تحيا جمهورية قلبي

by لينا النابلسي

أعترف لك الآن، إنك حبيب تفصيل، فيك كل طلباتي وتتطابق مقاساتك مع أحلامي بالملي، أنا الصبية الناضجة ترغب برجل يحمل في صدره طفلًا يلعب بعربية بالريموت كنترول، يدهشه دبدوب على شكل ميكي وبطوط، ينزل معي لنتمشى في الشارع نشاهد شروق الشمس ونجلس على القهوة نشرب شاي بلبن ونأكل شوكولاتة، برجل لا يعرف الفرق بين "الأبيل جرين" و"البيستاشيو" مع أن كليهماأخضر فاتح، يرقص معي فرحًا عندما يبث التلفزيون فيلمًا أبيض وأسود لشادية، يجلس معي على السرير نأكل آيس كريم الشوكولاتة في أطباق مرسوم عليها وني الدبدوب، وعندما يقرر أن يهديني قبلة زي بتاعة الأفلام ينقلب السرير بنا. هل أعترف وأنا في حضنك أني عشت بدونك 1392 ساعة وحدة؟ وأني كنت أرسم صورتك على الوسادة المجاورة وأردد مثل زينات صدقي:
إمتى بقى تملالي الوسادة الخالية؟ إنني لا أنام!

187 pages, Paperback

First published September 9, 2012

About the author

بطاقتى الشخصية .....
الأسم : لينا حسن النابلسى ...
المهنة: كاتبة ...أو بحلم تكون هي دى مهنتى ...حاصلة على شهادة جامعية فى الديكور من الجامعه الأمريكية في لندن ...بسطول عمرى أقفز على وتر الكتابة و لى محاولات عدة تم نشرها على دفاترى فى مكتبة درجى التانى فى دولاب ملابسى ... و اللى عاوز نسخ ما يتعبش نفسة و يدور و أنا هجيب له ...
السن : سنة ..أو يوم ..هو اليوم اللى الكتاب أي كتاب بكتبه بيشوف فية النور ..
الحلم : الكتابة ... و الكتابة ... و الكتابة .. و إن حد يقرأ الكلام اللى أنا بكتبه ..يرسم إبتسامة على وش حد فيكم فى لحظة زهق ..الحلم إنى أدخل مكتبة ألاقى كتابى على الرف ..أخدة ..و أروح أشتريه و بعد ما أدفع الثمن ..أقول للبياع :أنا اللى كتبت الكتاب دة أنا ..لينا النابلسى ..
ملخص عن شحصيتى : ساخرة إلى أبعد المراحل ...متفائلة زى غيمة وردية من غزل البنات ...عصبية و سريعه الرضا بفور زى الحليب المغلى و بهدأ بمجرد ما تشلنى من على النار ...مرحة ..و أعشق الصحبه و لو ملقيتش حد أتكلم معاه ممكن أتكلم مع نفسى ..بحب الباندا و البطريق و الشوكولاتة و الأيس كريم ..و أعشق رائحة الكتب و الورق المطبوع ...و بتفرج على توم أند جيرى و بقرأ قصص الأطفال ...بحب صلاح جاهين ..و أحمد زكى ..و فيروز و عبد الحليم حافظ ..
وطنى :هو مكان ما موجود قلبي ..
كلمة أخيرة : أتمنى أكون ضيفه خفيفة على قلوبكم ..و صديقة ممكن تلجؤا إلى قرأة كتاباتها أو خواطرها ..أو كما أعتبرها أنا نوع من أنواع الدردشة بينى و بينكم ...و لو إحتجتونى أكيد هتعرفوا تلاقونى ...
أسيبكم فى رعاية أحلامك الوردية ..و بدعوا أنها تتحقق كلها ...
أشوفكم عن قريب .......................فى جلسة الدردشة القادمة ..

Reviews

[شيرين هنائي · Rating 5 out of 5]

اقف اؤدي تحية العلم لجمهورية قلب لينا النابلسي..
قلب انسانة مكونة من 60%طفل و الباقي انسان حزين مصاب بشيخوة نفسية ملفوفة في قالب شاب يشع بالابتسامة و الضحك المجروح..
الكتاب ده كان بمثابة بذرة البرتقال المرة الي وزنت حلاوة و حموضة الحياة كما قالت الكاتبة لينا في احدى قصصها القصيرة العميقة السحرية..
كتاب مكون من بوابات سرية لعالم ذو رائحة فواحة و صوت شجي عذب..
من الآخر..كتاب هيقلب عليك المواجع بالمعلقة..بس هتتقلب معاها حاجات جميلة كانت مدفونة في نفسك تحت اطنان التصنع و الزيف اليومية..
ليه 5 نجوم؟لان مفيش 6 نجوم للاسف :)

[أحمد مهنى · Rating 3 out of 5]

...

