واحد كمالة

by خالد بيومي

عندما يُفلس الكاتب فإنه يبحث في دفاتره القديمة عن (فكرةٍ ما) قد تصلح لقصة أو (كلمةٍ ما) بقليلٍ من الفذلكه قد تغدو قولاً مأثوراً

وأنا كــكاتب أولاً ، وكساخر ثانياً ، وكــ بيومي قبل كل ذلك ، بحثت ونقّبت ودورت واتنططت وعملت شقلباظات فلم أجد غير القصاصات والأقاويل والحواديت والشخبطات القديمة والتي آلمني أن أتركها وحيدة الأدراج فلملمت الصالح منها وجمعتها كلها كده على بعتشششيها شاكب راكب ووضعتها في كتاب لذيذ ، بسيط ، جميل ، لطيف ، خفيف ، مفيد ، فوزي

ولأني أعلم أنكم - كــ فانز – مفلسون تماماً ومحلتكوش اللضا فلقد رفضت كل عروض دور النشر المغرية التي ألحّت علي أن أنشر كتابي لديها وقلت لنفسي يا واااااد طنش خااااااالص .. دول فانز غلابه و مش لاقيين ياكلوا وبيدفعوا اشتراك البيدج بالعافيه .. نزلهم الكتاب الكتروني وآهو كله بثوابه يا أبو نسب

وعلى هذا فإني آتيكم هذه المرة أيها القــراء الأعزاء بكتابي الساخر الثالث (واحد كِمالة) والذي يضم بعض المقتطفات والأقصوصات و الحكايات و حبة مقالات من كتاباي العظيمان اللذوذان (فانلة داخلية تتسع لعدة أشخاص) و (فيها لا مؤاخذه حاجه حلوة) وبحيث لن تجد أروع من هذا الكتاب مثال على العك الأدبي والخلطبيطه وإنه حتى القصص والحكايات ورؤوس الحكمة ممكن تتحط في رغيف

وأخيراً أتمنى أن تجدوا في هذا الكتاب تسليةً طيبة لأوقاتكم .. أقرأوه .. فهو وجبه خفيفه لا أكثر .. وإن شئتم رد الجميل ففي نهايته ستجدون صفحة (الجود ريدز) الخاصه بي فاخبروني فيها برأيكم ، وستجدون ايميلي فاتحفوني فيه باقتراحاتكم ، وستجدون رقم تليفوني فحولوا لي عليه رصيد بارك الله فيكم .. أشكركم شكراً جزيلاً وانتظر رأيكم بالكتاب

خالد بيومي فهمي
http://www.facebook.com/fanila.dakhelia

Genres: Nonfiction

170 pages, ebook

First published February 1, 2013

About the author

- مواليد يونيو 1982
- بكالوريوس هندسه الاتصالات عام 2004
- يعمل مهندساً بوزاره البحث العلمي منذ عام 2008

الجوائز :
- حاصل على عدد من جوائز القصة القصيرة :
دار الهلال - ساقية الصاوي - مسابقة ديوان الثقافية - مسابقة احسان عبد القدوس الأدبية

- حاصل على جائزة أفضل سيناريو في مهرجان سيني موبايل 2012 للأفلام القصيرة عن فيلم
Cart
حاصل على جائزة تصويت الجمهور عن فيلمه "بورتريه" من نفس المهرجان عام 2013 .
المهرجان تحت رعاية الشركة العربية للإنتاج والتوزيع السينمائي – إسعاد يونس.


الكتب والإصدارات :
- فانلة داخلية تتسع لعدة أشخاص ، أدب ساخر ، عن دار ليلى (كيان كورب) للنشر والتوزيع ، 2011 .

- فيها لامؤاخذه حاجه حلوة ، أدب ساخر ومقالات ، عن دار ليليت للنشر والتوزيع ، 2013.

