Панонски легенди

by Св. Климент Охридски, Радмила Угринова - Скаловска (Translator)

„Панонските легенди“ или „Моравско-панонските легенди“ или опширните житија на браќата словенски просветители Константин-Кирил и Методиј, се најважни и најкомплетни извори за браќата просветители, напишани на словенски јазик. Тие содржат драгоцени податоци за животот и работата на творците на првата словенска азбука, во чии основи влезе говорот на Македонските Словени од Солунско од средината на IX век.
За разлика од сите други извори за браќата просветители, „Панонските легенди“ даваат вистинска биографија - на моменти дури и со многу прецизни податоци - често исполнета и со убави книжевни квалитети и носејќи во себе арома на времето во кое се пишувани.
Во врска со авторството на житијата има различни мислења, од кои се издвојуваат две:
1. Дека автор на Кириловото житие е Методиј, а на Методиевото Климент Охридски;
2. Дека автор на двете житија е Климент Охридски.

80 pages, Paperback

First published January 1, 885

Reviews

[Antonio Pavlovski]

„Оти вие сте солуњани, а сите солуњани чисто словенски зборуваат.“

[Мила]

Прекрасна книга за големите македонски и сесловенски просветители Светите браќа Кирил и Методиј. Тие претставуваат исходите на словенската просвета и апостолите на Словените.

"Не врне ли дожд од Бога еднакво врз сите? А сонцето не грее ли исто така за сите? Зарем не дишиме воздух сите еднакво? Па тогаш како не се срамите да признаете само три јазика, а за сите други народи сакате да бидат слепи и глуви?"

"Огнот го испробува златото и среброто, а човекот со разум ја двои лагата и вистината."

"Кажи ми во која доба е душата послина од телото?" Тој одговори: "Во староста." На тоа рече Филозофот: "На каква борба те тераме, на телесна или духовна?" Овој одговори: "На духовна."