الكهف

by أمل زيادة

الكتاب بعنوان الكهف عباره عن روايتين
الاولى ادب خيال علمى
مقتبسه من خبر صحيح نشرفى الصحف من زمن عن جبل فى احدى المحافظات بيقولوا انه بيصدر منه اصوات مخيفه والناس كانت بتقول انه مسكون بالاشباح
والكهف عباره عن فتاه صحفيه شابه بتبحث عن موضوع مثير بالصدفه بتدلها صديقتها على هذا الجبل ولما بتروح هناك بتكتشف الكهف وبتدور احداث شيقه وتنتهى بمفاجأه كبيره حيث بتتفاجىء انها اساسا مخلقة جينيا وان الكهف وهو عباره عن قاعده علميه بيديرها طبيب وعالم مع الاحداث بتكتشف انها كانت موجوده فى المكان ده من قبل كده
**********************************
الروايه الثانيه بتتكلم عن فساد الشرطه بعنوان الصيد الثمين
عن ارمله بتلاقى نفسها متورطه فى جريمة قتل شاب
واحد الضباط المسؤلين فى القضيه بيحاول الصاق التهمه ليها رغم ان زميله الضابط الاخر اثبت بالتحريات براءاتها
بيصدر امر بالقبض عليها وبعد القبض عليها بتصاب بانهيار وتدخل المستشفى ويذهب لها الضابط الذى يترصدها ويقوم بتعذيبها بأنتقام وهى مش فاهمه هو ليه بيعمل كده
بتهرب وهو يكثف البحث عنها بيساعدها الضابط الاخر
ومع توالى الاحداث بتتذكر انها كانت سجلت مقطع فيديو لكمين شرطه من شرفة منزلها ورفعته للنت

.

155 pages, Paperback

First published December 24, 2012

About the author

كاتبة وصحافية مصرية عضو عامل بإتحاد الكتاب،عضو

. بشعبة أدب الخيال العلمي بالأردن ومصر
صدر لها العديد من الروايات المتنوعة.
تنوعت ما بين الخيال العلمي الدرامي والرومانسية وأدب الحرب والمجموعات القصصية والآخر والرعب والرسائل.
ذيعت لها قصص في برنامج رعب على القهوة مع أحمد يونس فقرة بعد الآن.
يصدر لها مقالات أسبوعية في مجلة مصر المحروسة والدستور وبوابة دار الهلال.
فازت بالعديد من الجوائز على المستوى المحلي والدولي الإقليمي.

Reviews

[دينا ممدوح · Rating 3 out of 5]

غلاف الكتاب يخدع
مكتوب رواية
ولذلك لما بدأت فيه
حسيت إن الأحداث بتجري أوي وماكنتش متخيلة أن باقي الكتاب هيكون لسه فيه مفاجأت
بس أكتشفت بعد كدة أن الكتاب بينقسم لجزئين
الكهف
الصيد الثمين

الكهف
احداثها بدأت بسرعه وأستمرت علي نفس المنوال للأخر تقريباً
وده اللي خلاني مستمتعه بيها جداً
المشكلة بالنسبالي فيها أن مفاجأتها ماكنتش بتاخد حقها في كشفها
بمعني أن فجأه في وسط الكلام تظهر مفاجأه أو سر من أسرار الحكاية كلها
ويمر كأنه جُملة عادية من غير تفاصيل أكتر تخليني أقدر أفهم
بس ككل حبيتها وعجبتني فكرتها

الصيد الثمين
ولو أني كنت مستغربة الأسم مع الحكاية
بس إن يتأجل فيه السر للجزء الأخير ده كان مخليني دايماً حاسة بفضول عشان أعرف هو مجدي بيعمل مع سلمي كده ليه
النهاية متوقعة شوية وأستغربت كمان إن وليد فجأه لقي نفسه بيحبها بعد ما كان بيساعدها عشان حاسس بظلمها
حسيته مش منطقي شوية

الكتاب ككل مشوق

[آية حماد · Rating 4 out of 5]

الكهف رواية قصيرة تضم معها رواية قصيرة اخرى وهى الصيد الثمين
بداية من الغلاف كنت افضل لو ان فى اشارة لوجود رواية اخرى
رغم انى بعدما قرات الروايتين شعرت بان الغلاف ملائم للفكرة الاساسيه فى الاثنين
وهى البحث عن " السر " فى اعماق الظلام والخوف المسيطر على الاحداث

الرواية الاولى " الكهف "
فكرتها مشوقه وان كانت تشبه الخيال العلمى الى حد كبير جدا
فكانت تحتاج لمزيد من التوضيح والسرد فالفكرة كانت تستوعب اكثر من ذلك

الرواية الثانية " الصيد الثين "
رواية واقعيه جدا صيغت باسلوب رائع ومشوق
حسيت انى اندمجت معاها اكثر من الكهف
يمكن لان احداثها ملامسة للواقع بشكل كبير فحسيت انى موجودة فى الاحداث

استمتعت جدااا باسلوب امل المشوق وافكارها المميزة

[Jasmine · Rating 3 out of 5]

الرواية الاولى سيئة جدا اسلوب يقترب جدا يكاد يكون مطابق لاسلوب دكتور نبيل فاروق .... القصة ضعيفة جدا ... اما الرواية التانية فهو حلوة جدا جدا كانت تستحق انها هي اللي تاخد الاسم على الغلاف .... الاسلوب محتاج قوة اكتر ... الغموض كان حلو في القصة التانية واتوظف صح بطول القصة نهايتها زي نهايات الافلام العربي اوي بس في المجمل هي كويسة

[د. داليا الباجوري · Rating 5 out of 5]

انتهيت من قراءة رواية #الكهف
حقيقي الرواية رائعة وجذبتني أحداثها المشوقة من أول صفحة لاخر الرواية
عمل رائع واسلوب شيق جداا في سرد الأحداث
انتهيت من قراءتها في ساعات معدودة لم أشعر بها لاستمتاعي بالاحداث
مبرووك , تمنياتي لك أختي وصديقتي بمزيد من الابداع