Þar sem vegurinn endar

by Hrafn Jökulsson

Ungur að árum fór Hrafn Jökulsson í sveit norður í Árneshreppi á Ströndum. Síðan hefur hann víða farið og margt reynt, en aldrei gleymt sveitinni sinni og fólkinu þar. Þessi bók er í senn minningar, ævisaga, þjóðlegur fróðleikur og þættir af einkennilegum mönnum en umfram allt hugleiðingar um lífið og dýpstu rök tilverunnar. „Þar sem vegurinn endar“ er bókmenntaviðburður, einstæð frásögn sem er í senn leiftrandi skemmtileg og þrungin tilfinningu.

142 pages, Hardcover

First published January 1, 2007

Reviews

[Holmahaff · Rating 4 out of 5]

Hlustaði á hana þegar ég keyrði frá Ströndum, sem gerði bókina ennþá skemmtilegri því ég var nýbúin að sjá alla staðina sem hann lýsti. Skemmtilegt hvernig höfundur fléttar sögum Árneshreppi við sögu sína. Myndi gefa svona 3 og hálfa.

[Eiríkur Ágúst · Rating 5 out of 5]

Frábær bók og ekki spillir lestur Hrafns sjálfs.

[Guðjón Bragason · Rating 5 out of 5]

Ég endurnýjaði kynni mín af þessari frábæru bók, í þetta sinn við upplestur höfundar. Megi minning hans lifa.

[Agnes Ósk · Rating 5 out of 5]

Yndislestur. Stutt en skilur mikið eftir sig.

[Kristín · Rating 4 out of 5]

Þetta er falleg lítil bók um Strandir þótt fókusinn sé á Stóru-Ávík. Ég fór að lesa þessa bók degi áður en ég lagði af stað í ferð á Strandir og þótt bókin væri stutt sóttist mér verkið hægt því dagarnir voru undirlagðir göngum og skoðanaferðum og oftast var orkan orðin lítil þegar ég skreið í svefnpokann. Það var hins vegar mjög við hæfi að lesa í henni í einmitt þessari ferð og klára hana þegar ég kom heim því ég var farin að kannast við öll þessi bæjarnöfn og átti því auðveldara með að sjá allt fyrir mér. Þarna er tæpt á ýmsu í sögu Árneshrepps auk þess sem við fáum smá innsýn í líf borgarbarns í sveit og hvernig sveitardvölin tengdi Hrafn við þennan stað til framtíðar, enda sáum við honum breðga fyrir tvisvar í ferðinni. Það var mjög við hæfi.

[Jonella Sigurjónsdóttir · Rating 4 out of 5]

Næmni og hlýja einkenna þessa fallega skrifuðu bók. Oft tekst Hrafni að segja frá erfiðri reynslu, þroskastökki, stórum sigrum eða flóknum ættatengslum í örfáum orðum og gerir það afar vel. Algjör yndislestur.

[Frimann Gudmundsson · Rating 3 out of 5]

Það eru einstakir karakterar á Ströndum. Það eru (voru) 79 sveitarfélög á Íslandi, 78 þeirra eru fjölmennari en Árneshreppur. Við fáum að heyra frá þeim. Endurminningar. Stundum ómarkvisst, stundum óreiða, er það kannski bara eðli Hrafns?

[Ásta Sólveig · Rating 5 out of 5]

Ekki margar bækur frá 5 stjörnur hjá mér, en þessi á svo sannarlega heima í þeim hópi. Dásamleg lesning sem ég mæli hiklaust með.

[Elin Henriksen · Rating 5 out of 5]

Dásamleg í einstaklega skemmtilegum upplestri Hrafns Jökulssonar.

[Sigríður Hjördís · Rating 5 out of 5]

Heillandi frásögn þar sem Árneshreppur á Ströndum og íbúar hreppsins í fortíð og samtíð höfundar skapa áhugaverða heild. Lestur höfundar eikur á dýpt frásagnarinnar.

[Ágúst Halldórsson · Rating 5 out of 5]

Eins og að lesa listaverk.

[Sigurður Ármann · Rating 4 out of 5]

Þessi kom á óvart. Skemmtileg, kaótísk með allskonar pælingum.

[Ásta Melitta · Rating 4 out of 5]

Hrafn var í sveit sem barn á Stóru-Ávík í Árneshreppi á Ströndum. Hann segir frá dvöl sinni þar, fólkinu í sveitinni og frá atburðum sem gerst hafa á svæðinu fyrr á öldum. Áhugaverð frásögn og gaman að lesa fyrir heimsókn á svæðið, eins og ég gerði.

[Magnús · Rating 4 out of 5]

Eftir að hafa lesið meistaraverkið Lifandilífslæk eftir Bergsvein Birgisson þá var ekki annað í boði en að lesa þessa fínu bók aftur, en ég las hana á sínum tíma eftir að hún kom út fyrst. Sögusvið beggja bóka er að mestu á Ströndum. Báðar kveikja í manni löngun að fara þangað. Hið eina sem ég saknaði við þessa bók Þar sem vegurinn endar er að mér hefði fundist að það hefðu mátt vera ljósmyndir í henni.

[Ragnheiður Magnúsdóttir · Rating 5 out of 5]

Virkilega góð bók, langar að lesa hana aftur

[Thorunn · Rating 3 out of 5]

Hann kann alveg að skrifa og þetta er mjög skemmtilegt aflestrar, en kannski ekki um neitt sérstaklega mikið eða merkilegt. En gaman að lesa til að undirbúa Strandaferð.