س 28

by مايكل عادل

" المجد للباقى ع العهود و الجى, المجد للشاهد و المشهود من الشهدا, المجد للثابت على المبداّ و ع الكلمة, المجد لكل شهيد لسة ماماتش .."

Genres: Poetry

112 pages, Paperback

First published January 1, 2012

About the author

26-8-1987مايكل عادل أمين..دكتور علاج طبيعي خريج 2009 مواليد
من الجيزه..وأصول صعيديّة...شاعر عاميّة يصدر له ديوان بعنوان
غنّيوه و ورقه و قلم
عن دار ميريت للنشر في معرض الكتاب يناير 2011
ومُرَشَّح لجائزة نجيب محفوظ الأدبية وفائز بجائزة مهرجان النشر الجماعي و مهرجان عيش وحلاوة الأدبية
وأحد مؤسسي فريق ميم تكعيب لإلقاء الشعر والموسيقى
وأحد مؤسسي نشاط إستيجماتيزم للرسم والشعر المقفي البسيط
وصاحب محطة اليوتيوب دي
http://www.youtube.com/user/ThePoetmi...

ومشروعه هو التوزيع الموسيقي للقصائد وإلقائها بطريقه مميّزة وتطوير فن الإلقاء

وده لينك البيدج
http://www.facebook.com/michael.adel....

Reviews

[BookHunter M ُH َM َD · Rating 4 out of 5]

اللي يحب مقابلتك .. واعدُه

واللي يحاول يخسرك .. ساعدُه

واللي تلاقيه في الشدة بيباعد..

زود كمان .. زود كمان

زود كمان .. بُعدين على بُعدُه

⭐️⭐️⭐️⭐️

و افتح عينيك في الحضن لو بارد

الحِرص مش تخوين و بيساعد

ما انت اللي حضنك من زمان مخلوق ..

من ناس بتغدًر قبل ماتواعد

⭐️⭐️⭐️⭐️

عمر الغنا ما بينتهى
بنموت و يفضل حى

الحلم عمره ما ينقتل
مهما هيبعد جى

و العشق ساكن معاني
في ضربة وتر

في أغانى تملى الحى

[Hosam · Rating 5 out of 5]

بص يبنى .. وبصراحه .. أول لما قريت بدأت أقارن بينه وبين مصطفى ابراهيم .. وبين نفسى فى النص كده .. الشعر بالنسبالى سيره ذاتيه وحياه مش هوايه وقرايه بس .. ف الأول قولت انا هدىه 3 نجوم .. القصايد طويله حبتين .. اقراهاواحده واحده .. قسم الابيات وافتكر الأحداث .. هديله 4 .. .. طب اقرا حسبه و فاكر واتا وانتى وشنطة هدومى واختم ب من سكات .. اديله 5 وكفايه :)

[مني عبدالمنعم · Rating 3 out of 5]

ما بين البداية والنهاية
"كان صاحبي" و "من سُكات" اردت انت ان نظل بين طيات الكتاب :')
والمجد للثابت علي المبدأ وعالكلمة :)


كان صاحبي #

وصديقي بكلمة يصبرني
دا انا كنت بخاف من دقنك ياض
قلتها وانا بضحك من خيبتي
وانا كنت بحاسب مالاقباط
رديت:ماهو انت كمان قبطي
وضحكنا شويه ومسكتناش

اشعر بوجوده فيها دكتور محمد يسري سلامة


****


إنسان بحرف الميم #

واحشك صديق العمر
والدمعه تخفيها
واحشك دفاه فالحضن
والشكوي تشكيها
والدمع طعمه مر
وهزيمتك المُرّه
أوجه 200 مرّه
من موت قريب منك ...
انا انتي #

وببقي فـ وقفتي ثابت ولو شهرين
وكل مبتولد مره ف بطنك بتولد وأعود
متين مره



طعم فرحك صدّقيني
يستحق اموت شهيد
أصلي عارف ان عيني راجعه تنظرلك اكيد
أصفي منك
وانتي ترضي
وابتسملك من بعيد


والمجد للشهداء وللأسري
الحرية للمعتقلين
الحرية لمصر
الحرية للكملة
وأنهي برسالة مايكل الي حسن مصطفي
# كتبها له علي لوحة اسرة الميدان كلية الطب


شكراا


مايكل عادل

[نجلاء سعيد · Rating 5 out of 5]

كنت حاطه ورقة وقلم جمبى عشان أكتب عناوين القصايد ال هتعجبنى عشان أرجع ليها بسهوله،لقتنى ف طريقى إلى كتابة الديوان كله،الديوان ده كمان ليه معزة خاصه عندى لأنى حضرت حفلة توقيعه ال مايكل جه فيها عندنا المنصورة،ربما أنا بكتب الريفيو ده عشان أقول فيه إن مايكل عادل أحد وجوه الإنسانية،ووجه هام جدا من وجوه الوطنية...الديوان أمتعنى للغاية فعلا ،والقصايد ال عرفت أستخلصها ع سبيل إنها الأمتع ولو إنه كله ممتع من وجهة نظرى هى"حسبه،حضرة العشاق،ف المعاد،س28،أمين،بدون ذكر أسماء،فاكر،لو تفرحى،أنا وانتى،الموت عليها شديد"

