголын түүхийн чухал цаг үеийг уран зохиолыг ашиглан маш товчхон бөгөөд уншхад уйдхааргүйгээр бичсэн хосгуй нэгэн бүтээл бол Зүрхний хэлэн юм. Жамбын Пүрэв гуайн эл бүтээл Монгол залуус бүрийн заавал унших ёстой бүтээл мөн.

[Macaron Emballuxe · Rating 5 out of 5]

Well

[ᠪᠠᠲᠤᠴᠢᠯᠠᠭᠤᠨ ᠪᠠᠲᠤᠲᠤᠯᠭ · Rating 5 out of 5]

yaj unshih we ?

[So Na · Rating 3 out of 5]

14 day

[Sainaa]

.

[Баттөр Ариунжаргал · Rating 5 out of 5]

Ярих юм байхгүй...Баярлаж, хайрлаж, бачуурч уншсан

[Хишигбаяр Мөнхболд]

злы

[Tuvshin · Rating 5 out of 5]

nice

[Munkhjiguur Bayarsaikhan · Rating 3 out of 5]

түүхэн үйл явдал нь чухал, найруулга сайтай боловч зохиол нь хэт нуршуу санагдлаа.

[Just Coco · Rating 5 out of 5]

Салж болшгүй эх орон
Яагаад бид нэгдэж чадсангүй вэ? Урваж тэрс��лж, эх орноо, баатар эрсээ өргөл барьц болгон барьсан хүмүүст гомдож, зүрх нь хилэгнэж байна. ( Зохиолын төгсгөлд харамссандаа, гомдсондоо нулимс дуслуулсан. )

Эх орныхоо төлөө гэсэн сэтгэл хүн бүрт байх ёстойг санагдуулсан зохиол байлаа. Зохиол гэж хэлэх нь зөв эсэхийг мэдэхгүй юм. Монголын түүхийн гунигтай нэг бүлэг. Төгсгөл нь ямар байхыг мэдэж байсан боловч зохиолын төгсгөл ойртох тусам өөр байгаасай гэж хүсэх хүсэл маань ихсэж байлаа. Зохиолыг уншиж байхад, уншаад дууссаны дараа Хүн гэдэг амьтнаас юугаараа ялгардаг вэ гээд бодоод үзвэл зүрх сэтгэлдээ сайн сайхан муу муухай хоёуланг нь багтааж чаддагтаа, мөн муу муухай юманд автахаараа араатан, чөтгөрөөс дор байж болдгийг сайн санаад ав гэх шиг санагдлаа.
Өөрийнхөө өнөөдөрт аз жаргалтай, баян цатгалан байх гэсэн шуналд автсандаа эх орон, ард түмнээ өргөл болгон барьж байгааг харах нь нэг л танил дүр төрх. Өвөг дээдэс маань юуны төлөө өдийг хүртэл тэмцэж, юуг амьнаасаа илүү хайрлаж байсан өнөөгийн Монголын ирээдүй болсон залуус бид ахин нэг эргэн харж, санах шаардлагатай юм. Бид өөрчлөгдөж, тэмцэж байж өвөг дээдсийнхээ халуун амиараа хамгаалсан Монгол орныг авч үлдэх хэрэгтэй. Бид өдөр өдрөөр хөгжиж, маргааш руу тэмүүлж байна. Гэвч энэ явцдаа өнгөрснөө мартах ёсгүй.

[Enkhjargal Byambaa · Rating 5 out of 5]

It was good book i want suggest my classmates

[Zoljargal Byambasvren]

cxv

[эрка]

мх

[Niimka Niimka · Rating 5 out of 5]

Олон жилийн өмнө уншиж байсан. Маш сонирхолтой Монгол хүн, Монголчууд ямар үнэ цэнээр өнөөгийн түүхийг бүтээснийг зүрх сэтгэлд шингэтэл ойлгуулсан даа. Дараа нь тэгж их уйлж байсан номтой өдий хүртэл таараагүй л явна. Дахиад нэг унших юмсан гэж боддог доо.