رمضانك سمارت

by هبة أنور

رمضان فرصة ذهبية .. هدية ربانية لنا.. إن استطعنا استثماره بشكل صحيح .. يصبح وقودًا للسنة كلها.. وقودًا صحيًّا داعمًا لصحتنا الجسدية والنفسية وقوة مناعتنا. إن استطعنا أن نتحلَّى بالحكمة والاعتدال في مأكلنا ومشربنا.. فالله وعدنا الخير من الصيام.. وكي ندرك هذا الخير فعلينا الاجتهاد والسعي بيقين.. فبعد مئات السنين من فرض الصيام. أثبت العلم فاعليته في الاستشفاء من الأمراض وتهدئة الالتهابات وتوازن الهرمونات وضبط سكر الدم والقضاء على مقاومة الأنسولين.. هذا إن صُمنا بذكاء.

سنتطرق لأكثر التحديات شيوعًا مع الصيام من اضطرابات في الجهاز الهضمي.. عطش.. نهم.. وضعف تركيز..

سنحدد الخطوط العريضة التي ستدعمك في تحسين حالتك الصحية والمزاجية.. أرجو أن يكون كتابًا ملهمًا ومحفزًا على التغيير لكل من يقرؤه.
أنصحك أن تضع عدسة المكتشف.. وتنحي الأفكار المسبقة جانبًا.. فربما تكتشف الجديد وتستطيع أن ترى ما لم تنتبه إليه من قبل."

115 pages, Unknown Binding

Published January 1, 2022

Reviews

[Marramero Mo · Rating 4 out of 5]

*كتاب حلو ومفيد وجديد،صحيح المعلومات اللي فيه مش كلها جديدة، وحاجات كتير كنت عارفاها من زمان وممكن تكون بديهية شوية، لكن بالنسبة لحد مبتدئ في قراءة اي كتاب عن التغذية والتعرف على أ ب تغذية هيكون مفيد اوي ليهم،لكن هو في معلومات بردو حلوة ومهمة.
*فكرة انه يكون بيتكلم عن التغذية في رمضان بالذات دي فكرة جديدة خصوصاً ان فعلاً معظم الناس بتتعامل مع شهر رمضان انه شهر للأكل بس للأسف او على أقل تقدير بتهتم بالأكل فيه أكثر من أي شهر ثاني بحجة الصيام، فالكاتبة بتشرح بالتفصيل أضرار ومشاكل العادات السيئة في الأكل دي وازاي ممكن نصلح او نغير العادات دي ونكون أكثر صحة؟ ونتعامل ازاي مع الشهر الكريم ده؟ وازاي يكون عندنا وعي بالتغذية الصحية والسليمةمن غير حرمان او جوع؟.
*الكتاب كمان في نماذج لحالات - حتى لو كانت غير حقيقية- لكن بتشرح عليهم نماذج وانماط من الناس في رمضان وعاداتهم الخاطئة اللي ممكن تكون سبب في أمراض كتير وكسل وخمول وغيره في رمضان اللي المفروض يكون شهر للعبادة فقط اكثر من اي شيء اخر.
*الكاتبة بتشرح حاجات معينة ومعلومات من باب تجربتها الشخصية وتجارب ناس تانية واللي فهمته في اخر الكتاب انها تقريباً كانت عاملة كورس بنفس الاسم ولما حقق نجاح عملت منه كتاب.
*معلومات الكتاب صحيحة وانا اتأكدت من ده من اكثر من مصدر واصلا معظم المعلومات بالنسبالي كانت معروفة من قبل بس ده ميمنعش انها مهمة ومفيدة.
*اللذيذ في الكتاب انها بتقدم حلول مش بتقدم معلومات بس، أو بتعرض نماذج لمشاكل بس، لا بتقدم حلول عملية لأي حد لسه بيواجه صعوبة في انه يبدأ في الحياة الصحية وان قد ايه شهر رمضان الكريم ممكن يبقى بداية انطلاقة قوية ليه وانسب وقت اصلاً ممكن يبدأ يغير فيه عاداته الغير صحية ويلتزم بنمط حياة صحي بدون حرمان او جوع او احساس بأي نقص، فقط بتعديل بعض الافكار واختيار البدائل دايماً بذكاء، وبشوية تعليمات بسيطة ممكن فعلا تتحول لإنسان تاني بفكر وصحة تانيين.
*معجبنيش بس انها خصصت جزء كبير اوي لرسائل شمر في الكورس وناس اخدت الكورس وفرق معاها وغير حياتها، حسيته تطويل ورسائل كتير مختصرة جدا فمفهاش اي نوع من الإلهام مثلاً او التحفيز، لمن هي مجرد آراء ناس جربت الكورس وعجبها فحسيت مكانها تقييم الكورس على الفيسبوك مش في الكتاب.
*كتاب جميل عموماً، وبداية موفقة للكاتبة لو حبت تكتب اكتر من عمل بخصوص التغذية الصحية وأتمنالها التوفيق وان شاء الله الجاي يكون أفضل ومعلوماته أعمق أكثر ان شاء الله.
*وشكرا ليها انها بتساهم في زيادة الوعي للناس عن الحياة الصحية، ونمط الحياة اللي من غير حرمان وورقة دايت واكل مشوي ومسلوق فقط، بل بالعكس ممكن يكون من أمتع والذ الأكل لو بس فكرنا في بدائل اصح وبطرق طهي أفضل ونتعامل مع جسمنا بذكاء أكثر.