أجندة

by أحمد ثروت

أجندة يقع الديوان في 79 صفحة حجم صغير وجاء الغلاف إهداء للشاعر من المصمم أحمد طلبة وقد اختار الشاعر أن يكتب على غلاف الديوان كلمة ( محاولات شعرية ) رغم إحترافه المعروف بفرقة كاريكوي .. يعتبر الديوان تدوين لأحداث الثورة على المستوى السياسي و الإنساني من قبل قيامها و حتى الأن و من قصائد الديوان ( بحلم - كاتب لبكرة جواب - التابعين - الحصار ) فيقول في قصيدة حلم :
مبروك ولادة جيل
مبروك بقى اسمي
مبروك علينا النيل
يروي شموخ جسمي
مبروك انا فرحان
متلخبط اتكلم
بالريشة و الألوان
للظرف أنا مزين
كاتب لبكرة جواب
باعته لعنواني
واصف ف بكرة حاجات
أتمنى تلقاني

Genres: Poetry

79 pages, Paperback

First published January 1, 2012

About the author

Ahmed Tharwat aka Zap Tharwat is from Egypt, but orginally he was born in Jordan... so don't be surprised if u found him so enthusiastic about The Arabs and their reunion... he has always believed in hiphop as a way of gettin out of his problems, but he never thought that the day will come that he will be one of those rappers who maybe can change something by time... Allah, his family, friends and hiphop are his life essence... Although he is still young but he is considered between his friends as the voice of wisdom, on the other hand when he is out of his temper so u can only see the Giant deep inside , Zap started rapping not from too long ago, once he started with his first track "Obama" it was a real hit as he couldn't believe it himself coz many ppl were so amazed and facinated by his performance.. after that he continued his journey to as he made "Obama, Alb Mat, Horiaa(freedom), Ghourabaa , Hayaty Ana , Handsa" and finally his latest track "Kefaya" that strengthens his rank among the underground rappers in order to show his inner potentials... Rap isn't just few words to be said accompanied by a striking beat.. it is the tunnel that ur inner soul and thoughts r exposed to the world through it. Finally this is his last Single and first music video "Meen ANA"

Reviews

[منار هانى · Rating 3 out of 5]

[Tawfek · Rating 2 out of 5]

حسيت اني بقرأ راب و ده طبيعي لمغني راب يعني.
و تقريبًا النجمتين للقصائد اللي كانت بتتكلم عن الثورة و عن البلد

[Salma Salem · Rating 4 out of 5]

أجندة حلو فعلا.. لأني شخصيا باحب كلمات زاب أوي.. والمواضيع جميلة ومختلفة.. بس أكتر حاجة مش عاجباني انه خلص بسرعة أوي.. :) من كتر ما عجبني كنت مش عايزاه يخلص.. واخراج الكتاب من جوة ناقصه شوية فن.. مش حاساه مترتب صح يعني لو كان في نقوش او رسومات او تخطيط يملأ شكل الصفحات الفاضية.. كان هيبقى رائع أوي.. بس هو في كلا الأحوال ياخد 4:4.5 من 5

[Shady Magdy · Rating 5 out of 5]

كتاب فظييع ، و أنا أصلا بحب أحمد ثروت "زاب ثروت" جدا جدا و بجد هو إنسان موهوب جدا و عبقرى فى كتاباته

الكتاب رائع بس عيبه إنه صغييير جدا ، بصراحة أنا مالحقتش أشبع منه :)
خلص أسرع مما كنت أتخيل :) :)

[Mohamed · Rating 4 out of 5]

ملخص الكتاب في كلمتين
هايل يا "zap "

[Heba El Saeid Mohammed · Rating 2 out of 5]

شغال
مايندرجش تحت الشعر , هو اقرب للراب بكتير
كلام حلو , معظمه عن الثورة و وطنى و الباقى مواضيع مختلفة
بس ماكنش يشد الكلام قد ما ممكن يشد لو اتغنى فى وسط اغنية كراب
بس هو نجمتين حلوين اوى عليه

[✴عائشہ✴ · Rating 4 out of 5]

هي فعلا منقدرش نقول عليها غير محاولات شعرية
لاني حسيته اقرب للراب من انه يكون شعر
بس الكلمات جميله

