مرسال لحبيبتي

by أشرف توفيق

قصائد شعر عامية

Genres: Poetry

124 pages, Paperback

First published January 1, 2011

About the author

كاتب ساخر وصحفي وشاعر عامية
صدر له :
" مرسال لحبيبتي " ديوان شعر
"مبسوطة يا مصر " كتاب ساخر
" لعل وعسى " كتاب ساخر

Reviews

[منار هانى]

عجبنى اسلوب واحساس اشرف توفيق :)
















http://manar-ahmed-hany.tumblr.com/ta...

بعض الاقتباسات من الكتاب

[hadir mohammad]

استحمِلي
..فاضِل مَفِيش
..وعشان نعيش
..لازم يصبّرنا الأمل
..وماتسأليش إيه اللي ممكن يتعمل
!!دا البدر عايش في السما بْيصبُر لحدّ ما يكتمَل الحلم قرَّب.. قرَّبي
مدِّي إيديكي وْجرَّبي ..

وماتِيْئَسِيشْ مِ الحبّ..
لمّا بيتولد ويعيش عفيف ..
واطَّمِّني.. أنا مش ضعيف
..ومانيش جبان
..لكن بابان طيِّب قوي
..وباحبّ اكون ابسط من الناس كلها
..لكنْ فى نفسى باكون قَوِى
لا الدنيا تكسر قلبي يوم
..ولا حدّ فيها يهزِّني
..طبع السنابل يا حبيبتي يشدِّني
لو فاضيه… ترفع راسها فوق
!!لو فيها حَبّ… بتِنحِني
..استحمِلى
<3

[سارة درويش]

تحفة تحفة تحفة
انا أصلاً بعشق شعر أشرف توفيق والديوان دا كله درر بجد ومش غريبة عليه لأنه بجد بيتعب أوي على شغله

[ياسمين Thabet]

وكفى :)

[Omnia Helmy]

رغبة في استرجاع ذكريات مرحلة عمرية قديمة جعلتني أعيد قراءة هذا الديوان، انبهاري به أختلف ولكن يظل ديوان دافئ يحمل الكثير من الذكريات وبين صفحاته كلمات أغنيتي المفضلة (مرسال لحبيبتي).
سعيدة بإعادة القراءة واسترجاع الكثير من الذكريات المنسية بسبب هذا الديوان.

[Rana Adel]

مِن يوم ما قلبك نَدَه
وأنا قلبى بيعَاكسُه
دايب فى حبُّه انما
دايما يكون عَكسُه
مش هاوصفِك بالقمر
أصل انتو مختلفين.
نورِك طبيعى
انمّا نور القمر.
عَاكسُه

بعد ما كنت فقدت الأمل إني ألاقيه .. أخيراً نزلت الطبعة التانية من الديوان
مع إني مش بحب الشعر العامي -إلا لو كان ساخر- بس الديوان ده له طعم تاني . وكفاية أساساً قصيدة "مرسال لـ حبيبتي". لو كانت لوحدها فى الديوان لكانت كفاية

الديوان فيه حوالي 13 قصيدة كلهم رومانسي أجملهم في رأيي :
حقى و حقك ,ناقص دبدوب ,لوحة و طبعا مرسال لحبيبتي

دي تجربتى التانية مع أشرف توفيق بعد كتابه الساخر "مبسوطة يا مصر" اللى كان واضح فيه جدا شخصيته الكوميدية بعكس الديوان ده اللى كانت فيه الرومانسية هى المسيطرة

[إبراهيم عادل]

لهذا الديوان وصاحبه عندي مكانة خاصة ..
منذ تعرَّفت على شعره السهل الممتنع الجميل من خلال مدونته يوم كان (أخف دم) .. ا
ولعل هذا التعبير هو أكثر مات ينطبق على أشرف توفيق في كتابته وحياته ..
وإن كان الأمر خاصًا بالنسبة لي بالشعر وليس بالكتابات الأخرى ..
..
حبيت قوي حالة (أقول لك شعر) .. ا
وناقص دبدبوب
وطبعًا مرسال لحبيبتي :)
...
هنا مدونة أشرف فيها كلامه وشعره
http://akhafdamm.blogspot.com/

[محمد مصباح]

قرأت الديوان مرتين .. لمسني جدا .. مملتش من القصايد رغم طولها
برغم ان الديوان كله رومانسي ودي مخاطرة كبيرة بس عرفت تنوع ف الافكار وطريقة العرض والمفردات ..
شاعر جميل جدااا .. تحيااتي

[احمد الزكى]

