مزاج القاهرة

by أحمد مهنى

الشخص الذى يسهل التصريح له بأى شئ عن حياتك هو صديق مخلص أو ربما شخص لن تراه مرة أخري كسائق التاكسي

Genres: Audiobook, Nonfiction

175 pages, Paperback

First published January 1, 2012

Reviews

[Sermeen Abdallah · Rating 2 out of 5]

الكتاب عبارة عن
مواقف حصلتله
وهو بيحكيها
او بمعنى اصح
هو بيفضفض
بس بصوت عالى


طيب انا مشكلتى
مع الكتاب
فى كذا نقطة

اولها التكرار

فيه مواضيع متكررة
بشكل كتير اوى
زى مثلا موضوع
انه مكنش بيحب القهوة
وبقى يحبها
والله عرفت خلاص انك بقيت بتحبها
ايه بقى لزمته كل شوية
نجيب فى سيرة القهوة وحبها !!

كمان موضوع زوجة المستقبل دا
والارتباط
وموضوع الصحاب والسفر
اتكرروا اكتر من مرة

المشكلة التانية

احيانا مكنتش عارفة هو عايز ايه !!
يعنى المقال او الموضوع يبدأ بحاجة
وبعدين يدخل فى حاجة تانية
وبعدين يرجع للحاجة الاولانية
وبعدين يقول حاجة تانية خالص !!


فى المجمل يعنى
الكتاب اسلوبه
خفيف
سهل
لطيف احيانا !!
مع وضع فى الاعتبار
موضوع التكرار

بالنسبة للشعر
بالرغم من انك تحس
ان الشعر دخيل
على موضوع الكتاب
الا انى حبيت
فكرة انه بيختم كل فصل
بقصيدة

بس
:)

[Noha El-Shami · Rating 4 out of 5]

بمزاج متعكر قررت البدء في قراءة مزاج القاهرة، كتاب صغير خفيف يصلح للجيب، شدني إليه بخصوصيته وطبيعته المختلفة عن كل ما قرأت سابقا .. أدب الاعترافات الذي لا يكتبه العرب

تغير مزاجي تماما لحظة البدء؛ فالأسلوب بسيط، ومريح، وتلقائي غير متكلف ولا متصنع

شاركنا الكاتب بعضا من دواخله، وأقول بعضا لأنه بالتأكيد هناك المزيد مما لا يجرؤ أحد من البشر على البوح به ولا حتى لنفسه

سهل على كل من هو (مؤنث) البوح بالمشاعر قولا أو كتابة أو فعلا، بينما يصعب ذلك على كل من هو (مذكر) ولهذا كان الكتاب بالنسبة لي نادرا ولقطة


مما أعجبني داخل الكتاب:
ـــــــــــــــــــــ

التصريح بالمشاعر أمر مرهق إذ أنه يخلق أنواع من الالتزام الأخلاقي أو ربما الالتزام المادي أو المعنوي، وبالتالي كنت دائما ما أجتهد في عدم البوح بمشاعري ... ليس لكوني غير قادر على الالتزام ولكن ربما لأنني لم أكن مستعد ... ربما

[شريف ثابت · Rating 4 out of 5]

إستمتعت جداً بقراءة "مزاج القاهرة" وحسيت انه بيتكلم عنى.. كتابة أحمد مهنى مميزة جداً، عميقة،عذبة، وسلسة آخر حاجة سواء كان الكلام عن الجوانيات أو الدين أو السياسة أو الشأن العام. الكتاب جميل وأرشحه للقراءة.

