الموت يومًا آخر

حكايات الظلام المحظورة #2

by شيرين هنائي, ياسر منجي (كاتب مقال), إيمان إبراهيم (كاتب مقال)

رواية طويلة مصورة و مجموعة مقالات من أدب الرعب المصري
"إن الموت اليوم يعني أنك لن تموت غدا...وذلك شئ مطمئن...أما أن تحيا مانحاً روحك لضعفك البشري فستموت كل يوم...حتى وإن فررت من اليوم فسوف تموت يوماً آخر"

Genres: Novels, Comics, Horror

86 pages, Paperback

First published January 1, 2013

About the author

شيرين أحمد هنائي،مصرية،خريجة كلية الفنون الجميلة قسم الجرافيك و الرسوم المتحركة.
تعمل مخرجة رسوم متحركة،مترجمة،كاتبة سيناريو و روائية
صدر لها:
-سلسلة حكايات الظلام المحظورة:
1-عجين القمر
2-الموت يوما آخر
-رواية نيكروفيليا 2011-
-رواية صندوق الدمى 2011
-رواية طغراء 2014
-رواية ذئاب يلوستون 2015
-المشاركة في كتاب الكوميكس خارج السيطرة

تكتب شيرين هنائي في مجال الرعب الفلسفي

Reviews

[Nayra.Hassan · Rating 3 out of 5]

اصلنا هو الموت
نهايتنا هي التخلص من هذه الحياة المختلة التي نحياها كي نليق بالعيش إلى الأبد في العالم الذي اخترناه:جحيما ابديا
ام نعيما سرمديا
فقط الموت يهشم الغرور و الحواجز

يعيدك انسان مجرد من الأسماء و الوظائف
حينها ندرك فقط :اننا اضعنا حياتنا في ما لا طائل من وراءه

رواية كوميكس قاتمة..كبدتها شيرين بحمولة ثقيلة حقا..عن الروح و النفس و الجسد..أسئلة لا متناهية عن الحياة الحقيقية و هل هي حياة الدنيا..ام حياة الاخرة
عن رفض الانسان للموت بل و اعتباره الاهانة الكبرى .. بينما نظل نهين أجسادنا عبر حياتنا. .كل حسب إبداعه

و حقا ابدعت شيرين و حنان في تصوير المتعاطي على أنه ميت حي او زومبي ..يلحق بجسده اكبر إهانة عندما يتخلى عن عقله طواعية

لا يعيب الرواية سوى ثقل الفكرتين على القالب المستخدم. . و الاخراج الفني لم يأت على المستوى الفائق لعجين القمر
و لكن فلنتذكر دائما 💡
اذا اخترت ان تحيا مانحا روحك لضعفك البشري فستموت كل يوم

[Sermeen Abdallah · Rating 3 out of 5]

فكرة استخدام الصور
مع الحكاية
فكرة حلوة جدا


اما عن القصة نفسها
فكانت لذيذة
الاسئلة اللى ديما بنسألها
ومش لاقين ليها اجابة !!

فكرة الاموات والاحياء
فكرة الموت نفسها
والحياة

الموضوع حلو وبيدخلك
فى المود لحد ما تلاقى نفسك
مش سايب الكتاب
غير فى آخر صفحة

[Ahmed Saad · Rating 4 out of 5]

رواااااية رائعة .. من اول غموض بدايتها وغموض الراوي لحد آخر القصة ومفاجئة معرفة الراوي وطريقة سرد القصة الحقيقية ف الآخر صدمة!....... فعلا كتابات شيرين هنائي مش بتخلص بمجرد نهايتها لأنها بتسيب وراها اسئلة كتير جدا .. عجبني اوي الرسم والكوميكس وطريقة وصفها للي بيحصل بالظبط بيسهل التخيل ويقوي المشهد.. أستاذة شيرين & استاذة حنان .. أحييكوا فعلا ومستنيين الجاي :)

أنا أصبحت من اشد معجبي الأستاذة شيرين هنائي! :)

[مصطفي سليمان · Rating 3 out of 5]

يمكن تكون تاني مرة اقرأ قصة مصورة بالمعني الحقيقي ليها
ك تجربة مصرية خالصة
فيه محاولات مثل

