أبيض غامق

by محمد السيد

بلاش تنده حاجات ماتت
وسيب الذكري مرتاحه متندهاش
مدمت قدرت تنساها
بلاش ترجعلها ببلاش
اكيد في الجاي حدوته ومحتاجة
انها تتعاش

Genres: Poetry

116 pages

First published January 22, 2011

About the author

محمد السيد
شاعر عاميه
صدر له ديوان التلت الاسود فى العلم عن دار اخبار اليوم
وديوان ابيض غامق عن دار دَوّن للنشر والتوزيع
وله بعض الاعمال الغنائية مع المطرب حمزة نمرة وفريق مسار اجبارى وفريق بلاك تيما والمنشد مصطفى عاطف والفنان هانى عادل ومحمد عباس ومصطفى امين وعلى الالفى ومحمد النحاس ومحمد المهدى وهشام شوقى وهايدى وعصام امام والطفل ثائر

Reviews

[Tasneem Elnkhely · Rating 5 out of 5]

ﺑﻌﺪ ﺍﻟﺘﺤﻴﺔ ﺍﻟﻄﻴﺒﺔ
ﻭﺍﻟﻔﺎﺗﺤﺔ ﻋﻠﻰ ﺭﻭﺡ ﺳﺒﺘﻬﺎ ﺗﻤﻠﻰ ﺍﻟﻤﻜﺎﻥ
ﻛﺎﻥ ﻧﻔﺴﻰ أﻗﻮﻝ: أخبارك إﻳﻪ ؟؟
ﻭﺍﺧﺪﻙ ﻓﻰ ﺣﻀﻨﻰ ﻭﻧﻔﺘﻜﺮ أيام ﺯﻣﺎﻥ...
ﻛﺎﻥ ﻧﻔﺴﻰ ﻟﻜﻦ ﻟﻸﺳﻒ
ﺍﻟﻮﺭﺩ ﻟﻤﺎ بيتقطف
ﺑﻴغيَّر ﺍﻟﻌﻨﻮﺍﻥ
إياك ﺗﻜﻮﻥ ﺯﻋﻼﻥ ﻋﺸﺎﻥ
ابنك ﻣﻘﺼﺮ ﻓﻰ ﺍﻟﺪﻋﺎ ﻟﻴﻚ ﺣﺒﺘﻴﻦ
ﻭﺍﻟﻠﻪ ﻛﻞ ﻣﺎ ﺑﻔﺘﻜﺮ
ﺑﺪﻋﻰ ﻳﺎ ﺍﺑﻮﻳﺎ ، ﻭﺑﻘﺮﺍ ﻟﻴﻚ ﻗﺮﺁﻥ
ﻣﻦ ﻏﻴﺮ ﻣﺎ ﺍﻟﻒ، ﻭﺍﺩﻭﺭ ﻋﻠﻴﻚ
أنا جاي يابا استأدنك
أﻧﺎ ﺑﻜﺮﻩ ﻧﺎﺯﻝ ﻉ ﺍﻟﻤﻴﺪﺍﻥ
ﻧﺎﺯﻝ ﻋﺸﺎﻥ ﻳﻮﻡ ﺭﻗﺪﺗﻚ
الميري رفضت تقبلك
كل الدكاترة تبصلك
و سمعاتهم رافضة تسمع أي آه
ﻧﺎﺯﻝ ﻋﺸﺎﻥ ﻳﻮﻡ ﺩﻓﻨﺘﻚ
ﺩﻓﻌﺖ ﺭﺷﻮﺓ ﻋﺸﺎﻥ أجيب ﺗﺼﺮﻳﺢ ﻭﻓﺎﻩ
ﻳﺎﺑﺎ ﺍﻟﺒﻠﺪ ﺷَـﺪََّﻩ ﺍﻟﺤﺰﺍﻡ
ﻟﻜﻨّﻬﺎ ﻋﻜﺲ ﺍﺗﺠﺎﻩ
ﻣﺘﺨﺎفش ﻳﺎﺑﺎ ﺍﻧﺎ ﻣﺶ ﻫاﻤﻮﺕ
أﻧﺎ ﻣﺖ ﻗﺒﻠﻚ ﻣﻦ ﺯﻣاﻦ
ﻟﺤﻈﺔ ﻣﺎ ﺭﺣﺖ ﺍﻟﻤﺪﺭﺳﺔ
ﻣﻦ ﻏﻴﺮ ﻣﺼﺎﺭﻳﻒ ﺍﻟﻜﺘﺐ
ﻭذﻧﺒﻮﻧﻰ أربع ﺳﺎﻋﺎﺕ ﺟﻨﺐ ﺍﻟﻌﻠﻢ
ﻟﺤﻈﺔ ﻣﺎ ﻋﻨﻮﺍﻥ ﺍﻟﺒﻄﺎﻗﺔ ﻓﻰ ﺍﻟﻜﻤﻴﻦ
ﺧﻼﻧﻰ ﻣﺒﻘﺎﺵ ﻣﺤﺘﺮﻡ
ﻣﺶ ﻓﺎﺭﻗﺔ ﻳﺎﺑﺎ ﺍﻟﻤﻮﺕ ﺑﻘﻰ
ﻃﻠﻘﺔ ﺭﺻﺎﺹ أكرم ﻛﺘﻴﺮ
ﻣﻦ إﻧﻰ ﺍموت ﻣـ الخوف
ﻣﻴﻦ ﺍﻟﻠﻰ ﻗﺎﻝ إﻥ ﺍﻟﺴﻜﻮﺕ أﺣﻦ مــ ﺍﻟﻤﻮﻟﻮﺗﻮﻑ
القبر يابا اوسع كتير
لو البراح مكتوف
أهو حتي اقابلك مـُبتسم
ده انا نفسي اشوفك من زمان
انا بكرة نازل ع الميدان

