غريق ع البر

by دعاء عبد الوهاب

93 pages, Unknown Binding

First published December 1, 2012

Reviews

[Ahmed Ibrahim]

الحقيقة أنا مش فاكر مين اللي رشحلي اسم دعاء عبد الوهاب وقالي إنها مختلفة عن شعراء العامية بتوع اليومين دول، بس أنا حابب أشكره جدًا.
وأنا قاعد زهقان قمت أبص شوية على الكتب لمحت اسمها، أفتكرت إن حد رشحلي الاسم ده، ترددت في قراءته كونه شعر عامي جديد، وكمان كتباه بنت، وأنا مبحبش الكتابات النسائية ولا شعراء العامية الجدد، بس قولت آخد الخطوة دي، الديوان صغير ومش هياخد مني ساعة.. وقد كان.

الديوان متنوع، وعلى حسب تنوعه كانت جودة القصائد..
الجزء الأول منه سياسي، قصائد رائعة، لو اقتصر الديوان على الجزء ده كنت هقيمه بالأربع نجوم، قصائده كلها رائعة بلا استثناء.
الجزء التاني رومانسي، وبعض القصائد الحزينة، وبعضها تتحدث عن الأمل، لكن مش بمستوى الأول، مفيهوش غير ثلاث قصائد جيدين جدًا، والباقي يتراوح ما بين الحيد والعادي.
الجزء التالت رباعيات، مستواها متفاوت ولكن فيه رباعية قوية، متأثرة في الرباعيات وفي أسلوب كتابتها بجاهين جدًا.

القيد ولو كان دهب منين يجيب السرور؟
ولا عمره جوه القفص يوم اتنصف عصفور
مش كل صفحة كتاب بتبان من العنوان
دا اللي بيقطع رقاب إزاي يكون مسرور؟

حسيت الرباعية دي شيهة شيء ما برباعية: "السم لو كان في الدوا منين يضر ؟" بتاعت جاهين.

في عيب فقط في تنسيق الديوان الداخلي ومراجعته لغويًا.
الديوان في المجمل جيد، ويستحق التشجيع، وأسلوبها مبيميلش للكلمات العامية الفجة، أنا استمتعت بالديوان، وكان نفسي أكتب كل قصائد الجزء الأول في المراجعة والقصائد الجيدة من الأجزاء الباقية، لكن هكتفي بقصيدة واحدة فقط، بمكن أكتر قصيدة عجبتني، وبتقول:

مفيش دليل؟!
أنا الدليل..
أنا الدم اللي سال على الأرض
ما استكفيت..
أنا العين اللي صابها الغدر
واتصفّت..
أنا الأم اللي حرقوا فؤدها ع الغالي
ولبست شال محنّي بدمه واتدفّت..
أنا الدليل..
أنا المخنوق بـ سم الغاز على الكوبري..
أنا المضروب بـ مية خرطوش على ضهري
أنا اللي العمر راح محنة على محنة..
وقلت شاريكي
ولا مرة نفد صبري..
أنا المجني عليه واليوم
بقيت جاني..
واللي قتلني بريء
وعيونه ناكراني..
خرجوا الديابة من القفص أحرار..
وأنا اللي لسه سجين
محبوس في أكفاني
يا نكسة كانت في التاريخ
واليوم بقت وكسة..
يا قلوب ومتلونة بالغدر والخِسة..
لو كنتوا فاكرين حلمنا ممكن يموت..
متفرحووش..
نار القصاص والدم هتشتعل لسه .

[Zeinab]

من اجمل ما جاء فى هذا الكتاب : مفيش دليل ؟؟ .... أنا الدليل ..!!!

أنا الدليل ..
أنا الدم اللى سال ع الأرض
ما استكفِـت ..
أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

مفيش دليل .. أنا الدليل !

[محمد الحويف]

الديوان الأول لدعاء عبد الوهاب . . كُتب من مايقارب السنتين
كديوان أول جيد . . أكثر إستنتاج تستطيع الوصول إليه بعد إنتهاء القراءة هو أن مستوي دعاء قد تطور كثيراً عن ذي قبل
النصف الأول أفضل من النصف الثاني
لم تعجبني فكرة دمج العامية بالفصحي في قصيدة أجمل نهاية
أكثر قصيدة أعجبتني هي قصيدة محلك سر

[Mohamed Magdy zinhom]

ديوان خفيف جدا و متنوع بين مواضيع شعرية عن الثورة و نتائجها

و الامل فى حياة الانسان و الرباعيات

لغة سهلة و عبارات قوية

و اكثر ما فاجئنى وجود قصيدة متخافش من بكرة فهى من اروع القصائد المغناة فى رأى الشخصى

[Essam Ragab]

دعاء عبدالوهاب ليست من شعراء العامية المفضلين بالنسبة لى .. لكنها اجادت فى بعض القصائد هنا واجبرتنى على اقتباس بعض كلماتها ..

ما لا يعجبني في شعرها هو أنه يفتقر أحيانا للوضوح والاتصال بالواقع .. جودة الشعر فى الكثير من الأحيان تتوقف على مدى تعبيره عني

[Ahmad Yahea]

ديوان حلو ، متنوع بين بدايات الثوره وما ترتب عليها .
بعض القصائد رتيبه وفكرتها مكرره

أفضل جزء هو الرباعيات بها تنوع ولطيفه جدا

[Zaghloul Fayed]

توحفه

[احمد محمود]

غريق ع البر .. ديوان خفيف
قلم دعاء عبد الوهاب معروف بالنسبالي
مواضيع الديوان متنوعة وبسيطة واسلوبها جميع
الديوان رائع وليس مبهر

[حسناء]

3.5

[Ahmed Maher]

...