مصر النعيم والضل مفرودة ع الدنيا،مصر الميدان مليان ف أقل من ثانية
مصر الولاد الحلوة والصبايا الحور،مصر النهار طالع ،مصر الضلام بيغور
أنده عليها وأقول سيد أيا درويش،والشيخ اماك يهتف شيّد قصورك عيش
وانا نفسى أموتلك شهيد حتى ف طابور العيش

#لو تفرحى

[Gehad MOHAMED · Rating 2 out of 5]

مليش أنا فى الشعر أوى بصراحة .. بس عجبنى

أى حاجة من مايكل على قلبى زى العسل :D

فخورة جدا بالتوقيع وحابة الكتاب كتير

فيه حاجات مش اللى هى بس فى الغالب الكتاب يستحق القراءة

أستمر فى أبداعك يا مايكل :)

[Abdul-rahman Salem · Rating 3 out of 5]

مش كُل من قال دين
الناس تقولّه آمين
ولا كُل من تبّت
أقدامه تتثبّت
دي الأرض عارفة الناس
يا اهبل يا متفاخر
الكُل في الآخر
للأرض راح يرجع
دمع الحزين يشفع
جرح الفقير ينفع
لكن لمين تدفع؟
و الأرض أصل المال؟
و الناس عليها رمال
فاهمين أصول الدين
مزروع خشوع في العين
و ماتنتظرش فـ يوم
هايقولوا أي آمين
مش كل من قال دين
الناس تقولّه آمين
ولا كُل بايع باع
الناس تقولّه وداع
ولا كُل دمعة عين
الناس تقول آسفين
ولا شرط نتنفّس
علشان نكون عايشين
إسمع يا ابو الجاهلين
الشعب راح يخطُب
يؤمر
ولا يطلب
إسمع و ركّزلي
الحق صوت أزَلي
و الحُب لو جازلي
الفرح عرف الدار
إسمعني يا محتار
من طولة المشوار
مشوارنا من طوله
سمع البشر قوله
من صدقه يصفوله
ملايين بشر سامعين
ولا شرط لو قال دين
الناس تقولّه آمين
يا معشر الأهوان
مساجين كما السجّان
دي الأرض للإنسان
والله و بشرفي
من حقي أشوف تَرَفي
و اسأل يا هل ترى في؟
ولا ماآنش أوان !
إسم الأمير
زهران
لابس حرير
قفطان
لقب الأمير
إنسان
عايش على أرضه
صان البشر عرضه
حُب الحياة فَرضه
و الناس بيعترضوا
لو حد يخدعهم
تاجر في أوجاعهم
شَط الوطن ساعهم
من مغربي لبَصري
إسم الأمير
مصري
لابس حرير
عصري
لقب الأمير حَصري
مايجوزش غيره أمير
ولا مرّة قال الدين
علشان نقولّه آمين

[Sara · Rating 4 out of 5]

اكتر ٣ قصائد عجبونى هما " من سكات" و "فاكر" و" يا سعادة البيه" و "كان صاحبى"
" شكل الميادين مليانة بناسها وثوارها
حتى الأموات
نسانى آلام الطلق النارى على الأقدام
مانا حالف ما أرجع من قدام
إلا بعلامات النصر على الكف العريان
أنا عمرى ما شفت اللى قتلنى
آنا حافظ بس الوش الحلو اللى شايلنى
والكف اللى بيرعش تحتى
والحِس اللى بيهتف سامعه
قاللى شهادتين
النومة على الكف العارى فى بد الميادين "

"خلى بالك من مشاعرك
خلى بالك م المخاطر
كف إيدك لما سلم
حط قلبك فى السلام"

[Asmaa · Rating 3 out of 5]

هذا هو الديوان الأول الذي أقرأه للشاعر مايكل عادل .. أسلوبه جميل ينبض بالثورية ..أكثر القصائد التي أعجبتني هي : حسبة ، حضرة العشاق ، ليفيلات ، يا سعادة البيه ، فاكر ، الجنة ، بنت ، كستور ، شنطة هدومي ، الخوف إنسان و اخيرا قصيدة من سكات .. تبقى فقط ملاحظة فنية وهي نوع الخط المستخدم في طباعة الديوان فهو لم يكن جيدا بالمرة

[Omar Adel · Rating 4 out of 5]

بنت كتير حبت ولا طالت
ياما اتحبت ولا حبتش
كف اديها بحجم الفكره
ياما اتحاربت ومحربتش
طول ضفيرتها بطول الليل
بس العسكر فوق الخيل
حاولوا يدوسوا عليها فى مره
بس الخيل خافت مدستش
بنت عنيها تدمع ثوره
وف شفايفها الضحكه هتاف
متبطلش اديها مشاوره
ويشبعها العيش الحاف
عملت من فستانها رايات
بس العسكر والشنبات
حبوا يعروا هدومها فى مره
هما اتعروا ومتعرتش