- واحد كِمالة ، مقتطفات ساخرة ومقالات ، نشر الكتروني

Reviews

[خالد بيومي · Rating 5 out of 5]

واحد كمالة ؟!!! .. ياله من اسم !! .. ياله من عنوان ؟؟؟! .. من الرائع الذي ابتدعه ؟؟ .. من الألمعيّ الذي اقترحه ؟! .. من الفنان الذي دمج الكشري الاسبشيال مع الادب الساخر ليصنع أحلى عك يُضاف للكوسه التي ماشيه بيها البلد ... يا سلام يا ناس.. يا سلام يا عالم .. أتعلمون يا ساده؟! .. لقد قرات هذا الكتاب أكثر من مرة .. أي والله أكثر من مرة.. وكلما أنهيته أعــود مرة اخري لقرائته .... وعندما فكرت وجدت ان السبب .. هو الاسم!! .. واحد كِماله!! ... يعني عمري ما هشبع منه .. نيااهاهاهااها .. يا لي من وغدٍ لطيف ..
جرّب وخد لك قطمة .. حمّل من هنا :
http://www.goodreads.com/ebooks/downl...--

[Alaa Ezzeldin · Rating 4 out of 5]

الكتاب دا من نوعيه الكتب اللي تجيبها في قعدة مش بتاخد وقت وبتدخلك في مود جامد جدا...جرعة معقولة من السخرية تنفع اوي اول اليوم تصطبح بيها
طبعا الجديد فيها انه استلم الفيس بوك حلو اوي و اتكلم عن الحاجات المستفزة اللي الواحد فعلا بيلاحظها فيه
الأقوال المأثورة...طلعت اللي جوانا في كلمتين
طبعا المقالات اللي كتبتها كتير منها فصلني ضجك زى الولد اللي بعتلك آدد على الفيسبوك عشان ممكن يكون يعرفك
ومقالات من كتب سابقة زى التوك توك و السفارة الاسرائلية و الجنيه والسفارة الاسرائلية
يعني بجد حاجة ممتعة جدا
استمر

[عمرو عزازي · Rating 3 out of 5]

الكتاب خفيف ، لطيف ، طريف ، مفيد ، فوزي ^__^

الكتب اللي من النوعية دي محتاجين لها الأيام دي .. الأيام اللي الحزن فيها كتر ! ..عاوزين واحد زي خالد يزرع الضحكة على الوجوه :)

بس برضه الكتاب مش كله ضحك و هزار .. ساعات خالد وسط السخرية هيخليك تبكي ، و دا نوع صعب من البُكا !



شكرا يا خالد على جرعة الضحك دي ، و استمر :)

[Mohamed Ateaa · Rating 4 out of 5]

كتاب تخلصه في قعدة واحدة و اقل من ساعة لو انت بتقرا بسرعة زي حالاتي
بس هيقعد معاك شوية راسم البسمة علي وشك و عمال تضحك من غير سبب
وكل ما تفتكر حاجة منه ترجع تضحك تاني

انا اعرف المؤلف شخصيا وهو شخصيا كيوت و امور و ابن حلال - كده بقي طلب عروسة :)
بس فعلا كلامه خفيف و اسلوبه خاص بيه لوحده
تحس انه بيقلش في كل حاجة كاتبها بس انت مستمتع
كمان بيجيب افكار غريبة يقولها بطريقته و انت معكلش غير انك تضحك

اول جزء في الكتاب مجرم في شوية اقوال هتبقي مأثورة فعلا

والكام مقالة اللي في الكتابين هيخلوك تموت من الضحك

أ خالد لو قرر يكتب كوميدي هيبدع
لو كتب سياسة هيبدع
لو كتب اي حاجة هيشرحها بطريقته ويخليك تضحك لحد الصبح

محمد عطية
فبراير 2013

[ياسمين Thabet · Rating 5 out of 5]

قراءة الكتاب ده تشبه عصير منعش في صباح حار جدا
لا يأخذ وقت طويل منك وفي نفس الوقت تشعر بالأسف حين ينتهى وتبقى عاوز
واحد كمالة :)

استمتعت بالكتاب جدا وبمقالاته
ذكاء المقدمة
وابداع تصميم الغلاف
والكلمات المأثورة في البداية وكونها محطوطة في البداية تشد القارئ جدا خصوصا لما يلاقي نفسه خلص نص الكتاب فيقرا المقالات اللي في الاخر عشان يخلص الكتاب
حسيت ان الكاتب فريندز ظريف عندي على الفيس بوك احب ادخل بروفايله عشان انتعش
تواضعه وخفة دمه الكبيرة اذهلتني

مما اعجبني في الكتاب:

ليس بالضرورة كوني مع ثورة الشعب أن اكون دائما مع شعب الثورة

****
مع قرب نهاية العالم قرب ماتنساش تخفيض في كل مكان فيه منه قسط وكاش وكله عليه الخصم إلا انت ياللي في مصر مش عارفين لسه خصمك كام
علشان في الاصل
شعرك لسة ببلاش!!
*****
اه منك ياام عيون عسلي وطرحة موف عملتلي لنفسك tag في قلبي الرهيوف
بعدين خلعتي بدري بدري
وسيبي قلبي يبكي يبكي
هو انت مش عارفة انه قلبي يا قلبي
مخلوق بــ add
من غير ريموف
من روائع الشعر المعفن!!!
******
ككاتب ساخر يسعى للشهرة ويطلب الانتشار قررت اعمل زي عمر طاهر مش هو بينزل مقالاته مع صورته انا كمان حنزل مقالاتي مع صورته!!!
******
المقالات اللي عجبتني:

بتاعة حمدين
وعفت احلى شفايف
بس انا كسفير انبسطت بتاعة كوهين والريس مسخرة والله
ومقالة انواع الستاتيوس على الفيس بوك خليتني اكتشف ان اللي بيحرق دم الكاتب هو نفسه اللي بيحرق دمي

باشكرك جدا خالد بيومي على امتاعي بهذا الكتاب

[Sameh Ebrahim · Rating 4 out of 5]

كتاب ساخر ودمه خفيف جدا
وانت بتقراه هتضحك ويخرجك من اي حالة ضيق او زعل وهتقدر تخلصه في قعدة واحدة
عجبني من الكتاب ثورة التكاتيك & من مذكراتي أيام ازمة البنزين&أنا وفوزي والدونلووودر&175 قرش
وعجبني بعض الاقتباسات زي :


image hosting 15mb





img hosting




image




upload a gif




free image hosting




upload pictures




photo storage




free upload pictures




image hosting over 2mb




image hosting over 2mb




free image upload




image free hosting




screen shot




post images





image upload no registration




click image upload

[Nashwa Elsherbiny · Rating 5 out of 5]

Nashwa Elsherbiny
اول مرة من زماااااااان ماسيبش كتاب من ايدي لحد ما اخلصه ... احساس رائع ... مع انه يا خسارة خلص بسرعه قوي .... لا وايه ... مت م الضحك لحد ما عيني دمعت .. و دا برضه ماحصلش من زمااااااان قوي ... مع الكتب بالذات ...لدرجة اني ماقدرتش اسيبه من ايدي و قريت فيه وانا باتعشي .. وباضحك ...و دا برضه محصلش من زمان قوووووووي ... اني اقرا وانا باكل ....لا وايه بنتي ذات السبعة اعوام اول مرة تشوف المنظر ده وكانت مصممه اقرأ لها اللي بيضحكني ...
الله بعمر بيتك ومخك ... رجعتني لاحاسيس كنت نسيتها ... اني اغرق في كتاب ...و استمتع بيه و ما اسيبوش لحد اخر حرف ...
عن واحد كمالة اتحدث ...
ان شىاء الله مستقبلك باهر ... بفرض ان الناس هتسيب الفيس و تويتر ويرجعوا تاني للقراءة...
شكرا انك رجعتلي تاني اجمل احساس في الوجود بعد الامومه ... الاستمتاع والاستغراق في كتاب ....
اشكرك من كل قلبي ...
ملحوسة :
مش عارفه هتعجبك وللا لأ...
اثناء قرائتي لكتابك اكتشفت ان كتييييييير جدا من كلامك المكتوب قريته علي الفيس في status بيدجات وافراد من غير ما يقولوا انك المؤلف او صاحب الكلام او حتي يقولوا " منقول "...

[Ghada · Rating 4 out of 5]

عامةً مليش في فن كتابة الريفيوهات :D
ولما بقرر أكتب ريفيو بيبقى نوع من أنواع التخنيق ع اللي هيفكر يقراه :D
بس لولا إن الكاتب حلف :P

بداية معرفتي بالكاتب كانت صدفة بحتة ع الفيس بوك من فترة طويلة مش فاكرة أد إيه وكان البوست مقال موجود في الكتاب ألا وهو "175 قرش" وفاكرة إني يومها اتفصلت ضحك =)) واستغربت اسم البيدج جدًا .. إيه "فانلة داخلية تتسع لعدة أشخاص" دي ؟؟
وتشاء الأقدار إني أقرا الكتاب بقا

الكتاب رائع ^_^
فعلًا عجبني جدًا
قادر على تغيير مودك لو متعكر :) .. ولو مبسوط هيكيفك :D