خارج السيطرة

او مجلة توك توك

او معرفة ليا ان فيه شغل شبه دا عندنا كان مع رواية

مترو

اللي تم منعها

انا احب القصص المصورة بشدة والتجربة هنا مبشرة وكمان قصة تنتمي يعني للادب الرعب النفسي وانا بحب دا كمان
القصة باختصار عن رامي وسامي
وفكرة الموت وفكرة الاخر
طرح فلسفي بسيط
هو ايه اللي يضمن ليك انك عايش ؟
وان الحياة دي حقيقة؟.
ليه بتقول ان اللي بتقابلهم اموات؟
وليه بيجيوا ليك انت تحديدا؟
فكرك تقدر تغير شئ امر انتهي بالفعل؟
هو الموت عبارة عن ايه؟ الحياة ؟ الروح؟
الاشباح؟ الموتي؟

يمكن فيه اجزاء حسيتها اضعف زي اجزاء المخدرات
او الراجل اللي وقف ليه بعد حادثة الميكروباص
بس ف المجمل العمل متماسك
يمكن الروسمات كانت محتاجه تزيد حبة كمان

وف النهاية فيه قصتين قصيرين
كويسين

ف المجمل تجربة تحترم بشدة
ينصح بها لهواة الكومكيس والجرافيك نوفل

[Ayat Mahmoud · Rating 2 out of 5]

تقييمي نجمتين بالتمام

اولا تحية و تقدير للي يفكر يعمل جرافيك نوفل او حتى كوميكس مصرية! احنا ماعندناش ما يكفي من هذا الخط الانتاج الفني و يحتاج للتشجيع فعلا! اتمنى اننا نوصل لمستوى عالي من الاحترافية في اخراج هذا النوع من الروايات لنها باختلاف المواضيع اكيد هترضي جميع الاذواق و هاتشجع القراء الجداد على لاقراية اصلا و هتساهم في ان ناس كتير تعتاد على القراءة.. حتى لو كانت هتبدأ بانها بتتفرج على لاصور او تعتبر الكتابات دي زي ميكي بس المحتوى في الآخر هيفرض نفسه.. فتحية و تقدير للفريق الشجاع اللي أقدم على هذا العمل و بذلوا فيه كتير.

لو اتكلمنا عن الاخراج الفني اللي عليه دور كبير اوي بما انها رواية مصورة، فالرسومات ظريفة مش بطالة... فيه شوية غلطات صغيرة كانت النية فيها خير، و الخلفيات ضعيفة شوية، بس الناتج الكلي للرسوم مش بطال!

الفونت او خط الكتابة و تنسيقها: غتت! فيه كلام مش واضح إيه اصلا اللي مكتوب بسبب الفونت! ده غير ان فيه لوحات كنت باحتار هو الكلام بدأ من اليمين و لا الشمال بسبب تنسيق الكلام على اللوحة/الرسم فكنت باتوه شوية على ما اعرف مين اللي بيتكلم و بيكلم مين! ده غير الغلطات الإملائية بقى! هم مش كتير اوي يعني بس دايما حكاية التنسيق و الغلطات الاملائية بتبقى حاجات كده تعكنن ع الواحد من غير داعي! شوية مراجعة و النبي و غيروا الفونت الله يكرمكم :)

الحكاية مفقوسة م الاول طبعا بس رغم كده فضلت حابة اكملها و اعرف النهاية و اعرف ايه اللي حصل. فوجئت بالسبب وراء تجاهل ام و ابو رامي له في الآخر، ماكنتش متوصرة ان ده اللي حصل بصراحة.. فالحكاية حلوة و اكيد هيطلع من ايديهم حكايات أحلى بعد كده

الجزئين الآخرانيين بتوع عم ربيع و الدور التالت مافهمتش ايه الهدف من وراهم الصراحة! يعني ايه المطلوب؟!

كانوا عاملين زي Inside joke
اكتر منهم حاجة تخص القاريء العادي او لها علاقة بالحكاية

تاني أحب احيي و اشجع الفريق الظريف على مجهودهم.. و انا متأكدة انهم هيطلعوا نتايج احسن من كده المرة الجاية و يارب من نجاح لنجاح

:)

[طارق سيد · Rating 4 out of 5]

عمل نظام كئيب ناضج جدا أحببته
مراجعة العمل ضمن قراءات شهر يناير ٢٠٢١ علي #كوكب_الكتب
من هنا


https://youtu.be/k2sus47rAZ0

[Comixawy Comics · Rating 4 out of 5]

الموت يوما آخر
في كل صفحة لا تعرف اين انت و لا تعلم الي اين ستأخذك
حقاً ممتعة.