[Sara · Rating 5 out of 5]

خمس نجوم وش لأنه عن معشوقتي مصر :)
الكتاب أخذني في رحلة ممتعة بين صفحاته في قصائد تنبض بحب الوطن و الثورة و الأمل و رغم أنني لا أقرأ كثيرًا في الشعر و لكنني وجدت هذا الديوان لطيفـًا جدًا :)

أنصحكم بقراءته

[Saida · Rating 5 out of 5]

لوفى مليون نجمةهحطهايا مايكل
حبيت اووى من سكات والكلام ببلاش والجنة س28
احلى حاجة انى الكلام فى عمق
وفىحاجة تانيه
انا لما قريته لتانى مرة بدات احفظه واسمعه لنفسى كده:) وعادى ده مبيحصلش عشان الزهايمر
ابدعت يا مايكل كالعادة

[Sermeen Abdallah · Rating 2 out of 5]

بالنسبالى الشعر
احساس
كلمة تمسك من جوه
كلمة تخليك تعيش معاها
كل الاحاسيس
الممكنة
والغير ممكنة !!
فرح
زعل
تضحك
تعيط
تندهش
تنبهر
وحاجات تانية اكتر بكتير

كل دا بقى
ممسنيش
من جوا
محستهوش
او يمكن يكون هو
اللى محسنيش
!!

[Ahmad Medhat · Rating 5 out of 5]

رائع

[محمد الحويف · Rating 3 out of 5]

قرأت الديوان دا للمرة الأولي من سنة ونص تقريباً . . ومن كام يوم حسيت اني عاوز اقرأه تاني . . وقد كان

نبدأ بالغلاف . . جميل جداً

الوزن واقع في بعض القصايد للأسف

في غلطات مطبعية كتير

التشبيهات جميلة جداً

نص الديوان التاني عدي بسرعة جداً ماحستش بيه زي النص الأولاني ودا معناه انه حلو وعجبني جداً

أجمل ما في الديوان الإحساس
عامةً . . كمُتابع لمايكل عادل . . مستواه في الشعر إتطور أوي دلوقتي عن من سنتين لما الديوان دا نزل

:))

[Noura Rizk · Rating 4 out of 5]

اممم حتى وانا بكتب الريفيو مش عارفه اقيمه بأيه بجد في حاجات حلوه اووووي
وفي حاجات مش حسيتها دا غير الأحساس اللي كان معايا طول الوقت وانا بقرأ الديوان
واني كل شويه اقارن بينه وبين حد تاني ودي حاجه مش بحب اعملها حتى بين عمل وعمل لنفس الكاتب
فما بالك لما اقارن بينه وبين شاعر تاني .. اممم الديوان ف المجمل جميل
وفي أكتر من حاجه علقت معايا أوي
يمكن لما اقرأه تاني ابطل اقارن واركز فيه هو :)

[Farida · Rating 4 out of 5]

شنطة هدومى
الخوف انسان
من سكات
يا سعادة البيه
البواب
الموت عليها شديد

[Nermeen · Rating 5 out of 5]

كتاب رائع الكلام بيوصف احداث سنتين من الثورةالكلام معبر اوى وبيوجع اوى

[المكتبة لبيع الكتب · Rating 5 out of 5]

دلوقتي تقدر تحصل علي نسختك من الكتاب من صفحة ( المكتبة لبيع الكتب) و التوصيل لجميع المحافظات
http://www.facebook.com/Almaktaba4sell

[Omnia N · Rating 4 out of 5]

الديوان في المجمل كفكرة واسم وكل حاجة جديدة . قصايد كتير علقت معايا =)))

[Mohamed Abdelsttar · Rating 3 out of 5]

ديوان بسيط وجميل وصادق
فيه حاجات رائعة جدا وحاجات تانية مستوي اقل
ف المجمل ديوان جيد
واسلوب مايكل عادل رائع

[فاطمة سامى · Rating 4 out of 5]

المجد للثابت علي المبدأ و ع الكلمة
_____________________________________

تجسيد لحالة ساعات بتبهت او تتوه وسط الحالات لكنها مابتنتهيش !!

[Salma Khaled ii · Rating 3 out of 5]

الربط بين الكلام في الشعر رائع
سلاسه الأفكار و العاطفه التي يمكنك ان تشعر بها بين صفحات الكتاب
ابدع مايكل في بعض تعبيراته
يا رب الجنه مجاني
بنت عينيها تدمع ثوره
و غيرها

[Nada Elshabrawy · Rating 3 out of 5]

رُد بابك من سكات

[احمد محمود · Rating 4 out of 5]

الديوان رائع في اختيار الاسم والغلاف مميز نسبيا
والقصائد بتحكي عن الثورة والمجلس العسكري وأحداث كتير من الثورة ، الديوان رائع فعلا ولكن كان محتاج يقرأ في وقته .

[Esraa Habakey · Rating 4 out of 5]

(Y) (Y)
كلمات مايكل عادل رائعه فعلا :))