[Manar Keshk · Rating 5 out of 5]

تحيا جمهورية قلبى :) شعار قومى يا ست لينا مش اسم كتاب !

الكتاب أقرب لمجموعة من الخواطر الجميلة حميمى أوى وبناتى أوى وصادق أوى :)
وعارفة إكليشيه (ابتسمت والدموع تترقرق فى عينيها ) هو تعبير عبيط صحيح بس ده تعبيرا عن حالى فى أغلب القصص القصيرة/الخواطر/المقالات اللى فى الكتاب :)
بس مع تعيل صغير فى الإكليشيه الفاكس (ابتسمت والدموع تترقرق فى عينيها وقشعريرة حنين باردة تنتابها) ودمتم :)

جو أوووووون ليييييينا

[Radwa · Rating 3 out of 5]

كتاب لطيف ودافئ، قراءته أشبه بقراءة يوميات فتاة حالمة بالغة الرقة -وهو كذلك فعلا-

ولكن هنا تكمن مشكلة الكتاب -كما هي أقوى نقاطه كذلك- فالكتاب شخصي للغاية، وليس كل ما هو شخصي يصلح للنشر.

الكتاب يجمع بين الخواطر والقصص القصيرة، اللغة العامية والفصحى، الكتابات الشخصية والخيالية، بأسلوب مفعم بالتشبيهات الجميلة.

كتاب استمتعت به جدًا واستمتعت بدخول جمهورية قلب لينا النابلسي. :)

[Esraa Adel · Rating 4 out of 5]

حين بدأت قراءة الكتاب كان كل تفكيري في عدد النجوم التي سأمنحها له
فلم يجذبني منذ بدايته او شعرت بنقص الحماس بداخلي نحوه
وكنت أخشى أن أظلمه او امنحه اقل مما يستحق وكل ما كان يجب ان افعله
ان اصبر عليه قليلا فقط
وفجأة
بدأت الروعة في الظهور
حتى أجبرتني على منحك كل هذه النجوم
وربما يستحق الكتاب خمسة نجوم وليست أربعة
ولكن هناك بعض الاجزاء لم استوعبها
واقول بعضها فقط
اما ما أعجبني فهو الكثير والكثير
أقلام - البيت الأزرق - توك توك في الجنة - حبوب ملونة بألوان آدم - حذاء جديد - سكوت هنحلم بالعرض الأول - سلمى - سنة أولى حب - شجرة البطاطس - شطرنج كل يوم - شوكولاتة بيضاء - عمى ألوان - فتاة بالونات - فراشة فضية ونسر - واحد شاي بحب - - محطة القطر - رأي شخصي - ليه حظي معاكي يا دنيا كده - - فنجان شاي بالياسمين - قلب مش صيني - هي القطة بتاكل عيالها ؟ - وعدي للجزمة البني - صداع - -الفتاة التي تقف على أطراف اصابعها - كوما

لن أستطيع التعليق على اسلوب كتابة لينا فهو أكثر من رائع
ويجعلني اشعر بأن كل قصة قصيرة يمكن أن تقرأها وحدها منفصلة تماما
ثم تبتعد تماما عن الكتاب وتعوداليه ثانية بكل شوق

هذا الكتاب من الكتب التي لا نقرأها مرة واحدة فقط
بل يمكن قراءته أكثر من مرة
دون شعور بأى ملل
وانا سعيدة اني امتلكه في مكتبتي حتى استطيع العودة اليه متى شئت

كما أنها أيضا نجحت نجاح ساحق في اختيار العناوين ومدى رقتها واختلافها وتجددها

اما بالنسبة للغلاف والعنوان فهما اول ما جذبني من قبل ما اقرأ اى شئ عن الكتاب ولكني لم افهم ما علاقة الغلاف بما هو مكتوب داخل الكتاب وهذا لا يمثل لي اى مشكلة

[Ayatollah ahmed · Rating 2 out of 5]

بنيت آمال عريضة ع الكتاب ده
بسبب ال ratings و ال reviews
وقولت هانبهر بيه
و انبهرت بس بالعكس :D

