Заклученото тело на Лу

by Оливера Ќорвезироска

Unknown Binding

Reviews

[Marija Atanasova · Rating 2 out of 5]

Почеток што ветува - првата глава неодоливо потсеќа на сцената со тортата во "The Hours" каде што Julianne Moore доживува “moments of being“, потсеќа на еден од оние денови кои “ црвено обоени ни пркосат од календарот“. Приказание топло ко “пченкарникот што чади“, јазикот таејќи “суви зборови иверки“ потпалува оган во читателот.И наеднаш...тотално различен наративен стил. Имаш впечаток дека Оливера ја замолила ќерка и да ја одмени малку во пишувањето, да тркне набрзина до пазарче.
“Ама мамо, јас не знам да пишувам!!“
“Ништо страшно сине. Е види вака: Еве ти биографија за сите филозофи, повторувај ги метафорите од првите поглавја, заземи помпезен тон и..тоа е тоа.“
Е, да.. Како се пишува книга? Цел живот бев во заблуда дека добиваш инспирација прогонуван од своите внатрешни демони и немири ( Бедата раѓа поезија-Балзак ), незадоволен од постоечките собеседници замислуваш идеален читател, нежно му шепотиш на увце некои заеднички мисли и промисли, стрелушења и надежи.
Всушност, реалноста била поинаква: Немаш инспирација и будно ги пратиш своите современици. Дознаваш, тренд е да се реметат мртвите филозофи ( “Разговор со Спиноза“, “Сестрата на Фројд“, “Кога Ниче плачеше“...). Решен да го следиш трендот трпеливо ја проучуваш „Така зборуваше Заратустра“, ставаш свои зборови во устата на мртвите филозофи онаму каде што недостигаат податоци, ставаш tricky name на делото - и заебуваш читател кој си ветил дека повеќе нема да прочита дело во чиј наслов стои името на некој филозоф или психоаналитичар.