Галоўная памылка Афанасія

by Югася Каляда

Спалучэнне бязлітаснай шчырасці і лірычнай пачуццёвасці Югасі Каляды - дэбютны зборнік “Галоўная памылка Афанасія” змясціў апавяданне “Зялёныя бурбалкі, залаты акіян”, трылогію з аповедаў “Лета”, аповесць “Invicta, альбо Галоўная памылка Афанасія”. У трылогіі «Лета» смутак пераплятаецца эмоцыямі і пачуццямі, і чытач нібы прысутнічае пры іранічнай споведзі, калі прапануецца толькі адна версія падзей, магчыма – праўдзівая, магчыма – не, але ў кожным разе чытанне перацякае ў квазісяброўскае камунікаванне: размова выходзіць такой, якой часта і бывае ў рэальным жыцці – маналагічнай, нястрымнай і мазаічнай. Зборнік крытыкі залічаюць да моладзевай літаратуры, як піша Аксана Бязлепкіна “У незапоўненай нішы моладзевай літаратуры ў «Галоўнай памылкі Афанасія» Югасі Каляды ёсць усе шанцы стаць настольнай кнігай для тых чытачак, якім у чаканні тэлефоннага званка ад каханага патрэбна падтрымка ў выглядзе аптымістычнай гісторыі пра недарэчнага і ленаватага анёла-ахоўніка.”

Paperback

First published January 1, 2005

Reviews

[Vylivacha · Rating 5 out of 5]

Сто старонак кайфу!! Ня ведаю, чым менавіта так мяне зачапіла, студэнцтва нулявых, піва, стыль, плынь свядомасці ў пачатку.. карацей усім вельмі раю. Простая, але выдатная чытанка

[Ihar Kudraŭcaŭ · Rating 3 out of 5]

Кніга заставіла падвойнае пачуццё. З аднаго боку - напісана выдатна, чытаць прыемна і лёгка. А з другога боку, як і з другой кнігай, Югася Каляда недакруціла. Пачатак - ок, сярэдзіна - ок, а канцоўка - што гэта было?

Па-першае, слаба верыцца ў тое, што соракагадовы дзядзька будзе плакаць таму, што пра яго намалявалі карціны. Ну гэта ладна, пісалі пра Афанасія студэнткі, таму, як бы, аўтарцы нічога не можам прад’явіць.
Але, помста, якую чакаеш, як штосьці вытанчанае і хітрае, аказваецца проста збіццём. Гэта як калі б Шэрлак Холмс замест свайго дэдуктэўнага метада знайшоў адказ проста зламаўшы бандыту пальцы.

Можа нехта ў кнізе знайшоў нейкія падтэксты. Я - не. Таму, лічу, што, калі аўтарка папрацуе над канцоўкамі, яе можна будзе запісаць ва ўлюбёныя беларускія аўтары.