الكاتب من نوعية الناس اللي فعلًا دمها خفيف مش بتستخف دمها
وشتان ما بين الاثنين
ودي أهم حاجة مطلوبة للنوعية دي من الأدب "الساخر"

عجبتني "ثورة التكاتيك" وأول مرة أعرف إن اسمها "تكاتيك" :D
شكلي كنت شغالة سواقة توك توك وأنا معرفش :D
وعجبتني كمان مقالة "الجنيه أبو شفايف"

عامةً أنا نادرًا لما بقرأ حاجة وتضحكني بصوت .. ممكن أبقى عارفة إنها بتضحك وأضحك لجوة أو لو بتضحك بجد بقا أبتسم
الكتاب ده فيه شوية حاجات ضحكتني فعلًا وبصوت :D
وفيه بعض الحاجات اللي كانت عادية بردو ^^

بالتوفيق.. وإن شاء الله أدور ع الكتابين التانيين وأقراهم

[Kareman Mohammad · Rating 3 out of 5]

اول مرة حاجة تضحكني من زمااااان كده مش ممكن كتاب يموت من الضحك وتوقيته صح في حاله الكآبة اللي البلد فيها , البداية مأثورات خفيفة والاجمل المواقف اللي بعد كده خصوصا التوكتوك والداونلود وحوار حمدين
مما أعجبني ....

• أول ما شفت ابو علاء في السجن قلت القانون بياخد مجراه ,, واول ما شفت ام ايمن في الدستور قلت القانون بياخد ترامادول
• قالوا لنا القضاء في مصر مستقل بس مقالولناش عن مين !
• الناس نوعان ... تعساء , وسعداء يجيدون اخفاء تعاستهم !
• المُفجع أن رجل الدين الممارس للسياسة في بلادنا وإن ضلل وكذب فسيظل له اتباع ومؤيدون اكثر حتي من الساسة الصادقين !

[Amira Mahmoud · Rating 3 out of 5]

كتاب جميل جداً ودمه خفيف :)
روح الكاتب حلوة وأسلوبه قريب من القلب تحس أنك بتتكلم مع واحد صاحبك أى والله ^_^

[Ramy · Rating 3 out of 5]

ليه 3 من 5 ؟
نجمة ضاعت عشان استظرافه السياسى و رأيه السياسى - الخاص طبعا و اللى هو حر فيه تماما و اللى انا بحترمه جدا و لكن غير مجبر بالمرة اتفق معاه فيه - اللى اثبتت اخر 3 سنين خطاؤه

و نجمة ضاعت عشان الاستاذ معملش كتابين و افلس فكريا ف يقوم يعمل ايه ؟
كتاب ثالث اخير فيه بقايا الستاتيوس باتعته على الفيس بوك و يكمل الكتاب ب مقالات من كتابيه السابقين
طب ليه يا حبيبى ؟
ليه يا بابا ؟
ما تسيب المقالات فى مكانها
دا انيس منصور معملهاش الا ف اخر 40 سنة من الكتابة و الابداع
بتعملها انت بعد الكتاب التانى ؟

عموما كتاب ظريف - ب ال 3 نجوم - هتضحك لك شوية قبل الفطار دا على الاجزاء اللى اول مرة هتقراها طبعا - مش المكررة -

الكتاب التالى : ؟

[Marwa · Rating 5 out of 5]

واحد كماله !!
اقول ايه و اعيد ايه و اوصف ازاى انا واحد كماله ؟!! ^_^
دا كفاية ان بيومى نجم الجيل هو الى كاتبة يعنى xD
كتاب مسخرررررررررررررررة السنييييييييييييييييييين
كفاية انه ملئ بما لذ و طاب من الاستاتيوهات الصالحة للسرقة و التشيير عالفيس بوك
و طبعآ هسرقها و مكتبش اسمه عليه عشان هو بيمووووووووت فى الحركة دى xP
و من مميزات الكتاب كمان انه pdf
يعنى بدل ما نغرم 10 جندى فى الكتاب نجيب بيهم كارت شحن نحب بيه أحسن xD
لا بس ريلى الكتاااااااااااااااب حلوووووووو جدآآآآآآ
و هو دا العادى من بنك مصر
احم قصدى من خالد بيومى xD

[Mostafa Mahmoud ahmed · Rating 5 out of 5]

كتاب من نوعيه الكتب اللى تمسكها تقول والله ما انا عاتقك الا لما اخلص قرايتك ... ممتع جدا خفيف على القلب جدا ... اتضح لي ان غاده عبد الرازق مصدر من مصادر الالهام لواحد من البشر ومكنتش عمرى اتخيل كده ههههه

