القاتل الصغير

by فارس أحمد طه

رواية "القاتل الصغير" .. متوفرة الأن بالمكتبات .. يارب تنول أعجبكم

* أماكن وسعر الرواية *

------------


مكتبة ليلى 17 شارع جواد حسني من شارع قصر النيل وسط البلد ...للذهاب إليه .. النزول فى محطه " محمد نجيب " الخروج من اتجاه شارع " جـواد حسنى " .

الدار المصرية بالمنصورة ميت غمـر

دار الفكر العربي, 94 ش عباس العقاد المنطقة السادسة , مدينة نصر, القاهرة بجوار التوحيد والنور

دار الكتاب الحديث 94 ش عباس العقاد – مدينة نصر

دار الحكمة للطباعة والنشـر, زهراء مدينة نصر، المرحلة الثانية، عمارات الضباط، عمارة 820، شقة 21

سعـر الرواية ... 15 جنيه

ولمن خارج مصـر يستيطع الاتصال بالدر وطلب الرواية, أيضا من يطلب من الدار الرواية سوف يحصل على خصم كبير .

الأميل الخاص بالدار لطلب الرواية :... hassanelsherif@darelhekma.net
لمن خارج مصر الاتصال بهذا الرقم :. محمول: 0201000135406

https://www.facebook.com/ALqatelALsagher

80 pages, Board book

First published September 27, 2012

Reviews

[فارس أحمد طه · Rating 5 out of 5]

من الصعب وصف هذه الرواية فى سطر , عليك ان تقرأها وتدع خيالك معها وحينها سوف تعلم من هو " القاتل الصغير "

[Moustafa Ghorabah · Rating 1 out of 5]

أسوأ حاجة قريتها حتى الآن ....

معلش بس فين الرواية ؟؟!!!

ده اسمه أي كلام بصراحة من البداية كده في حاجة اسمها توضيح ان هذه الأحداث من خيالي!! مطبعا لازم تكون من خيالك معلش يعني مكنش له داعي أنك تأكد على كده أي حد اصلا هيربط مبينها وبين الواقع ازاي منين يودي لفين ؟؟!

من كتر الأحداث الجهنمية ووصف الشخصيات الغير معقول وأنك تموت أربعه في أول فصل في سطر واحد بس والست والدة الأستاذ شريف جاتلها أزمة قلبية عنيفة بعد مالحوار خلص !! افتكرت في الطريق الي حصل يعني ولا ايه ؟؟!!
وعلى كده بقى تلاقي كتير حاجات لا يصدقها بشر ولا بني آدمين ...

ثاني حاجة انا حسيت اني بقرأ مخطوطة لرواية مش رواية
وصف الأحداث ضعيف جدا
الحوار بين الشخصيات مفيهوش أي حاجة تحس ان انسان آلي بيتكلم وكمان فوق كل ده غير مقنع
في حاجات وانتا بتقرى تلاقيك بتضحك من كتر
من كتر الهبل يعني معلش
على سبيل المثال يعني لا الحصر

" يقوم (مراد) على الفور بفك القيود التي بين يديه خاصة أنه يملك قوة وطاقة خفية بالجسم "

يعني ايه قوة وطاقة خفية بالجسم يعني معلش !!!!

أنا مش هطلب من الكاتب انه يبطل كتابة لأنه مش من حقي لكن بطلب منه انه يحترم الناس الي هتقراله بس ....

[أمـانـِي تَـوفـيـق أَبـو الْـدّهَـب · Rating 1 out of 5]

انا كنت عايزه اكتب حاجات كتير صراحة لكن الزملاء المراجعين قاموا بالواجب وكفوا
هكتفي بس اني أطالب ادارة الموقع الكريمة بالتفكير في اضافة تقييم بالسالب

انا كنت فاكرة ان انا قرات اسوا الروايات الممكنه لحد ماقريت دي


ده مفروض حوار بين شريف اللي جاي من سفر وبيستقبل الاخبار دي مراته اتقتلت وده رده عادي كان بيتقاله علبه المناديل وقعت واللي اثر فيه ان بقي ان ابراهيم بقي فريق
--------


الطفل ركب العربيه معاها ومحستش ازاي محدش عارف غير ربنا
سبحانه وتعالي والكاتب

-----

مش محتاجة اعلق طبعا انتوا شايفين لوحدكم هيتجوزها ويقتلها

*دي بعض المقتطفات الخزعبليه اللي الكاتب باني عليها الرواية السؤال هنا الكاتب مقتنع باللي كاتبه! طيب دار النشر اقتنعت ازاي

[Amira Mahmoud · Rating 1 out of 5]

مممم طب مبدئياً معلش ع الريتينج :)
عن نفسي لما بقرأ اى عمل شبابي , بحاول ان رأيي ميكونش لاذع أو طريقته شديدة
أنا ممكن ادي رواية لكاتب كبير نجمة أو نجمتين وأنا ضميري مرتاح
لأن الكُتاب الكُبار دايماً بنتوقع منهم أحسن حاجة , لكن الكُتاب الشباب مهما كان العمل ضعيف بلتمس العذر في قلة الخبرة وأنه أول عمل وهكذا
لكن بالنسبة للعمل ده , مش قادرة اديله أكتر من نجمة للأسف !!
الفكرة حلوووة جداً , لكن الأحداث متكروتة بطريقة فظيعة -_-
أنا بصراحة مش عارفة دي رواية ولا مخطوطة رواية !
الأسلوب ركيك
حاول يعمل أكشن بس طلع #هبل :\
أتمنى الجاي يكون أحسن ..