[Youssry Effat · Rating 5 out of 5]

اظن انى فقدت الكثير بعدم اقتنائى لهذا العمل الرائع منذ صدوره
لكنى كنت دائم البحث عنه و عندما كان امامى لم اتردد لحظة لشراءه و قراته فورا
عمل ابداعى رائع متكامل بداية من القصة للرسوم , عمل اتمنى ان تستمر اعداده

اتمنى ان يكبر فريق العمل و ان يتوفر لهم كل الامكانات الموجودة
و اظن انه يكون الكثير من المبدعين فى مصر فى هذا المجال
و نظرا لانتشاره بكثره الفتره الفائتة

اتمنى ان يكون العمل ملونا وليس باللونين الابيض والاسود فقط
رغم انى فى قراءتى له تخيلته كله بالالوان و هذا ما يؤكد براعة
الاستاذه شيرين فى كتابتهاو اتقان وابداع الاستاذه حنان فى الرسم

انه عمل جديدو رائع واتمنى ان يوجد من يؤمن فيه و يكون عنده
الثقة والامكانات للمساعده فى انتشار هذا العمل اكثر

بالتوفيق دائما
واتمنى ان اشترى فى القريب "عجين القمر" ايضا

شكر اخير
للاستاذة
شيرين
حنان
ايمان
شيم

تحياتى

[Shimaa · Rating 4 out of 5]

"لماذا نعرف طريق هلاكنا و مع ذلك نصر على الهرولة فيه باتجاه مصيرنا؟لماذا يخطئ الانسان إن كان يعلم أن الخطأ يؤدي إلى هلاكه؟ لماذا يقولون إن الانسان هو الكائن الوحيد العاقل في الكون وهو الذي لا يستخدم عقله إلا في ملء الفراغ الكائن اعلى جمجمته؟"

لأني اتربيت علي كتب الاستاذ خالد الصفتي طبعا أول ما شفت قصة مصورة حنيت لطفولتي و قلت فرصة
قرأته على جرعه واحده وأعجبني
بس مرجعتش لطفولتي ولا حاجه:(

بس انا خلاص فهمت إزاي أقرأ الحاجات دي "
أقرأ وأبص ع الرسم أقرأ و أبص ع الرسم"
:D

القصة بتطرح تساؤلات عن الحياة و الموت
في إطار من الرعب والفلسفة
في انتظار العدد القادم

[Eman · Rating 3 out of 5]

كنت في شغف كبير لأقرأ ل شيرين هنائي مرة أخرى والتي أصبحت على قائمة كتابي المفضلين بل أشعر بأنها صديقة قريبة لقلبي فأنا حين أقرأ لها فإني أقرأ لصديقتي وليس لكاتبتي :)

كان لدي صعوبة في هضم القصة الكوميكس قليلا كما أحببت أسلوب السرد الاعتيادي الذي يجعلني أتذوق الفكرة دون تشتت بالصور ( لأ ومش أي صور )، بس على العموم تجربة حلوة برضه برغم إني حسيت منها باكتئاب شوية مش ��ارفة ليه

وكنت أتمنى يزيد جو الفلسفة الذي أعشقه في اسلوب شيرين هنائي

وبإنتظار روايتها القادمة التي وعدتني بها في الصيف بإذن الله

وأتمنى لها كل التوفيق والنجاح والسعادة :)

[عمر الخير · Rating 3 out of 5]

العمل الابداعي مفيش اتنين يختلفوا عليه

والابداع هنا كان فكرة التصوير بالكوميكس

الفكرة الـ خلت الكتاب قاعد مع صحابي -الـ مبيقروش- شهر نص قبل ما اعرف اخده منهم واقراه بقي

وفعلا الاعمال بالشكل دا في مصر نفتقر ليها عشان للاسف "انت كبرت علي ميكي يا ابني؟"


وهو اصلا دي ميكي؟

المهم القصة نفسها

كانت الحبكة بتاعتعا في شئ من التوهان في الاول خصوصاً

وبصفة عامة في الرسومات فيما بعد

عشان الواحد مكنش عارف يبدء من اليمين ولا الشمال وكدا



وعجبني الجزء الفلسفي ال زادت جرعته مع الاقتراب من النهاية

[Ramy Fou'aad · Rating 3 out of 5]

