عرش إبليس ومثلث برمودا والأطباق الطائره

by منصور عبدالحكيم

يعتبر كتاب عرش ابليس و مثلث برمودا و الاطباق الطائرة لشيخ منصور عبد الحكيم من أوائل الكتاب الذين تحدثوا عن مثل هذه الظواهر والأشياء المخفية وغير المفهومة .. اذ يفتح لنا الستار عن مجموعة من الظواهر التي حيرت وأقلقت العالم .. واعطاءه دلائل وبراهين عن أن كل ما يحصل في الخفاء ولا نفهمه تكون وراءه يد خفية ... وأيضا مجموعة من الأشياء من عالم الشياطين والجن وأشياء أخرى رائعة في نفس المجال يستحق معرفتها والاطلاع عليها .. وهذا الكتاب مفهوم من عنوانه.

109 pages, Paperback

About the author

منصور عبد الحكيم محمد عبد الجليل حاصل علي ليسانس الحقوق عام 1978 جامعة عين شمس. من مواليد القاهرة 1955 متزوج له خمسة اولاد يعمل بالمحاماة والكتابة في الصحف والمجلات العربية و الإسلامية وله العديد من الإصدارات والمقالات والأبحاث في الصحف والمجلات العربية والإسلامية واللقاءات على الفضائيات العربية وترجمت بعض كتبه للغة الانجليزية والفارسية. وعدد الكتب التى صدرت له حتى عام 2011عدد 130 كتاب متنوعة اثرت المكتبة العربية والاسلامية.

Reviews

[نرمين الشامي · Rating 1 out of 5]

الكتاب باين من عنوانه، وهو إنه عن مثلث برمودا والأطباق الطائرة، بس للإسف اللي مكنش باين هو كم الهراء الذي يحتويه الكتاب!
طبعًا احتار الناس في لغز مثلث برمودا، وقالوا تفسيرات كتير علمية وغير علمية، وطبعًا إحنا كمصريين لازم نحط التاتش بتاعتنا؛ لذلك قام مؤلف الكتاب بتفجير المفاجأة المدوية، وهي إن سبب اختفاءات مثلث برمودا هو إن ده موقع عرش الشيطان أن أن أه 😀
ويدللك الكاتب على ذلك بشهادات لصحفيين تانيين توصلوا لنفس الاستنتاج الخطير! طب وعرفوا المعلومات دي ازاي؟ عن طريق حوارهم مع جن مسلم!!! لا وبيقولك حوار مع جن مسلم كده عادي، ويجيب لك التصريحات على لسان الجن المسلم، كأنه بيتكلم عن حوار مع محمد هنيدي مثلا! ثم تتواصل المفاجأت المدوية؛ فبعد إعلان وجود عرش الشيطان في مثلث برمودا على المحيط الاطلنطي، يعلن المؤلف إن عرش المسيخ الدجال "وماله يعني ملوش نفس" موجود في مثلث فورموزا مكان قارة غرقانة اسمها "ماو" في المحيط الهندي، وإن ده سبب اختفاء ناس هناك برضه! ومش بس كده، استنوا لسه الخير كتير 😀 الكاتب بيقول إن الأطباق الطائرة دي اصلًا باعتها الشيطان والمسيخ الدجال للسيطرة على العالم، والدليل على كده إن الأطباق دي بتطلع من مثلث برمودا اللي هو مكان عرش الشيطان، وهذا ما اكتشفه الناس وما تسألش مين الناس دي 😂 وبيقولك إن الشيطان بيختطف الطائرات والسفن في مثلث برمودا عن طريق أجهزة علمية دقيقة لها مجال مغناطيسي وبتاع، ما تفهمش هو بيتكلم عن إبليس ولا عن جيمس بوند! هو إبليس بقى محتاج أجهزة علمية! ده اتدهور بيه الحال والله 😔 لا وبيقولك إن إبليس والمسيخ الدجال بيخطفوا الطائرات والسفن من مثلث برمودا عشان يحولوا الناس اللي فيها لطريق الشر، ويستخدموهم بعد كده في الأطباق الطائرة! 😱 شفت التكتكة يا أنتكة 😁 والعجيب في الأمر إنه عمال يقول إن الغواصين اللي غاصوا في مثلث برمودا اكتشفوا كذا وكذا! يعني الشيطان قادر على الطائرات والسفن ومش قادر ياخد الغواصين! صحيح يوضع سره في اضعف خلقه. وتستمر اكتشافات الكاتب الرهيبة مع كشف سر الماسونية، وهو إن كالعادة وراها إبليس والمسيخ الدجال، طبعًا يعني المفروض تكونوا عرفتوا من نفسكم😁. وأخيرًا يقول الكاتب إن كان فيه عالمان درسوا الأطباق الطائرة، وكانوا هيعلنوا حقيقتها للعالم لكنهم قُتِلوا: واحد بالرصاص، وواحد مخنوق بالغاز، آه الجن بيقتل بالرصاص والغاز إيش عرفك انت 😁 والحقيقة أنا اللي حازز في نفسيتي، ومقطعني من جوايا، ونساني طعم الفرح هو إزاي الشياطين اللي قتلوا العالمين دول سابوا الكاتب ينشر الكتاب ده كده عادي، ويعلن أسرارهم الخطيرة الشنيعة المريعة دي!