[Amany Mostafa · Rating 1 out of 5]

I want my 20 L.E Back O_O
I couldn't fininsh it .. So meaningless

[مصطفي سليمان · Rating 2 out of 5]

طيب ليه كدا يا كابتن يعني

ما الكتاب ماشي كويس

:(

الكتاب عبارة عن مجموعة اعترافات سميها
مقالات
سميها
فضفضة اللي انت عاوزه

بس المشكلة الاساسية بالنسبة ليا ف الكتاب دا التكرار
بشكل كتير و زيادة
يعني فيه الموضوع بتاع القهوة
انه مكنش بيشرب قهوة بس بقي يشربها كتير قوي
علي الاقل تلات مرات

موضوع الجواز ونظرته للارتباط
برده اتكرر في كذا جزء

ف المجمل الكتاب مش سئ وان اعيب عليه موضوع التكرار
وساعات بصراحة موضوع الشعر
حسيته دخيل ع جو الكتاب بصفة عامة
اسلوبه لطيف وسهل
بس محتاج ف بعض المقالات اعادة النظر ليها
من حيث التناول
فيه المقال
بتاع الانبيا عجبني قوي فكرة ان اللي كانوا رافضين هما السبب ف الانتشار اكتر

وبتاع وهو صغير وموضوع الحلاق
:)

بس بقي كتاب لطيف
خفيف

[Salah El Mouled · Rating 5 out of 5]

كتاب أكثر من رائع
عن أدب الاعترافات ..يتحدث عن خواطر و اعترافات خاصه
الكتاب ممتع و ترجم الكثير من الأفكار التى كانت في رأسي

[Sara · Rating 1 out of 5]

أحب أدب التدوين بالتأكيد وأستمتع بقرأته، ولكن لا يملك الجميع ما يمكنه التدوين عنه ناهيك عن أن الجميع لا يملكون موهبة الكتابة نفسها.

هذا لا يصح أن يطلق عليه كتاب، الحديث عن شطيرة البرجر المفضلة ونوع القهوة والأماكن التي نحب الجلوس فيها، والمواقف التي هي نصفها مؤلفة والبقية ما تحتاجه السوشيال ميديا، والدورس المستفادة والحكمة المفرطة التي تسقط على الشخص حينما يجلس في مقهى في المهندسين مكانها الفيس بوك على الصفحة الشخصية وليس كتاب وليس حتى مدونة سابقًا/ بودكاست حاليًا.

الأسلوب نفسه مربكة ما بين عامية وفصحي هي أقرب للركاكة منها للفصحي، تشتت وتكرار يثير العصبية، كنت أستمع للكتاب والمؤدي الصوتي يعيد في حب صاحب الكتاب للقهوة بعدما كان يمقتها، فصرخت بأنني والله عرفت!

الكتاب -مجازًا- يتحدث عن أربعة موضوعات القهوة والسفر والأرتباط والأصحاب وشطيرة البرجر ثم يعيد الحديث عنهم بترتيب مختلف في سياق مختلف إلى أن ينتهي الكتاب والحمدلله، أحيانا يبدأ تدوينة ثم لا يعرف ما موضوعها فتنتهي بشيء مختلف أيضًا ليس له معني كبدايتها، أما عن الشعر الذي يختم به كل تدوينة ليس جيدًا وليس شعر وغير مناسب.

هذه ليست اعترافات أو تدوينات، هذه بوستات فيس بوك ليست مثيرة للاهتمام في وجهة نظري.

[Mhamed · Rating 5 out of 5]

كتاب قوى جداً وصريح جداً ويكشف لنا كيف نحن ضعفاء امام العالم وشهواتة وكيف نحن سهل ان تحركن الانظمة العالمية كيفما تشاء ، ويكشف واقع اليم للشاب المصرى شاب مشوة ناتج عن الحداثة الغربية واعولة والتار بالفكر الشرقى القديم ، شاب مشوة وهنا لا يسعنى الا ذكر هذة الكلمات التى تعبر عن حال مصر وبشدة يقول
صلاح عيسى "حكايات من دفتر الوطن" (1992)
"إن عذاب مصر الحقيقي، قد بدأ منذ حٌصر العقل المصري في إطار المسلمات النهائية، التي لا تقبل المناقشة- وكان هدف الغزاة والطغاة
باستمرار أن يٌفقدوا هذا العقل قدرته على التفكير والحركة، لذلك ركزوا كل جهدهم على تحطيم حيويته، وتبديد قدرته الخارقة على الابتكار والملاحة في البحار الصعبة. وكان أخطر ما فعلوه أن حولوا هذا العقل إلى عقل يعرف جيدا علامات "التنصيص"، ويجهل علامات "الاستفهام" و"التعجب"، عقل يفتقد
تدريجيا إلى "الحاسة النقدية" التي تمكنه من تحطيم المحرمات التي تحول بينه وبين الثورة على واقعه وانتزاع مقدراته من أيدي الطغاة والغزاة.
ومن الحق أن أقول أن العقل المصري كان يملك حيوية خارقة مكنته باستمرار من تفويت الفرصة على أعدائه، بل أنه كبدهم هزائم متعددة، برغم ما أصابه هو نفسه من طعنات وندوب".