إقرأ و قشعر يا صديقى !!!!!1

[أحمد سعيد البراجه · Rating 3 out of 5]

الكتاب بيبان من عنوانه ومن غلافه

أبدع " كريم آدم " وصمم غلاف رائع ،، قبل بدء القراءة توقفت أتأمل الغلاف ،، وعدت أتامله أيضاً وسط قراءتي.
على الغلاف ثلاث صور لأوراق الكوتشينية ،، بنت وولد وشايب .
الولد هو خالد سعيد ،، أكبر شرارات الثورة
البنت هي تلك الفتاة المصرية المحجبة الواثقة من نفسها المثقفة والتي شاركت في الثورة
كارت الشايب - والعايب أيضاً- يحمل صورة رجل عسكري وهو الذي قضى على الثورة !!

عنوان الكتاب أيضاً مبهر " أبيض غامق " ،، ليصبح عنوان الديوان قصيدة شعرية مختصرة.


قسم " محمد السيد " كتابه لثلاثة أوراق


- الورقة الأولى ،، وهي الأفضل ،، موضوعها الأساسي الثورة
تبدأ بقصيدة " وحشتني " وهي عبارة عن رسالة من ابن لأبيه المتوفي تلخص بعضاً من أسباب قيام الثورة

http://www.youtube.com/watch?v=sI2xxR...


وقصيدة " حواديت "التي تطرح سؤال : العسكرى فرعون جديد؟
وهناك التحذير من " نص ثورة"

أعجبتني قصيدة " الصول صديقي " بشكل خاص

http://www.youtube.com/watch?v=UU33Yp...



- الورقة الثانية
،، ورقة اجتماعية
والتي ممكن تعتبرها كوثيقة إدانة لنظام شوه طموحات وأحلام شعب بأكمله
تجد ذلك في قصيدة " التغريبة " والتي تغنى بها "حمزة نمرة "

وستؤلمك قصيدة " هكمل نوم " ،، عندما يهرب الأب من مصروفات أبنائه بالنوم

http://www.youtube.com/watch?v=exZ5jh...




- الورقة الثالثة
لم تعجبني ،، قصائد عاطفية ،، ربما تكون هذه الورقة سبب اختياري ثلاثة نجوم بدلاً من أ{بعة لتقييم الكتاب ،، والحمدلله أن قصائدها أقل الأوراق عدداً



ــــــــــــــــــــــــ
وحتى لا ننسى

[Omnia Yehia · Rating 3 out of 5]

بحب اللون ده قوي :)

مش عارفة أبدأ منين ... الغلاف بديع جدا

ولد و بنت و شايب
الولد :خالد سعيد ..البنت:واحدة بتشوف زيها كتير في الشارع في المظاهرة
..الشايب:ظابط

على الغلاف الخارجي :

بلاش تنده على حاجات ماتت
و سيب الذكرى مرتاحة متندهاش
مادمت قدرت تنساها
بلاش ترجعلها ببلاش
أكيد في الجاي حدوتة و محتاجة
إنها تتعاش
:):):)


دلوقت حبك صعب
بقى حمل جوه القلب
إيه اللي جد و حصل
خلاكي سم ف عسل
و بقينا نسمع مثل..
الباب يفوت شعب !

