Ljósmóðirin

by Eyrún Ingadóttir

Þórdís Símonardóttir var ljósmóðir á Eyrarbakka á umbrotaárunum fyrir og eftir aldamótin 1900. Tvívegis fann hún ástina og tvívegis glataði hún henni. Hún barðist gegn yfirgangi og kúgun valdamanna sem beittu öllum ráðum til að beygja hana niður í duftið. Hún gafst aldrei upp, reis á fætur þegar hún var snúin niður og glataði aldrei trúnni á hugsjónir sínar. Eyrún Ingadóttir byggir þessa áhrifamiklu bók á heimildum af ýmsu tagi um ævi og störf Þórdísar. Með eftirminnilegum hætti dregur hún persónur og atburði fortíðarinnar út úr skjalasöfnum inn í heillandi heim skáldsögunnar.

302 pages, Hardcover

First published January 1, 2012

About the author

Eyrún Ingadóttir er fædd á Hvammstanga 1967. Hún lauk stúdentsprófi frá Menntaskólanum að Laugarvatni 1987 og BA prófi í sagnfræði við HÍ 1993.
Eyrún ritaði sögu Húsmæðraskóla Reykjavíkur 1992, sem var jafnframt BA verkefni hennar, og sögu Húsmæðraskóla Suðurlands, “Að Laugarvatni í ljúfum draumi”, árið 1994. Hún ritaði ævisögu Eyjólfs R. Eyjólfssonar, “Gengið á Brattann”, árið 1998 og var einn af fjórum meðritstjórum bókarinnar “Konur með einn í útvíkkun fá enga samúð” árið 2002.

Reviews

[Hrönn Hrafnsdóttir · Rating 5 out of 5]

Fannst hún bara alveg frábær. Heimsótti reyndar Eyrarbakka þegar ég var í miðju kafi og sá sýninguna um ljósmóðurina og skoðaði helstu staði sem nefndir voru í bókinni, gaf henni ábyggilega ennþá meira líf fyrir vikið. Vel skrifuð saga um pólitík og plott í litlu samfélagi, ástir og sorgir og lýsir vel þau rýru kjör sem flest fólk mátti búa við á þessum tíma.

[Jóna · Rating 3 out of 5]

Á margan hátt skemmtileg bók en í seinni hlutanum á henni var ég orðin frekar þreytt á sífelldu tímaflakki og endurtekningum á sömu atburðunum.

[Skuli Saeland · Rating 4 out of 5]

Mér fannst margt skemmtilegt í þessari bók. Það var t.a.m. ánægjulegt að fylgjast með atburðum sem voru að gerast á Eyrarbakka þar sem ég þekki lítillega til. Sömuleiðis fannst mér heillandi að sjá hvernig Eyrún fléttaði saman sögulegar staðreyndir úr viðburðarríkri fortíð Þórdísar ljósmóður við skáldskap sinn og síðast en ekki síst fannst mér gaman að bera atburði sögunnar við greinina "Aðförin að Þórdísi Símonardóttur ljósmóður á Eyrarbakka" sem Eyrún birti í Árnesingi, söguriti Sögufélags Árnesinga árið 2006 þar sem hún fjallaði um málaferli Jóhanns V. Daníelssonar og Guðmundar Ísleifssonar gegn Þórdísi.
Hins vegar fannst mér bókin byrja hægt og Eyrún eiga erfitt með að slaka á sagnfræðingskröfunum og spinna skáldskapinn af heilum hug. Fyrir vikið var textinn stirður á köflum og ég átti erfitt með að samsama mig Þórdísi, sérstaklega í fyrri hluta bókarinnar.

[Sigga Lára · Rating 3 out of 5]

Mér fannst þetta virkilega fín bók, skemmtileg saga Þórdísar ljósmóður sem hefur verið ein af þessum íslensku kjarnakonum. Hún nær ekki alveg 4 hjá mér miðað við þær bækur sem ég hef gefið 4 stjörnur en hún er nær 3 og 1/2 þó :)

[Sigfríður Guðjónsdóttir · Rating 4 out of 5]

Söguleg skáldsaga um tímabilið fyrir og eftir aldamótin 1900 á Íslandi þegar konur voru eftirbátar karlana.
Þeir sem eru hrifnir af stórum kvenpersónum ættu ekki að láta þessa bók fram hjá sér fara :-)

[Ásta Sóley · Rating 4 out of 5]

Las allar 302 blaðsíðurnar í einum rykk - vel skrifuð söguleg skáldsaga um sterka konu í fátæku samfélagi og samskipti hennar við valdsmenn, viðskiptamenn, eiginmenn og annað samferðafólk. Vantar alveg hálfu stjörnurnar núna því að þessi bók á fyllilega 4 og hálfa stjörnu skilið!

[Hrafnhildur Hreinsdóttir · Rating 4 out of 5]

Las þessa bók og hafði ánægju af. Gaf manni innsýn í líf þessarar kjarnakonu og góða tilfinningu fyrir tíðarandanum. Get vel mælt með henni.

[Sara Hlín · Rating 4 out of 5]

Rosalega gaman að lesa um þessa tíma og þessa flottu konu. Hreyfði við mér.

[Thorunn · Rating 2 out of 5]

Alveg fróðleg, en einum of langdregin og ýtarlegar lýsingar á smáatriðum sem voru ekkert sérlega áhugaverð. Kannski aðeins og mikil skáldsaga og of lítið söguleg.

[Védís · Rating 5 out of 5]

Æ hvað þetta var yndisleg bók, skrifa meira síðar.