[هديل السلام · Rating 4 out of 5]

Highly recommended
Simple, light .. yet deep =)

[عبيرجمال الدين · Rating 3 out of 5]

كتاب خفيف
شوية فضفضة حلوين
فكرنا بثورة يناير
الجميلة

[ola fadl · Rating 4 out of 5]

احلى فضفضة قريتها ويمكن تكون الاولى كمان
عجبنى الاسلوب السلس جدا اللى فيه
بالنسبة ليا الكتاب مبهج ويخلينى متفائلة ليه معرفش
يمكن عشان بيكلم عن كل واحد فينا ممكن يتعرض او يكون فى نفس المواقف اللى كنت فيها يمكن عشان جالك الجرأة تفضفض
بس معجبنيش فيه التكرار فى الاخر
اكتر حاجة عجبتنى حجم الكتاب تقريبا مش بيخرج من شنطتى
بجد استمتعت جدا

[Sara Emad · Rating 4 out of 5]

كتاب ممتع جدا لقيته قريب منى ٌ قوى بيحكى فيه الكاتب بأسلوب سلس ممتع مميز عن مواقف كتير مر بيها ممكن تلاقى تقارب شديد بينها و بين مواقف انت مريت بيها برضه .

عجبنى دماغ الكاتب قوى من الآخر
الكتاب ممكن اعتباره خواطر.. ذكريات .. فضفضة


مما أعجبنى في الكتاب
"لا أعتبر الحياء كمالا ..لا أعتبره صدقا أو إخلاصا .. فقط أجده يناسبى

"البوح بأسرار النفس قد يكون شئ مرهق .. غير واضح ..غير منظم"

[Shady Magdy · Rating 4 out of 5]

كتاب جيد ، فيه اجزاء كتييي�� جدا ممتازة و مواضيعها مختلفة و بيتكلم عنها بطريقة مختلفة و بوجهة نظر مختلفة
لكن فيه اجزاء ما عجبتنيش ، ما حسيتهاش كده :) و خصوصا قصايد الشعر اللي في الكتاب

و عموما انا عجبني جدا الجزء التالت من الكتاب
لكن كتاب في المجمل جيد و يستحق القراءة :)

[Sherif Hamed · Rating 4 out of 5]

ممكن مقارنته ببعض الكتب الأخرى للعسيلي أو عمر طاهر ولكن أنا أرى أنه يتبع أسلوب مختلف في طريقة عرض افكاره .. وتشبيهاته بسيطة في ظاهرها عميقة في تلميحاتها .. الكتاب لطيف وممكن قراءته بجانب أي كتاب معقد دون الشعور بحمل زيادة .. بس الشعر ملوش لازمة

[Hend · Rating 3 out of 5]

خليط مزاجي يأخذ القارئ الي ذكريات ربما كانت شبيهه بذكريات الكاتب أحمد مهني . اسلوب الكتاب سهل و ممتع . شعرت ايضا بنضج الكاتب من حيث الصيغة الكتابية فمثلا اسلوبه في بداية الكتاب يختلف تماما عن اسلوبه في أخره - الامر الذي جعلني اتخيل مجهود الكاتب في اختيار و تعديل ما كتبه من قبل .

[Wissal H · Rating 2 out of 5]

أحسن فضفضة هي التي تكون مع غرباء لا نعرفهم ولا يعرفـوننا !

