Прирачник за антиалкохоличари

by Игор Џамбазов

Прирачник за Анти Антиалкохоличари е втората книга напишана од македонскиот актер, музичар и писател, Игор Џамбазов. Во книгата е прикажана автобиографијата на Џамбазов и неговите проблеми со алкохолот. Првиот човек кој ја прочитал книгата е македонската пејачка, Калиопи.
Издадена е во април, 2011 година, за време на саемот на книгата во Скопје преку ФОН Универзитетот. Печатачот е Печатницата Мисирков. Книгата започнува од последната страница, а завршува на првата.
Прирачник за Анти Антиалкохоличари започнува со реченицата: „Сè што сте сакале да знаете за алкохолот, ама не сте имале време од пиење“. Содржината во книгата е прикажана на нецензуиран начин, со вулгарни зборови. На крајот на книгата се наоѓа „азбука на алкохолот“.
Во интервју, Игор Џамбазов за книгата изјавил: „Сите пијаници не се боеми и сите боеми не се пијаници“. Содржината на книгата е „сурова, потресна, поучна, со искуства од најпознатите македонски боеми“. Џамбазов изјавил дека „алкохолот дава само две шанси“.
Венко Андоновски, македонски писател, поет и критичар во поговорот на книгата напишал дека кога човек ќе се прошета низ страниците на потресната книга ќе чувствува дека сонува туѓ сон со познати елементи. Пејачката Калиопи изјавила дека книгата „осцилира со чувства и емоции.“

473 pages, Unknown Binding

First published January 1, 2011

Reviews

[Irena · Rating 4 out of 5]

Don't you dare read this without a little bit of drink and lots of good old blues.

[Igor · Rating 4 out of 5]

Интересна книга од која може да се дознае многу за приватниот живот на Игор Џамбазов. Како и во својата прва книга Игор раскажува без цензура и без криење на нештата, освен што ги менува имињата на учесниците во прикаските. Некои делови од книгата се мрачни и испонети со настани што не се пријатни. Користи полу прозен стил на пишување би рекол каде на моменти текстот преминува во стихови. Моа да му се оддаде признание што послем се што поминал со сите негови пороци решава отворено да пишува за тоа.

[Biljana · Rating 4 out of 5]

Разбирлива за читање и содржи доста интересни фори. Вреди да се прочита!

[Наташа Алексовска · Rating 1 out of 5]

Се зборува за живот на самиот автор, од 1975-2010 год.
Но... фази на алкохолизмт и азбука на алкохолот се непотребно напишани според мене.

[Aleksandar · Rating 4 out of 5]

Автобиографска книга од Игор Џамбазов за проблемите, згодите и незгодите кои што ги имал во својот живот благодарение на алкохолот. Во оваа книга кажува за сите проблеми кои што му ги “приредил” алкохолот како социјални така и здравствени. Преку своите примери и примерите на оние кои што секојдневно биле околу него раскажува интересни случки (за читателот, можеби тогаш интересни и за него, но не и подоцна). Раскажува како двапати се обидува да го откаже алкохолот, еднаш оди во Бардовци на лечење, секакви случки од таму, еднаш за Нова година оди да пазарува, а се враќа дома дури за Стара Нова година, како за 3 дена испил 6 литри домашна ракија + непознат број коњаци, како се разведува, како... Толку од мене за случките, Ваше е да ја прочитате. ;) Секако не е забрането да се пие во дозволени количини, ама кога ќе се претера тогаш е лошото.

Оваа книга е наменета за сите читатели, да се запознаат што се во животот може да им донесе алкохолот. Пожелна е за оние кои што не пијат алкохол, да видат низ што се поминува еден алкохолочар. Пожелна е за жени затоа што Игор Џамбазов со една реченица добро објаснува дека двете најлоши работи на свет се топло пиво и пијана жена. И секако најпожелна е за оние кои што обожаваат да пијат алкохол ама под услов да ја читаат на трезно! :)

Добра книга со многу поуки, од мене има оценка 4 затоа што не е пишувана во мој стил, инаку вреди да се прочита. Има многу што да се научи од неа.