والمأساة في الكتاب ده إنه متخم بالأحاديث والآيات قرآنية والكلام الديني البراق الذي لا علاقة له بكل الهراء المكتوب فيه، وده طبعًا لذر الرماد في العيون عشان يوحي للناس إن كلام الكتاب ده صحيح ومثبت بالأدلة الدينية!!! وبصراحة أنا كملت الكتاب للآخر على أمل إني الاقي المؤلف عامل فينا مقلب، ويقولنا عليكم واحد، دي روايتي الجديدة مثلًا، وأنا بَضحَّك معاكم، بس للأسف ده محصلش، وطلع بيتكلم بجد!!

[عَليا .]

لا يستحق ربع نجمة .. الكثير من الجهل..الكثير منه..ألقى بالآراء التي لا يريدها عرض الحائط وأخذ ما أراده بدون أي دليل ! .. الله لا يُعبد بالجهل .. وبكل عمى يريدنا أن نصدق أن مثلث برمودا هو عرش ابليس ! #قول_والله -.-

[U · Rating 4 out of 5]

Finished it in a few hours. It's scary though and I'm not sure if I can believe everything written in it but it was good for knowledge.

[Dalyia · Rating 1 out of 5]

كتاب مريب..جدا
معلوماتة غريبة وغير مؤكدة

[Eng. Mohamed ali · Rating 2 out of 5]

مجرد كلام مفش عليه اى ادلة ...عامل زى الجرايد الصفراء اللى يتدور على اى فرقعه علشان تبيع ...كلام كله فى سلة المهملات

[دعاء حمدان · Rating 3 out of 5]

قرأته قبل سنوات طويلة

الكتاب كانه رواية خيال علمي لا يوجد ادلة علمية او دينية مجرد افتراضات !!خيال الكاتب واسع جدا

[Khalil Sul · Rating 3 out of 5]

خيال الكاتب حلو، لو كان كتب رواية خيال علمي هيكون إضافة حلوة للأدب العربي وسابق لعصره .

[Sameh Ali · Rating 2 out of 5]

كتاب قائم على تخمين سيناريو مؤامرة الشيطان ضد البشرية لاثبات تدنى البشر لاتباعهم ابليس ويثبت انهم ادنى من ان يسجد له كبير الجان .. وهو تخمين قد يصيب وقد يخطأ لان هذا الموضوع ليس له مراجع او مصادر تكشف حقيقته الا الكتب السماوية التى تترك المجال للانسان للتدبر والامعان فى الكلمات ومحاولة استبيان ما بين السطور والآيات .. وهذا ما نجح فيه الكاتب احياناً واخفق احياناً أخرى .. فبقدر انه اجاب عن تساؤلات كثيرة الا انه اثار تساؤلات مضاعفة .. فخلال القراءة عليك ان تسترجع بداية الخلق او ما قبل خلق البشر .. لماذا لم يسجد ابليس لآدم ؟ هل كان مُخير قبل الانسان ؟ .. هل سكن الجن الكرة الارضية وتقدم حضارتها فبنت الاهرامات التى نسبها القدماء المصرين الى حضارتها وحدث صراع حضارات ما بين حضارة اطلانتس وحضارة ارض الاهرامات ففسدوا فيها وكادوا ان يُهلكوا الارض لولا ان انفصل جزء من القمر كما ذكرت ناسا وانطلقت كسهم نارى لينسف أهل اطلانتس وقارتهم الغارقة .. وارسل الله الملائكة ليطردوا الجن من الارض فهربوا فى قاع البحار والمحيطات وتمركزوا فى مثلث برمودا بالاطلنطى وفرموزا بالهادى .. ويستخلف الله من بعدهم الانسان الذى حمل الامانة بدلا من الجن؟ .. هذا سيناريو مدعم لبعض مقتطفات الكتاب .. لذلك كان على الكاتب ان يستفيض من بداية الخلق حتى المؤامرة الشيطانية لاشعال الحرب العالمية الثالثة

[Saud · Rating 2 out of 5]

50%من الهراء

[Ahmed yousef · Rating 3 out of 5]

دائما ما نسمع عن مثلث برمودا الغامض!, وحوادث الاختفاء التي تحدث فيه.

الكتاب هو ربط بين الاحداث الغامضة لمثلث برمودا ومعتقدات دينية! بأدلة وبراهين غير موثقة -في رأي- مجرد تخمينات.

[Sayed Dawaba · Rating 2 out of 5]

كتاب أي كلام
كلام مرسل مفيش وثايق ، مفيش أي حاجه وينفع يكون نسخة مقتبسة عن "الذين هبطوا من السماء"

[Ahmed Almohammed · Rating 2 out of 5]

يجمع بين المنطق واللامنطق

[Farah Colorful · Rating 3 out of 5]

good one even if it misses some explications about why the devil hase chosen triangle of Bermuda

[م · Rating 1 out of 5]

مجموعة خرافات لا اكثر.
Again the conspiracy theory paranoia, nothing more than overvalued ideas and delusions, I believe that this book deserves less than 1 star.

[Lawrence William]

كوكتيل هبل

[Suha Aljamal · Rating 1 out of 5]

هو ليس بكتاب للأسف ... غير مقع أبدا

[Nader Mohamed]

هراء في هراء في هراء.
صيييفر :)