نجمة لكام حاجة عجبوني فيه زي كدر صورة
ووعدي للجزمة البني
وسلمى طبعا
واجزاء من حاجات تانية


النجمة التانية للغلاف الجذاب

[ياسمين Thabet · Rating 4 out of 5]

كتاب تحيا جمهورية قلبي في الحقيقة الكتاب ده اتاني كهدية رائعة من صديقة اروع صديقتي اسراء
ليصير ذكرى جميلة لدي

سابدا بالغلاف على عتبة حدود هذه الجمهورية الجميلة الحقيقة اتفاجئت انه لاحمد مراد...هو مناسب جدا ومعبر عن محتوى الكتاب لكنه مختلف عن اغلفة احمد مراد واستايله

بمجرد ان تفتح الكتاب تدخل في شوارعه الرقيقة المرسومة بحروف الفنانة لينا
تسيل في دهاليز قلبها وتفاجئ اننا جميعا واحد
اننا جميعا متشابهون حتى في ادق التفاصيل الصغيرة التي ذكرتها لينا كانت كنت مستني ولمستني كثيرا في كل فترة من فترات حياتي

خواطر في ثوب قصصي عميقة وانسانية البعض لم يعجبني فيها والبعض لم يكون قوي البناء لكن المعظم كان رائعا جدا

اكتر اللي عجبني
توك توك في الجنة الحقيقة دي اجمل ما في الكتاب
زغروتة بشلن
عمى الوان
راي شخصي
ليه حظي معاكي كدة يادنيا
الفتاة التي تقف على أطراف اصابعها

ابدعتي يا لينا كتاب اول موفق جدا وبانتظر كتابك القادم باذن الله
وباشكرك يا اسراء انك خليتيني اقرا الكتاب ده

[Salma Al Rayes · Rating 5 out of 5]

هل جربت أن تتذوق كتابا بطعم الشيكولاتة ...
فترى الأحزان بطعم الشيكولاتة السوداء و الفرح ملون كحبات الام اند امز ...
تدخل من بوابة الكتاب تتباطئ خطواتك لتتمعن النظر في هذا العالم الذي يشبه البيانولا ..
فتحلق تارة مع بلالين الفرح و تدمع عيناك على الرحيل و تتراقص على نغمات إسطوانه متهالكة مع من تحب و تقهقهان عاليا و تتذكران حماقات شبابكما ...
و تسساءل هل تأكل القطة أطفالها ؟ لتتكشف أن لك قلبا أصيل و ليس صيني المنشأ ...
و تبدأ بهطول أمطار الحنين عليك ...
لتجد نفسك تتساءل إلى أي المدن أنتمي في هذه الجمهورية ... لتجد أن هذه المدن تحتل جزءا منك ...
أنتظر المزيد :)

[Shimaa Abd el shafy · Rating 2 out of 5]

كنت حاطة عليه آمال أكبر من كدا بكتير , عامةً أنا عندى مشكلة مع نوعية الكتب اللى فيها خواطر وبس , وخواطر متفهمش بدايتها من نهايتها ومتفهمش هى قصة ولا ايه بالظبط .. بس الحق يتقال أول كام حاجة ف الكتاب شدونى جداً وأعتقد هرجع أقراهم تانى فيما بعد ..
شابوو للغلاف المُبهج والكلام اللى على ظهر الكتاب :))

[لينا النابلسي · Rating 5 out of 5]

https://soundcloud.com/nassef-1/araka...

[Nouran Gamal · Rating 4 out of 5]

i wrote that after finishing 45% of the book: "lina...u reminded me of so many romantic qualities i thought i lost forever due to too many life disappointments and not meeting my romantic match.. thank you for reminding me of those beautiful emotions.. you are such a delicate beautiful soul and i'm enjoying every word"
now after finishing it i wanna say that i loved it.. i needed to be in that emotional, romantic mood that i yearn for most of the time. i connected to many thoughts and it lifted up my spirits. thanks for waking things almost died in me. u have an amazing talent, wish u the best of luck lina.

my favorites:
قلبى مساكن شعبية， اقلام， ياما فى الجراب يا حاوى， توك توك فى الجنة， خرشوف بيتكلم， خطر كهرباء， ذيل فستانى فى الحر， ارقص， حذاء جديد， سلمى， شتا， شجرة البطاطس， شكارة الاحلام， رأى شخصى， ليه حظى معاكى يا دنيا كده， كوب قهوة， قلب مش صينى， وعدى للجزمة البنى， كوما

my most favorite was:
البيت الازرق

[Amany Farag · Rating 2 out of 5]

