Skerpioen

by Wynand Coetzer

Anahita het as ’n Boesmanmeisie by haar ouma in die Kalahari grootgeword. Haar hoërskooljare het sy in Kaapstad by haar Moslem-pa en Boesman-ma deurgebring en uiteindelik word sy ’n kliniese sielkundige met die hulp van haar Duitse minnaar en latere man, Siegfried. Haar ouma het haar oeroue Boesmanverhale vertel, op laerskool in die Kalahari leer sy die Bybelse verhale ken, haar pa lig haar in oor Islam, haar Duitse minnaar bring haar op die hoogte van die Germaanse en Noorse mites en sages, en op universiteit maak sy kennis met Freud en Jung. As kind het sy boonop die gawes van ’n sjamaan ontvang. Wanneer sy as sielkundige ʼn vermeende moordenaar, Nimrod, moet behandel, begin sy besef sy moet uiteindelik kies wie sy werklik is en gaan sy op ʼn fassinerende reis na die outentieke self.

376 pages, Paperback

First published January 1, 2009

Reviews

[Marlette Taljaard]

Interesssante boek. Gee bietjie meer insig oor die Boesman lewe. Het die boek nogal geniet.

[Coenraad · Rating 4 out of 5]

'n Fassinerende narratief oor 'n sielkundige wat 'n aangeklaagde moet help om borgtog te kry. Die aangeklaagde vind dit egter moeilik om te praat oor wat gebeur het, en die sielkundige moet deur hierdie skanse breek. Die sielkundige Anahita het as Boesmanmeisie in die Kalahari grootgeword, later by haar Moslem-familie gewoon en is jonk getroud met 'n Duitser. In elke situasie het sy die mitologie en die stories geleer. Die aangeklaagde, Nimrod, daag haar verder uit deur te verwys na ander mitologieë, onder meer uit die Christelike en Egiptiese tradisies. Anahita moet - in dieselfde week waartydens sy Nimrod daagliks moet spreek - ook haar verhouding met haar Duitse eggenoot deurgrond en belangrike besluite neem oor haar toekoms. Die geskakeerdheid, die komplekse tydstruktuur en die boeiende karakters sorg vir 'n uitdagende dog bevredigende leeservaring.

Coetzer's narrative is a complex weaving of many different mythologies and their meaning for present-day life. I enjoyed the intertextual links between different mythical tales and their impact on the characters.