تكون الفضفضة مريحة أكثر عكس الفضفضة للمقربين فلكل عزيز عزيز.

مجموعة من المقالات المتنوعة من واقعنا المعيش تعكس ما نعيشه يومياً من مواضيع حياتية متنوعة و مختلفة.

كتاب خفيف لطيف ممكن قراءته في جلسة واحدة.

[Esraa Attia · Rating 3 out of 5]

كتاب حلو مش وحش ... فى مقالات قويه وتانيه ضعيفه ... وفى تكرار لافكار او امثله ربما تكون حشو

بس كأدب اعترفات ... فى حبة اعترفات لمستنى ... فى انتظار الاقوى

[Islam Al-Ghazali]

يعنى بقول للكاتب لو عندك وقت فراغ كده انزل اقعد على اي كافية مع الشلة و اهذى الهذى ده. عنوان خادع و غلاف مضلل يخليك تفتكر انه كتاب عن القاهرة و مزاجها اعتقد اغنية رصيف نمرة خمسة بتاعت عمرو دياب تُعبر عن مزاج و ناس ومشاريب القاهرة . كتاب بلا نجوم او تقييم .

[hakuna matata ♥ · Rating 2 out of 5]

💫⭐️

الكتاب في مجمله بسيط حالم
مايعيبه هو التكرار.. تكرار مواقف او كلمات او احاسيس
يروي الكاتب موضوعات مبعثرة و بعض القصص العابرة قبل الثورة (في القاهرة ) و بعدها ، يناقش من خلالها قصص اجتماعية تتكرر مع الجميع و مشاعر مختلفة .

[Ahmed · Rating 2 out of 5]

لازم نوجد فن جديد اسمه فن المدونات ، ، ونطبع منه كتير افكار هو فيه حاجة زي كده في كتب اسمها نوصو نثرية يعني مشش متحدد لها فورم معين ، لذا فانا انصح ان يكون الفورم هو المدونات وساء نشرت على النت من قبل اولم تنشر .
اول مقالتين قريتهم من قبل وراي فيهم لم يتغير . عمق وامتاع بس ليه الباقي .

بدا وضوح اختلاف نوع الكتاب كما تريده عن فكرة المدونات وان كانت المدونات امتع
المدونات بتكتب انكباعي وتمزجه بالواقعية مع ربط ظريف يرقى الى الكوميدي من حينا لاخر
الاعترافات مجرد موضوع حساس تخبرنا به بوجهة نظرك شوف المقالات الاولي وربط الامور الاستهلاكية بالامور الواقعية كم كانت ظريفة وشوف اعترافاتك الثلاثة عن المسيحين واختلاف الديانة في موضوع لا يتحمل كل هذا

تمت قرائته ولم يعجبني الشعر ولم يعجنبي انه مجرد اعترافات كما يقول مهنى اول مقالتين او تدونيتين كنت اتمنى ان يستمر الكتاب على منوالهما

[Muhammad Ghonem · Rating 4 out of 5]

كتيب خفيف ونوع متميز من الكتابات ليس مشهورا فى هذا الوسط ، كتب هذا الكتاب ويريد ان يشارك الناس تفاصيله كتب عن حياته التى قد تطابق مع حيات الاخرين قسم الطتاب الى فصول فى كل فصل مجموعة قصصية تخدم عنوان الفصل وينهى كل فف فصل بقصيدة من قصائده الكتاب جميل ولكن خلط بين العامية والفصحى واحيانا يدخل فقرات لا علاقة لها بالنص الاصلى فلا تخدم الموضوع بقدر ما ما تبعد القارئ او تلهيه بعض الشىء عن المراد بعض المواضيع قد كررها وبعض الامور الشخصية ققد اعادها وكررها ويكاننه يقول ببقارىء اعرف هذه المعلومة ذاكر هذه المعلومة احفظ هذه المعلومة انالم اكن احب القهوة والن احبها الموضيع قد راقتنى كثيرا وجدت احيانا فيها نفسى واحبانا اخرى استمتعت وفى النهاية كما قال اننا نختصر خبرات العالم فى بضع صفحات ، نقرا ونتفق ،نقرا ونختلف ،نقرا ونقر ونقرا ...لكن الاكيد !اننا نقرأ ونستمتع لذلك