نجمة لاسم الكتاب اللي اتخدعت فيه .. ونجمة للكاتبه اللي بحبها ..
مقدرتش اكمل الكتاب قعدت احاول واقول طب اقرأ كمان شوية يمكن الاقي حاجة حلوة ..
مبحبش قوي موضوع الخواطر ده بالذات لو مش بطلع منها بفايدة .. كنت بتوه فى اجزاء كتير واقول هي عايزة ايه طيب من ورا القصة دي !!
انا حبيت اسلوب الكاتبة فى قلب مستعمل قوي واتمنى اقرالها حاجة تانية بنفس المستوى ..

[Ghedor]

" الأيام بتعدي ومبقتش بصلح حاجة ، يمكن لأن الضرر اللي بيحصل في حياتنا كل يوم منقدرش نفكه ونرجع نركبه، بنستسلم والضرر كل يوم بيزيد وبيتراكم فوق بعضه ... أرواحنا فيها درج سحري مليان رسومات وذكريات وضحك ودموع وصور وجوابات ودي شوية حاجات من على الوش وياما في الجراب يا حاوي .. ده جراب مليان حكاوي"

يمكن مش كتاب جذاب أوي لكن جواه بتقابل صدق وتلقائية أحيانا وبتقابل تكلف أحيانا أخرى، ويبقى الحزن عامل مشترك، وأجمل ما في الكتاب عنوانه المميز

[Ghada · Rating 4 out of 5]

بكل بساطة أنا مبسوطة إني قريت الكتاب ده.
معظمه فكرني بشخبطة اﻷطفال البريئة و اﻷفكار اللي بتطلع منهم ع الورق بمنتهى التلقائية في أول ما بيتعلموا الكتابة، و فكرني بحواديت أمي قبل النوم و أنا صغيرة.. صحيح بتبقى حواديت بسيطة و ممكن تكون ساذجة و ننساها بعدين بس بتفضل معلمة جوانا بشكل ما لمجرد إنها كانت تلقائية و ليها روح (:

[Esraa Gad · Rating 3 out of 5]

قريته ففترة كبيرة جداً مع انه من نوعية "قعدة قاعدتين"
حظه وحش الككتاب ده معايا اني قريته ففترة اكتئاب يمكن كان هيعجبني أكتر من كدة

أول نجمة للغلاف.. أكبر من هايل ومشجع جداً لقراية الكتاب
النجمتين الباقيين للتشبيهات لانها كانت أقوى حاجة فالكتاب من وجهة نظري

فيه حاجات غامضة مش مفهومة بالنسبالي
شايفاه بلوج او بوستات فيس بوك أكتر من كونه كتاب

بس ف المجمل لذيذ ومازهقتش منه :)

[د.أحمد حسن · Rating 4 out of 5]

لينا كاتبة رائعة .. والكتاب له بُعد إنساني عميق لأنه يحكي تفاصيل حياتيه، مفردات لينا رائعة ويبدو أنها تنطلق بحرية بين الأحرف دون أن تشعرنا بالإرهاق، لدرجة أنك تشعر أنك أنت التي تكتبها وهي التي تقرأك، وتخلق مساحة روحية جديدة ومحتلفة لمن يقرأ تجعله يبتعد قليلاً عن صخب الواقع، نقدي الوحيد هو قصر النصوص للغاية، بمجرد أن
أتعلق بالشخصية والحدوتة تفاجئني النهاية

بالتوفيق يا لينا ومنتظر الجديد

[Noura A Tam · Rating 3 out of 5]

القلب وجد ليمارس وظيفة الحب, والحب فقط لا الكراهية أو الحقد أو الشماته.........
فإن وجدت أن قلبك لا يصلح الان ليمارس حقه المشروع والطبيعي في حب شخص بعينه, فلتحب الحياة أو أصدقاءك أو أهلك أو هواياتك أو حلمك

منقول بإختصار من الكتاب صفحة 70
لا أستطيع تصنيف نوعية الكتاب ولكنها مشاعر مكتوبة تمس كثير منا
ذكر كوب الشاي بلبن في كثير من الصفحات ..... الحقيقة كان يزيدني شوقاً لأن يكون الكوب بيدي
:)

[Mohammed Esam · Rating 3 out of 5]

