Штамата на Енхалон

by Ненад Јолдески

„Најинтересното кај Јолдески е што во неговите раскази совршено се преплетуваат традиционалното и, би рекле дури, хипермодерното. Мекиот, речиси „битов“ реализам се вкрстува со некои мошне современи „постмодерни“ книжевни постапки (интересни се, на пример, реферирањата на важните претходници: Крсте Чачански, Ристо Крле, Константин Миладинов, Чехов...)

Расказите најчесто се минималистички сведени. Авторот ја поседува дарбата текстот да го прочисти од сето она што би го оптоварувало, па затоа не се соочуваме со претерувања и застранувања од она што е главен тек на приказната. Иако некои од расказите на прв поглед делуваат адегдотално, функционалноста на раскажување и хуморот ги ослободуваат од можната баналност. Јолдески има одлично чувство за заокруженост и целовитост на приказната, без разлика на нејзината должина или тема.

Ненад Јолдески е автор кој сосема опуштено, би можеле да речеме во кроки манир, ни ја скицира реалноста што нè опкружува, при што во неговите раскази поминуваат многубројни необични, гротескни, но истовремено и за нашиот контекст препознатливи ликови. Сите тие се портретирани во стилот на добродушен хуморист кој се насмевнува на човечките слабости и откачености со хумана и емпатична насмевка.

На ниво на јазикот, исто така, дијалектот, сленгот и литературниот македонски се ставени во мошне суптилни созвучја. При сета таа стилска слоевитост крајниот резултат не изгледа вештачки и исфорсирано туку совршено складно: книжевните алузии се ставени во функција на непретенциозните и мошне духовити драмски ситуации од секојдневниот живот, што придонесува питките раскази (без ронка баналност!, што е ретка вештина) на Јолдески да течат со леснотија и да се читаат со пријатна топлина околу срцето.“

First published December 25, 2009

About the author

Ненад Јолдески е роден во 1986 година во Струга, Македонија. Автор е на книгата „Штамата на Енхалон“, збирка раскази напишани на струшки дијалект и социолект, за која ја освои наградата „Новите“ за најдобро дебитантско дело на конкурсот распишан издавачката куќа „Темплум“ во 2009 година.

Во 2012 Јолдески ја издаде својата втора книга – збирка раскази со наслов „Секој со своето езеро“ за која во 2016 година ја доби „Наградата за литература на Европска Унија“.

Во 2018 го објави својот прв кус роман „Пливање спротиводно“.

Уредник е на збирката раскази „Николај (фикција. вода. вистина)“ која содржи шест раскази од шест македонски автори, инспирирани од животот на руските емигранти доктор Никола Незлобински и неговата жена Софија Незлобинска.

За потребите на уметничката група „Везденски“ од која и самиот беше дел – Јолдески адаптирал неколку сценарија за различни аматерски театарски претстави.

--------------------
Two stories from the book -
http://www.wordswithoutborders.org/ar...

Nenad Joldeski was born in 1986 in Struga, Macedonia. In 2010 he graduated at the state faculty of Economy in Skopje. In 2013 he received master degree in comparative literature on the subject “Intertextual irony in the modern and post-modern short stories.” He is a writer and author of two collections of short stories. His debut book “The silence of Enhalon“ that was written in Macedonian dialect and slang was awarded with the price “Novite“ by the publishing house “Templum“ in 2009. His second book, “Each with their own lake” is published by the same publishing house in 2012. In 2016 the book was awarded with the „European Union Prize for Literature” He is also an editor of collection of short stories dedicated to the Russian emigrant d-r Nikola Nezlobinski titled “Nikolaj (Fiction. Water. Truth.)”

For the purposes of the art group Wezdensky – which he was part of – he adapted several screenplays for different amateur theatrical play.

His stories are translated into several languages in different magazines, journals and online portals for literature and arts.