[Lamia A. Ahmed · Rating 4 out of 5]

كتاب ممتع ، عبارة عن شوية مواقف ، خواطر الكاتب ، أساسيات و حاجات أتعودنا عليها في حياتنا اليومية، مع شوية شعر و كام مقال عن الدين .
فعلا كتاب فريد!
بيكسر أي قواعد للكتابة أي حد قال عليها . بيسكر قاعدة ان الكتاب لازم كله يكون نمط واحد ، نفس السيستم .
لكنه في الكتاب بيكسر كل ده ، بيجمع بين أنماط مختلفة ، شعر ، أدب اعترافات ، خواطر بالعامية و بالعربية الفصحي و مقالات في قمة الجدية .
كتاب ممتع ممكن تحطه في شنطتك و تقراه في أي وقت . مش هتحس بالملل ، كلام كتير بينطبق علينا أو حصلنا أو بنفكر فيه . أفكار أجتماعية و أبعاد أنسانية .
هتخلص الكتاب و أنت راض ، هتطلع منه بفكرة أو بسؤال
لكل الناس اللي حابة تغير أنواع الكتب اللي بتقراها ، أنا برشحلك الكتاب ده .

[Heba El Saeid Mohammed · Rating 3 out of 5]

لذيذ , بصراحة بدايته ممكن ماتشجعكش ان انت تكمله لكن لو كملت معاه تحسه كتاب خفيف و بيداعب افكارك عن كل شئ مهما كان الطابع الشخصى فيه غالب

عباره عن مجموعه تدوينات متفرقة تماما عن بعضها , بس هاتحب قرايتها لو كانت رفيقتك فى المواصلات مثلا او و انت عاوز توقف دماغك عن التفكير فى اى حاجة

يا ريت ابقى اشوفلك حاجة تانية تكون اكثر تحديدا فى موضوعها لان اسلوبك حلو فى التعبير :)

[Mohammed Rashid · Rating 1 out of 5]

بحثت عن هذا الكتاب لأشهر في كل مكتبة وكل "ركن كتب" في كل سوبرماركت حتى تمكنت من شراءه اخيراً وصُعقت من صغر حجمة, اعجبتني بعض الصفحات الا ان الكتاب بمجمله كلام فارغ وعك! بمعنى انه بمجرد الانتهاء من الكتاب, ستعلم ايها القاريء بأنك لم تستفد اي كلمة واي معلومة او حتى لغة. العنوان مغري لكن المضمون سيء بالدرجة الاولى, وكغيره من كتب ما بعد الثورة كتاب سيء ولا أنصح بقراءته....

[Shimaa · Rating 3 out of 5]

كتاب مزاااج فعلا:)
اعمل كوبايه شاي واقعد في البلكونه
و قبل ما تخلص الشاي هيكون الكتاب خلص
كتاب خفيف ومسلي عن اعترافات الكاتب
لم يعجبني الشعر
اكثر ما اعجبني
ثلاث عشرينات
فكره الدين
اعتراف
اثر في نفسي
الجواز مش للجنس فقط
اصحاب الرسالات
مقاومة المقاومة

[Shaimaa Ali · Rating 2 out of 5]

من كتابات الشباب القصيرة كمؤلفات عمر طاهر و "رحلة شاب كشك" لعمرو سلامة .. فيه صدق وعفوية ..

[Amira Saeed · Rating 5 out of 5]

cairo Mood جدا بقى
كأنك بتتكلم مع حد فى التليفون

[Hadeer · Rating 2 out of 5]

خفيف, سهل.. أكتر حاجة عجبتني الاهداء اللي في أول صفحة !

[Mohamed Orfy · Rating 5 out of 5]

THIS BOOK IS EXTREMELY AWESOME!!

[Allouch · Rating 1 out of 5]

I didnt like it and decided not to finish it to the end ... !!