[رامي وفا · Rating 4 out of 5]

دي قراءة أولى بس .. كنت قريب من إني أديله الخمس نجوم , بس ملقتش اللي بدور عليــه , عجبني جداً الافكار الجديدة اللي ف بعض القصايد , بس فيه بعض الحاجات حسِّتها تقليدية شوية , بس أقدر أقول ديوان يستحق القراءة , وممتع جداً

[مصطفي سليمان · Rating 3 out of 5]

تلات نجوم علشان
:)

بارانيويا
بتسهر لوحدك وتقعد معاك
وتسال تجاوب وتعتب عليك
تبوحلك بسرك وتضحك في سرك
وتبكي في سرك وتقفل عنيك
بتحلم وتسرح
ووهمك ملاذ
وتكدب وتصدق بدون انحياز
لانك بتنسي ان روحك ازاز
بافضح ضميرك قصادك اوام
بترجع في رايك وتنسي الكلام
وبعد المداولة بتخسر محاولة
و تلقي ان اولي اسيبك لوحدك
وتدخل تنام
****************
وشوش مدهونة بالضحكة وتحتيه البكا ثابت
وناس في الدينا كانت ماسكة وغصبن عنها سابت
وناس عايشه وناس لاه
وناس تخسر وناس سابقة
وناس قلبها عاشقة
وف الاخر اهي اتسابت
**************************
التغريبة

http://youtu.be/zTwOtZ5vLgc




[image error]

[ياسمين Thabet · Rating 5 out of 5]

على السادة اللى مش عشاق
يراعوا الفرق فى التوقيت
حبيبى لما اكون جنبه
يبقى الوقت فيه عفريت
____

انا الحاضر لكن غايب
ومتشعلق في خيط دايب
وجامع عالامل صبري
وناتج جمعهم سالب
___


الله على ده ديوان
لما قريت التلت الاسود من العلم للشاعر الجميل محمد السيد قولت لازم اشتري الكتاب ده

قعدت ادور عليه لحد ما لقيت نسخة اخيرة منه في مكتبة
حسيت بسعادة

اولا العنوان رائع جدا ومبتكر (ابيض غامق) جديد وما يتنساش

ثانيا الغلاف تحفة فنية...عجبتني اوي اوي خصوصا ان الديوان متقسم تلات اقسام الشاعر مسمي
كل قسم

الورقة الاولى الورقة التانية الورقة التالتة
فكل صورة على الغلاف بتعني ورقة فيهم

القصائد اللي كانت في الورقة الاولى ماعجبتنيش

بس الورقة التانية والتالتة كانت كل القصائد رائعة جدا
استمتعت اوي وانا بنقرا وحسيت اني بنقرا من جوايا

اكتر قصايد عجبتني
سيما اونطة
التغريبة
ميعاد
هكمل نوم
غربة
نصيحة رقم 1

انا سعيدة اني احتفظت بنسخة للكتاب ده للابد

[Abdallah Abdelwahab · Rating 4 out of 5]

إنه محمد السيد .. أحد ابرز شعراء العامية فى الزمن الحالي .. يتميّز أسلوبه بالبساطة وقوة النفاذ إلى الوجدان

" الكتاب ينقسم إلى ثلاث ورقات .. أولاها عن الثورة وهي جيدة جدا .. ولكن كان ينقصها " كل ثورة وأنت طيب .. للأسف !

الورقة الثانية إجتماعية .. وهي أفضل الورقات من حيث جزالة الأشعار

الورقة الثالثة عن الحب .. قصيرة وليست بالقوة الكافية

أعجبني :-

* باتوه بيني وبين نفسي
ومش عارف لروحي أعود
باشوفني في نني عين الناس
وأنا فـ عينيّه مش موجود
وكل الكون بيسمعني
وبسمعهم، وما اسمعني
ومين ليا يرجعني
ولو حتى اعود مولود

* أنا

* لم اللي متبقي
من حلمك الباهت
وارجع خلاص ليا
القسمة مش جاية
وباين لها تاهت
فبلاش تروح للوهم
من سكة الفرصة
والعب مع الأيام

* بارانويا

* أنا الحاضر لكن غايب
ومتشعلق في خيط دايب
وجامع عـ الأمل صبري
وناتج جمعهم سالب

[محمد مصباح · Rating 3 out of 5]