مش عارف الصراحة ، الأسلوب جديد ،عامل زي ما تكون بتركب عربية و مش متعود عليها و بتسوقها لأول مرة .. الفكرة حلوة
نيجي للمضمون بقه ، كفكرة ، مكررة طبعاً ، و عالجها كتير من الكتاب و في السينما كمان ، و إتكتبت كذا مرة من قبل مبتدئين كقصص قصيرة تعتمد على المفاجأة في الأخر .. لكن هنا الأحداث كتير و طويلة جداً في ملل لأن الفكرة إتحرقت من تلت الرواية الأول ، ففين المفاجأة بقه؟ توقعت إن مثلاً يكون العكس و يطلع مش ميت ، لكن ماحصلش جديد...

عموماً الفكرة حلوة و ممكن تتطور ، عايزة بس قصة أحسن ، و الرسومات لو ملونة هاتدي حياة أكتر

[Mohamed Amin · Rating 3 out of 5]

عجبتني الفكرة و لم انكر ذلك و لكن عندي بعض الملاحظات عليها لأني كنت أود لو اقرأها بهذه الصورة :
اولا الفكرة رائعة جدا و لكن كانت تريد مزيد من الاحداث و كانت ستصبح اجمل لو كانت رواية كاملة متكاملة
ثانيا : الرسومات اشعرتني بأني عدت طفلا... هي جميلة ولكن لو كانت مثل رسومات روايات شارلز دكنز التي تصف الموقف و لكنها لا تشعرك بانك في فيلم كرتون لكانت افضل من وجهة نظري
و لكن في المجمل التحية و الاحترام للفكرة نفسها

[Mohamed · Rating 4 out of 5]

رواية متكاملة روايةً و تصويراً
شرين هنائي قد امتلكتني بأسلوبها و اندمجت مع الأحداث
و حنان الكرارجي برسوم فافت مخيلتي قد وضعتني في قلب الرواية
تمنيت ان تطول الرواية ولو لبضعة صفحات

لا انسي كوميك ابو ربيع من رسم شيم الشافعي...الذي كان كالكرزة فوق الكعكة لزيدني حباً في الرواية

و قصة ويجا و الدور الثالث لإيمان ابراهيم

الرواية كما قال د.ياسر منجي هي رعب فلسفي الذي احي دوره فيها و مقدمته الرائعة

[Hamada Cena · Rating 4 out of 5]

ديه أول مرة أفرأ للكاتبة شيرين هنائي، و بصراحة أول مرة أقرأ قصص مصورة للكبار، و تتناول الرعب النفسي. مجموعة العمل أبدعوا في إبتكار هذا العمل. ربما تكون نهاية القصة مخيـِّبة لآمال البعض، و لكني أراها مناسبة جداً بالنظر لسياق القصة. أود التنويه أيضاً أن فقرة (رامي.. الله يجحمه) تعتبر أسلوباً طريفاً لإمتصاص كآبة الأحداث و مأساة النهاية، أضحكتني أيضاً فقرة (حكاية الدور الثالث) و تناولها موضوع الويجا. أتمنى التوفيق للكاتبة شيرين هنائي و رفيقاتها في الدور الثالث

[Mazin · Rating 3 out of 5]

القصة جيدة وتحمل طابع الأستاذة شيرين المميز- ولكنها لم تأخذ النجوم كاملة للأسباب الآتية :
- القصة كانت قصيرة جداً
- قلة الرسوم : وبما أني من مدمني الكوميكس - فلم أجد فيها الوجبة الكاملة التي ترضيني
أرجو في المستقبل أن أقرأ " رواية مصورة طويلة وبرسوم أكثر "

[Nourhan · Rating 3 out of 5]

هو أنا كنت حديها نجمتين بس التالتة دي ل روح التجديد و الإبتكار إللي بحبها جدا , تحية لكل واحد فكر و جدد و إبتكر.

[Sama · Rating 4 out of 5]

كما اعدت من كتابات شيرين هنائي
رواية جاذبة ؛ كتابة بسيطة ؛ احداث مشوقة ؛ و أهم شئ فكرة و معنى عميق
احببتها بس كانت قصيرة جدا و زعلت انها خلصت ؛ الكوميكس كان حلو بس الرواية السرد امتع

[Aya Reda · Rating 3 out of 5]

الموت ينتظر على الأبواب!

