زوجة مخنوقة من نفسها

by أمل محمود

إلى كل زوجة مخنوقة من نفسها زيي ويمكن أكتر منى بس مش قادرة تقول وتعبر عن نفسها..إقري يا حبيبتى وفضفضي وماتخليش حاجة فى نفسك، الى كل زوج شايف ان مراته "مصيبة سودا" فأهدى له هذا الكتاب من باب ان اللى يشوف بلاوي الناس تهون عليه بلوته، وبالتالى يروح يبوس ايد مراته وش وظهر، وأخيرا الى كل واحدة بتحلم بالجواز..اصحى ونامى تانى يمكن الحلم يتغير.. وماتحسبوش يا بنات ان الجواز راحة... زمان قالوها حكمة "صاحب بالين كداب وتلاتة منافق" وفى الزمن ده يا حبيبتى لو عايزة تتجوزي وتخلفي وتشتغلي وتعيشي سليمة وفى بيت نضيف وفيه أكل لازم تتخطى امكانيات المنافقين كمان، مش بقول لكم "أموت وأعرف مين اللى زقني؟".

209 pages, Paperback

First published February 1, 2011

Reviews

[فاطمة علي · Rating 4 out of 5]

الكتاب خلاني عشت فترت كأني مع أمل محمود في بيتها :)
بتحكي مشاكل هي فيها و ستات كتير فيها بس بطريقة تضحك و خفيفة أوي

[Marwaaa · Rating 1 out of 5]

لو ينفع أعمل نص نجمه كنت عملت :( ,,,, أنا بكره أني أقرأ كتاب أحس أني بقرأ سيره ذاتيه بتاعت الكاتب ’’’’’ وللأسف أنا حسيت أنه الكتاب عباره عن لوكشه لمواقف حياه أمل محمود اللي أعتقد أني مش لازم أني اعرفها اساسا ,,,, أنا مالي ومال أنك ممكن تكوني بتخافي من العفاريت في الحمام ,,, أو أنك جبتي باروكه هبلت تلتين سكان مصر,,, أو أنك مدمنه قاعده علي النت ,,, أو أن بعض الاشخاص بيبعتولك عايزين يطلبوا ايدك ,,,, كان نفسي يبقي الكتاب وجهه نظرك في موضوعات معينه أو مواقف معينه ,,, مش الكتاب كله عباره عن مواقف لحياتك مجمعه ,,,, شعرت بالملل جدااا وأنا بقرأ الكتاب وبقيت بشقلب فيه أقرأ شويه من فوق وشويه من تحت وشويه من النص عشان أكسر حاجز الملل ومقدرش أحكم حكم غير صائب وللأسف برضه مكملتش الكتاب ,,, أنا غلطانه برضه ,, أنا ايه يخليني اقرأ كتاب يوميات زوجه مخنوقه من نفسها وأنا لسه مدخلتش دنيا اساسا :D :D :D

[Marwa Elhabashy · Rating 5 out of 5]

الكتاب لذيذ بس مش زي أي كتاب ساخر
مبعرفش أقراه غير لما أدخل في مود معين
الصبح بدري كده و الواحد لسه بيقول يا صباح الخير عشان ياخد جرعة تهييس تكفي لباقي اليوم
أو بعد يوم تهييسي معتبر
غير كده بحس إني بصور حروف مش بقرا كتاب يعجبني
لكنه بجد حلو - في المود التهييسي المعتبر إياه
:D

[Maram · Rating 2 out of 5]

كتاب خفيف لطيف ظريف سمج في كثير من المواقف اللي تبقي حتموت وتعرف هي ليه كتبت الكلام دا أصلا ^_^

[‏❀ •┈••✦ ᗰ ᗩ G D I * ᗩ D ᗩ ᗰ ✦••┈• ❀ · Rating 4 out of 5]

الرواية لذيذة جدا وبصراحة الكاتبة دمها شربات

[Gehad Saad]

nice book

[Khloud Seif · Rating 3 out of 5]

الكتاب عجبني .. لذيذ وساخر ومسلي

[Ola Elansary · Rating 1 out of 5]

فى نص نجمه كنت عملت كدة ... كتاب فاشل خسارة فيه الفلوس

[Mahmoud Ghoz · Rating 1 out of 5]

الكتاب فعلا وحش مقدرتش حتي اكمله وده نادرا مايحدث. الكاتبة دمها خفيف ويطلع منها شغل حلو جدا بس اتني تغيير الاستراتيجية فالكتابة و طريقة تناولها للمواضيع.