.وقَلْبِكْ لَوْ بِقَلْبِي حسّ

أَوْ شَافْ حَالُه فِي بْعَادِكْ
!لَصَلَّى لْرَبُّه واسْتَغْفَرْ لِذَنْبُه...وْصَامْ
ــــــــــــــــــــــــــــ
كفاية انى بحبك موت
و حب الناس ندامة و عار
و عكسهم
حبى لك عفة
ــــــــــــــــــــــــــــــ
وحَتَّى لَوْ فَارِقْتِينِي
..هَاحِبِّكْ فِي الْفُرَاقْ بَرْضُهْ
هَوَاكِي فْ قَلْبِي لَوْ شُفْتِيهْ
..نَوَافْلُه وْسُنِّتُه وْفَرْضُهْ
وحُبِّكْ أَرْضُه
لَوْ تِنْسِيهْ... هَيِنْسَى ازّايْ حَنِينْ أَرْضُهْ؟
ــــــــــــــــــــــــــ
كانك يا اشرف يا توفيق بتوجه لى لطمة على خدى
و بتقولى يا فاشل
شوف الشعر بيعرف يتكلم ازاى
كان نفسى :(

[Hussien Mohamed]

اقع فى عينيكى واتوضا
واصلى ركعتين لله
وابوس نن العينين وامشى..
لا انا طماع ولا فى طبعى الانانية
باحبك وانتى انا طبعا
مرسال

[Eslam Elsayed]

رااااااااااااااااااااااااااااائع جدا جدا جداااا :))))

اول مره أقرأ لأشرف توفيق ..

الافكار والاسلوب وكل حاجه جميييييله جداا :))

[zahraa esmaile]

#ماوراء_العالم
#مرسال_لحبيبتي
أول كتب العام الجديد
واللي كان قدراً كتاب صوتي
سمعته بإلقاء الشاعر نفسه
ف كانت حوالي 30 دقيقة من المتعة الخالصة
حبيت الديوان...والإلقاء
أول ثلاث نجوم لديوان شعر لطيف جدا
من الديوان
وهَاكْتُبْ لِيهْ حُرُوفْ إِسْمِكْ؟
مَا هُو انْتِي فْ قَلْبِي سَاكْنَه الْقَلْب
عَارْفَه بْقِصِّتِي وْحَالِي
ومِينْ غِيرِكْ فِي قَلْبِي اكْتُبْ لُه مِرْسَالِي؟
..و...... أَمَّا بَعْد
مَانِيشْ عَارِفْ جَوَابِي دَا جَوَابِي الكَّامْ
مَا عُدتِشْ بَاحْسِب الصّفْحَاتْ
مَا عُدتِشْ بَاحْسِب الاّقْلاَمْ
مَا عُدتِشْ بَاحْسِب اللّي ضَاعْ مِن الأَحْلاَمْ
..كِفَايَه انِّي بَاحِبِّكْ بس
..وقَلْبِكْ لَوْ بِقَلْبِي حسّ
انتهى الريفيو
#قراءات_2021
#الكتاب_رقم_1
#ديوان_شعر
#كتب_صوتية

[Moustafa Mounir]

"ليه عملتي القلب راهب... وإنتي مش قد العبادة " ... الديوان ده عاجبني جدا فيه كذا نقطة هشرحها في السريع كدة:
- انا وقع تحت إيدي الطبعة الرابعة و الكاتب قايل في المقدمة ان ديه الطبعة الرابعة من الديوان اللي إتنشر من ٦ سنين و انه ساعتها كان كاتبه من ١٠ سنين ايام ما كان في الجامعة! وانه مصلحش و لا عدل اي حاجة تماما في الكلام .
- نتيجة لرقم واحد طلع ديوان عالي جدا أعلى بكتير من حاجات موجودة دلوقتي! و على فكرة قصايد زي "لو سمحتي / لا يابنتي" ممكن يتعملوا أغاني برضه !
- الديوان من الأخر مزج رومانسي رائع لفترة من زمان و كمان واضح جدا قد إيه أشرف كان واقع لشوشته :D ال٥ نجوم مستحقة طبعا ... كفاية إن مرسال لحبيبتي طالعة منه :-)

[Mohamed]

استحمِلي
..فاضِل مَفِيش
..وعشان نعيش
..لازم يصبّرنا الأمل
..وماتسأليش إيه اللي ممكن يتعمل
!!دا البدر عايش في السما بْيصبُر لحدّ ما يكتمَل الحلم قرَّب.. قرَّبي
مدِّي إيديكي وْجرَّبي ..