الديوان جميل وممتع .. فيه حاجات لمستني جداً جسمي قشعر وانا بقرأها ..
بس لاحظت ان تلتين القصايد فيهم كلمة(أمل) وبعض ألفاظ مكررة .. وده ممكن ف كتاب تاني يخلي اللي بيقرأ يزهق من التكرار .. لكن هنا محستش بده ..
عجبني جداً توزيع القصايد في الديوان .. وبداية الديوان برغم ان كلها بتتكلم عن مصر بس كل فكرة مختلفة وجديدة ..
ملاحظتش ان صياغة أو شكل القصايد بتختلف من قصيدة للتانية .. يعني لو قرأت قصيدة منهم بره الديوان هقول دي لمحمد السيد ..
تحياااتي لمحمد السيد .. استمتعت بقراءة الديوان اكتر من مرة :)


ريفيو في 13/7/2013

حاسس ان الديوان عادي جداً

[Ebthal Yusuf · Rating 5 out of 5]

لما الجواب يبان من عنوانه...لما تلاقي نفسك بتكتب الاهداء في الأجزاء اللي عجبتك
ولما متعرفش تكتب السطراللي عجبك من غير ما تكتب اللي قبله لحد ما تلاقي نفسك هتكتب القصيدة كلها فتكتب ا��مها بس
ولما تخلص الكتاب تلاقي أجزائك المفضلة هيا تقريبا الفهرس

حقيقي الكتاب حلو جدا
مع انه وجع قلبي مع كل كلمة عن الوطن والثورة والحياة الصعبة
أحاسيس جميلة علي الرغم انها مؤلمة للغاية
كاتب موهوب أتمني أقرأ له كتاب تاني

مقتطفات أعجبتني
***************
سينما أونطة وهكمل نوم لازم يتقروا كلهم

أعيش فيكي
أموت م الجوع
أموت فيكي
أعيش موجوع

دلوقت حبك صعب
بقي حمل جوه القلب
ايه اللي جد وحصل
خلاكي سم ف عسل
وبقينا نسمع مثل
الباب يفوّت شعب

يا قلبي يا موجوع
يا آهة حاضنة دموع
حب البلد بيعيش
لما يموت الجوع

يا شمس منورة عمري
أنا خايف أموت ف الضل

[Esraa Adel · Rating 5 out of 5]

كتاب لا يمكن ان يقال عليه أقل من رائع ولا يمكن أن امنحه أقل من خمسة نجوم
وقد تيقنت من روعته من قبل ان أصل الى نهايته
كتاب يستحق القراءة

أعجبني الكتاب بكل أجزائه الثلاثة المتنوعة في مضمونها وكلماتها

ففي الورقة الأولى والتي تغمرها الثورة الحقيقية والوطنية الجميلة والتي اصابتني بالقشعريرة في جسدي من كلماتها
وحشتني - شخبطة - معجزة - الصول صديقي - حواديت - نص ثورة - سيما أونطة - - حبيبتي غير كل البنات


اما الورقة الثانية فهناك
التغريبة - وحيد - أنا - أبيض غامق (وهي تستحق حقا ان تكون عنوان الكتاب) - يا نصيب - هكمل نوم (مؤلمة الى أقصى درجة) - بارانويا - باكوين بسكوت -نصيحة رقم 1


واخيرا الورقة الثالثة التي عشقتها من كل قلبي
والتي بدأت بكلام لذيذ جدا

على السادة اللي مش عشاق
يراعوا الفرق في التوقيت
حبيبي لما أكون جنبه
بيبقى الوقت فيه عفريت

كسر - لو كنتي فين - حبيبتي تستاهل

واذا قمنا بحساب عدد القصائد في الكتاب سنجد أن معظم الكتاب هو ما أعجبني لذا رايته يستحق الخمسة نجوم عن جدارة

[Sermeen Abdallah · Rating 4 out of 5]

بجد
الله
الله
الله
ع
الجمال
والروعة

معظم القصايد
دا لو مكنش كلها
هتحس انها
حته منك
حساك وحاسسها
بتمس قلبك
بتشكى همك

اول مرة اعرف محمد السيد
وكانت المفاجأة بالنسبالى
انى لقيت قصيدة التغريبة
جوا الديوان
وكانت اول مرة اعرف ان
التغريبة اللى بيغنيها
حمزة نمره
لمحمد
:)