لا فعلا جميل جدا .. وجامد جدا ... وعشان مبقاش بانافق الجمل المأثوره فيها حاجات مش قد كده بسسسسس هلكتنى ضحك يا خلود بجد

[Ahmad Hamdy · Rating 3 out of 5]

خلصته فى اقل من ساعة
معظمه قريته على الفيس
بيعجبني اسلوبه الساخر من نوع هم يضحك وهم يبكى
حاجة تهمك بقى او موقف بسيط او حوارت الى على الفيس
حاجات بتشوفها فى الشارع مش منفصل عن الواقع بيكتب الى بنعيشه

[Wael Yassin · Rating 5 out of 5]

الصراحة يا أستاذ خالد انا مشفتش أمتع من كده، أشكرك و أهنئك على روح الدعابة اللي ربنا وهبها لك. و متيأسش ان شاء الله ربنا هيبا كلك في ألبانز بتوعه. ههههههه

[Eman Dahma · Rating 4 out of 5]

من اللي عجبني في الكتاب :

هناك ثورات تأتي نتائجها بتوفيق الله وهناك ثورات تأتي نتائجها بتوفيق عكاشة

الانتخابات في بلادي هي
أن تصوت لأكثر الكاذبين صدقا

بتلاقيها كاتبة ع الفيسبوك اللهم ارزقني عريسا يأخذني للجنة ويؤمني فى الصلاة ونختم سويا القرآن ونقوم الليل ونصوم اثنين وخميس وسبحان الله يا شيخ أول ما ييجي العريس تقوم مطلعة أيمانات أمه

الحمد لله الثورة عدت مرحلة الخطر
ودخلت مرحلة الوداع

هل تعلم ان البنت المصرية قد تفقد جزءا من أنوثتها إذا محطتش 15 قلب جنب أي ستاتس أو كومنت حتي لو كان

تعبت ♥ ونفسي ♥ أنتحر ..
أو
أبويا ♥ طلق ♥ أمي ♥ أول ♥ امبارح .

الله يخربيت اللي قال علي الفيس بوك وتويتر مواقع تواصل اجتماعي !
هوا فين التواصل ده ؟ ؟ ؟ ؟ ؟ ؟
أنا من ساعة ما دخلتها وأنا معدتش بشوف حد !

نسيت طعم الفرحة ..
وخايف لو جتني مرة واحدة ..
أموت من الفرحة ..

كان وحيدا فتزوج..
عندها ..
صار أكثر وحدة ..

زمان كانت الشبكة بسيطة ورقيقة فكان معناها " بحبك يا قلبي "
إنما دلوقتي بقت مرهقة وغالية فبقي معناها " آااااه يا قلبي "

فى بلد لا يُحتمل ، لشعب لا يُحتمل ، وفي ظروف لا تُحتمل ، يظل الشيء الوحيد المحتمل فيها هو " المرشح المحتمل " ، فإن فاز بالرئاسة أصبح كغيره لا يُحتمل ..

المفجع أن رجل الدين الممارس للسياسة في بلادنا - وإن ضلل وكذب -
فسيظل له أتباع ومؤيدون أكثر حتي من الساسة الصادقين

المضحك أن ملايين ممن يتمنون الخلود لا يجدون ما يفعلونه في أوقات فراغهم ..

[ghada MarȜe · Rating 2 out of 5]

انت اعترفت بنفسك انك قد افلست و عشان كده جمعت شوية كلام من عندك ع كام مقال من الكتابين اللى فاتوا و عملت الكتاب ده
الجزء الاول اقوال بتحاول تبقي مأثورة فى شوية جمل حلوة فيه
الجزء اللى بعده اللى يتضمن اجزاء من الكتب السابقة طلعت منها بحاجة واحدة ان مستوى الكتاب الاول كان افضل من التانى و بما ان الكتاب التالت كان كمالة فلازم تطلع من عباءة الكاتب الساخر و تكتب ف انماط تانية حاجة كده زى كتابات انيس منصور حاجات خفيفة و توصل للناس بسهولة

[ندى محيي الدين · Rating 2 out of 5]