و رجعنا نقره شعر تاني

[محمد عزيز]

قلوب كتيره .. بحبكو كلكو .. هاني شاكر ستايل

[Rehab saleh Flower Violet]

للديوان وصاحب الديوان محبة كبيرة في قلبي
صداقة ممتدة لسنوات كتيرة
ودايما قصيدة مرسالة لحبيبتي وناقص دبدوب ف كلامنا مع الاصحاب
سعيدة جدا اني اخيرا الديوان معايا
واني قابلت اشرف صدفة في معرض الكتاب ووقع لي ع لديوان واتكلمنا واتصورنا وقضينا وقت لطيف مع الاصدقاء
يارب دايما مبدع يا صديقي

[Bakhomious Moez]

لغة الشعر كويسة بس للاسف مُحن زيادة عن اللزوم... معادا قصيدة مرسال لحبيبتي اللي هي افضل واحدة فيهم

[DỘn Mando]

تحفة .. تتحفة .. تحفة
ديوان عبقري بمعنى الكلمة مفعم بالاحساسيس و المشاعر الصادقة القوية
ديوان قدر انه يخليني ادمع بجد و اتأثر اوي بكل الكلام اللي فيه
كلام واقعي و بسيط و قريب من القلب و يدخل القلب بسرعة و بسهولة
مرسال لحبيبتي لما سمعتها لمسار اجباري مكنتش اعرف مين اللي كاتبها
و كنت بقول مين العبقري اللى كتبها لحد بالصدفة لما شفت الكتاب
و قابلت اشرف توفيق و وقعلي على نسختي من المرسال
اكتر القصايد اللي عجبتني ( مرسال لحبيبتي , استحملي , لو سمحتي , ناقص دبدوب )
و كل القصايد فعلا كانت مبهرة .. اتمنى اقراله ديوان تاني شعر عامية.

[Amr M.]

بعرف إن اللي بقرأه شعر كويس لما بلاقي نفسي ببتسم وأنا بقرأ .. والابتسامة مافارقتش وشي طول الديوان تقريباً :)
المدهش في الموضوع إن الكاتب صدّر ديوانه بمقدّمة إنه كتب الكلام دا من 10 سنين أيام ما كان في الجامعة .. ودا كان باين فعلاً في بعض الأجزاء :)

من أكثر الجمل الشعرية اللي علّقت معايا :
وبرضو بشتاق لك زيادة ..
ليه عملتي القلب راهب ..
وانتي مش قد العبادة ؟!

جملة ماعتقدش إنها هتروح من دماغي للأبد ..

كان في ملاحظات تانية بس للأسف مش فاكرها لأن الديوان مش جنبي دلوقتي .. بس الخلاصة يعني إني " فرحان " إني جبت الكتاب دا ! :)

[رنا]

على اعتبار انها تجربة شبابية فهي جميلة
أقوى قصيدتين الأولى "اقول لك شعر" و الأخيرة "مرسال لحبيبتي" و مبقتش عارفة هل مرسال عجباني لشهرتها وانها كأغنية قوية ولا أنا فعلا معجبة بيها، بس دا بيحصلي لما يكون فيه شعر سمعته الاول كأغنية فمببقاش عارفة انا بحبها ليه

بس في القصيدتين الملحوظ إنهم قصص وفيه حكاية وحركة فيهم كانوا أقوى بالنسبة لي م البقية و اتبسطت اوي من "اقول لك شعر" جميلة اوي

انا مبسوطة ان معايا نسخة من الديوان، شكرًا للصديق اللي اديهالي :)

[Eman Abdelhamid Kamal]

3 نجوم وثلاثة ارباع النجمة :D
زى ما كل مرة اكتب ريفيو عن شعر اقول انا لا افقه شئ فى الشعر فنيا وادبيا
انا بس باقيم باللى وص عقلى وقلبى
الديوان جميل , عاميته سهلة ودارجة ورغم كده تحسها جديدة
فى عفوية وبراءة وصدق التجربة الاولى
السر فى الكلام العادى بس اللى بيلمس مكان جديد جواك
فيه عدد من الصور والتشبيهات العبقرية
وبيختم الديوان بجرعة عظيمة من الابداع والتفرد والجمال والجنان والصدق والمعنى فى "مرسال لحبيبتى"

[حسام خليل]

بحِبِّكْ... حَتَّى لَوْ بِاب الْقُبُول اتْسَدّ
وهَاتْخَيِّلْ صَدَى صُوتِي بِيَاخُدْ كِلْمِتِي وْيِرْجَعْ مَعَاه الرَّدّ
:ولَوْ قُلْتِي لِي مِيتْ مَرَّهْ
.."أَنَا عُمْرِي مَا حَبِّيتْ حَدّ"
هَازيد الْكِلْمَه مِيتْ مَرَّهْ
دِي نُقْطِةْ مَيَّه مِ الْمَطَرَهْ إِذَا فَاضِتْ
..تِهِدّ السَّدّ
وحَتَّى لَوْ فَارِقْتِينِي
..هَاحِبِّكْ فِي الْفُرَاقْ بَرْضُهْ