3/5
بس عشان الأسلوب .. مشروع كاتبة مميزة جداً .. الأسلوب مُبشّر
مشكلة الكتاب ده معايا ان الكاتبة ما فرقتش بين الخواطر الشخصية والكتاب العام .. اسلوب كتابة الخواطر بيعجبني بس مش لدرجة أكتر من ثلثي الكتاب وفي نفس الوقت لقيت خواطر كتير مالهاش معنى بالنسبة لي كقارئ زي ما ممكن يكون ليها معنى كبير عند الكاتبة

أكتر 3 عجبوني جداً :
شنطة سفر
ليه حظي معاكي يا دنيا كده
فنجان شاي بالياسمين

[المكتبة لبيع الكتب · Rating 5 out of 5]

المكتبة لبيع الكتب : مشروع اجتماعي يقودة شباب هدفه خدمة المجتمع ثقافيا وجعل الكتب متاحة للجميع بعيدا عن التربح لذلك فالبيع باقل سعر للكتب و التوصيل لجميع المحافظات
http://www.facebook.com/Almaktaba4sell

[Yasmin Khaled · Rating 5 out of 5]

الكتاب دا ليه عشق خاص بالنسبالى .. لحد دلوقتى قراته مرتين .. بجد تحفه حتى لو مش عاجب ناس كتير بس انا بلاقى فيه نفسى .. كتير وى من اللى هى كتباه كان جوايا و مش عارفه اعبر عنه

و الاهم ان لينا بتكتب باسلوب نثرى تحفه و الوصف فالمقالات بيوصل الحساس اللى هى عايزه كويس اوى
منتظره كتاب تانى

[Heba Elsherif · Rating 3 out of 5]

It's too... poetic n girly for my taste. xD. I felt good reading like 4 pages of it then it was way too much. I tried so hard not to stop reading it. Didn't really add much to me. I might read it again if i had nothing else to read n time to kill.

[Kholoud Essam · Rating 4 out of 5]

lina awel mbd2t 22ra l ketab kont 7assa ani bd2t azh2 .. w da day2ni l2ni kont mrhna 3la n l esm msh tafeh w ano molft w loh sbb n l ktbah aked momyza.. atfg2t ad a anty eslobk lazez w sals w ana atbst gdn belketab ..rbna m3aki w ywf2k :)

[Shimaa (Hamssa) · Rating 4 out of 5]

اعشق الطفوله في المشاعر .. الحب بكل فرحته وطفولته وشقاوته
امرأه بقلب طفل تلك هي الحكايه
انت تتطابق معي .. لا تشبهني في شيء لأنك تشبهني في كل شيء، اراك بوضوح
تلك الجمله هي من اوقعني في حب هذا الكتاب ❤

[Raneem · Rating 3 out of 5]

أعترف اني تهت في وسط الكلمات و كتير لقيت نفسي بقرأ السطر اكتر من مرة علشان أفهم.... و اعترف برضة اني حبيت الحاجات اللي كان فيها قصص اكتر من اللي بتوصف مشاعر ...... و لو في حاجة عايزة انتقدها ان الكاتبة كانت بتوصف مشاعرها بتشبيهات و كنت اتمنى ان تتركنا نشعر نحن بهذه اﻷحاسيس

[Amany · Rating 5 out of 5]

الكتاب بجد رائع واسلوبك جميل جدا :)

[Dalia Swailm · Rating 4 out of 5]

من الكتب اللى لمستنى من جوة اوى

[marwa elasiouty · Rating 4 out of 5]

عندما تكون للخواطر معنى و مضمون.. كتاب جميل فعلا وكنت فرحانه وانا بقراه والاسلوب دافى ، فيه حاجات لمستنى من جوايا اوى

[Toqa Mustafa · Rating 4 out of 5]

الكتاب ده كان حالة
ماكنتش عاوزاه يخلص ابدا..اسلوب رائع و استخدام مفردات اكثر من استثنائي
كتاب فصلني عن الواقع تماما... من احسن الكتب اللي قريتها. كتابة متمبزة

[Wael Hamdy · Rating 5 out of 5]

لينا النابلسي.. كاتبة من طراز فريد جدآ.. كتاب ذو مفردات بتركيبة غريبة .. في انتظار القادم انشاء الله

[Samer Abdulaziz · Rating 3 out of 5]

هي مجموعة خواطر أستمتعت بها كثيرا علي الرغم من ان الملل تمكن بها في بعض الأحيان...لكن في المجمل هو كتاب جميل