كتاب خفيف جدا
عيبه انه بالعامية و انا لا أحب اللغةالعامية أيا كانت لهجتها
الكاتب دمه خفيف فعلا لكن بعض الاقوال المأثورة لم ترق لي ويعضها أثارت إعجابي الشديد
المقالات التالية تفاوتت في مستواها وأفكارها و نكاتها أيضا
في بعض اللحظات قهقهت بصوت عال
كنت أريد ان أحوّل لك استاذ خالد "رصيد" لكني لم أجد هاتفك! :) طبعا "حالات الفيس" كانت شيئا ملموسا حقا ومضحكا جدا
أتمنى لو أقرأُ للكاتب شيئا أكثر عمقا وبالفصحى
أعتقد أنه سيبدع

[Mǿştǎfǎ Mǎĥmǿùð · Rating 5 out of 5]

Great words

no one can deny that you have your own style which has its different taste and i like it

please continue using your stunning Talent

and let me thank you cause your words managed to put a smile on our faces

and remind us with the meaning of laugh

ENG \ Mǿştǎfǎ MǎĥMǿùð‎‏

[Mohammed Samy · Rating 5 out of 5]

طلبنا الكتاب . جبتلنا الكتاب , قرأنا الكتاب , خلصنا الكتاب . .
مجموعة مقالات روعة مكتوبة بطريقة فريدة ومميزة .
كتاب ممتع ومسلى جدا جدا , ويستحق ان الواحد يكافئ نفسه بقرائته .
شكرا أستاذ خالد على الابداع =)

[Muhammad Nasr · Rating 4 out of 5]

عجبني أوي تقسيم الكتاب صفحات كثير تنفع تتحط استيتاس ع الفيسبوك أو تغريدة على تويتر :D
بعد كدة أجزاء من كتب ثانية للمؤلف
عجبني الهزار اللطيف اللي مش لدرجة السخافة والهرتلة !
مش أخر قراءة للمؤلف إن شاء الله !

[Enas · Rating 5 out of 5]

حلو اوى وواقعى جدا والضحك اللى فيه ابسط ما يقال عنه "ضحك مجروح"لان جيلنا اللى بيتاثر باللى بيحصل على عكس ذوى الجلود السميكه من تماسيح السياسه ممن صرعونا بحديثهم النتن على شاشات التلفزيون وفى الخطابات الرنانه

[Farzat AL Chayah · Rating 2 out of 5]

هو يعني مش كتاب كتاب،هو مقالات ساخرة مجمعه سوياً
لتخلص في حتة ساعة أو ساعة وعشر دقايق ،عشان تغير مزاجك الكئيب شوية،تخليه أكئب !
لا بجد:مقالات ساخرة هزلية تعكس روح بعض أطراف الشارع المصري
ده مش كتاب،ده بس لتنكيش الأسنان بين الكتب!

[Aly Abdalh · Rating 4 out of 5]

ايوه يا عم خااالد انت عاوزنى اقولك الكتاب حلو وانى قولت هقرا فيه حبه قبل ما انام و هوب ببص لقتنى خلصته ... بس كل اللى هقولهولك انى محضرتش المحاضره الاوله بسببه عشان نمت متاخر .... المهم اللى بسطنى اكتر انك خريج هندسه .. اخير لقيت حد يدينى امل انى ممكن ائلف كتاب

[إسراء فكري · Rating 4 out of 5]

كتاب من نوعية الكُتب إللّي تمسكها ؛ متقدرش تسيبها غير لما تخلصها خالص ..
كتاب بسيط جداً جداً ، و يغير مود الواحد و يخليه منشكح كدة ^_^
الكتابين التانيين هقرأهم لأن بجد أسلوب " خالد بيومي "
حلو أوي .
ربنا يوفق حضرتك :))

[Fatma Ibrahim · Rating 3 out of 5]

من الكتب اللي تقراها ف قعدة .. وتنبسط بيها جدااا
:)))

[I Read · Rating 5 out of 5]

فعلا كلامه خفيف و اسلوبه خاص بيه لوحده
تحس انه بيقلش في كل حاجة كاتبها بس انت مستمتع
كمان بيجيب افكار غريبة يقولها بطريقته و انت معكلش غير انك تضحك
كتاب ممتع

[Anne]

thanks my friend who recommended this book to me, this big smile is for you.

[Sally El Sawaf · Rating 5 out of 5]

ضحكني جدااااااااااااا وده كنت محتاجاه جدا الفترة دي اني اضحك :)
ربنا يفرحك
^_^

[Somaia Husain · Rating 5 out of 5]

:D