[وبدأت القصة · Rating 4 out of 5]

رواية مختلفه عن روايات كتير أوى انت حولت تقدم فكره مختلفه بس صعب الكل يتقبل الفكره
انا فهمه انك عايز تعمل اثراء جديد بطريقتك لكن في مصر الامر بيكون صعب جدا لان القراء متعودين علي طريقه معينه بس الفكره جميلة في الاول ممكن تكون عاديه لكن ما مرور الوقت والقراءه بنقدر نفهم انت عايز توصل لايه

ومن الجميل انك بتخلي القاري يفكر هو كمان مش مجرد قاعد بيقر وخلاص

[Safae · Rating 1 out of 5]

huh?

[Samar Tarek · Rating 1 out of 5]

ياريت ما تحولش تكتب تاني
:\ روايه سخيفه وكاتب اهبل

[Mostafa Mohamed · Rating 1 out of 5]

الإكثار فى استخدام العامية يجعل الكتب أقل قيمة

هناك الكثير والكثير من الملاحظات ، مثل:
لم يتم وصف الشخصيات ولا حتى التعبير عن مشاعرهم ليتيح للقارئ الاندماج مع الأحداث-
عدد كبير من شخصيات الرواية تعرضوا للموت في الفصل الأول-
الزوجة السورية تتكلم باللهجة المصرية-

اتمنى من الكاتب مراجعة نفسه اكثر واكثر ، وتطوير نفسه قبل اصدار ونشر الكتاب

[Rosa Elebyary · Rating 1 out of 5]

انا مصدومة
لا مصدومة دي كلمة قليلة
ازاي دار نشر وافقت انها تنشر رواية ذي دي
رواية سيئة جدا
اللغة عامية وفصحي في جملة واحدة
الاسلوب غير ممتع
التشويق معدوم
اول مره في حياتي اقرأ
رواية بوليسية مفيهاش اي نوع من انواع الغموض
كل الاحداث واضحة قدامي
مش محتاجة اني افكر
الحبكة في القصة معدومة
مكنتش اعرف ان السوريين بيتكلموا بلهجتنا
ولا ان اليابيين لما بيتعلموا عربي
بيتعلموا العربي العامي بتاعتنا
وبعدين الكاتب بيتعامل ع اساس ان القارئ
تقريبا أمي
بعد ما يذكر الضمير يذكر اسم الشخص
اللي عائد عليه الضمير
الفكرة كانت كويسة بس الاسلوب والصياغة
وحشيييييييييييييين جدا
الغلاف حلو بصراحة
وده اللي جذبني
اني اقرأها
تقييمي النهائي هو نجمة نص للغلاف ونص للفكرة

[Du Ibra]

الحمدلله انى مشتريتش الرواية وقرأتها pdf ...
لو فيه rate زيرو او اقل (-5) مثلا .. هيكون ال rate بتاعي للرواية ..
لا تستحق القراءة بالمرة ... مجرد خيال ملوش ادنى لازمة على ورق ...
نصيحتى المتواضعة .. لو عايز تقدم عمل اديي .. مفيش مانع بس اختار انت عايز تالف ايه ..

[Sara Hassan · Rating 5 out of 5]

في البداية انا قولت هو الكاتب عايز يقول ايه لكن لما رجعت للمقدمه فهمت القصه كاملة فعلا قراة المقدمه مهم جدا

عجبني الاسلوب المختلف والقصة والفكره رائعة وتنفع تتحول لعمل سينمائي

[Ahmed Diab]

هوب الرواية بدأت الاب اتجوز و خلف و مات و مراته الاولى ماتت و التانية ماتت و رئيس المخابرات مات و لسه لدلوقتى منعرفش مين بيعمل إيه فين
إيه العك المكتوب على هيئة رواية ده ؟!!

[Mìśş Niño · Rating 1 out of 5]

أعجبتني الفكرة..لكن عموما لم ترق لي الرواية،الأحداث كثيرة و جد سريعة و لا وجود للتناسق بينها.. كما غاب عامل التشويق..أما بالنسبة للأسلوب الأدبي ضعيف و لا يرقى لمقام الرواية..

[Elpetrolero Wael · Rating 1 out of 5]

حسنا، لا أعرف كيف أستطعت ان احمل نفسي على قراءه هذا الهراء ولكن سأقول كلمه واحده:( أناا حقا" اعترض)