Y Gwyliau

by Sioned Wiliam

"Mae Sioned yn ysgrifennu gyda llaw ysgafn ond llygaid craff. Ro'n i wir yn teimlo 'mod i yno yn yr Eidal boeth, yng nghwmni'r cymeriadau amryliw ac amrywiol, yn bwyta ac yfed yn galonnog, ac yn dod i'w nabod a chael eu mesur fesul un. Am ddihangfa hyfryd!" Sian Lloyd

Nofel hafaidd rhwydd ei ddarllen gan awdures brofiadol a phoblogaidd.

Pythefnos mewn fila yn Umbria... beth allai fod yn well? Fe fydd bywyd wedi newid am byth erbyn diwedd y gwyliau.

Mae Tudur ac Elinor yn edrych ymlaen at gael ffrindiau i aros yn eu fila gogoneddus yn yr Eidal. Ond mae nifer o gyfrinachau yn llechu o dan yr wyneb gwareiddiedig.

Ymhlith y criw mae'r cyfarwyddwr teledu a'r cyn-garcharor Dylan Morgan a'i wraig Meriel. Yn ymuno â nhw mae Awen, awdur llwyddiannus a Tecwyn, actor Hollywoodaidd â'i wreiddiau yng Ngheredigion. A beth am yr Eidalwyr sy'n gweld eu pentre'n marw o dan bwysau'r tai haf melltigedig? Mae gan bawb rywbeth i'w guddio ar y gwyliau yma ac wrth i'r tymheredd godi fe ddatgelir pob math o wirioneddau a sgerbydau.

Kindle Edition

Published May 31, 2023