"أجمل شعر قريته في آخر سنة"

[Yasmin]

و الحال كدة دايما باستمرار
العاشق قلبه تملي في نار
و المجروح قايده في قلبه النار
و مرار في مرار
مثلا انا لو حبيت
مثلا و بعيد الشر
راح اولع م التفكير بالليل
و طبيعي الصبح هاموت من الحر
بخلاف الناس و كلام القر

<3

[Ahmad Abdel Hamid]

أشرف توفيق شاعر عبقرى والديوان كله جميل جدا جدا ويستحق 5 نجوم بجدارة

[Ahmed Assem]

ببساطة من افضل ما قرأت في حياتي :
اختلاف*****
لا يا بنتي ******************
لو سمحتي *****
ناقص دبدوب ******************
مرسال لحبيبتي *******************

[Mazen]

ديوان جيد إلي حداً ما .. في المقدمة يكتب الشاعر أن هذا الديوان كُتب منذ عشر سنوات، وينشره بدون تعديلات .. مرسال لحبيبتي القصيدة الأجمل في الديوان

[Mohammed Hassan]

الكتاب دة لووووووووووووز شكلى هقرأ كتير فى العامية بعد كدا هاااااااااااااااااح =D

[EmEm]

له مكانة خاصة بقلبى :)
لا أرضى له بأقل من مائة نجمة

[Ahmad El-Saeed]

سؤال قلتُه بْمَلل ليها وانا مُخنوق
وصاحبي ويّا صاحبتها قُريّبْ منّنا قاعدين
..في رحلة شوق
..عينيه في عْـنيها مش داريين بكلّ الناس
..عيونهم مليانين إحساس
وحتى الرّمش مابيرمشّ
خايف لو تضيع نظره
ونظرتهم تساوي كتير
...ماهيش نظرة عيون وخلاص
..ْعيونُه مركبْ اتطوَّح في بحر عْـنيها بيعافـِر
..وحالف إنه راح يوصل.. ولو طول الحياه سافـِرْ
..وبحر عْـنيها -من حظي- مالوش مَرْسَى
..مالوش آخِرْ
..واقرَّب منها تتّاخِرْ
!!!ومش عارف أنا اعمل إيه
دا انا بالصُّدفه جايْ ويّاه.. وهيّه معاها بالصُّدفه
وانا واقف وكات واقفه
ولاجل الرَّحمه والرأفه
..قعدت معاها نتكلم
..ومِ الأوّل وهيّه عن الكلام صامت.. ما بتردّش
..حاولت اقنعها إن الفيلم مش صامِت.. ما بتردّش
!وإيه الحلّ في اللي انا فيه؟

"بَاحِبِّكْ
وانْتِي انَا طَبْعاً
ومَا اسْمَحْشِي لِحَدّ يْكُونْ شِرِيكْ فِيَّهْ
وقَبْل مَا يِخْلَص الْمِرْسَالْ
:بَاعِتْ لِكْ مِنْ عِينَيَّه سُؤَالْ
وهُوَّ الْحُبّ كَانْ عِيبَهْ؟
ولَوْ مَرَّهْ حِلِمْت بْضِحْكِتِكْ فِي النُّومْ
عَلَيَّهْ تِتْحَسَبْ غِيبَهْ؟
وفِي الآَخِرْ
بَاعِتْ لِكْ وَيَّا مِرْسَالِي الْجِدِيدْ أَحْلاَمْ
بَلاَشْ تِرْمِيهَا كَالْعَادَه مِنَ اعْلَى الْبُرْجْ
وِخَايِفْ يِبْقَى مِرْسَالِي نِهَايْتُهْ زَيّ أَجْدَادُهْ
!فِي قَلْب الدُّرْجْ
جَنَايِنْ قَلْبِي رَاحْ تِفْضَلْ ولَوْ طَال الْبِعَادْ فَاتْحَهْ
بَاحِبـِّــكْ
قُلْتهَا بِالْكَسْرَهْ
!!!نِفْسِي اسْمَعْهَا بِالْفَتْحَهْ”

الديوان من أفضل الدواوين على الاطلاق، الكلمات، التصاوير، الاسلوب.. حقيقي من أفضل دواوين الشعر المعاصر.

[Saud Altamimi]

كتاب حلو، و إلقاء الأستاذ أشرف جميل جدا على تطبيق كتاب صوتي