الديوان خلانى اعيش جو
واحس حاجات
جميلة
موجعة
مؤلمة
مرة بتضحك
ومرة بتعيط
شوية دمعة تنزل
وشوية بسمة تترسم
كل الحاجات دى
مكنتش هعيشها
ولا هحسها
غير هنا
فى ابيض غامق
:)

[فاطمة سامى · Rating 4 out of 5]

حبيته جداا :)
عجبنى
بارانويا ..حواديت ..حبيبتى غير كل البنات ..التغريبة ..
نص ثورة ..وحيد ..غربة

_________________
باتوه بينى وبين نفسى
ومش عارف لروحى أعود
بأشوفنى فى ننى عين الناس
وأنا ف عينيه مش موجود
وكل الكون بيسمعنى
وباسمعهم وما اسمعنى
ومين ليا يرجعنى
ولو حتى أعود مولود

[Ahmad Abdel Hamid · Rating 3 out of 5]

ديوان جميل ونهاياته تحديداً أحسن من بداياته

[Sarah Omran · Rating 4 out of 5]

لحد الصفحة حاجه وخمسين محستش بالورق وهو بيعدى بين صوابعى
كنت حاسه انى بس محتاجه استزيد اكثر واكثر من كلماته
شبه عليا للحظات عمنا جاهين
وسعدت جدا بان الديوان معاصر للثورة المصرية وما قبلها
حسيت الديوان حاسسنى وحاسس معاناتى
يفتقر للرومانسيه الا فى كام قصيده كده :)
ولكن بهم اشبعنى حد الكفايه !

[Mohamed El-Attar · Rating 4 out of 5]

ديـوان رائع لصديقى الشاعر محمد السيد / تميز فيه بالتنوع والثراء الشديد فى إختياره للمواضيع .. وكذلك الأسلوب الرائع فى تصوير المشاهد بمنتهى البساطة ومنتهى العمق ومنتهى التأثيــر .. لكنى مصر أن محمد السيد ليس جاهين جيله .. فهو يمتلك قلمه الخاص جداااً / والذي لا يعبر ولا يمثل أحد غيره

[منار هانى · Rating 4 out of 5]

على السادة اللى مش عشاق يراعوا الفرق فى التوقيت *
حبيبى لما اكون جنبه
يبقى الوقت فيه عفريت


حواديت كتير اتمثلت *
ومفيش نهاية مقنعة
سقطت جميع الاقنعة

ورواية الحلم
ابتدت تخرج عن النص الصريح


كتاب حلو
ممتع :)

[Asmaa Essam · Rating 4 out of 5]

انا الحاضر لكن غايب
ومتشعلق في خيط دايب
وجامع عالامل صبري
وناتج جمعهم سالب

_______________


دلوقت حبك صعب
بقى حمل جوه القلب
إيه اللي جد وحصل
خلاكي سم في عسل
وبقينا نسمع مثل ..
الباب يفوت شعب !


_______________


ديوان رائع

[Wafaa Farouk · Rating 4 out of 5]

في انتظار ديوان بحجم مواهبة وابداع محمد السيد

[غصون ضياء · Rating 3 out of 5]

بلاش تنده حاجات ماتت
وسيب الذكري مرتاحه متندهاش
مدمت قدرت تنساها
بلاش ترجعلها ببلاش
اكيد في الجاي حدوته ومحتاجة
انها تتعاش

لــذيـــذ و أكتر حاجتين عجبوني " نص ثورة " و " غربة "

[Moحamed Shaعban · Rating 3 out of 5]

الديوان في مجمله جميل جدا

فيه بعض القصائد مستواها عالي جدا وبعضها مستواها عادي وده شيء طبيعي جدا

ماكنتش اعرف إن هو إللي كاتب الاغنية لحمزة نمرة بس اكتشفت إن فيه قصائد تانية أفضل حتى من كلمات الاغنية

المستوى الفني والاسلوب جيد جدا والتشبيهات الخيالية وتراكيب الجمل حلوة جدا ولكن هناك بعض القصائد كانت تحتاج الصبر شوية عليها في الكتاب واعتقد هناك بعض القصائد والافكار لو رجع ليها المؤلف تاني هيكتبها بشكل مختلف وأفضل أكيد

عنوان الكتاب جميل وفكرني بعرض مسرحي كنا بنحضرله مشروع كتابة ولكنه لم يكتمل وكان يحمل نفس الاسم وافتكرت في الاول إن النص المسرحي اتكتب ونزل ولكن طبعا طلع هذا الديوان عشان كده الاسم مش غريب عليا ولكن يظل عنوان جميل ومعبر عن حالة الديوان طبعا