ودي اكتر حاجات عجبتني في الاجندة ^^

واصف فانوس مكسور
من عركة امبارح
واصف ولد بيثور
ع الظلم مش سامح
واصف ودمعي يزيد
لما افتكر اكتر
واصف وفرجة قريب
بس احنا نتغير!
~~~~~~~~~~~~~~~~~~~~~~~~~~~~~~
اتمني اشوف ف بلادي
العدل شئ عادي
واتمنى أشوف حاضر
يمحي أسي الماضي
~~~~~~~~~~~~~~~~~~~~~~~~~~~~~~
أتمنى اشوف انسان
في العيشة بقي مرتاح !
~~~~~~~~~~~~~~~~~~~~~~~~~~~~~~
بصوت عالي ومن عالم تانى
فلسطين هي عنوانى
~~~~~~~~~~~~~~~~~~~~~~~~~~~~~~
كاتب لبكرة جواب
خايف ميوصلش
اصل الكلام ف بلدنا
يقطع..ميوصلش
~~~~~~~~~~~~~~~~~~~~~~~~~~~~~~
يابو كاب ودبورة
دمي عليك هاين
يمكن نكون اصحاب
يمكن متعرفنيش
لكن انا عارف
لو ناوى تعرفني
بسلاح متضربنيش!!
دة سلاح وليا أمان
مش ضرب واهانة
يا مصرنا .. ولادك؟!!
ولا انتِ بايعانا؟؟!
فجأة بقينا ابطال.. الناس تحيينا
مظاهرة والتانية..الناس تنادينا
وفجأه قلبوا علينا..لعنوا اسامينا
بتقولوا ضحكوا علينا.. انتم بقي فاهمين
ما كنتوا لسة معانا..وجنبنا نايمين
وايد في ايد شابكين..مسلم ومسيحيين
طلعنا خونه .. وعملاء
اخوان.. وايرانيين
واجندة حمرا وخضرا
وكتاب وكراستين
انزل وشوف بالعين
اسألهم انت مين؟؟
ولية هنا قاعدين؟؟
جاعنين ومش خايفين..
ع البرد ليه صابرين؟؟
اسألهم انتم مين؟؟
اسألهم انت مين؟؟
هتلاقي رد جماعي
ياعم مصريين..
والله مصريين؟؟
خايفين علي بلادنا
ع الظلم مش راضيين
ولدم كل شهيد .. فاكرين ومش ناسيين..
رجاله او ستات .. اعمارنا مختلفين
تجمعنا كلمة مصر..
وأملنا في التغيير
~~~~~~~~~~~~~~~~~~~~~~~~~~~~~~
قصيدة "قلب مات"
~~~~~~~~~~~~~~~~~~~~~~~~~~~~~~
افكار كتير حواليا
مش عارف اية اصلها
عقول كتير قابلتها
مش عارف اية وصفها
~~~~~~~~~~~~~~~~~~~~~~~~~~~~~~
قصيدة "المعجزة"
~~~~~~~~~~~~~~~~~~~~~~~~~~~~~~
قصيدة "واحشني الشهر وايامه"

:)

[Mohamed Khaled · Rating 1 out of 5]

أسوأ شئ ممكن تعمله لكلمات راب أو هيب هوب انك تطبعها
قرائتها غير مجدية بالمرة مع انك لما تسمعها تلاقيها كويسة

يا تتغنى يا تنساها

[Omar_elbadry4 · Rating 4 out of 5]

كفاية ان زاب هوا اللى كاتبه
انا اعشق زاب ثروت

[Ahmed Ibrahim · Rating 4 out of 5]

طيب .. هنتكلم بالعامى

فى ناس لو ذكرت قدمها إسم زاب ثروت هتبدأ فوراً تنتقده - وأنا منهم - وده بسبب كتابه حبيبتى اللى مش معروفله ملامح ولا يرقى أن يصنف من الأدب
لكن الكلام هنا يختلف .. كتير
من الأخر .. ده أفضل ديوان عامى قرأته لكاتب شاب من غير تحيز
أنا فعلاً بيعجبنى زاب كرابر وأغلب الديوان سمعت تراكاته .. لكن لما أقول إن القصائد قوية وأرقى بكتير من شعراء عامية كتير حالياً .. فصدقنى أنا غير متحيز

الديوان فيه 14 قصيدة .. مفيش حاجة معجبتنيش فيه .. ممكن فى قصائد شفتها عادية .. لكن أغلبه عجبنى جداً

مع العلم إن الديوان ده من 2012 .. وأغلب القصائد مكتوبة قبل الثورة

_________

أتمنى اشوف فـ بلادى
العدل شىء عادى
واتمنى اشوف حاضر
يمحى أسى الماضى
_________

لما انهزامك ينهزم تقدر تقول أنا انتصرت
ولما انتصارك يتسرق تقدر تقول أنا اتقهرت
قهرنى ظلمه اللى افترى .. قهرني بيع المسألة
قهرنى إن عيون ولادك عن الحقيقة مقفلة

[أحمد الباب · Rating 3 out of 5]

ديوان صغير جداااا , قريته وأنا واقف عند الراجل بتاع الجرايد
:))

[Ahmed Ibrahim · Rating 5 out of 5]

كنت سمعت زاب فى حفلات وفاغانى مع كايروكى بس لما قريتله اجندة عجبنى جدا متنوع اوى وكلمه تقدر تفتكره بسهوله وتردده ويمسك اوى من جواك

من الاخر بيقول اللى انت مبتعرفش تطلعه من جواك

[Yara · Rating 2 out of 5]

انا عمتا بدي اي عمل من قبل ما افتحه نجمة
العمل معجبنش وكأنه متكروت وصغير وتافه جدا
النجمة التانية علي محاولات شعرية احترمتها
