عصافير الجنة

by عبد الحميد عبد اللطيف

أنا عايز أطير طيارتي
لحد ما يخلص بكر الخيط
أنا عايز أبدل بعجلتي
وأهرب بيها بعيد عن البيت
أنا عايز أرجع قلبي سليم
والدنيا ماتسواش ولا مليم
أنا عايز أوقف ساعتي
وأغير ألوان الحيط

Genres: Poetry

101 pages, ebook

First published December 12, 2012

About the author

حصل على بكالوريس في إدارة الأعمال من كلية التجارة جامعة طنطا، كما حصل على دبلوم في الفنون والأداب الحرة من
CILAS.
بدأ في الكتابة في سن صغير بتشجيع من والده، وحصل على العديد من الشهادات التكريمية في المراحل التعليمية المختلفة. انتهى من روايته الأولى “الغامض” عام 2010 وتم نشرها عام 2012.

النتاج الروائي:
• “الغامض”، 2012
• “اللوح المحفوظ”، 2015

النتاجات الأخرى:
• “العد التنازلي للأيام” (ديوان شعري)، 2013

Reviews

[ياسمين Thabet · Rating 3 out of 5]

شعر عامي رقيق يلمس الوجدان بلغته البسيطة المعبرة
السهل الممتنع زي ما بيقولو
عجبني في الكتاب هي تقسيمته الداخلية التي اشهد للكاتب انه ابدع فيها
شوية حزن شوية فرح حاجة لربنا حاجة لمصر شوية حب
وطبعا اكتر جزء عجبني هو الخاص بالحب والحزن

استمتعت جدا بالديوان وباشكر الكاتب عبد الحميد عليه



مما اعجبني :

“قولي واحكي كل حاجة بالتفاصيل
زودي ف الكلام اوعاه يقل
وحشاني سبيني اشوفك
بالتفصيل الممل”

“مبحبش لحظات الوداع
والدنيا خلتني
أودع كل حاجة حبيتها
كل حلم ف يوم حلمته
بصحي منه مش مجمع
وأفضل أسأل
وكتير بشيل ف نفسي وازعل
حتي يوم ما قلت آهية
وحبيتها وقلت هي
وهتبقي ليا
دي الدنيا ضحكت
أتريها ضحكت
بس عليا
فين الحقيقة ؟
طب حد يدلني ع الطريقة ؟
أو حد يقلي ليه بدمع ؟
قالوا زمان
اللي تضيع منه حاجة
مبيعرفش يرجعها
وأنا
مبحبش لحظات الوداع
وبقيت محبش أي حاجة
عشان مضظرش أودعها”

[Iman umar · Rating 3 out of 5]

عجبتني الأشعار وعجبني جدا الإهداء
لكل واحد قفل الباب علي نفسه
ومكنش قادر يكلم حد
-----
شخبط ف كرستي
لقتني برسمك
مع إني اصلا مش رسام
كلمتك
وانت مش هنا
وحكتلك
وانت مش هنا
طب انت
ليه مش هنا ؟
وازاي مش هنا ؟
------
ومن وسط البنات الكتير
مستني بنت واحدة
فاكر إني
شفتها ف حلمي
كل ما الاقيها
مش بلاقيها
بس لسه مستنيها تحسسني
إن أنا عايش
------
مينفعش تتعب دلوقتي
ولا تنفخ ولا تتغاظ
او حتي لحظة تمل
إيه يعني مش كله تمام
السكة لسه طويلة
واللي باظ باظ
والحلم محدوف قدام
------
الباب اللي يقفل ف وشك قصد
إياك تخبط تاني عليه
والباب اللي يفتح بصوت الخطاوي
إياك متدخلش فيه
------
فاكر لما
وسط العيلة ووسط اللمة
فتحت كراسة الإملاءة
وبص يا بابا بص يا جدو
أنا جبت عشرة علي عشرة
وخدت النجمة
فاكر لما
كنت بتحب الكارتون
ولا تسأل يا دنيا إيه فيكي
فاكر النينجا وكابتن ماجد
ومجلة ميكي
-----
طول ما انت مش جاهز تموت
عمرك ما هتحس إنك عايش
:)

[Mai Saber · Rating 3 out of 5]

وأنا
لا عمري ف يوم كرهت حد
ولا بستني حاجة من حد
ورغم قسوة كل حاجة وكل حد
ساعات ف لحظة تيجي حاجة
ويبعتلي ربنا حد
فقول ياااا
ده أنا عايش :) :)
........................
بكتبلك أغنية
مش هتقريها
جبتلك هدية
كان نفسي تفتحيها
شخبط ف كرستي
لقتني برسمك
مع إني اصلا مش رسام
كلمتك
وان ت مش هنا
وحكتلك
وان ت مش هنا
طب ان ت
ليه مش هنا ؟
وازاي مش هنا ؟
ولما ان ت فعلا مش هنا
قليلي ليه ؟
.................................
الباب اللي يقفل ف وشك قصد
إياك تخبط تاني عليه
والباب اللي يفتح بصوت الخطاوي
إياك متدخلش فيه
...................................
سيب بلونة الدنيا المنفوخة
ده اللي من جواها ده هوا
قبل ما تفرقع وتخُضك
سيبها تطير بعيد ف الهوا
وركز شوف
فيخاف الخوف
وشم بقي شوية هو

[عبد الحميد عبد اللطيف]

للتحميل

https://www.goodreads.com/ebooks/down...


قصائد من الديوان

صلاة الخوف
https://soundcloud.com/abdelhamid-abd...

متتالية الوجع
https://soundcloud.com/abdelhamid-abd...

المعادلة
https://soundcloud.com/abdelhamid-abd...

اضحكي يا بلادي
https://www.youtube.com/watch?v=9fqmk...

[هبة الحارس · Rating 2 out of 5]

هناك بعض الأبيات التي أحسست فيها أن قافية القصيدة لم تُصيبها في مقتل
ولكن أعطيتُهُ نجمة لمُثابرتهُ على هدفه
ونجمة آُخرى لبعض الأفكار التي طرحها والتي كانت من وجهة نظري " تستحق "
بالتوفيق للشاعر وإلى الامام

[Moshira Eissa · Rating 2 out of 5]

بحق كل مرة.. وقعت فيها وقمت.. قوم كمان مرة!

[We'am Nady · Rating 1 out of 5]

الحلزونة يامَّا الحلزونة
:\