[Bassant · Rating 4 out of 5]

الكتاب حلو :)
محبتش الورقة الاولى كلها, لأن كلها كلام عن مصر وبصراحة المزاج مكانش مساعد, الورقة التانيه والتالته أحلى
عجبتني أوي "وحيد" و"يا نصيب" والصول صديقي" و "هكمل نوم و "انا" و "بارانويا"
من الكتب اللي هتقراها مرة واتنين ومش هتزهق منها
من اللي عجبني :
" دا الحب واليناصيب
مابيعرفوش عايز
مابقتش قد القول
علشان تقول جايز "

" بتسهر لوحدك , وتقعد معاك "

" جاوب جميع الاسئلة اجابات غلط
تنجح بمرتبة الشرف
مبروك عليك المرتبة
وان حد سألك عالشرف
إرفع حواجبك واندهش
شد اللحاف "

" وناس من قلبها عاشقة
وف الآخر أهي إتسابت "

[Mahmoud Elmoustapha · Rating 4 out of 5]

اول تجربة ليا مع محمد السيد و تجربة لطيفة جدا
الديوان مختلف ، الشِعر فيه من أول الأهداء حتى الغلاف الخلفي للكتاب
تقسيمة الديوان لتلات ورقات (فصول) كانت مميزة ، أول ورقة فيها قصائد سياسية و ثورية ، و الورقة التانية فيها قصائد إجتماعية و إنسانية ، و الورقة الأخيرة رومانسية عاطفية .. يمكن أقل جودة فيهم هي أول ورقة اللي اتكلمت عن الثورة و الثورجة
و فيه بعض المقطوعات الشعرية و الرباعيات في مفتتح كل فصل ، و ماحسيتوش أجاد في شكل الرباعيات أو المربعات
أسلوب الشاعر و تعبيراته البسيطة تلمس الروح من أول وهلة ، سهل ممتنع ، و مُتميّز جدا في قصائده الرومانسية و الاجتماعية.

[Dalia]

أبيض غامق by محمد السيد








View all my reviews

[أحمد الباب · Rating 4 out of 5]

الديوان فيه قصايد حلوة كتير ، بعضها اتنشر قبل كده ع فيس بوك ، والباقي أول مرة أقراهم

القصايد جميلة وفيها أفكار ممتازة , وإن كنت حسيت إنها مش مترتبة كويس ومش بالمستوى اللي منتظره من الشاعر الجميل اللي عودنا على الإبداع

على العموم ألف مبرووووك لمحمد ع الديوان وعقبال التالت والرابع والمليون ويكونوا أجمل وأجمل إن شاء الله :)

[Shady Magdy · Rating 5 out of 5]

ديوان حلو جدا و فيه قصايد كتير أبهرتني بجد و هو فعلا شاعر متمكن و مبدع و بيستخدم ألفاظ معبرة و مؤثرة

الورقة الثالثة ما عجبتنيش اوي زي الأولي و التانية ، حسيتها عادية و أغلب كلامها قديم ومتكرر و تقليدي
بس رغم كده ، أنا شايفه يستحق الخمس نجوم :)

[Essam Ragab · Rating 4 out of 5]

ديوان للمبدع محمد السيد اللى دايما بيبهرنى بتشبيهاته وبساطته وتعبيراته .. وبيعجبنى اوى لما بيكتب رومانسية ثورية ;)

إلى الأمام :)

من الكتاب عجبنى

نص ثورة
حبيبتى غير كل البنات
حواديت
سيما اونطة
وحشتنى
شخبطة

[إبراهيم عادل · Rating 3 out of 5]

جميل جدًا ..
وأعرف أنه جميل ..

مشكلتي معه فقط في طريقة التقسيم إلى ورقات ثلاثة، ربما لم تكن متمايزة تمامًا بالنسبة لي ..

ولكنه محمد السيِّد .. السهل الممتنع
.

[Aiya ali · Rating 3 out of 5]

جميل :)
متنوع جداً ، ثورى ، إجتماعى ، عاطفى !

[Abdul-rahman Salem · Rating 4 out of 5]

من أفضل الدواوين التي قرأتها مؤخرًا.

لطيف، ممتع، ومؤثر.

[Mai · Rating 5 out of 5]

يوماتى اتوضا من نيلها , واصلى للى جملها , وادعيليها ;يكملها بواحد يمسك المايله ويعدلها