[Sheref Esmat · Rating 3 out of 5]

هو مبدأيا كده انا بحب فكره الكوميكس اوووووي وبتشدني من غير حاجه
الرسومات الصراحه عجبتني
وحكايه الدور الثالت اللي في اخر الروايه ديه عجبتني اوووي

تعليقاتي المره ديه غريبه شويه وفي حاجات ممكن مش اهتمام ناس كتيره بس بتفرق معايا :
اولا.. الخط مش مريح في القرايه نهائيا خصوصا اللي هو بيبقى في الرسومات
ثانيا.. في حاجه استغربتها الصفحه (16)و (17) متكررين بالظبط مع العلم انا طبعتي اورجينال!!!
ثالثا... فكره الروايه قفشتها من الاول
رابعا... هي المفروض انها حاجه بسيطه يعني المفروض التفاصيل فيها تبقى قليله جداااا


بس انا انبسط الى حد ما وانا بقرائها وخصوصا ديه اول حاجه اقراها لاستاذه شيرين ومتحمس للباقي بقى


سلاموز :)

[Ahmed Elaraby · Rating 5 out of 5]

أعجبتني جداً الرواية .. الرعب الفلسفي الذي يصدمك في نهايته.
طوال الرواية وأنا أعرف أن المفاجئة هي أن رامي ميت .. و لكن الحبكة و المفاجئة هنا هي في "رامي" نفسه .. كيف مات و ما بين روحه و نفسه .. و هي نقطة فلسفية توقفت عندها قليلاً للتأمل.

أسلوب الكاتبة جذاب و ممتع .. أتمنى إستكمال سلسلة "حكايات الظلام المحظورة" بنفس أسلوب القصص المصورة الممتع.

[Sarah Dorra · Rating 4 out of 5]

لفت نظري غلاف الكتاب وكلمة "قصص مصورة" عشاني مقريتش قبل كدة كتاب كوميكس عربي. أبهرني المحتوى -- انه قام بتوظيف الرعب ليجعل له رسالة، وانه مش مجرد رعب هدفه تضييع الوقت وخلاص. الحاجة الوحيدة اللي معجبان بس في الكتاب الأخطاء الإملائية -- كان محتاج شوية مراجعة كمان. لكن غير كدة، الكتاب رائع بالمعنى الحرفي للكلمة. ربنا يجازي خير كل من شارك فيه.

[Hero · Rating 5 out of 5]

روايه تحفه من كل الاتجاهااات عجبتني جداا متكامله و الرسومات ملهاش حل طوول ما انا باقراها باقول هو اكيييد ميت بس ميين اللي بيحكي دا ميييين !!!!! بس اندهشت في النهايه الصراحه :D
عمل اخر مبدع للمبدعه شيرين الي الامام دايما و مستنيين الجديد

[Reem Bassam · Rating 5 out of 5]

عجبتني جداااا حاجه صغيرة كدا خلصت ف ساعه وكنت عايزها تطول اكتر و رغم صغرها و دا اللى طبعاا استاذه شيرين بارعه فيه الا انها بتخليني اعيش مع الشخصيات برضه و اتأثر واكتر حاجه عجبتني حكاية الدور التالت :D

[احمد محمود · Rating 3 out of 5]

الرواية كوميكس رعب نفسي
القصة جيده مش رائعة
الرائع ان مكنتش اتوقع المتحدث طول القصة
بس القصة مجملها كويسة بس فيه احسن من كده كتير
والقصتين الاخرنيين واحده ضحكتني والتانية فهمتني من الدور التالت
تجربة مش وحشه :)

[MennatAllah sheta · Rating 5 out of 5]

:))

[Hanan · Rating 5 out of 5]

لم أكن أتوقع أبدا وأنا أقدم على شرائها وأشرع فى قرائتها انها بكل هذا العمق ،، حقا راااااااااااااائعة ،، وحقا لقد أبدعتى يا فنانة

[Ali Fahmy · Rating 2 out of 5]

meh...

[Ismail Hassan · Rating 4 out of 5]

انا مبفهمش في النقد ولا اسلوب السرد ولا الكلام دا بس الفكره عجبتني جدا و خلتني ادور علي بقيه حكايات الظلام المحظوره و متشوق جدا لقرايه عجين القمر

[Hnan]

الرسوم حلوة