غير كده مفيش حاجه لمستني غير قلب ساكت

[محمد شعبان · Rating 3 out of 5]

أنا شخصيا بحب دواوين العامية تكون صغيرة الحجم كي تكون وجبة خفيفة في القراءة منشطة للعقل والخيال وهذا ما يتوافر في هذا الديوان المصغر وإن كانت كلمات الراب أو الهيب هو من الصعب قرائتها كشعر ولكن هذا يحدث بسبب الانطباع الأول ولكن لو قرأت الكتاب دون ان تعرف أنها في الاصل أغاني فلن تشك للحظة أنها أغاني هيب هوب

كتاب لطيف والمؤلف موهوب لا شك والديوان يصلح جدا كفاصل بين القراءات الثقيلة

[Wissam Reda · Rating 5 out of 5]

الديوان ده للناس الي بتحب زاب ثروت وعايزين نسخه ملموسه من اغانيه وكلمات اغانيه القويه جدا في رأيي اولا وثانيا للناس الي مش بتحب الراب او الهيب هوب لكن بتعجب بكلمات الاغاني الي فيها
كلمات اغاني زاب كلمات قويه بتحمس الواحد دايما وبتديلو دفعه ... شبيها بالتنميه البشريه مثلا
اظن مفبش حد مش هيعجبو كلمات اغانيه بغض النظر عن حبه لفن الراب والهيب هوب
انا قريت كل كتب زاب
ده في رأيي افضلهم.

[Nouran Gamal · Rating 4 out of 5]

كلام بسيط استحالة ميتحسش .. عشناه وبنعيشه ولازم هيلمسنا .. كلام شباب غيروا التاريخ شافوا اللي ميتشفش ويهد جبال وبرده واقفين صامدين مكملين وانشاءالله منتصرين

أكتر حاجة معجبتنيش إن الكتاب خلص بدري :)

[Nada Hesham · Rating 5 out of 5]

لمسني وأكيد لمس ناس كتير من محبينه .. طريقتة تحفة في التعبير عن إللي حسه
وبتوصل إللي حسه فعلا وبتخلي القارئ قادر يتخيله وكمان بيتأثر بيه جدا
يعني ممكن حد فعلا يغير حاجة في نفسه لما يلاقي الكلام داخل قلبه مش مجرد حالة وبيكتب عنها الكاتب

[Muhammed Moner · Rating 1 out of 5]

ماهو يا الكلمات دي يا تتغني يا بلاش ، أنما تتطبع في كتاب ورقى ، لأ مايصحش ، ماينفعش إنك تجيب كلمات هيب هوب وراب وتكتبها ف كتاب معتمد على أسمك كمغني مشهور عشان تعمل مبيعات ، حركة غبية من دار دون ومن زاب ثروت

[Noha · Rating 1 out of 5]

فعلا الامر لم يزد عن كونه "محاولات" شعرية..أعتقد هى أقرب للتلحين و الغناء اكثر منها كلمات "بطولها"اتمنى التجربة التانية تكون افضل ان شاء الله.. نجمة و نصف

[Khaled Hussein · Rating 3 out of 5]

شغاااااال

[Mohamed Essam · Rating 3 out of 5]

ديوان جميل :)

[Mahmoud]

بجد زاب ثروت انسان رائع ويستحق كل تقدير انسان موهوب ونا بعشق اغنية وبحب شخصيتة جدا لانة انسان متواضع وفنان بجد

[Eman Mourad · Rating 3 out of 5]

كتاب خفيف وكلماته بسيطة جدا :) عبارة عن مجموعة من الخواطر الشعرية المختلفة لزاب وهي فعلا زي ما سماها أجندة :)

[المكتبة لبيع الكتب · Rating 5 out of 5]

دلوقتي تقدر تحصل علي نسختك من الكتاب من صفحة ( المكتبة لبيع الكتب) و التوصيل لجميع المحافظات
http://www.facebook.com/Almaktaba4sell

[Dr-ahmed Gabal]

very good

[Yousef Mostafa · Rating 4 out of 5]

الكتاب حلو بس فيه حاجات كانت مش عجباني فيه بس مش اوي يعني
عيبه كمان انه صغير خلصته وانا في المترو :D ..

[Dalia · Rating 3 out of 5]

أنا بحب زال ثروت و باعشق كل كلماته ف أغانيه
بس بعيدا عن ده لو هانقيم الديوان كشعر حوالي نصف الكتاب او اكتر ضعيف ف الوزن و القافيه
زاب ليه اغانى و كلمات أقوى من المستوي ده بكتير

[Beshoo · Rating 3 out of 5]

الكتاب لذيذ بس لما تسمعة راب بيكون حلو خالص .. اصعب حاجة ممكن تعملها لما تحاول تقرا كلام راب على اساس ان هو شعر بس

[Omar El sherbiiny]

greaT

[فاطمه الصباحي · Rating 4 out of 5]

كتاب خفيف جداً... تقراه في عشر دقايق، بس جميل.
لو سبق و سمعت أحد أغاني zap tharwat هتحس و إنت بتقراه إنك سامع الكلام كأغنية في ودانك.
قرأته بصوت عالي كأني هغنّي الكلام