"En Sjeherazade begin met die volgende verhaal..."
'n Duisend-en-een nagte lank het sy vir haar eggenoot, die Sultan, stories vertel - glansryke sprokies van mag en skoonheid, lis en avontuur - en sodoende nie alleen haar lewe gered nie, maar 'n wonderlike verhaleskat tot stand gebring waarin ons vandag nog die ganse betowering en geheimsinnigheid van die Ooste vind.
In hierdie weelderige boek word die mooiste en bekendste van die sprokies uit die Arabiese Nagte nou ook vir die Afrikaanse kind in waardige vorm beskikbaar gestel. Die pragtige, fantasieryke tekeninge is deur die wêreldberoemde Poolse illustreerder van kinderboeke Janusz Grabianski. (flapteks)
Die volledige titelblad lui:
Die mooiste verhale uit Die Arabiese Nagte In Afrikaans oorvertel deur André P. Brink Voorwoorde deur I.D. du Plessis Met 133 tekeninge deur Janusz Grabianski
Die kolofon agterop die titelblad vermeld: Vir die jeug uitgesoek en verwerk deur dr. Hedwig Smola In Afrikaans oorvertel deur André P. Brink Kopiereg 1964 Verlag Carl Ueberreuter, Wenen - Heidelberg Kopiereg in Afrikaans 1966 deur Human & Rousseau Uitgewers (Edms.) Beperk Stategebou, Roosstraat, Kaapstad; Pretoriusstraat 235, Pretoria Geset in 12 pt. Baskerville Romein deur McManus Bros., Kaapstad In Oostenryk gedruk deur Grossbuchbinderei Thomas F. Salzer KG, Wenen