Вольнеры. Прадвесце

by Валеры Гапееў

Тое, што ты лічыш дробяззю, раптам можа перавярнуць твой свет. І асабліва тады, калі ты гэтую быццам дробязь губляеш… Перад вамі — самае беларускае з нешматлікіх беларускіх фэнтэзі: і ў чалавечым свеце, і ў іншасвеце дзейнічаюць тутэйшыя стварэнні, багі і духі. Беларуская міфалогія аказалася багатай і разнастайнай на герояў, а ўладкаваны іншасвет займеў сваё месца. Сама дзея рамана адбываецца ў Мінску і вакол яго, і пераход у іншасвет знайсці не складана… Трое сяброў — і мноства дарог і варыянтаў рэальнасці. Шлях, які выпадае на долю старшакласнікаў з мінскай школы, пачнецца з жадання ўладкаваць свае справы, а закончыцца выбарам падарожжа за гранню, напоўненага прыгодамі, выпрабаваннямі і таямніцамі. Зрэшты, чытайце і паспрабуйце разам з героямі адказаць на актуальныя пытанні. Чым ты гатовы ахвяраваць, каб вярнуць свет, які скаціўся ў бездань? Ці можна ахвяраваць шчасцем або жыццём аднаго дзеля шчасця мільёнаў? Кім трэба быць, каб стаць вольнерам — тым, хто па сваёй волі кіруецца ў шлях дзеля шчасця іншых? І варта помніць, што памыліцца не страшна — страшна не скончыць абранае падарожжа, якое, што важна, з’явіцца толькі тады, калі ты прымеш свой шлях.

364 pages, Hardcover

Published January 1, 2023

About the author

Беларускі пісьменнік, журналіст.

Reviews

[Leniwa Wenus · Rating 5 out of 5]

Шмаі розных пачуццяў і асацыяцый з’яўлялася падчас чытання Вольнераў. На пачатку гісторыя нагадала His Dark Materials Пулмана. Потым часамі ўяўляўся Гары Потар. А скончылася ўсё ці то Замяціным, ці то Оруэлам.
Як заўсёды, цудоўнае спляценне фальклору з рэальным сучасеым жыццём. Неаднабаковыя персанажы. Цікавая гісторыя.
Аўтар адказвае, што такое Вольнер - такога слова няма, а з’ява ёсць.

[Andrej · Rating 3 out of 5]

Інгрэдыенты:
30% - народны фальклор,
25% - падлеткавая няёмкасьць,
15% - фантазіі,
15% - антыўтопіі,
10% - асабістыя драмы,
10% - сучасны Мінск і рэаліі,
5% - маралізатарства.
Мусіць быць працяг, але працягваць не планую.
Азнаёміўся з новым для сябе беларускім аўтарам, агулам задаволены.

[Aksana · Rating 5 out of 5]

Усім , хто не абыякавы да іншасветаў раю пачытаць. Я ў захапленні глытала старонкі беларускай міфалогіі пад падлеткавыя жарсці і філасоўскія праблемы. Асабліва спадабалася лінія прычынна- следчых сувязяў.

[Palina Yurgenson · Rating 3 out of 5]

Спачатку ты такі: «О, якая цікавая задума! Яшчэ і ў Мінску ўсё!! Клас!!!»
А ў канцы такі: meh :(